I. NAFARROAKO FORU KOMUNITATEA
Agintariak eta Langilegoa
104/1997 EBAZPENA, abuztuaren 1ekoa, Nafarroako Administrazio Publikoaren Institutuko zuzendari kudeatzaileak emana, Foru Komunitateko Administraziokoa den Nafarroako Administrazio Publikoaren Institutuan ari daitezen, Lan eta Antolamenduaren Psikologiaren arloko Praktiketako psikologoentzako hiru lanpostu aldi baterako betetzeko deialdia onesten duena.
Nafarroako Administrazio Publikoaren Institutuko zuzendari kudeatzailearen abuztuaren 1eko 104/1997 Ebazpenaren bitartez, onetsi da Foru Komunitateko Administraziokoa den Nafarroako Administrazio Publikoaren Institutuan ari daitezen, Lan eta Antolamenduaren Psikologiaren arloko Praktiketako psikologoentzako hiru lanpostu aldi baterako betetzeko deialdia, hurrengo oinarri hauen arabera:
1. Foru Komunitateko Administraziokoa den Nafarroako Administrazio Publikoaren Institutuan ari daitezen, Lan eta Antolamenduaren Psikologiaren arloko Praktiketako psikologoentzako hiru lanpostu aldi baterako betetzeko deialdia iragartzen da; eta hori lan eta antolamenduaren arloaren barrenean haien eginkizunetan aritzeko psikologoentzako Praktiketako programa sortu zuen otsailaren 21eko 62/1991 Foru Dekretuan, 1991ko martxoaren 13ko 31. Nafarroako ALDIZKARI OFIZIALean argitaratutakoan, ezarritakoari jarraikiz, haren helburua, bai enpresa publikoan bai pribatuan dauden eskaerei buru eman ahal izateko psikologo graduatu-ondokoei ezagupen espezializatuak eta esperientzia praktikoa ematea delarik.
Lanpostu horiek oposizio-lehiaketaren sistemaren bidez beteko dira aldi baterako.
2. Hautatzen diren izangaiak praktiketan kontratatuko dira, Langileen Estatutuaren Legearen Testu Bategina onesten duen martxoaren 24ko 1/1995 Errege Dekretu Legegilearen 11.1 artikuluan (lan merkatua hobetzeko eta mugagabeko kontratuak sustatzeko neurri premiazkoei buruzko maiatzaren 16ko 8/1997 Errege Dekretu-Legeak ematen duen idazketan) xedatutakoari, eta praktiketako eta ikasteko kontratuak eta aldi bateko kontratuak arautzen dituen abenduaren 29ko 2317/1993 Errege Dekretuan xedatutakoari jarraikiz.
Hilabetero jasoko duten lansari gordina 232.349 pezetakoa izanen da. Ekainean eta abenduan aparteko soldataren hainbanaketa jasoko dute, lan egindako denboraren arabera. Aipatu diru kopuru gordina honako kontzeptu hauen arabera banatzen da: 172.110 pezeta, A taldeko oinarrizko soldata; eta 60.239 pezeta, bateraezintasunagatiko osagarria; guzti hori 1996ko irailaren 4ko 107. Nafarroako ALDIZKARI OFIZIALean argitara eman zen Foru Komunitateko Administrazioaren eta haren erakunde autonomoen zerbitzuko lan-kontratudunentzako Enpresaz gaindiko Lan Hitzarmenaren arabera.
Lansari horiei indarra duen Lan Hitzarmenaren 46.2 artikuluan aurreikusitako % 25eko kenketa egin zaie.
Kontratatuei alta emanen zaie eta afiliatu eginen dira Gizarte Segurantzaren Araubide Orokorrean, eta beraz, haien kontura izanen dira dagozkien kuotak, bai eta PFEZren atxikipena ere, bidezko diren zenbatekoetan.
Gainerako lan baldintzak sinatzen diren kontratuetan zehaztuko dira, Foru Komunitateko Administrazioaren eta haren erakunde autonomoen zerbitzuko lan- kontratudunentzako lehen aipaturiko Lan Hitzarmenean itundutakoari jarraikiz; bai eta behin eta berriz aipatu den otsailaren 21eko 62/1991 Foru Dekretuan aurreikusitakoari jarraikiz ere.
