I. NAFARROAKO FORU KOMUNITATEA
Xedapen Orokorrak. Foru Aginduak
FORU AGINDUA, 1996.eko ekainaren 19koa, Industri, Merkataritza eta Turismo kontseilariak emana, "Asociación Independiente de Taxistas Auto-Patronos de Navarra, (A.I.T.A.N.)" elkarteari, Galar Zendea, Barañain, Atarrabia, Burlata eta Eguesibarko autotaxi ibilgailuetan bidaiariak hirian barna garraiatzeko tarifak onesten dizkiona.
Ikusirik, Galar Zendea, Barañain, Atarrabia, Burlata eta Eguesibarko udaletako osoko bilkuretan harturiko erabakiak, herri horietako auto-taxi ibilgailuetan bidaiariak hirian barna garraiatzeko tarifa berriak proposatzen dituena.
1996.eko ekainaren 12an egindako bilkuran, kontsumitzaile eta erabiltzaileen elkarteen eta Asociación Independiente de Taxistas Autopatronos de Navarra izenekoaren iritziak entzun ondoren, eta Kontsumitzaileen eta Erabiltzaileen Defentsari buruzko uztailaren 19ko 26/1984 Lege Orokorraren 22. artikuluko 2.d atalean eta irailaren 1eko 1080/1989 Errege Dekretuan, Ibilgailu Arinetan Hiri Barneko eta Hiriarteko Garraio Zerbitzuetarako Erregelamendu Nazionalaren zenbait aldaketa onetsi zuenean, xedatutakoa betetzeko asmoz.
Ikusirik Merkataritza eta Kontsumo Zerbitzuak egindako txostena.
Hori horrela, Industri, Merkataritza eta Turismo kontseilariak,
XEDATU DU:
1. A.I.T.A.N. elkarteari Galarko Zendea, Barañain, Atarrabia, Burlata eta Eguesibarko hirian barnako bidaiari garraiorako ondoko tarifak onestea:
Lehenbiziko tarifa: Goizeko 6,00etatik gaueko 23,00ak arte ezartzekoa, lanegunetan.
-Ibilitako kilometro bakoitzeko: 77 pezeta.
-Zain egondako ordu bakoitzeko: 1.950 pezeta.
-Gutxieneko zerbitzua (2,5 km edo 6 min esperoan): 408 pezeta.
Bigarren tarifa: Larunbat eta jaiegunetan eta lanegunetako gaueko zerbitzuetan gaueko 23,00etatik goizeko 6,00ak arte.
-Ibilitako kilometro bakoitzeko: 116 pezeta.
-Zain egondako ordu bakoitzeko: 2.918 pezeta.
-Gutxieneko zerbitzua (2,5 km edo 6 min esperoan): 613 pezeta.
Gehigarriak:
-Ekipai zerbitzua: 55 pezeta.
-RENFE geltokian hasitako zerbitzua (bandera jaistea): 55 pezeta.
2. Aipatu tarifen barne da balio erantsiaren gaineko zerga.
3. Tarifak udalerri horien barrenean egiten diren zerbitzuetan baizik ez dira aplikatuko.
4. Tarifa horiek begibistan egon beharko dute ibilgailuaren ageriko tokian, horrela beteko baita Ibilgailu Arinetan Hiri Barneko eta Hiriarteko Garraio Zerbitzuetarako Erregelamendu Nazionalean zenbait aldaketa onetsi zuen irailaren 1eko 1080/1989 Errege Dekretuan xedatutakoa.
5. Tarifa horiek Nafarroako ALDIZKARI OFIZIALean argitara eman eta biharamunean hartuko dute indarra.
6. Foru Agindu honen berri ematea Galar Zendea, Barañain, Atarrabia, Burlata eta Eguesibarko udalei, Merkataritza eta Kontsumo Zerbitzuari, "Asociación Independiente de Taxistas Auto-Patronos de Navarra" elkarteari eta Nafarroan diren kontsumitzaileen eta erabiltzaileen elkarteei, eta Nafarroako ALDIZKARI OFIZIALean argitara dadin agintzea.
Iruñean, mila bederatziehun eta laurogeita hamabosteko ekainaren hemeretzian.-Industri, Merkataritza eta Turismo kontseilaria, Iñaki Cabasés Hita.
Iragarkiaren kodea: A9605279