I. NAFARROAKO FORU KOMUNITATEA
Herrilanak eta Zerbitzu Publikoak
1483/1996 FORU AGINDUA, maiatzaren 17koa, Herrilan, Garraio eta Komunikazio kontseilariak emana, "NA-6001 errepidetik Cordovillara sartzeko bidea egokitzea" proiektua teknikoki onetsi eta jendaurrean jartzen duena, ukituriko ondasun eta eskubideen zerrendarekin batera.
Bide Zerbitzuak egin duen txostenean "NA-6001 errepidetik Cordovillara sartzeko bidea egokitzea" proiektua aurkeztu du bere onespenerako; proiektu hori egiteko kontrata bidezko aurrekontua 28.981.894 pezetakoa da eta obra horiek Nafarroako Industria Elkartearen, Galar Zendearen eta Nafarroako Gobernuaren artean izenpetutako lankidetza Hitzarmenean sartuta daude.
Proiektuan sartutako obra, funtsean, hau da: errepideko 817 metro egokituko dira; 80 km/h-ko abiadurarako diseinatu da haren trazadura; hasiera, NA-6001 errepidean eginen den T erako gurutzagunea da eta bukaera, Nafarroako Industria Elkartearen instalazioen muga. Zoladuraren egitura-sekzioa, E-2 zelaiunearen gaineko T4 trafikorako proiektatua, hau da: MEC-eko 5 cm, oinarrizko geruzatako zagor artifizialeko 20 cm, eta azpioinarriko geruzatako zagor artifizialeko 20 cm.
Horiek horrela, Bide Zerbitzuak adierazi eta proposaturikoarekin bat etorriz, Nafarroako Foru Komunitatearen Gobernua eta Administrazioa arautzen dituen Foru Legeko 36.2 artikuluak ematen dizkidan ahalmenak erabiliz, eta Nafarroako Foru Eraentza Birrezarri eta Hobetzeari buruzko Lege Organikoaren 57. artikuluan xedatutakoari jarraikiz,
AGINDU DUT:
1. "NA-6001 errepidetik Cordovillara sartzeko bidea egokitzea" proiektua teknikoki onestea. Proiektuaren kontrata bidezko aurrekontua 28.981.894 pezetakoa (% 16ko BEZa barne) da.
2. Proiektu horrek ukitutako ondasun eta eskubideak desjabetzeko prozedurari hasiera ematea.
3. Proiektu hori eta ukitutako ondasun eta eskubideen zerrenda jendaurrean jartzea, 20 lanegunez. Epe horretan pertsona guztiek bidezkotzat jotzen dituzten ohartarazpen eta alegazioak egin ahalko dituzte eta, zerrendan egin diren akatsak zuzentzearren, behar diren datuak idatziz emateko aukera izanen dute. Horretarako interesatuek beren esku izanen dituzte lurzatien planoak, Nafarroako Gobernuko Herrilan, Garraio eta Komunikazio Departamentuko Bide Zerbitzuko Obra Atalean (Tulebrasko monasterioa, 2, solairuartea, 1. bulegoa) eta Iruñeko eta Galar Zendeako udaletxeetan.
4. Foru Agindu hau Nafarroako ALDIZKARI OFIZIALean eta Foru Komunitateko bi egunkaritan argitara ematea.
5. Foru Agindu honen berri ematea Iruñeko eta Galar Zendeako udalei (eta biei lurzatien planoen kopia bidaliko zaie), Departamentuko Idazkaritza Teknikoari (Desjabetzapen Atala) eta Bide Zerbitzuari, behar diren ondorioak izan ditzan.
Iruñean, mila bederatziehun eta lauretan hogeita hamaseiko maiatzaren hamazazpian.-Herrilan, Garraio eta Komunikazio kontseilaria, Luis María Ibero Elía.
UKITUTAKO ONDASUN ETA ESKUBIDEEN BANAKAKO ZERRENDA ZEHAZTUA
Behin-betiko okupazioa
Iruñeko udalerria
01 Paula Moreau
García de Paredes kalea, 48
28010 Madril 11,67 Landal. 4 2524
02 Martín Marticorena
Cordovilla 203,37 Landal. 4 2525
03 Iruñeko herrilurra
Iruñeko Udala
Udaletxe plaza, 1 686,71 Landal. 4 2526
04 Fernando Jiménez Fuentes
Guelbenzu kalea, 7
Cascante 277,99 Landal. 4 2527
05 Ciganda Ferrer Fundazioa
Navas de Tolosa kalea, 23-3.
Iruña 25,27 Landal. 4 2528
Galarko udalerria
06 Rosa Martínez-Campos San Miguel
El Salvador taldea, 22-1. C
Iruña 35,73 Landal. 1 116
07 Anunciación Goñi Irujo
Taxoare 3.150,69 Landal. 1 125
08 José María Martinicorena
Peña y Goñi kalea, 3-2. B
20002 Donostia 2.222,87 Landal. 1 126
09 Lorenzo Aldave Aguinaga
Zaragozako errepidea, 4
Cordovilla 243,68 Landal. 1 227
Iragarkiaren kodea: A9604477