142. ALDIZKARIA - 1998ko azaroaren 27a

I. NAFARROAKO FORU KOMUNITATEA

Xedapen Orokorrak. Foru Legeak

16/1998 FORU LEGEA, azaroaren 19koa, uztailaren 24ko 144/1987 Foru Dekretu Legegileko IX. Tituluko II. Kapitulua aldatzen duena. Foru Dekretu Legegile horren bidez Nafarroako Foru Komunitateko Administrazioaren eta haren erakunde autonomoen tasa, ordainarazpen parafiskal eta prezioei buruzko Foru Legearen testu artikuluduna onetsi zen

NAFARROAKO GOBERNUKO LEHENDAKARIA NAIZEN HONEK

Aditzera ematen dut Nafarroako Parlamentuak honako hau onetsi duela:

FORU LEGEA, UZTAILAREN 24KO 144/1987 FORU DEKRETU LEGEGILEKO IX. TITULUKO II. KAPITULUA ALDATZEN DUENA. FORU DEKRETU LEGEGILE HORREN BIDEZ NAFARROAKO FORU KOMUNITATEKO ADMINISTRAZIOAREN ETA HAREN ERAKUNDE AUTONOMOEN TASA, ORDAINARAZPEN PARAFISKAL ETA PREZIOEI BURUZKO FORU LEGEAREN TESTU ARTIKULUDUNA ONETSI ZEN

ZIOEN AZALPENA

Europako Elkarteko Kontseiluak 1993ko abenduaren 22an emandako 93/118/EE Zuzentarauak, Kontseiluaren 85/73/EEE Zuzentaraua aldatu du; izan ere, azken hori, 89/662/EEE Zuzentarauaren A eranskinean eta 90/675/EEE Zuzentarauan agertzen diren abere- produktuei albaitariek egin ikuskapen eta kontrolen finantzaketari buruzkoa zen. Bada, 93/118/EE Zuzentarauak ezarri du, estatu elkartekideek finkatu beharko zituztela haragi freskoen eta haztegiko hegaztien haragien osasun ikuskapen eta kontrolengatik eskuratu beharreko tasak, Zuzentarauak berak ezartzen dituen mailen arabera.

Gero, Kontseiluaren 96/43/EE Zuzentarauak berriro aldatu ditu 85/73/EEE eta 90/675/EEE Zuzentarauak, baita 91/496/EEE Zuzentaraua ere.

Aurreko horretan esaten dena oinarritzat hartu eta kontuan harturik Europako Batasuneko arau horren azkeneko helburuak hiru xede oinarrizko dituela:

a) Produktuaren osasungarritasunari dagokionez, kontsumitzaileari osasun babes bateratua bermatzea.

b) Produktuak Europako Batasunean batetik bestera libreki ibiltzea, bai Europako Batasuneko estatu bakoitzeko barne merkatuan salgai jarritako kontsumo nazionalerako produktuei, bai hirugarren estatuetatik heldu direnei antzeko kalitate-bermeak eskatzen zaizkielarik.

c) Merkatuen antolamendu komuneko arauen menpe dauden produktuen lehiakortasunean desorekei itzuri egitea.

Lortu nahi diren helburuak bete daitezen, Europako Batasuneko Zuzentaraua betetzeko lege neurri egokiak hartzeko beharra sortu da, eta, hori guztia, aipatu Zuzentaraua Espainiako lurralde osorako ezarri irizpide homogeneoen arabera aplikatzea helburua duen arau baten bidez. Politika Fiskal eta Finantzarioaren Kontseiluak ezarri ditu irizpide homogeneo horiek Lege Proiektuaren eredu baten bidez.

Horretarako, albaitaritzako ikuskaritza urtarrilaren 29ko 147/1993 Errege Dekretuak, 1993ko martxoaren 13an indarra hartu zuenez geroztik, bateratu dela hartu beharko da kontuan; horren bidez, hain zuzen ere, haragi freskoak ekoiztu eta merkaturatzeko osasun baldintzak ezarri ziren. Errege Dekretu hori otsailaren 23ko 315/1996 Errege Dekretuaren bidez aldatu zen. Halaber, untxi eta ehizi haragien kasuan, uztailaren 8ko 1543/1994 Errege Dekretuaren bidez bateratu zen; izan ere, horrren bidez haragi horien ekoizpen eta merkaturatzeari aplikatu beharreko osasuneko eta osasun poliziako betebeharrak arautu ziren. Hegaztiei dagokienez, urriaren 20ko 2087/1994 Errege Dekretuak, haztegiko hegaztien haragi freskoak ekoiztu eta merkaturatzeko osasun baldintzak ezarri ditu, eta 92/116/EEE Zuzentaraua Estatuko antolamendu juridikoan txertatu du.

