I. NAFARROAKO FORU KOMUNITATEA
Xedapen Orokorrak. Foru Dekretuak
208/1996 FORU DEKRETUA, maiatzaren 13koa, Nafarroako Foru Komunitatean, 1996. urtean Hezkuntza Sistemaren Antolamendu Orokorrari buruzko urriaren 3ko 1/1990 Lege Organikoa eta Hizkuntzen Gaitasun Agiriak arautzen dituen irailaren 2ko 967/1988 Errege Dekretuak ezarritako irakaskuntzen titulu akademikoak eta lanbide-tituluak luzatzeko tarifak finkatzen dituena.
Hezkuntza Sistemaren Antolamendu Orokorrari buruzko urriaren 3ko 1/1990 Lege Organikoa eta Hizkuntzen Gaitasun Agiriak arautzen dituen irailaren 2ko 967/1988 Errege Dekretuak ezarritako irakaskuntzen titulu akademikoak eta lanbide-tituluak luzatzeko tarifak finkatzea Nafarroako Gobernuari dagokio, ondoko hauen arabera: urriaren 3ko 1/1990 Lege Organikoak ezarritako irakaskuntzen titulu akademikoak eta lanbide-tituluak luzatzeari buruzko maiatzaren 5eko 733/1995 Errege Dekretua, eta Nafarroako Foru Komunitateko Administrazioaren eta haren Erakunde Autonomoen Tasa, Ordainarazpen Parafiskal eta Prezioei buruzko Foru Legegearen Testu Artikuluduna onetsi zuen uztailaren 24ko 144/1987 Foru Dekretu Legegilea.
Horrenbestez, Hezkuntza, Kultura, Kirol eta Gazteri kontseilariak proposaturik, Ekonomi eta Ogasun Departamentuaren aldez aurretiko txostena ikusi ondoren eta eta Nafarroako Gobernuak mila bederatziehun eta laurogeita hamaseiko maiatzaren hamahiruan egin bilkuran hartutako Erabakiarekin bat etorriz,
DEKRETATU DUT:
Artikulu bakarra.-1996. urtean Hezkuntza Sistemaren Antolamendu Orokorrari buruzko urriaren 3ko 1/1990 Lege Organikoa eta Hizkuntzen Gaitasun Agiriak arautzen dituen irailaren 2ko 967/1988 Errege Dekretuak ezarritako irakaskuntzen titulu akademikoak eta lanbide-tituluak luzatzeko tarifak finkatzen dira, Foru Dekretu honen eraskinean agertzen den moduan.
AZKEN XEDAPENAK
Lehena.-Ahalmena ematen zaio Hezkuntza, Kultura Kirol eta Gazteri kontseilariari Foru Dekretu honetan xedatutakoa garatu eta aplikatzeko.
Bigarrena.-Foru Dekretu honek Nafarroako ALDIZKARI OFIZIALean argitara eman eta biharamunean hartuko du indarra.
Iruñean, mila bederatziehun eta laurogeita hamaseiko maiatzaren hamahiruan.-Nafarroako Gobernuko Lehendakaria, Javier Otano Cid.-Hezkuntza, Kultura, Kirol eta Gazteri kontseilaria, Pedro Burillo López.
E R A S K I N A
Hezkuntza Sistemaren Antolamendu Orokorrari buruzko Legeak sortutako tituluak eta Hizkuntzen Gaitasun Agiriak emateko tarifak
-BIGARREN HEZKUNTZAKO GRADUATU TITULUA DOHAINIK
TARIFA F. U. F. U.
ARRUNTA 1. maila 2. maila
-BATXILER TITULUA 6.200 3.100 0
-TEKNIKARI TITULUA 2.400 1.200 0
-GOI MAILAKO TEKNIKARI TITULUA 6.200 3.100 0
MUSIKA IRAKASKUNTZAK
-LANBIDE TITULUA 11.600 5.800 0
HIZKUNTZA IRAKASKUNTZAK
-HIZKUNTZEN GAITASUN AGIRIAK 2.900 1.450 0
Iragarkiaren kodea: A9604051
