Iragarkia
20. ALDIZKARIA - 2024ko urtarrilaren 26a
1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
361E/2023 EBAZPENA, abenduaren 26koa, Landa Garapeneko zuzendari nagusiak emana, zeinaren bidez onesten baitira dirulaguntza honen deialdia eta haren oinarri arautzaileak: "Merkataritzako ferietan parte hartzeko laguntzak, nekazaritzako elikagaiekin, baita arrantzako eta akuikulturako sektorean ere, "de minimis" araubidearen babesean. 2024ko deialdia". DDBN identifikazioa: 737993.
Nafarroan badira nekazaritzako elikagaien operadore asko Europak emandako aintzatespenen bat dutenak: hamar jatorri deitura babestu (Lodosako pikillo piperra, Erronkari gazta, Idiazabal gazta, Nafarroa ardoa, lur eremuko ardoen hiru jatorri deitura babestu, Nafarroako olioa, Errioxa ardoa eta Cava), zazpi adierazpen geografiko babestu (Nafarroako zainzuria, Tuterako orburua, Nafarroako aratxea, Nafarroako arkumea, Nafarroako patxarana, "3 Erribera" lurraldeko ardoa eta Queilesko Erribera) eta urdaiazpiko serranoaren berezitasun tradizional bermatua, ekoizpen sistema ekologikoaz gain. Era berean, badira Nafarroako Foru Komunitatean berezko aitorpena duten nekazaritzako elikagaien operadoreak: Nafarroako Elikagai Artisauak, Nafarroako Ekoizpen Integratua eta Reyno Gourmet berme marka.
Nafarroan, nekazaritzako elikagaien ekoizpenaren sustapena Batasuneko esparru juridikoan onartutako figuren babesa duten kalitateko ekoizpenei bideratuta dago bereziki, eta zuzenean bultzatzen ditu ekoizpen sektore primarioa, nekazaritzako industriaren sektorea eta elikaduraren merkataritzaren azpisektorea, Nafarroako nekazaritzako elikagaien kate osoari behar duen sendotasuna emanez, horrela ziurtatzeko ekoizpen ahalmena mantendu eta garatzen dela, lanpostuak indartu eta sortzen direla eta Nafarroako Foru Komunitateko BPGd-a eratzen laguntzen duela.
Nafarroako nekazaritzako elikagaien sektorearen dinamismoa funtsezkoa izan da Nafarroako Espezializazio Adimentsuaren S3 Estrategian hori adierazteko orduan, Foru Komunitatearen hazkunderako funtsezko sektoreetako bat baita.
Nafarroako Gobernuak, Nekazaritza Politika Bateratuaren Plan Estrategikoaren (NPBPE) esparruan, laguntza lerroak ezarri ditu kalitate figurak kudeatzen dituzten entitateentzat, barne merkatuan egiten dituzten informazio eta sustapen ekintzetarako, zehazki 7132 esku hartzerako. Esku hartze honen helburua da kalitatezko produktuen informazioa eta sustapena bultzatzea, kontsumitzaileek EBko edo nazioko kalitate programen arabera egindako produktuen ezaugarri bereiziak ezagut ditzaten, informazio edo sustapen kanpainen bidez.
Merkataritzako ferietan parte hartzea tresna nagusietako bat da kalitateko ekoizpenak sustatzeko eta haien inguruko ezagutza hedatzeko, eta parte hartze horren eragina handiagoa da operadoreak erakustoki kolektiboetan elkartzen direnean, non norbanakoaren ekoizpenez gain kalitate bereiziaren figurak azpimarratzen baitira, edo operadoreak biltzen dituzten Nafarroako marka kolektiboak. Indartu egiten da, horrela, Nafarroak nekazaritzako elikagai kalitatedunen erreferentziazko lurralde gisa duen irudia.
Horregatik, beharrezkotzat jotzen da Nafarroako Gobernuak nekazaritzako elikagaien ekoizpenei ematen dien laguntza handitzea, nekazaritzako elikagaien ekoizleentzako laguntzen bidez, merkataritzako ferietan parte har dezaten, bereziki kalitate figuretan inskribatuta badaude.