3. Izangaiek honako baldintza hauek bete beharko dituzte:
a) Psikologiako lizentziatu titulu ofizialaren jabe izatea.
b) Espainiar nazionalitatea edukitzea eta adinez nagusia izatea.
c) Eginkizun publikoetan aritzeko ezgaitua ez izatea.
d) Bere eginkizunetan aritzea galaraz diezaiokeen eritasun eta akats fisiko edo psikikorik ez izatea.
e) Martxoaren 24ko 1/1995 Errege Dekretu Legegilearen 11.1 artikuluarekin bat etorriz, Psikologiako lizentziatu titulua eskuratzeko behar diren ikasketak amaituak izatea praktiketako kontratua (besterik ez bada, 1997ko azaroaren 1ean sinatzekoa) egin aitzineko lau urteen barrenean, soldaduska edo horren ordezko gizarte zerbitzuko aldia kenduta.
f) Oro har, praktiketako kontratua egiteko galdatzen diren baldintzak betetzea, bereziki, titulazio beragatik enpresa honetan zein bestetan praktiketako kontratua eduki ez izana.
Arestiko baldintzetarik, a) eta e) ataletakoak agiri bidez frogatu beharko dituzte izangai guztiek eskaera aurkezteko une berean. Gainerakoak horrela adierazten zaien unean frogatuko dituzte hautatuak gertaten diren izangaiek, kontratua gauzatu baino lehen.
Baldintza horiek, e) eta f) ataletakoak salbu, eskaerak aurkezteko epea akitzen den egunean betetzen direla ulertuko da, eta horrela bete beharko dituzte hautabide bitartean eta kontratazioa egiten den arte.
4. Deialdian parte hartu ahal izateko eskabideak Nafarroako Gobernuaren Erregistro Orokorrean aurkeztu beharko dira (Karlos III.a etorbidea, 2, 31002 Iruña) deialdi hau Nafarroako ALDIZKARI OFIZIALean argitara eman eta biharamunetik hasita hogei egun naturaleko epearen barrenean.
Eskabideak deialdi honetan argitara eman eta Nafarroako Gobernuaren Argibide Bulegoan luzatuko den ereduari lotu beharko zaizkio, eta haietan izangaiek eskatzen zaizkien baldintza guztiak betetzen dituztela adierazi beharko dute, eskabideak aurkezteko ezarritako epea akitzen den egunean.
Eskabideari honako dokumentu hauek erantsi beharko zaizkio:
a) Psikologiako lizentziatu titulua, edo hura luzatzeko eskubideak ordaindu izanaren gordekina (administrazioak edo notarioak konpultsatutako kopia).
b) Norberaren Ziurtagiri Akademikoa, behar duen Fakultateak luzatua, ikasketen bukaera-data adieraziko duena (jatorrizko agiria edo administrazioak edo notarioak konpultsatutako kopia).
c) Deialdi honen Eraskinean ezarritako baremoari jarraikiz alegatzen diren merezimendu guztiak frogatzen dituzten agiriak, behar bezala kautotuak (jatorrizko agiriak edo administrazioak edo notarioak konpultsatutako kopiak).
5. Eskaerak aurkezteko epea akiturik, Nafarroako Administrazio Publikoaren Institutuak argitara emanen du Nafarroako Gobernuko iragarki oholean, izangai onartu eta baztertuen zerrenda.
Iragarki horretan paratuko da hautapen frogak hasteko eguna eta tokia. Froga hauek 1997ko irailean bigarren hamabostaldian hasiko dira.
6. Oposizio-lehiaketaren garapena:
6.1. Lehiaketaldia.
6.1.1. Epaimahaiak, eraskineko baremoaren arabera baloratuko ditu izangaiek alegatutako merezimenduak. Izangaiek merezimendu guztiak alegatu eta egiaztatu beharko dituzte agiri bidez, oposizio-lehiaketan parte hartzeko eskabidea aurkezten duten une berean.
6.1.2. Epaimahaiak edozein momentutan argibideak eta bertze xehetasun osagarri batzuk eskatzen ahalko ditu, lehiatzaileek alegatutako merezimenduen gainean.
6.1.3. Epaimahaiak izangai bakoitzaren meritu onartuak zehaztuko ditu, baremoaren atalez atal, eta inoiz ere ez du merezimendurik onartuko lehendik alegatu ez edo agiri bidez frogatu ez baldin bada, eta ezin izanen du atal bakoitzerako ezarritako puntuazioa baino altuagorik eman.
6.1.4. Lehiaketaldiari dagokion puntuaziorik altuena ezingo da 10 puntu baino handiagokoa izan.
6.1.5. Lehiaketaldia akiturik, epaimahaiak argitara emanen du balorazioaren emaitza, izangai bakoitzak ateratako puntuazioa adieraziz.
