1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
99E/2024 EBAZPENA, apirilaren 8koa, Nafarroako Kirolaren eta Jarduera Fisikoaren Institutuko zuzendari kudeatzaileak emana, 2023ko Nafarroako kirol babesletzaren saria eta aitortzak ematea onesten duena.
Nafarroako Foru Komunitateko kirolaren goresmen sariak arautzen dituen azaroaren 24ko 100/2021 Foru Dekretua da Nafarroako Gobernuak, Nafarroako Kirolaren Institutuaren bidez, kirol arloan ematen dituen sariak eta goresmen sariak emateko oinarria.
Horrenbestez, Nafarroako Kirolaren Institutuaren estatutuak onesten dituen azaroaren 15eko 326/2019 Foru Dekretuaren bidez (estatutu horiek, gero, ekainaren 2ko 45/2021 Foru Dekretuaren bidez aldatu ziren) eta Nafarroako Foru Komunitateko kirolaren goresmen sariak arautzen dituen azaroaren 24ko 100/2021 Foru Dekretuaren bidez eman dizkidaten ahalmenak erabiliz,
EBAZTEN DUT:
1. 2023ko Nafarroako kirol babesletzaren saria eta aitortzak honako enpresa hauei ematea:
–Babesle onenaren saria: Nafarroako Rural Kutxa.
–Kirol babesletzaren arloko "aitortzak":
Babesle fidela/aspaldikoa: Lacturale SAT.
Emakumeen kirolaren babeslea: Pedro Luis Conservas Selectas SL.
Kirol autoktonoaren babeslea: Selk SL.
Kirol egokituaren/inklusiboaren babeslea: Ortopedia Ortosán SL.
2. Ebazpen hau jakinaraztea, behar diren ondorioak izan ditzan, aholku batzordeari eta pertsona eta entitate interesdunei, eta adieraztea ebazpen honen aurka gora jotzeko errekurtsoa jartzen ahal dutela, Kultura, Kirol eta Turismoko kontseilariari zuzendua, jakinarazi eta biharamunetik hilabeteko epean.
3. Ebazpen hau igortzea, behar diren ondorioak izan ditzan, Administrazio eta Kudeaketa Atalera eta Entitateei Arreta Egiteko eta Kirol Errendimendurako Zuzendariordetzara.
Iruñean, 2024ko apirilaren 8an.–Nafarroako Kirolaren eta Jarduera Fisikoaren Institutuko zuzendari kudeatzailea, Jorge Aguirre Oviedo.
Iragarkiaren kodea: F2406148