Halaber, kontuan hartu behar da, 96/43/EE Zuzentarauak ezartzen duena, hau da: Europako Batasuneko estatuen berezko arautegian ezar daitezkeen murrizketak ezin direla izan aipatu Kontseiluaren 93/118/EEE Zuzentarauko eranskineko I. Kapituluan finkatu tasa-mailen 100eko 55 baino handiagoak.

Hori horrela, Foru Komunitatearen berezko eskumenen arabera, uztailaren 24ko 144/1987 Foru Dekretu Legegilea aldatzen da.

Artikulu bakarra.-Uztailaren 24ko 144/1987 Foru Dekretu Legegileko IX. Tituluko II. Kapituluari beste idazketa bat ematen zaio. Foru Dekretu Legegile horren bidez Nafarroako Foru Komunitateko Administrazioaren eta haren erakunde autonomoen tasa, ordainarazpen parafiskal eta prezioen Foru Legearen testu artikuluduna onetsi zen. Idazketa horrek eduki hau izanen du:

II. KAPITULUA

Abereen eta aberekien osasun ikuskapen eta kontrol ofizialen tasa

124. bis artikulua. 1. Aplikazio eremua.

Foru Komunitateak tasa hauek eskatuko dizkie bere esparruan abereak hil, kanalak zatikatu, haragia bildu edo abereengan eta aberekietan egoten diren gai eta hondakin zenbait kontrolatzen dituzten establezimenduei.

2. Zergagaia.

Tasa hauetako zergagaia Foru Komunitateko Administrazioak gizakien eta abereen osasuna zaintzeko behar diren zerbitzuak ematea da. Zerbitzu horiek abereen, gizakien kontsumorako haragi freskoen eta bestelako aberekien osasun ikuskapen eta kontrolen bidez emanen dira. Kasuan kasuko zerbitzuko fakultatiboek eginen dituzte, bai abereak hil, zatikatu eta hozkailuetan biltzeko lokal edo establezimenduetan, Foru Komunitatean badaude, bai horretarako gaiturik dauden zentroetan, gainerako kontrol eta analisien bidez.

Tributuaren ordainarazpenaren ondorioetarako, zergagaiaren barnean sartzen diren osasun ikuskapen eta kontrolerako jarduerak honela sailkatzen dira:

a) Hil aurreko osasun ikuskapen eta kontrolak, behi, zerri, ardi eta ahuntz, bestelako belarjale, untxi eta lumadun eta iledun ehizi xehe, eta zaldi/ekidoen aziendaren eta haztegiko hegaztien haragi freskoak lortzeko.

b) Haragi fresko horiek lortzeko hildako abereen hil ondorengo osasun ikuskapen eta kontrolak.

c) Establezimenduan eginiko eragiketen agirien bidezko kontrola.

d) Gizakien kontsumorako kanalen, erraien eta barrenkien kontrol eta zigilaketa eta zatikatzeko geletan lorturiko piezen xakiketa eta markaketa.

e) Gizakien kontsumorako diren haragi freskoak biltzeko eragiketak kontrolatzea, hala ezartzen den unetik beretik hasita, azkeneko kontsumitzaileentzako saltokietan kopuru txikitan egindakoei dagozkienak izan ezik.

f) Abereengan eta aberekietan zenbait gai eta hondakin kontrolatzea, indarra duen arautegiak aurreikusiriko moduan.

3. Subjektu pasiboak.

Tasaren subjektu pasiboak dira, zergadun diren aldetik, zerbitzua ematea eskatu dutenak, edo hil, zatikatu, bildu edo kontrolatzeko eragiketak norentzat egiten diren, bada pertsona horiek.

