154. ALDIZKARIA - 1998ko abenduaren 25a

I. NAFARROAKO FORU KOMUNITATEA

Beste Xedapenak

425/1998 FORU AGINDUA, azaroaren 16koa, Hezkuntza eta Kultura kontseilariak emana, Garesko "Seminario Padres Reparadores" Bigarren Hezkuntzako ikastetxe pribatuak, Hezkuntza Sistemaren Antolamendu Orokorrari buruzko Legean ezarritako Batxilergoaren "Natur eta Osasun Zientziak" eta "Giza eta Gizarte Zientziak" modalitateetan, izanen duen osaketa juridikoa ezartzen duena.

1998/1999 ikasturtetik aurrera Nafarroako Foru Komunitatearen esparruan ikasleen sarrera, onarpena eta matrikulazioa egiteko jarraibideak eta Batxilergoa eman asmo duten ikastetxeen funtzionamendurako pedagogi antolakuntzako irizpideak eman dituen otsailaren 17ko 44/1998 Foru Aginduko Xedapen Iragankorrean xedatu dena betez (Nafarroako ALDIZKARI OFIZIAL, martxoaren 16koa), Juan María López San Román Laño jaunak, Garesko "Seminario Padres Reparadores" Bigarren Hezkuntzako ikastetxearen titularraren izenean, Batxilergoko aldiari dagokion osaketa juridikoa finkatzeko eskatu du "Natur eta Osasun Zientziak" eta "Giza eta Gizarte Zientziak" modalitateetan; ikastetxeak ikasgai horiek irakasteko ahalmena du Hezkuntza Sistemaren Antolamendu Orokorrari buruzko Legearen Xedapen Iragankorretarik Zortzigarrenean ezarritakoa dela bide, Batxilergoko ikastetxe homologatua baitzen aipaturiko Legea indarrean jarri zenean.

Kontuan hartu da 1994ko otsailaren 28ko Aginduak (Estatuko Aldizkari Ofiziala, martxoaren 5ekoa) bigarren ataleko c) letran eta hamaikagarren, hamabigarren eta hamahairugarren ataletan ezarri duena, Eliza Katolikoaren elizbarruti edo erlijioso-ordenen Apaizgaitegi Txikiei ikastetxe pribatu gisa aritzeko baimena emateari buruz.

Uztailaren 6ko 251/1992 Foru Dekretuak (Nafarroako ALDIZKARI OFIZIAL, abuztuaren 3koa) Nafarroako Foru Komunitatean unibertsitatez kanpoko araubide orokorreko irakaskuntzan aritu nahi duten ikastetxe pribatuei baimena emateko prozedura ezarri du. Dekretu horren 19. artikuluan ezarritakoa dela bide, eta Ikasketa eta Ikastetxeen Zerbitzuak proposaturik, ondokoa

AGINDU DUT:

1.-Hezkuntza Sistemaren Antolamendu Orokorrari buruzko Legean finkatutako Batxilergoaren "Natur eta Osasun Zientziak" eta "Giza eta Gizarte Zientziak" modalitateetan, Garesko "Seminario Padres Reparadores" Bigarren Hezkuntzako ikastetxeak izanen duen osaketa juridikoa zehaztea, Foru Agindu honen 2. idazatian adierazten den bezala.

2.-Ikastetxearen datuak, Hezkuntza eta Kultura Departamenduko Ikastetxeen Erregistroan jasoko direnak, ondokoak dira:

Izen Orokorra: Bigarren Hezkuntzako ikastetxea.

Izen Berezia: "Seminario Padres Reparadores".

Helbidea: Crucifijo kalea, 1.

Herria: Gares

Udalerria: Gares

Titularra: Jesusen Bihotzaren Apaizen Kongregazioa.

Baimendutako irakaskuntza: Derrigorrezko Bigarren Hezkuntza eta Batxilergoa "Giza eta Gizarte Zientziak" eta "Natur eta Osasun Zientziak" modalitateetan.

Osaketa juridikoa:

-Derrigorrezko Bigarren Hezkuntza: 4 unitate, gehien jota 120 ikasle.

-Batxilergoa: 2 unitate, gehien jota 70 ikasle.

3.-Ikastetxearen gehieneko kapazitatea, hau da, Foru Agindu honetako 2. ataleko gehieneko kopurua, irailaren 5eko 153/1994 Foru Dekretuko 12., 13. eta 14. artikuluetan ezarritakoaren kalterik gabe ezarri da (Nafarroako ALDIZKARI OFIZIAL, irailaren 9koa). Foru Dekretu horren bidez, Hezkuntza Sistemaren Antolamendu Orokorrari buruzko Legean dauden irakaskuntzak Nafarroako Foru Komunitatearen esparruan aplikatzeko egutegia onetsi zen.

4.-Batxilergoa arian-arian ezarriko denez, 1998/99 ikasturtean ikastetxean Batxilergoko lehenengo maila egongo da, eta 1999/2000 ikasturtean bigarren maila.

5.-Ikastetxeak, bere itxuraketan Foru Agindu honetako 2. atalean jaso diren datuak aldarazi nahi baditu, egoki den baimena eskatu beharko du, uztailaren 6ko 251/1992 Foru Dekretuan ezarritakoaren arabera (Nafarroako ALDIZKARI OFIZIAL, abuztuaren 3koa).

6.-Ikastetxeak duen baimena ezeztatu ahal izanen da aurreko ataleko Foru Dekretuko laugarren tituluan aurreikusi diren balizko kasuetan.

7.-Ebazpen honen aurka errekurtso arrunta aurkeztu ahal da Nafarroako Gobernuari zuzendua, hilabeteko epean, ebazpena jakinarazten den egunetik hasita edo, hala denean, argitaratzen den egunetik hasita.

8.-Foru Agindu hau Nafarroako ALDIZKARI OFIZIALean argitaratuko da.

9.-Foru Agindu hau ikastetxe interesatuari, Zerbitzuak Ikuskatzeko eta Ikuskapen Teknikorako Zerbitzuari, Ikasketa eta Ikastetxeen Antolamendurako Zerbitzuari, Itun, Dirulaguntza eta Beka Atalari, Ikastetxeak eta Ikastetxeen Antolamendurako Atalari, Eskolatze eta Hezkuntza Estatistikaren Bulegoari eta Ikastetxeak Baimendu eta Erregistratzeko Bulegoari jakinaraziko zaie, egoki diren ondoreak izan ditzan.

Iruñean, mila bederatziehun eta laurogeita hamazortziko azaroaren hamaseian.-Hezkuntza eta Kultura kontseilaria, Jesús Javier Marcotegui Ros.

Iragarkiaren kodea: A9810672