II. NAFARROAKO TOKI ADMINISTRAZIOA
I R U Ñ A
Rotxapeako Plan Partzialeko A.1 unitatearen (CACECO) borondatezko birzatiketaren proiektua
Iruñeko Udaleko Alkatetza honek, 1998ko uztailaren 16an, ondoko ebazpena eman du:
"Ikusirik Rotxapeako Plan Partzialeko A.1 unitatearen (Caceco) borondatezko birzatiketaren proiektua, Agropecuaria de Navarra elkarte kooperatibo mugatuak (A.N.S. Coop.) aurkeztua,
Ebatzi dut:
1.-Delako dokumentua hasiera batean onestea.
2.-Espedientea jendaurrean jartzea 15 egunetan, iragarkia Nafarroako ALDIZKARI OFIZIALean argitaratzen denetik aitzina.
3.-Onespen hau behin betikoa bilakatzea, jendaurrean dagoen bitartean inork erreklamaziorik aurkezten ez badu, Lurraldearen Antolamenduari buruzko 169.4 artikuluan xedatutakoari jarraikiz.
4.-Ukituei igortzea eta Nafarroako ALDIZKARI OFIZIALean eta hemengo prentsan argitaratzea.
5.-Onespen hau Rotxapeako Plan Partzialeko A.1 unitatearen (Caceco) mugapenaz tramiterako aurkeztu den aldaketa onesten den heinean baizik ez da baliozkoa izanen".
Argitara ematen da Nafarroako ALDIZKARI OFIZIALean, Administrazio Publikoen Araubide Juridikoari eta Guztiendako Administrazio prozedurari buruz indarra duen Legearen 59.4 artikuluan eta 59.5 artikuluaren a) atalean (azaroaren 26ko 30/1992 Legea) eta aplikatzen ahal den gainerako legerian xedatutakoa betez, izan litezkeen bertze interesatu ezezagunentzat eta, legeak dioen bezala saiatuta ere, jakinarazi ahal izan ez zaienentzat, jakinarazpen balioa izan dezan.
Iruñean, mila bederatziehun eta lauretan hogeita hemezortziko uztailaren hogeita batean. Alkatea, Javier Chourraut Burguete.
Iragarkiaren kodea: A9806953