Laguntza hau "de minimis" laguntza da, eta Europako Batzordearen 2013ko abenduaren 18ko 1407/2013 Erregelamenduaren (EB) aplikazio eremuan sartzen da, zeina Europar Batasunaren Funtzionamenduari buruzko Tratatuaren 107. eta 108. artikuluak "de minimis" laguntzei aplikatzeko moduari buruzkoa baita, eta, bestetik, Europako Batzordearen 2014ko ekainaren 27ko 717/2014 Erregelamenduaren (EB) aplikazio eremuan, zeina Europar Batasunaren Funtzionamenduari buruzko Tratatuaren 107. eta 108. artikuluak arrantzaren eta akuikulturaren sektorerako "de minimis" laguntzei aplikatzeko moduari buruzkoa baita.
Arrantzaren eta akuikulturaren sektorean aritzen den enpresa bat 1407/2013 Erregelamenduaren (EB) aplikazio eremuan sartuta dauden sektore batean edo gehiagoan ere aritzen bada, edo erregelamendu horretan sartutako bestelako jarduerak egiten baditu, aipatu erregelamendua aplikatuko zaie sektore edo jarduera horien arabera emandako laguntzei.
Ikusita Nekazaritzako Ustiategien eta Elikagaien Sustapenerako Zerbitzuko zuzendariaren aldeko txostena eta aurtengo ekitaldirako aurrekontuan diru erabilgarria dagoela.
Kontuan hartuta ebazpen honi Nafarroako dirulaguntzei buruzko 11/2005 Foru Legea aplikatuko zaiola.
Adierazitakoarekin bat, Nafarroako Foru Komunitateko Administrazioari eta foru sektore publiko instituzionalari buruzko martxoaren 11ko 11/2019 Foru Legearen 32. artikuluak eta Landa Garapeneko eta Ingurumeneko Departamentuaren egitura organikoa onesten duen azaroaren 15eko 255/2023 Foru Dekretuak ematen dizkidaten eskudantziak erabiliz,
EBAZTEN DUT:
1. Laguntzak emateko oinarri arautzaileak eta 2024ko deialdia onestea, Nafarroako nekazaritzako elikagaien ekoizleek merkataritzako ferietan parte har dezaten, ebazpen honen I. eranskinaren arabera. Laguntza horiek "de minimis" araubidearen babesean emanen dira.
2. Deialdi honen ondoriozko gastuei aurre egiteko, 450.000,00 euroko gastua baimentzen da 2024ko ekitaldian, ekitaldi horretan horretarako gaituko den aurrekontu partidaren kargura, alegia, 2023ko ekitaldiko 720003 72200 4701 413104 partidaren baliokidearen kargura ("Kalitatezko ekoizpenek lehiaketa eta azoketan parte hartzeko laguntzak"), betiere kreditu egokia eta nahikoa badago.
3. Laguntzak I. eranskinaren hamargarren oinarriaren arabera ordainduko dira.
4. Dirulaguntzen deialdi hau Nafarroako Gobernuaren Dirulaguntzen Datu Basean erregistratzea (NGDDB).
5. Ebazpen hau eta eranskinak Nafarroako Aldizkari Ofizialean argitaratzea.
6. Ebazpen honek ez du administrazio bidea amaitzen eta haren aurka gora jotzeko errekurtsoa jar daiteke, Landa Garapeneko eta Ingurumeneko kontseilariari zuzendua, argitaratu eta biharamunetik hilabeteko epean.
Iruñean, 2023ko abenduaren 26an.–Landa Garapeneko zuzendari nagusia, Rubén Goñi Urroz.
I. ERANSKINA.–OINARRI ARAUTZAILEAK, 2024. URTEAN NAFARROAKO NEKAZARITZAKO ELIKAGAIEN ENPRESEK MERKATARITZAKO FERIETAN PARTE HARTZEKO DIRULAGUNTZAK EMATEKO, "DE MINIMIS" ARAUBIDEARI JARRAIKIZ
Lehen oinarria.–Laguntzaren xedea, aplikazio eremua eta onura publikoa.