4. Ordezkoak.

Tributua ordaintzera beharturik daude, zergadunaren ordezko diren aldetik:

4.1. Hildako abereen hil aurreko eta ondorengo osasun ikuskapen eta kontrol ofizialei eta gizakien kontsumorako kanal, errai eta barrenkien zigilaketari dagozkien tasen kasuan, aberea hiltzen deneko edo ikuskapena egiten deneko establezimenduen titularrak.

4.2. Zatikatzeko eragiketen kontrolari dagozkion tasen kasuan:

a) 4.1 idazatian zehaztu pertsona horiek berak, zatikatzeko eragiketak hiltegian berean egiten badira.

b) Nor bere kabuz zatikatzeko eragiketak egiten dituzten establezimenduen titularrak, gainerakoetan.

4.3. Biltzeko eragiketen kontrolari dagozkien tasen kasuan establezimendu horietako titularrak, ezartzen diren unetik beretik.

4.4. Abereengan eta aberekietan egoten diren gai eta hondakinen kontrolari dagozkion tasen kasuan, kontrol eta analisi horiek egiten direneko establezimenduen titularrak.

Interesatuak aberea bizirik beste bati erosi badio, gero hiltzeko, artikulu honetako 2. idazatiko f) letran zehazten den kontzeptuari dagokion tasaren zenbatekoa eskatzen ahalko dio.

5. Tributuaren erantzuleak.

Subsidiarioki tributuaren erantzule izanen dira:

-Jarduerak bertan behera utzi dituzten sozietateen administratzaileak, ordaindu gabeko tasei dagokienez.

-Porrot, lehiaketa, sozietate eta entitate ororen sindiko, kontuhartzaile edo likidatzaileak, baldin eta, axolagabekeriaz edo fede gaiztoz, egoera horiek eman aitzin sortutako zerga betebeharrak oso-osorik betetzeko beharrezkoak diren kudeaketak egin ez badituzte, zerga betebeharrok dagokien subjektu pasiboei egozgarriak badira.

6. Haragi freskoen eta untxi eta ehizi haragien osasun ikuskapen eta kontrolen gaineko tasen tributu-kuota.

6.1. Tributu-kuota zergadunari eskatuko zaio abereak hil, zatiketa-eragiketak eta bilketaren kontrola egiten diren bakoitzean.

Hori hala izanik ere, hil, zatiketa edo bilketa eragiketa guztiak -edo horietako batzuk- batera egiten badira establezimendu berean, jaso beharreko tasaren zenbateko osoa metatutako aldien kuotena izanen da; artikulu honetako 6.3 idazatian aurreikusiriko moduan eginen da.

Hiltegietan buruturiko hiltze-eragiketetan, abere kopuruaren arabera zehaztuko dira kuotak.

Abereak hiltzen direnean, hil aurreko eta ondorengo osasun ikuskapen eta kontrolerako jarduerei, eginiko eragiketen agiri bidezko kontrolari eta kanal, errai eta barrenkien zigilaketari dagozkien tributu-kuotak, behar bezala baimenduriko establezimendu edo instalazioetan hildako abere bakoitzarendako, lauki honetan agertzen diren zenbatekoetan ezartzen dira:

a) Azienda:

Hildako abere

Azienda mota bakoitzeko kuota

(pezetetan)

BEHI-AZIENDA

Larria, kanalean 218 kilotik gora egiten duena 324

Xehea, kanalean 218 kilotik behera egiten duena 180

ZALDI-AZIENDA / EKIDOAK 317

ZERRI-AZIENDA ETA BASURDEAK

Saltzekoa, kanalean 25 kilotik gora egiten duenak 93

Zerrikumeak, kanalean 25 kilotik behera egiten duenak 36

ARDI ETA AHUNTZ-AZIENDA ETA BESTELAKO HAUSNARKARIAK

Kanalean 18 kilotik gora egiten dutenak 36

Kanalean 12 kilotik 18 bitarte egiten dutenak 25

12 kilotik behera egiten dutenak 12

b) Haztegiko hegaztiak, untxiak eta ehizi xehea:

Hildako abere

Azienda mota bakoitzeko kuota

(pezetatan)

