I. NAFARROAKO FORU KOMUNITATEA
Herrilanak eta Zerbitzu Publikoak
960152 EBAZPENA, 1996ko abenduaren 17koa, Nafarroako Su-itzaltze eta Salbamendurako Zerbitzurako Partzuergoaren presidenteak emana, ibilgailu arin bat esleitzeko lehiaketa eman gabe uzten dena.
Ikusirik: Partzuergoaren zuzendariaren txostena, 960125 Ebazpena, 1996ko urriaren 23koa, ibilgailu arin bat erosteko baimena ematen duena, eta kontratazio mahaien 1996ko abenduaren 12 eta 19ko aktak.
Ikusirik: Partzuergoaren Estatutuak onetsi zituen Nafarroako Gobernuaren 1990eko abenduaren 20ko Erabakiaren 8. artikulua; 107/1995 Foru Agindua, abuztuaren 3koa, Lehendakaritza kontseilariak emana, Barne zuzendari nagusia Partzuergoaren presidente izendatzea proposatzen duena; Erabakia, 1995ko irailaren 29koa, Barne zuzendari nagusia Partzuergoaren presidente izendatzen duena; 343/1996 Foru Dekretua, irailaren 23koa, Alfredo González Echarren jauna Barne zuzendari nagusi izendatzen duena, eta, Partzuergoaren Zuzendaritza Kontseiluaren Erabakia, 100.000.000 pezetatik beheitiko kontratuak egiteko ahalmena presidentearen baitan uzten duena.
Beraz,
EBATZI DUT:
1. Ibilgailu arin bat esleitzeko lehiaketa eman gabe uztea.
2. Ebazpen hau Zerbitzu Tekniko Administratibora igortzea, ondorio egokiak izan ditzan.
Iruñean, mila bederatziehun eta laurogeita hamazazpiaren urtarrilaren zazpian.-Nafarroako Su-itzaltze eta Salbamendu Zerbitzurako Partzuergoaren presidentea, Alfredo González Echarren.
Iragarkiaren kodea: A9700227
