II. NAFARROAKO TOKI ADMINISTRAZIOA
B U Ñ U E L
Alkatetzaren delegazioak
Toki Araubideko Oinarriak arautzen dituen apirilaren 2ko 7/1985 Legeak, Nafarroako Toki Administrazioari buruzko uztailaren 2ko 6/1990 Foru Legeak eta Toki Entitateen Antolakuntzari, Funtzionamenduari eta Araubide Juridikoari buruzko Erregelamendua onesten duen azaroaren 28ko 2568/1986 Errege Dekretuak Alkatetzari emandako ahalmenetan oinarriturik.
Dekretatu dut:
1. Alkatetzari dagozkion zenbait alorretako eskumenak, legez inoren esku utz ez daitezkeenak salbu, Buñuelgo Udaleko zinegotzi hauen esku uztea:
Isabel Beltrán Pardo andrea: Kultura, Jaiak eta Gazteria Alorreko zinegotzi delegatua.
Mariano Pérez Malo jauna: Hirigintzako zinegotzi delegatua.
Santiago Mayayo Chueca jauna: Obretako zinegotzi delegatua.
Lucio García Andrés jauna: Industriako zinegotzi delegatua.
Fermín Royo Litago jauna: Nekazaritzako zinegotzi delegatua.
Laura Almingol Pórtoles andrea: Gizarte Ongizateko zinegotzi delegatua.
José Vicente Jacoste Navarro jauna: Hezkuntzako zinegotzi delegatua.
Pablo Lavilla Marcos jauna: Osasuneko zinegotzi delegatua.
Vicente Litago Tabuenca jauna: Kiroleko zinegotzi delegatua.
Javier Serrano Andrés jauna: Ingurugiroko zinegotzi delegatua.
2. Vicente Litago Tabuenca jaunaren esku uztea Kiroleko Udal Kontseiluaren presidentzia.
3. Zinegotzi delegatuek eskurantza hauek izanen dituzte haien arloetan:
a) Beren esku utzitako arlo administratiboetako zerbitzuak eta jarduketak zuzendu, ikuskatu eta bultzatzea, kudeaketaren berri Alkatetzari emanez.
b) Beren eskumeneko helburuak planifikatu eta programatzea aurrekontuaren errealizazio eta integrazioan.
c) Gobernu organoen jarraipide eta erabakiak koordinatu eta zaintzea bere alorrean.
d) Gastatzeko baimena ematea aurrekontuaren mugen barrenean, eta ondoren kontuak ematea.
e) Alkateak legez duen mugaren barrenean kontratatzea, eta espedientea osorik garatzea.
f) Bere alorrean egindako arau-hausteen berri ematea alkateari, zehapen espedientea has dadin.
g) Alkatetzak delegatutako eskurantzak erabiltzeko, alor edo gaika adierazitako ebazpen eta xedapenetarako eskumena haien garapen osoa eta ondoriozko erabakiak ere hartzen dituela ulertuko da.
Alkateak bere esku gordeko ditu ahalmen hauek:
a) Delegatutako eskumenaren kudeantzaren berri izatea, baita delegazioaren ondoriozko egintzen berri ere.
b) Erabaki garrantzitsuak hartu baino lehen, haien berri izatea.
4. Dekretu honen jakinarazpena egin bekie delegazioa hartu duten zinegotziei, eta argitara bedi Dekretua Nafarroako ALDIZKARI OFIZIALean.
5. Delegazio honek indarra hartuko du, jakinarazpenetik hiru egun baliodunen barrenean, hartzaileak uko egiten diola adierazten ez badu.
Buñuelen, mila bederatziehun eta laurogeita hamazazpiko uztailaren hemezortzian. Alkatea, Gonzalo Martínez Mayayo.
Iragarkiaren kodea: A9706788
