I. NAFARROAKO FORU KOMUNITATEA
Beste Xedapenak
36/1998 FORU AGINDUA, otsailaren 16koa, Hezkuntza eta Kultura kontseilariak emana, Tafallako "Ikastola Garcés de los Fayos" Derrigorrezko Bigarren Hezkuntzako ikastetxeari, salbuespen gisa eta behin-behinekotasunez, ireki eta jarduteko baimena ematen diona.
Ikusirik Tafallako "Ikastola Garcés de los Fayos" ikastetxeko titularra ordezkatuz Regino Ayesa Sola jaunak aurkeztuta Derrigorrezko Bigarren Hezkuntza emateko baimena eskatuz ireki den espedientea,
Kontuan hartuz irailaren 16ko 325/1996 Foru Dekretuaren 2. artikuluan ezarritakoa,
Nafarroako irakaskuntza pribatuaren eskola planifikazioaren eremu orokorrean eta Nafarroako Foru Komunitateko Gobernua eta Administrazioa arautzen dituen apirilaren 11ko 23/1983 Foru Legearen 36. artikuluak eman dizkidan ahalmenak kontuan harturik, eta Ikasketak eta Ikastetxeen Antolamendurako Zerbitzuak proposaturik,
AGINDU DUT:
1. Eskolatze beharrak direla eta, salbuespen gisa eta behin-behinekotasunez, baimena ematea Tafallako "Ikastola Garcés de los Fayos" Derrigorrezko Bigarren Hezkuntzako ikastetxeari ireki eta jarduteko, 1997/98 ikasturtean.
2. Hauexek dira ikastetxearen datuak, Hezkuntza eta Kultura Departamentuko Ikastetxeen Erregistroan behin-behinekotasunez inskribatuak izanen direnak:
Ikastetxearen titularra: Cooperativa de Padres Ikastola Garcés de los Fayos.
Izen orokorra: Derrigorrezko Bigarren Hezkuntzako ikastetxea.
Izen berezia: Ikastola Garcés de los Fayos.
Helbidea: La Plana, 1.
Herria: Tafalla.
Udalerria: Tafalla.
Baimendutako irakaskuntzak: Derrigorrezko Bigarren Hezkuntzaren etapari dagozkionak.
Osaketa juridikoa: 4 unitate, 120 ikasle hartzeko tokia dutela.
3. Aurreko idazatian ezarritako ahalmen juridikoak ez du deustan eragotziko irailaren 5eko 153/1994 Foru Dekretuaren 12. eta 13. artikuluetan araututakoa.
4. Baimen hau, 1997/98 ikasturterako bakarrik ematen dena, luzatzen ahalko da urtez urte 2000/2001 ikasturte arte (hots, hezkuntza sistema berria osotara ezartzeko epea), beti ere gaur egungo eskolatze beharrek irauten badute.
5. Baimendutako unitateak Nafarroako Gobernuaren dirulaguntzen eta hitzarmenen erregimenean sartzea bidezkoa dela deklaratzea, horretarako dagoen legerian ezarritako moduan.
6. Ebazpen honen kontra interesatuek helegite arrunta paratzen ahalko dute Nafarroako Gobernuan, honako hau jakinarazi eta hilabeteko epean.
7. Foru Agindu hau Nafarroako ALDIZKARI OFIZIALean argitara dadin agintzea.
8. Foru Agindu hau igortzea ikastetxe interesatuari, Zerbitzuak Ikuskatzeko eta Ikuskapen Teknikorako Zerbitzura, Ikasketa eta Ikastetxeen Antolamendurako Zerbitzura, Itun, Dirulaguntza eta Beka Atalera, Ikastetxe Atalera, Ikasketak Antolatzeko Atalera, Eskolatze eta Hezkuntza Estatistikaren Bulegora eta Ikastetxeak Baimendu eta Erregistratzeko Bulegora, behar bezalako ondorioak izan ditzan.
Iruñean, mila bederatziehun eta lauretan hogeita hemezortziko otsailaren hamaseian.-Hezkuntza eta Kultura kontseilaria, Jesús Javier Marcotegui Ros.
Iragarkiaren kodea: A9891500