1. Oinarri arautzaile hauen xedea da nekazaritzako elikagaien eraldaketaren eta merkaturatzearen sektorean aritzen diren enpresei, arrantzako eta akuikulturako sektorekoei barne, merkataritzako ferietan parte hartzeagatik ematen ahal zaien laguntza finantzarioaren esparrua zehaztea.
2. Merkataritzako ferietan parte hartzea tresna nagusietako bat da kalitateko ekoizpenak sustatzeko eta haien inguruko ezagutza hedatzeko, eta parte hartze horren eragina handiagoa da operadoreak erakustoki kolektiboetan elkartzen direnean, non norbanakoaren ekoizpenez gain kalitate bereiziaren figurak azpimarratzen baitira, edo operadoreak biltzen dituzten marka kolektiboak. Indartu egiten da, horrela, Nafarroak nekazaritzako elikagai kalitatedunen erreferentziazko lurralde gisa duen irudia.
Horregatik, beharrezkotzat jotzen da, ikuspegi publikotik, Nafarroako Gobernuaren babesa adieraztea nekazaritzako elikagaien ekoizpenari 2024an merkataritzako ferietan stand kolektiboetan edo kokaleku kolektiboetan parte hartzeko laguntzen bidez, zeinetan Nafarroako Foru Komunitatearen irudiaren eta/edo haren Reyno Gourmet erreferentzia markaren babesean aurkeztuko baitute beren burua ekoizleek.
Deialdi honetan sartzen diren feriak hauek dira:
–Barcelona Wine Week.
–Prowein.
–Alimentaria.
–Salón de Gourmets.
–Organic Food Iberia.
–Fruit Attraction.
3. Laguntza hauek bat datoz, batetik, Batzordeak 2013ko abenduaren 18an emandako 1407/2013 (EB) Erregelamenduaren xedearekin, definizioarekin eta aplikazio eremuarekin (erregelamendu horrek Europar Batasunaren Funtzionamenduari buruzko Tratatuaren 107. eta 108. artikuluak "de minimis" laguntzei aplikatzeko modua arautzen du; L 352 EBAO, 2013ko abenduaren 24koa) eta, bestetik, Batzordearen 2014ko ekainaren 27ko 717/2014 (EB) Erregelamenduaren xedearekin, definizioarekin eta aplikazio eremuarekin (erregelamendu horrek Europar Batasunaren Funtzionamenduari buruzko Itunaren 107. eta 108. artikuluak "de minimis" laguntzei arrantzan eta akuikulturan aplikatzeko modua arautzen du).
Bigarren oinarria.–Onuradunak eta bete beharreko baldintzak.
1. Nafarroako nekazaritzako produktuen eraldaketan eta merkaturatzean ari diren enpresak izanen dira laguntza honen onuradunak, arrantzako eta akuikulturako sektorekoak ere barne, baldin aurreko oinarrian aipatu merkataritzako ferietan parte hartzen badute 2024an.
2. Onuradunen betebeharrak:
a) Eraldaketa prozesuak egitea Nafarroan kokatutako instalazioetan; ez dira onartuko maquila ekoizpen-sistemaren arabera soilik aritzen diren enpresak, ez eta hirugarrenen produktuak ontziratu eta etiketatzen dituztenak ere.
b) Kontratu bat formalizatzea feriako parte hartzea kudeatzen duen entitate batekin, bai eta aurrekontu bat izatea ere, eskatutako feria bakoitzean parte hartzeak izanen dituen kostuen aurreikuspenarekin.
c) Zerga betebeharrak eta Gizarte Segurantzarekikoak egunean izatea.
d) Dirulaguntzei buruzko 11/2005 Foru Legearen 13. artikuluan ezarritako baldintzak betetzea.
