154. ALDIZKARIA - 1998ko abenduaren 25a

I. NAFARROAKO FORU KOMUNITATEA

Beste Xedapenak

369/1998 FORU AGINDUA, urriaren 7koa, Hezkuntza eta Kultura kontseilariak emana, Iruñeko "San Ignacio" Bigarren Hezkuntzako ikastetxe pribatuak, Hezkuntza Sistemaren Antolamendu Orokorrari buruzko Legean ezarritako Batxilergoaren "Natur eta Osasun Zientziak" eta "Giza eta Gizarte Zientziak" modalitateetan, izanen duen osaketa juridikoa ezartzen duena.

1998/1999 ikasturtetik aurrera Nafarroako Foru Komunitatearen esparruan ikasleen sarrera, onarpena eta matrikulazioa egiteko jarraibideak eta Batxilergoa eman asmo duten ikastetxeen funtzionamendurako pedagogi antolakuntzako irizpideak eman dituen otsailaren 17ko 44/1998 Foru Aginduko Xedapen Iragankorrean xedatu dena betez (Nafarroako ALDIZKARI OFIZIALa, martxoaren 16koa), Angel Ortiz de Urbina Basabe jaunak, Iruñeko "San Ignacio" Bigarren Hezkuntzako ikastetxearen titularraren izenean, Batxilergoko aldiari dagokion osaketa juridikoa finkatzeko eskatu du "Natur eta Osasun Zientziak" eta "Giza eta Gizarte Zientziak" modalitateetan; ikastetxeak ikasgai horiek irakasteko ahalmena du Hezkuntza Sistemaren Antolamendu Orokorrari buruzko Legearen Xedapen Iragankorretarik Zortzigarrenean ezarritakoa dela bide, Batxilergoko ikastetxe homologatua baitzen aipaturiko Legea indarrean jarri zenean.

Ekainaren 14ko 1004/1991 Errege Dekretuak ("E.A.O.", ekainaren 26koa) unibertsitatez kanpoko araubide orokorreko irakaskuntzan ari diren ikastetxeek bete beharreko gutxieneko beharkizunak ezarri ditu. Kontuan hartu da dekretu horren Xedapen Iragankorretarik Hirugarrenaren 3 eta 4. ataletan ezarri dena.

Uztailaren 6ko 251/1992 Foru Dekretuak (Nafarroako ALDIZKARI OFIZIAL, abuztuaren 3koa) Nafarroako Foru Komunitatean unibertsitatez kanpoko araubide orokorreko irakaskuntzan aritu nahi duten ikastetxe pribatuei baimena emateko prozedura ezarri du. Dekretu horren 19. artikuluan ezarritakoa dela bide, eta Ikasketa eta Ikastetxeen Zerbitzuak proposaturik, ondokoa

AGINDU DUT:

1.-Iruñeko "San Ignacio" Bigarren Hezkuntzako ikastetxe pribatuak, Hezkuntza Sistemaren Antolamendu Orokorrari buruzko Legean ezarritako Batxilergoaren "Natur eta Osasun Zientziak" eta "Giza eta Gizarte Zientziak" modalitateetan, izanen duen osaketa juridikoa finkatzea, Foru Agindu honetako 2. atalean zehazten den modua.

2.-Ikastetxearen datuak, Hezkuntza eta Kultura Departamenduko Ikastetxeen Erregistroan jasoko direnak, ondokoak dira:

Izen Orokorra: Bigarren Hezkuntzako ikastetxea.

Izen Berezia: "San Ignacio".

Helbidea: Francisco Bergamín kalea, 32.

Herria: Iruña

Udalerria: Iruña

Titularra: Jesusen Lagundia.

Baimendutako irakaskuntza: Derrigorrezko Bigarren Hezkuntza eta Batxilergoa "Giza eta Gizarte Zientziak" eta "Natur eta Osasun Zientziak" modalitateetan.

Eraketa juridikoa:

-Derrigorrezko Bigarren Hezkuntza: 16 unitate, gehien jota 480 ikasle.

-Batxilergoko "Giza eta Gizarte Zientziak" modalitatea: 2 unitate, gehien jota 70 ikasle.

-Batxilergoko "Natur eta Osasun Zientziak" modalitatea: 4 unitate, gehien jota 140 ikasle.

3.-Halaber, eskolaratze-beharrak direla eta, aldi baterako baimena emanen zaio Derrigorrezko Bigarren Hezkuntzan unitate bat gehiago izan dezan. Unitate hori Batxilergoko lehen mailakoa izanen da 1998/99 ikasturtean, eta bigarren mailakoa ere 1999/2000 ikasturtean. Unitate hau izateko baimena 1999/2000 ikasturtearen bukaeran iraungiko da.

4.-Ikastetxearen gehieneko kapazitatea, hau da, Foru Agindu honetako 2. ataleko gehieneko kopurua, irailaren 5eko 153/1994 Foru Dekretuko 12., 13. eta 14. artikuluetan ezarritakoaren kalterik gabe ezarri da (Nafarroako ALDIZKARI OFIZIAL, irailaren 9koa). Foru Dekretu horren bidez, Hezkuntza Sistemaren Antolamendu Orokorrari buruzko Legean dauden irakaskuntzak Nafarroako Foru Komunitatearen esparruan aplikatzeko egutegia onetsi zen.

5.-Batxilergoa arian-arian ezarriko denez, 1998/99 ikasturtean ikastetxean Batxilergoko lehenengo maila egongo da eta, behin-behinean, Unibertsitatera Bideratzeko Ikasturteari dagozkion ikasgaiak eman ahal izanen dira gaur daukan baimenean zehazten den eran; baimena 1999/2000 ikasturtearen hasieran iraungiko da, Batxilergoko 2. maila ezartzen denean.

6.-Ikastetxeak, bere itxuraketan Foru Agindu honetako 2. atalean jaso diren datuak aldarazi nahi baditu, egoki den baimena eskatu beharko du, uztailaren 6ko 251/1992 Foru Dekretuan ezarritakoaren arabera (Nafarroako ALDIZKARI OFIZIAL, abuztuaren 3koa).

7.-Ikastetxeak duen baimena ezeztatu ahal izanen da aurreko ataleko Foru Dekretuko laugarren tituluan aurreikusi diren balizko kasuetan.

8.-Ebazpen honen aurka errekurtso arrunta aurkeztu ahal da Nafarroako Gobernuari zuzendua, hilabeteko epean, ebazpena jakinarazten den egunetik hasita edo, hala denean, argitaratzen den egunetik hasita.

9.-Foru Agindu hau

Nafarroako ALDIZKARI OFIZIALean argitaratuko da.

10.-Foru Agindu hau ikastetxe interesatuari, Zerbitzuak Ikuskatzeko eta Ikuskapen Teknikorako Zerbitzuari, Ikasketa eta Ikastetxeen Antolamendurako Zerbitzuari, Itun, Dirulaguntza eta Beka Atalari, Ikastetxeak eta Ikastetxeen Antolamendurako Atalari, Eskolatze eta Hezkuntza Estatistikaren Bulegoari eta Ikastetxeak Baimendu eta Erregistratzeko Bulegoari jakinaraziko zaie, egoki diren ondoreak izan ditzan.

Iruñean, mila bederatziehun eta laurogeita hamazortziko urriaren zazpian.-Hezkuntza eta Kultura kontseilaria, Jesús Javier Marcotegui Ros. bf normal

Iragarkiaren kodea: A9810574