Hegazti heldu astunak, untxiak eta lumadun eta iledun ehizi

xehea, kanalean 5 kilotik gora egiten dutenak 2,9

Haztegiko hegazti gazteak, untxiak eta lumadun eta iledun

ehizi xehea, gizentzeko badira, kanalean

2,5 kilotik 5 bitarte egiten dutenak 1,4

Haragitako oilasko eta oiloak eta haztegiko beste hegazti

gazteak, gizentzeko badira, untxiak eta lumadun eta iledun

ehizi xehea, kanalean 2,5 kilotik behera egiten dutenak 0,70

Aurrerako oiloak 0,70

Zatikatu eta biltzeko eragiketetarako, kuota zehaztuko da zatikatu eta bilketa kontrolatzeko eragiketen menpe dagoen tona kopuruaren arabera. Azken horren ondorioetarako, eta zatikatzeko eragiketetarako, erreferentzi puntutzat hartuko da zatikatu aurretik haragiak duen pisu erreala, hezurrak barne.

Zatikatzeko geletan, kanaletatik lortutako piezak etiketatu eta markatzea barne, egindako osasun ikuskapen eta kontrolei dagokien kuota hauxe izanen da: 216 pezeta/tona.

Biltzeko eragiketen kontrol eta ikuskapenari dagokion kuota, 216 pezeta/tona izanen dena, 93/43/EEE Zuzentarauaren Eranskinean aurreikusiriko garapena gertatu delako ezartzen direnetik aurrera eskatuko da.

6.2. Haztegiko hegazti bizidunen osasun ikuspena jatorrizko ustiategian egiten bada, ikuskapen horri dagokion tributu-kuotaren zatia bertan hartuko da eta 6.1 idazatian ezartzen den kuotaren ehuneko 20 eginen du.

6.3. Establezimendu berean hil, zatikatu eta biltzeko hiru eragiketak -edo horietako bi-, bata bestearen ondoren egiten badira, hots, elkarren segidako faseetan, tasak kuota bakarrean sortuko dira, honelaxe:

a) Hil, zatikatu eta biltzeko eragiketak elkarrekin gertatzen badira, hiltzeko eragiketari dagokion kuota besterik ez da sortuko.

b) Hil eta zatikatzeko edo hil eta biltzeko eragiketak elkarrekin gertatzen badira, hiltzeko eragiketari dagokion kuota besterik ez da sortuko.

c) Zatikatu eta biltzeko eragiketak elkarrekin gertatzen badira, zatikatzeko eragiketari dagokion kuota besterik ez da sortuko.

Arestiko kasuetan, hartu beharreko tasek haietariko eragiketa bakoitzari dagozkion tributu kuoten batura adina eginen dute; hori horrela izanen da, eragiketa guztiak establezimendu berean eginda ere, hala lokalen egoerak nola eragiketa horiek burutzen direneko denborak ez duten biderik ematen ahalmena duten teknikariek haiek guztiak kontrolatzeko, betiere horietariko bat kontrolatzeko eskuarki beharko litzatekeen denbora gainditu gabe.

6.4. Azienda hiltzen diharduten establezimenduen titularrek langile laguntzaileen kostua kentzen ahalko dute. Kostu horrek, gehienez ere, 848 pezeta/t. eginen du, abastuko abereendako, eta 152 pezeta/t. haztegiko hegazti, untxi eta ehizi xehearendako. Horretarako, kenketa hori hildako abelburu bakoitzeko diru-kopuru hauek aplikatuz kontatzen ahalko da:

Laguntzaileek

eraginiko gehieneko

A b e l b u r u a k (kostuak

hildako abelburu

bakoitzeko )

Behi-azienda larria, kanalean 218 kilotik gora egiten dutenak 125

Aratxeak, kanalean 218 kilotik behera egiten dutenak 86

Zerriak eta basurdeak, kanalean 25 kilotik gora

egiten dutenak 36

Zerrikumeak eta basurdeak, kanalean 25 kilotik behera egiten dutenak 10

Arkumeak eta bestelako hausnarkariak, kanalean 12 kilotik behera

egiten dutenak 3,2

Arkumeak eta bestelako hausnarkariak, kanalean 12 kilotik

18 kilotik bitarte egiten dutenak 7,3

Ardi-azienda larria eta bestelako hausnarkariak, kanalean

18 kilotik gora egiten dutenak 9

Antxumeak, kanalean 12 kilotik behera egiten dutenak 3,2

Ahuntz-azienda, kanalean 12 kilotik 18 bitarte egiten dutenak 7,3

Ahuntz-azienda larria, kanalean 18 kilotik gorako egiten duenak 9

Behor-azienda 70

Haztegiko hegaztiak, untxiak eta ehizi xehea 0,25

6.5. Hurrengo kasuetarako gehituko dira 6.1 idazatian adieraziriko kuotak, aipaturiko portzentaietan:

a) Ikuskapenak eta kontrolak arratsaldeko orduetan, ezarririko lanaldia bukatu ondoren, egiten badira: % 10.