e) Laguntza mugak betetzea; muga horiek finkatuta daude bai Europako Batzordearen 2013ko abenduaren 18ko 1407/2013 Erregelamenduan (EB), zeina Europar Batasunaren Funtzionamenduari buruzko Tratatuaren 107. eta 108. artikuluak "de minimis" laguntzei aplikatzeko moduari buruzkoa baita, bai Europako Batzordearen 2014ko ekainaren 27ko 717/2014 Erregelamenduan (EB), zeina Europar Batasunaren Funtzionamenduari buruzko Tratatuaren 107. eta 108. artikuluak arrantzaren eta akuikulturaren sektorerako "de minimis" laguntzei aplikatzeko moduari buruzkoa baita. Laugarren oinarriaren 3. eta 4. puntuetan ere jaso dira muga horiek.
Hirugarren oinarria.–Gastu diruz lagungarriak.
1. Gastu diruz lagungarriak izanen dira aipatu merkataritzako ferietan parte hartzearekin zuzenean lotuta onuradunek kontratatzen dituztenak, eta gehienez ere modulu estandar bati dagozkionak, onuradun eta feria bakoitzeko. "Modulu estandartzat" hartzen da erakundeek azoka bakoitzean parte hartzeko erreserbatutako espazioa.
"Merkataritzako ferietan parte hartzearekin zuzenean lotutako" gastutzat hartzen dira standen edo modulu estandarren kontrataziorako fakturatutako gastu guztiak, barne hartuz lurzorua, muntaketa, zerbitzuak, jarduerak, gune komunak eta kudeaketa gastuak.
2. Ez dira diruz lagungarriak izanen operadoreak merkataritzako feria batera joateko egindako gainerako gastuak, hala nola bidaiari, aparkalekuari, otorduei, hotelei eta bezeroentzako gonbidapen edo sarrerei dagozkienak.
Laugarren oinarria.–Laguntzaren zenbatekoa.
1. Onuradun bakoitzari aplikatuko zaion laguntza %65ekoa izanen da merkataritzako ferian izandako parte hartzeagatik aurkeztutako fakturaren zenbatekoaren gainean, zeina feria antolatzen duen entitateak igorria izanen baita.
2. Onuradun bakoitzari, gehienez ere, 8.000 euro emanen zaio feria bakoitzeko, eta 16.500 euro deialdi bakoitzeko.
3. Europar Batasuneko estatu batek arrantza eta akuikulturako sektoreko enpresa bakar bati emandako "de minimis" laguntzak gehienez ere 30.000 euro izanen dira hiru ekitaldi fiskaletako edozein alditan.
4. Gainerako sektoreetan, enpresa bakarrari emandako "de minimis" laguntza gehienez ere 200.000 eurokoa izanen da hiru ekitaldi fiskaletako edozein alditan. Hala bada, indarrean dagoen deialdian ordaindu beharreko laguntzak muga hori izanen du.
Bosgarren oinarria.–Dirulaguntza emateko modua.
1. Ebazpen honek arautzen dituen laguntzak norgehiagokako prozeduraren bidez emanen dira, lehentasun irizpide hauen arabera:
a) Inskribatuta daudenak Nafarroako nekazaritzako elikagaien kalitatezko figuretan, ekoizpen ekologikoko sisteman, Nafarroako ekoizpen sistema integratuan, Nafarroako Nekazaritzako Elikagaien Artisautzan edo Nafarroako berme marketan, eta merkataritza ferietara joaten direnak, non banakako standak, edo modulu estandarrak, identifikatuta egonen baitira modu kolektiboan eta argi eta garbi Nafarroako Foru Komunitatearen irudiaren barruan.
b) Inskribatuta ez daudenak Nafarroako nekazaritzako elikagaien kalitatezko figuretan, ekoizpen ekologikoko sisteman, Nafarroako ekoizpen sistema integratuan, Nafarroako Nekazaritzako Elikagaien Artisautzan edo Nafarroako berme marketan, eta merkataritza ferietara joaten direnak, non banakako standak, edo modulu estandarrak, identifikatuta egonen baitira modu kolektiboan eta argi eta garbi Nafarroako Foru Komunitatearen irudiaren barruan.
c) Bigarren oinarrian ezarritako baldintzak betetzen dituzten gainerako enpresa eskatzaileak.
