I. NAFARROAKO FORU KOMUNITATEA
Xedapen Orokorrak. Foru Aginduak
656/1996 FORU AGINDUA, irailaren 25ekoa, Lehendakaritza eta Barne kontseilariak emana, Antolaketa eta Informazio Sistemen zuzendari nagusiaren esku zenbait eskurantza uzten dituena.
Nafarroako Foru Komunitateko Gobernua eta Administrazioa arautzen dituen Foru Legearen 37. artikuluak xedatzen duenez, kontseilariek beren departamentuetako zuzendari nagusien esku utzi ahalko dute haien eskurantzen erabilera.
Nafarroako Foru Komunitateko Administrazioaren Kontratuei buruzko Foru Legearen 7. artikuluak ezartzen duenez, kontseilariek kontratuetarako dituzten ahalmenak, zuzendari nagusien esku utzi ahalko dira, Gobernuaren baimena behar duten kontratuak direnean izan ezik.
Antolaketa eta Informazio Sistemen Zuzendaritza Nagusiari dagozkion gaietan Lehendakaritza eta Barne Departamentuaren jarduerek behar duten eraginkortasuna lortzeko asmoz, beharrezkotzat jo da organo horretako zuzendari nagusiaren esku uztea kontseilariari dagozkion zenbait eskurantza.
Hori dela eta, Foru Komunitateko Gobernua eta Administrazioa arautzen dituen Foru Legearen 37. artikuluak eta Foru Komunitateko Administrazioaren Kontratuei buruzko Foru Legearen 7.ak ematen dizkidaten ahalmenak erabiliz,
AGINDU DUT:
1. artikulua. Lehendakaritza eta Barne kontseilariari antolaketaren eta informazio sistemen arloan dagozkion eskurantza guztiak eta, bereziki, honako hauek, Funtzio Publikoaren zuzendari nagusiaren esku uztea:
a) Orokorrak.
-Administrazio espedienteen ebazpena.
-Gastuak egiteko baimenak ematea eta horiek ordaindu beharra onartzea.
-Zuzendaritza Nagusiaren unitate organikoen artean sor daitezkeen gatazkak konpontzea.
b) Kontrataziokoak.
Foru Komunitateko Administrazioaren Kontratuei buruzko Foru Legearen 6. artikuluko 1. idazatian xedatutakoari jarraikiz, kontratuen gainean Lehendakaritza eta Barne kontseilariari dagozkion ahalmenak, aipatu Foru Lege horren 6. artikuluko 3. idazatian ezarritakoaren arabera kontratuak egiteko Nafarroako Gobernuaren baimena behar dutenak izan ezik.
c) Langileriarenak.
1.-Antolaketa eta Informazio Sistemen Zuzendaritza Nagusiari atxikitako langileriari dagokionez, apirilaren 1eko 165/1996 Foru Dekretuaren 3. artikuluak kontseilariei esleitzen dizkien ahalmenak.
2.-Arestiko puntu horietan eskuordeturiko eginkizunak betetzeko Funtzio Publikoaren Zuzendaritza Nagusiaren eta Departamentuko Idazkaritza Teknikoaren aholkularitza tekniko eta juridikoaren laguntza izanen da.
2. artikulua. Lehendakaritza eta Barne kontseilariak noiznahi eska dezake eskuordetutako edozein espediente, ebazpena eman ahal izateko.
3. artikulua. Foru Agindu honen eskuordetzaren ondorioz emandako ebazpen guztietan inguruabar hau aipatu beharko da. Ebazpen hauek, ondorio guztietarako, kontseilariak emandakotzat hartuko dira eta horien kontra errekurtso arrunta jartzen ahalko da Nafarroako Gobernuan.
AZKEN XEDAPENAK
Lehena.-Indarrik gabe geldituko dira Foru Agindu honek ezarritakoaren kontrakoak diren maila bereko nahiz txikiagoko xedapen guztiak.
Bigarrena.-Foru Agindu honek Nafarroako ALDIZKARI OFIZIALean argitara ematen den egun berean hartuko du indarra.
Iruñean, mila bederatziehun eta lauretan hogeita hamaseiko irailaren hogeita bortzean.-Lehendakaritza eta Barne kontseilaria, Rafael Gurrea Induráin.
Iragarkiaren kodea: A9607827