b) Ikuskapenak eta kontrolak gaueko orduetan egiten badira: % 20.

c) Ikuskapenak eta kontrolak larunbatetan egiten badira: % 30.

d) Ikuskapenak eta kontrolak igande eta jaiegunetan egiten badira: % 50.

Orduak eta egunak metatzen ahal dira.

Jaieguneko eta gaueko orduak Osasunbidea-Nafarroako Osasun Zerbitzuko langileendako ezarriak direnak dira.

7. Abere bizidunengan eta aberekietan egoten diren gai eta hondakin batzuk kontrolatzeko tasen tributu-kuota.

7.1. Hiltzeko diren abere bizidunengan eta haien haragietan egoten diren gai batzuen osasun kontrolengatik eta hondakin batzuen ikerketengatik -artikulu honetako 6. idazatian aipatu bezala-, arloko osasun erregelamendu teknikoetan aurreikusiriko analisi metodoen arabera eginak: hiltzeko eragiketaren ondoriozko tona bakoitzeko 216 pezeta izanen da kuota, kuoten kitapenari buruzko arauekin bat.

Hartu beharreko tasaren zenbatekoa, abereen hilketaren ondoriozko kanalen batezbesteko pisu nazionalaren gainean ere ezartzen ahalko da, eskala honen arabera:

Abelburu

A b e l b u r u a k bakoitz. kuota

(pezetatan)

Behi-azienda larria, kanalean 218 kilotik gora egiten dutenak 55

Aratxeak, kanalean 218 kilotik behera egiten dutenak 38

Zerriak eta basurdeak, kanalean 25 kilotik gora

egiten dutenak 16

Zerrikumeak eta basurdeak, kanalean 25 kilotik behera

egiten dutenak 4,2

Arkumeak eta bestelako hausnarkariak, kanalean 12 kilotik behera

egiten dutenak 1,4

Arkumeak eta bestelako hausnarkariak, kanalean 12 kilotik 18

bitarte egiten dutenak 3,2

Ardi-azienda larria eta bestelako hausnarkariak, kanalean 18

kilotik gora egiten dutenak 4

Antxumeak, kanalean 12 kilotik behera egiten dutenak 1,4

Ahuntz-azienda, kanalean 12 kilotik 18 bitarte egiten dutenak 3,2

.Ahuntz-azienda larria, kanalean 18 kilotik gorako egiten duenak 4

Behor-azienda 32

Haztegiko hegaztiak, untxiak eta ehizi xehea 0,35

7.2. Akuikulturako produktuetako gai eta hondakin batzuen kontrolagatik, 16 pezetako kuota hartuko da tona bakoitzeko.

7.3. Esneko eta esnekietako gai eta hondakinen ikerketak kuota hau sortuko du, lehengai gisa erabiliriko esne gordinagatik: 3,20 pezeta/1.000 litro.

7.4. Arraulzkietako gai eta hondakin batzuen kontrolagatik 3,20 pezetako kuota hartuko da tona bakoitzeko.

8. Sortzapena.

Ordaindu behar diren tasak abereen eta aberekien osasun ikuskapen eta kontroleko jarduerak egiten direnean sortuko dira, horiek garatzen diren establezimendu edo instalazioetan, aldez aurretik ordaindu beharra deusetan galarazi gabe, osasun kontrola subjektu pasiboak, zordunak edo ordezkoak eskaturik egiten bada.

Establezimendu berean, interesatuak eskaturik, abereak hil, zatikatu eta biltzeko hiru eragiketak -edo horietariko bi- bata bestearen ondoren egiten badira, hots, elkarren segidako faseetan, tasaren kopuru osoa prozesua hastean ezarriko da, denak batuz, kasuan kasuko kuotak noiz sortu ziren kontuan hartu gabe eta 6.3 idazatian aurreikusirikoa deusetan galarazi gabe.