6.2. Oposizioaldia:
6.2.1. Oposizioaldia honako proba baztergarri hauek osatuko dute, hurrenez hurren:
-Lehen proba: ezagupenei buruzko proba objektiboa eginen da, Psikologiari buruz, orokorrean, eta Lan eta Antolamenduaren Psikologiari buruz. Gehienez ere bi ordu iraunen du.
0tik 20 puntura bitartean baloratuko da.
-Bigarren proba: ariketa psikotekniko sail bat eginen da, lanpostuarekiko egokitzapena zehaztu ahal izateko, eta Nafarroako Administrazio Publikoaren Institutuko Psikologia Aplikatuaren Zerbitzuak prestatu eta baloratuko ditu.
0tik 20 puntura bitartean baloratuko da.
-Hirugarren proba: buruz buruko elkarrizketa, lanpostuarekiko egokitzapenaren gainean.
0tik 5 puntura bitartean baloratuko da, eta ez da baztergarria izanen.
6.2.2. Oposizioko lehen bi probak baztergarriak izanen dira, eta proba bakoitzean bazterturik geldituko dira ariketa bakoitzean eskatzen den puntuazioaren erdia bederen lortzen ez duten izangaiak.
6.2.3. Probak dei bakarraren bidez eginen dira, eta izangaiek Nortasun Agiri Nazionala aldean dutela agertu beharko dute. Bertara agertzen ez diren izangaiak bazterturik geldituko dira.
6.2.4. Hautapen probak egiten diren bitartean, hala eskatzen duten ezinduentzat, eta eskabidean adierazitakoari jarraikiz, ahal diren denbora eta baliabide egokitzapenak ezarriko dira frogak egiteko.
6.3. Azken balorazioa. Azken kalifikazioa bi aldietan ateratako puntuazioen batura izanen da.
7. Epaimahai kalifikatzailea:
7.1. Epaimahai kalifikatzailea ondoko kide hauek osatuko dute:
Mahaiburua: Jesús Ramón Loitegui Aldaz jauna, Nafarroako Administrazio Publikoaren Institutuko zuzendari kudeatzailea.
Ordezkoa: Jesús Menéndez Barrero jauna, Nafarroako Administrazio Publikoaren Institutuko Prestakuntza Zerbitzuko zuzendaria.
Mahaikidea: Ana Fraile Blázquez andrea, Nafarroako Administrazio Publikoaren Institutuko Psikologi Zerbitzuko zuzendaria.
Ordezkoa: Angel Pascual Asura jauna, Nafarroako Administrazio Publikoaren Institutuko Psikologi Zerbitzuko psikologoa.
Mahaikidea: Javier Lafón Larreta jauna, Psikologoen Elkargo Ofizialak hautaturiko ordezkaria.
Ordezkoa: Mª José Lasa Gorráiz andrea, Psikologoen Elkargo Ofizialak hautaturiko ordezkaria.
Mahaikidea: Emilio Garrido Landibar jauna, Nafarroako Unibertsitate Publikoak hautaturiko ordezkaria.
Ordezkoa: Milagros Pollán Rufo andrea, Nafarroako Unibertsitate Publikoak hautaturiko ordezkaria.
Mahaikide idazkaria: Juan Carlos Ganuza Sancho jauna, Nafarroako Administrazio Publikoaren Institutuko Laguntza Juridiko eta Administratiboaren atalburua.
Ordezkoa: Rosa Muro Hermosilla andrea, Nafarroako Administrazio Publikoaren Institutuaren Administrazio Publikoko teknikaria (Adar Juridikoa).
Epaimahaia hautapen probak baino lehen eratu beharko da.
7.2. Epaimahaia ezin izanen da eratu, ezta aritu ere, gutxienez, bere kideen gehiengo absolutorik gabe.
7.3. Epaimahaiak gehiengoz ebatziko ditu deialdi honen oinarrien interpretazio eta aplikazioari buruz sor daitezkeen auzi guztiak.
7.4. Epaimahaiak aholkulari adituak ekartzen ahalko ditu froga guztietarako nahiz batzuetarako. Aholkulari horiek beren espezialitate teknikoetan aritzera mugatuko dira eta horietan bakarrik jardungo dute epaimahaiarekin elkarlanean.
8. Izangai hautatuen zerrenda Nafarroako Gobernuaren iragarki oholean emanen da argitara.
9. Deialdi honek ezarritako arauak aplikatu edo interpretatzeagatik sor daitezkeen zalantza edo gorabeherak epaimahaiak ebatziko ditu.
