1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
1E/2024 EBAZPENA urtarrilaren 8koa, Energia, Enpresa I+G+b eta Ekintzailetzako zuzendari nagusiak emana, akatsak zuzentzen dituena abenduaren 7ko 416E/2023 Ebazpenean, zeinaren bidez aldatu baitziren Mugikortasun elektrikoari lotutako pizgarrien programarako (MOVES III programa) deialdiaren oinarriak, Europako Suspertze, Eraldatze eta Erresilientzia Planaren esparruan. DDBN: 574654; 597225; 597302; 597306.
Industriaren, Energiaren eta S3 Proiektu Estrategikoen zuzendari nagusiak uztailaren 6an emandako 51E/2021 Ebazpenaren bidez, dirulaguntza honetarako deialdia onetsi zen: "Mugikortasun elektrikoari lotutako pizgarrien programa (MOVES III programa), Europako Suspertze, Eraldatze eta Erresilientzia Planaren esparruan".
Industriaren, Energiaren eta S3 Proiektu Estrategikoen zuzendari nagusiaren uztailaren 30eko 58E/2021 Ebazpenaren bidez, deialdiaren 12. oinarria aldatu zen.
Industriaren, Energiaren eta S3 Proiektu Estrategikoen zuzendari nagusiaren urriaren 6ko 114E/2021 Ebazpenaren bidez, deialdiaren 4.5 oinarria aldatu zen.
Energia Dibertsifikatu eta Aurrezteko Institutua (IDAE) MP enpresa-erakunde publikoko presidentearen ebazpen baten bidez, handitu egin zen mugikortasun elektrikoari lotutako pizgarrien programarako (MOVES III programa) aurrekontua. Programa hori apirilaren 13ko 266/2021 Errege Dekretuaren bidez onetsi zen. Ebazpen horretan Nafarroako Foru Komunitateari esleitutako aurrekontua handitzea onetsi zen, hain zuzen ere 17.840.000,00 euroan.
Industriaren, Energiaren eta S4 Proiektu Estrategikoen zuzendari nagusiaren urriaren 13ko 175E/2022 Ebazpenaren bidez, aurrekontua handitu zen eta deialdiaren 8. eta 10. oinarriak aldatu ziren, laguntzen deialdi honetan: "Mugikortasun elektrikoari lotutako pizgarrien programa (MOVES III programa), Europako Suspertze, Eraldatze eta Erresilientzia Planaren esparruan". DDBN: 574654; 597225; 597302; 597306.
Energia Dibertsifikatu eta Aurrezteko Institutua (IDAE) MP enpresa-erakunde publikoko presidentearen 2023ko apirilaren 11ko Ebazpenaren bidez, bigarrenez handitu zen mugikortasun elektrikoari lotutako pizgarrien programarako (MOVES III programa) aurrekontua. Programa hori apirilaren 13ko 266/2021 Errege Dekretuaren bidez onetsi zen. Ebazpen horretan Nafarroako Foru Komunitateari esleitutako aurrekontua handitzea onetsi zen, hain zuzen ere 5.347.300,00 euroan.
Trantsizio Energetikorako, Proiektu Estrategikoen eta S4ren zuzendari nagusiaren urriaren 2ko 318E/2023 Ebazpenaren bidez, bigarrenez handitu zen aurrekontua eta deialdiaren oinarriak aldatu ziren, laguntzen deialdi honetan: "Mugikortasun elektrikoari lotutako pizgarrien programa (MOVES III programa), Europako Suspertze, Eraldatze eta Erresilientzia Planaren esparruan". DDBN: 574654; 597225; 597302; 597306.
Energia, Enpresa I+G+b eta Ekintzailetzako zuzendari nagusiaren abenduaren 7ko 416E/2023 Ebazpenaren bidez, laguntza deialdi honen indarraldia luzatu eta oinarriak aldatu ziren: "Mugikortasun elektrikoari lotutako pizgarrien programa (MOVES III programa), Europako Suspertze, Eraldatze eta Erresilientzia Planaren esparruan". DDBN: 574654; 597225; 597302; 597306.
Ebazpen horretan atzeman da erreferentziak egiten zaizkiela, oker egin ere, 266/2021 Errege Dekretuko artikuluei, eta erreferentzia horiek Industriaren, Energiaren eta S3 Proiektu Estrategikoen zuzendari nagusiaren uztailaren 6ko 51/2021 Ebazpen bidez onetsitako deialdiaren oinarriei eginak izan behar dute.
Ebazpen horretan, oinarriak aldatzen dituzten atal batean baino gehiagotan, honakoak irakur daitezke: "11.1 artikuluak aipatzen dituen azken hartzaileak", "11.1 artikuluak definitzen dituen azken hartzaileak" eta "11.1 artikuluan sartzen diren laguntzaren azken hartzaileak". Horietan, "11.1 artikulua" agertzen denean "2.2 oinarria" esan behar da.
Horrenbestez, eta adierazitakoarekin bat, Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikuluak ematen dizkidan eskudantziak erabiliz,
EBAZTEN DUT:
1. Abenduaren 7ko 416E/2023 Ebazpenean dauden akatsak zuzentzea, eta, horrenbestez, "11.1 artikulua" dioen ataletako bakoitzean "2.2 oinarria" behar du.
2. Ebazpen hau Nafarroako Aldizkari Ofizialean argitaratzea.
3. Ebazpen honek ez du administrazio bidea amaitzen, eta zilegi da haren aurka gora jotzeko errekurtsoa jartzea, Industriako eta Enpresen Trantsizio Ekologiko eta Digitalerako kontseilariari zuzendua, jakinarazi eta hurrengo egunetik hilabeteko epean. Administrazio publikoek administrazioarekiko auzi-errekurtsoa jartzen ahal dute eskumena duen ordena jurisdikzionalari zuzendua, jakinarazi eta biharamunetik hasita bi hilabeteko epean, alde batera utzi gabe Nafarroako Gobernuari aurretiazko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan aurreikusitako moduan eta epeetan.
Iruñean, 2024ko urtarrilaren 8an.–Energia, Enpresa I+G+b eta Ekintzailetzako zuzendari nagusia, Uxue Itoiz Mariñelarena.
Iragarkiaren kodea: F2400417