9. Likidazioa eta dirusarrera.

Tasak likidatu eta haren dirusarrera egiteko, subjektu pasibo ordezkoek autolikidazioa egin beharko dute; hain zuzen ere, aurreko hilabete naturalean sortu tasen autolikidazioa, hilabete bakoitzeko lehen hogei egun naturaleko epean eginen da.

10. Tasa jasanaraztea.

Laugarren idazatian aipatzen diren ordezkoek tasak jasanarazi beharko dizkiete 3. idazatian aipaturiko subjektu pasiboei, tasen zenbatekoa fakturan kargatuta.

Ondorioa zerbitzua ematen den egunean gauzatuko da.

11. Erregistroko liburu ofiziala.

Tasak ordaindu behar dituzten establezimenduek egindako eragiketak, sortutako tasak eta egindako likidazioak liburu ofizial batean erregistratu beharko dituzte. Osasun Departamentuak gaitu eta baimenduko du liburu hori. Betebehar hori betetzen ez bada, tributu-zehapenak jarriko dira, ustiategietako titularren jokaerak osasun arloan tipifikatzerakoan zehatz daitezkeenak edozein izanik ere.

12. Beste xedapen batzuk.

1. Tasa ez zaie zuzenean edo zeharka hirugarrenei itzuliko haragiak esportatzen badira.

2. Foru Lege honen ondorioetarako, hildako abelburu bakoitza pezetetan emateko batezbesteko pisuak hauexek dira:

Batazbesteko pisua,

Azienda mota kanalean

(kilogramotan)

Behi-azienda larria, kanalean 218 kilotik gora

egiten dutenak 258,3

Aratxeak, kanalean 218 kilotik behera egiten dutenak 177,3

Zerriak eta basurdeak, kanalean 25 kilotik gora

egiten dutenak 74,5

De lechones y jabalíes de menos de 25 kg. de peso por canal 20

Arkumeak eta bestelako hausnarkariak, kanalean 12 kilotik behera

egiten dutenak 6,7

Arkumeak eta bestelako hausnarkariak, kanalean 12 kilotik 18 bitarte

egiten dutenak 15

Ardi-azienda larria eta bestelako hausnarkariak, kanalean 18

kilotik gora egiten dutenak 18,8

Antxumeak, kanalean 12 kilotik behera egiten dutenak 6,7

Ahuntz-azienda, kanalean 12 kilotik 18 bitarte egiten dutenak 15

Ahuntz-azienda larria, kanalean 18 kilotik gorako egiten duenak 18,8

Behor-azienda 145,9

Haztegiko hegaztiak, untxiak eta ehizi xehea 1,6"

XEDAPEN IRAGANKORRA

Biltzeko eragiketen kontrol eta ikuskapenari dagokion tasa ez da ordaindu behar 96/43/EE Zuzentarauaren Eranskinean aurreikusiriko garapena gertatzen ez den arte.

AZKEN XEDAPENAK

Lehena.-Maila bera edo apalagoa duten xedapen guztiak indarrik gabe uzten dira, Foru Lege honetan ezarririkoari aurka egiten badiote.

Bigarrena.-1. Foru Lege honek Nafarroako ALDIZKARI OFIZIALean argitaratu eta biharamunean hartuko du indarra.

2. Aurreko atalak xedatua gorabehera, Foru Lege honetan aurreikusitako tasen ordainarazpenaren hasiera, Erregelamendu batetan finkatuko da, Foru Lege hau garatzeko onesten den Erregelamenduan finkatu ere, autonomia erkidegoetan eskatzearen korrespondentzian.

Nik, Nafarroako Foru Eraentza Birrezarri eta Hobetzeari buruzko Lege Organikoaren 22. artikuluan xedatutakoa bete dadin, Foru Lege hau B.M. Erregearen izenean aldarrikatzen dut; Nafarroako ALDIZKARI OFIZIALean berehala argitara eta "Estatuko Aldizkari Ofizialera" igor dadila agintzen dut eta hiritar eta agintariei bete eta betearaz dezaten manatzen diet.

Iruñean, mila bederatziehun eta laurogeita hemezortziko azaroaren hemeretzian.-Nafarroako Gobernuko lehendakaria, Miguel Sanz Sesma.

Iragarkiaren kodea: A9810676