10. Deialdi honen, haren oinarrien eta haren egintzen aurka helegite arrunta paratzen ahalko da Nafarroako Gobernuan, helegiten den egintza argitaratu edo jakinarazi eta hilabeteko epean. Helegite arrunta ebazten duen Erabakiaren aurka administrazioarekiko helegitea bidezko izanen da Nafarroako Auzitegi Nagusiaren aitzinean, horretarako bi hilabete daudelarik.
Iruñean, mila bederatziehun eta laurogeita hamazazpiko abuztuaren batean.-Nafarroako Administrazio Publikoaren Institutuko zuzendari kudeatzailea, Ramón Loitegui Aldaz.
I. ERASKINA
Eskabide eredua
....................... J/A, adinez nagusia,.......... zenbakiko N.A.N.aren jabea, 19......(e)ko ..............aren ......(e)an .....................(e)n (.............) jaioa, eta helbidea ...............(e)n (.............) ............ kalean, .... zenbakian, ..... solairuan duena, .......... posta kodea, .............. telefonoa.
Agertzen da eta azaltzen du:
Foru Komunitateko Administrazioaren Nafarroako Administrazio Publikoaren Institutuan ari daitezen, Lan eta Antolamenduaren Psikologia arloko Praktiketako psikologoentzako hiru lanpostu aldi baterako hornitzeko deialdia onetsi delarik, eta hori 1997ko ..........aren ...(e)ko ...... Nafarroako ALDIZKARI OFIZIALean argitara eman delarik,
Eskatzen diren baldintza guztiak betetzen dituelarik, hurrengo hauek, alegia:
a) Psikologiako lizentziatu titulu ofizialaren jabe izatea, edo hura eskuratzeko eskubideak ordaindu izanaren gordekinarena.
b) Nazionalitatez espainiar eta adinez nagusi izatea.
c) Eginkizun publikoetan aritzeko ezgaitua edo gabetua ez egotea eta Administrazio publiko baten zerbitzutik bereizia ez izatea.
d) Bere eginkizunetan aritzea galarazten dion eritasun nahiz akats fisiko edo psikikorik ez izatea.
e) Martxoaren 24ko 1/1995 Errege Dekretu Legegilearen 11.1 artikuluari jarraikiz, Psikologiako lizentziatu titulua eskuratzeko behar diren ikasketak amaituak izatea praktiketako kontratua (bertzerik ez bada, 1997ko azaroaren 1ean sinatzekoa) egin aitzineko lau urteen barrenean, soldaduska edo horren ordezko gizarte zerbitzuko aldia kenduta.
f) Enpresa berean edo bertze batean titulazio beraren ondorioz praktiketan kontrataturik egon ez izana.
Eskatzen du:
Aipatu deialdian onartua izatea, behar diren hautapen probetan parte hartu ahal izateko, horretarako, galdatutako titulazioa eta norberaren ziurtagiri akademikoa, eta alegaturiko merezimenduen agiri egiaztagarriak aurkezten dituelarik.
Iruñean, 1997ko .................aren ...(e)an.
(Sinadura)
II. ERASKINA
Merezimenduen baremoa
1.-Espediente akademikoa.
a) Lizentziatura ikasketetako ohorezko matrikula edo bikain bakoitzeko (ez dira ikasgai baloragarritzat hartuko Erlijioa, Heziketa Politikoa, Gorputz Hezkuntza eta Hizkuntza): 0,1 puntu.
b) Lizentziatura gradua edo tesina (sari berezia edo bikain badu, 0,25 puntu gehiago): 0,25 puntu.
c) Doktoretza ikastaroak: 0,01 puntu kreditu bakoitzeko. 32 kreditu baloratuko dira gehienez ere.
d) Doktore Gradua: puntu bat (bikain edo "Cum Laudem" badu 0,25 puntu gehiago).
e) Laneko Psikologiako espezialitatea edo horren baliokidea (izena edozein duela ere), unibertsitate bateko espezialitate gisa egiaztatua: 3 puntu.
1. atal honetako puntuazioa ez da 6 puntu baino gehiagokoa izaten ahal.
2.-Bertzelako merezimenduak.
a) Argitaratutako jatorrizko lan zientifikoengatik, eta bilera eta biltzar zientifikoetan Lan eta Antolamenduaren Psikologiari buruz egin ekarpenengatik: gehienez ere 2,5 puntu.
b) Lan eta Antolamenduaren Psikologiarekin zerikusia duten gaiez erakunde publikoek emandako ikastaro edo mintegietan (baloratuak izateko gutxienez 20 ordukoak izan beharko dute) parte hartzeagatik: 1,5 puntu gehienez ere.
2. atal honetako puntuazioa ez da 4 puntu baino gehiagokoa izaten ahal.
Iragarkiaren kodea: A9707111
