I. NAFARROAKO FORU KOMUNITATEA
Herrilanak eta Zerbitzu Publikoak
377/1996 FORU AGINDUA, irailaren 17koa, Hezkuntza, Kultura, Kirol eta Gazteri kontseilariak emana, ikastetxe publikoetako eskola jantokietako zerbitzuaren kontratazioa 1996-97 ikasturtera luzatzen duena.
Plangintza eta Inbertsio Zerbitzuak txosten bat aurkeztu du; horretan proposatzen da zerbitzu horien esleipena hartu zuten enpresei eskola jantokiko kontratuak luzatzea.
Nafarroako ikastetxe publiko ez-unibertsitarioetako jantokiak arautzen dituen uztailaren 24ko 246/1991 Foru Dekretuan xedatutakoa garatzeko Hezkuntza eta Kultura kontseilariak maiatzaren 11n eman zuen 186/1993 Foru Aginduan xedatutakoa aplikatzeko asmoz.
Nafarroako Foru Komunitateko Gobernua eta Administrazioa arautzen dituen apirilaren 11ko 23/1983 Foru Legearen 36. artikuluak ematen dizkidan ahalmenak erabiliz,
AGINDU DUT:
1. 347/1993, 393/1994 eta 475/1995 Foru Aginduen eta 888/1993 eta 723/1995 Ebazpenen bidez ondoko zerrendan agertzen diren enpresekin, jantoki zerbitzuetarako sinatutako kontratuen luzapena baimentzea 1996-97 ikasturterako, horietako bakoitzerako aipatzen diren zenbatekoetan:
BAZKALTIAR BAKOI-
TZEKO EGUNEAN
JANTOKIA ENPRESA (PEZETAK, BEZa BARNE
ETA KPI GEHITU
ONDOREN)
ANTSOAIN JANGARRIA 525
AGOITZ TALLUNCE 530
BERA SERUNION 567
BERRIOZAR IRIGOYEN 364
BETELU SERUNION 606
BURLATA JANGARRIA 495
ZARRAKAZTELU IRIGOYEN 451
CASCANTE IRIGOYEN 970
DONEZTEBE J. RAMON ECHEVESTE 467
ELIZONDO TALLUNCE 458
ETXARRI-ARANATZ M.ª ISABEL NAZABAL 392
GARRALDA SERUNION 552
GOIZUETA I. ETXEBERRIA 554
UHARTE IRIGOYEN 334
IRURTZUN SERUNION 470
LEITZA SERUNION 717
LEKUNBERRI SERUNION 785
LESAKA SERUNION 714
MARCILLA KONTZEPZIONISTAK 583
OTSAGABIA SERUNION 659
IRUÑA "BIURDANA" JANGARRIA 475
ATARRABIA JANGARRIA 519
ZUBIRI SERUNION 585
2. 1996-97 ikasturtearen hasieran, ikasle-bazkaltiarren benetako kopurua jakindakoan, Foru Agindu honetan prezioa kalkulatzeko iritzi den kopuruarekin alde nabarmenik egonen balitz, aldaketak lekarkeen diru egokitzapena eginen litzateke, eta behin aldatuz gero kontuan hartuko da bazkaltiarren kopuru egiazkoa, faltako liratekeen zerbitzuen ondorioetarako.
3. 1996-97 ikasturteari dagokion epe luzatuan eskola jantokien kontratuen luzapenak finantzatzeak berekin lekarkeen gastuaren aurrekontu osoa, 87.725.268 pezeta da; horietatik 32.716.389 pezeta 1996ko irail-abendu bitarteko aurrekontuari dagozkio eta 40210-2210-3212 kontusaileko 13430-7 lerroari egotziko zaio eta, gainerakoa, 1997ko gastuen aurrekontuari dagokion kontusailari.
4. Foru Agindu hau Nafarroako ALDIZKARI OFIZIALean argitara dadin agintzea.
5. Foru Agindu hau igortzea Ekonomi eta Ogasun Departamentuak Hezkuntza, Kultura, Kirol eta Gazteri Departamentuan duen kontuhartzaile-delegatuari, Zerbitzuak Ikuskatzeko eta Ikuskapen Teknikorako Zerbitzura, Plangintza eta Inbertsio Zerbitzura, Plangintza eta Ikastetxeen Atalera eta Zerbitzu Osagarrien Bulegora, behar diren ondorioak izan ditzan, eta Foru Agindu honen edukiaren berri ematea enpresa interesatuei.
Iruñean, mila bederatziehun eta lauretan hogeita hamaseiko irailaren hamazazpian.-Hezkuntza, Kultura, Kirol eta Gazteri kontseilaria, Pedro Burillo López.
Iragarkiaren kodea: A9607618