2. Enpresa bakoitzari dagokion laguntzaren zenbatekoa laugarren oinarriaren arabera kalkulatu ondoren, eskaerak 1. puntuan deskribatutako taldeen arabera ordenatuko dira. Lehendabizi, lehentasunezko lehen taldeko eskaeren artean banatuko da aurrekontua, eta gero hurrengo taldekoen artean.
Aurrekontua talde bateko eskaera guztiak finantzatzeko aski ez bada, jaso beharreko zenbatekoak hainbanatuko dira, dagokien laguntzaren zenbatekoaren proportzioan. Hainbanaketa horretatik ateratzen den laguntza hasiera batean zegokiekeen laguntzaren %30era iristen ez bada, ez da laguntzarik emanen.
Seigarren oinarria.–Eskaerak aurkeztea.
1. Laguntzaren eskaerak aurkezteko epea hilabetekoa izanen da, deialdia Nafarroako Aldizkari Ofizialean argitaratu eta biharamunetik hasita.
2. Eskaerak Landa Garapeneko eta Ingurumeneko Departamentura zuzenduko dira, eta bakar-bakarrik telematika bidez aurkeztuko dira, Nafarroako Gobernuaren Interneteko Atarian dagoen Erregistro Orokor Elektronikoaren bidez.
3. Laguntzaren eskaera bakarra aurkeztuko da kasu guztietan, nahiz eta laguntza feria baterako baino gehiagorako eskatu.
4. Eskatzaileak bere eskaeran adierazten ahalko du dirulaguntza zuzenean ordain dakion feria antolatzen duen entitateari.
5. Eskaera berariaz prestatutako ereduan aurkeztuko da (eredua Nafarroako Gobernuaren Interneteko Atariko Zerbitzuen Katalogoan eskuratzen ahal da, www.nafarroa.eus helbidean), honako agiri hauekin batera:
a) Eskatzen diren parte hartze gastu guztien aurreikuspena jasotzen duen laburpen taula.
b) Laburpen taulan jasotako gastu bakoitzaren aurrekontua/proformako faktura, eskatutako feria bakoitzerako.
c) Feria antolatzen duen entitatearekin formalizatutako kontratuaren kopia. Onuradunak, 4. puntuarekin bat, aukeratzen badu dirulaguntza zuzenean aipatu entitateari ordaintzea, aukera hori berariaz adierazi beharko da kontratuan.
d) Zerga arloko eta Gizarte Segurantzarekiko betebeharrak egiaztatzeko baimena, hitzez hitz honako hau dioena: "Nik, xxx, nire izenean/xxx ordezkatuz, baimena ematen diot Landa Garapeneko eta Ingurumeneko Departamentuari, "de minimis" araubidearen babesean Nafarroako nekazaritzako elikagaien enpresek merkataritza ferietan parte hartzeko laguntzak tramitatzeko prozeduran, nik/ordezten dudan entitateak zergen ordainketak eta Gizarte Segurantzarekikoak eguneratuak ditudala/dituela egiaztatzeko" (eskabidearen ereduan sartuta dago).
Aurreko paragrafoan ezarritakoarekin ados ez badago, pertsonak edo entitateak berak aurkeztu beharko ditu zerga arloko eta Gizarte Segurantzarekiko betebeharrak betetzeari buruzko datuak.
e) Eskatzailearen erantzukizunpeko adierazpena, aurreko bi ekitaldi fiskaletan eta kasuan kasuko ekitaldi fiskalean jasotako gainerako "de minimis" laguntza guztiei buruzkoa, betiere laguntza horiek loturik badaude Batzordearen 2013ko abenduaren 18ko 1407/2013 (EB) Erregelamenduari (Europar Batasunaren Funtzionamenduari buruzko Tratatuaren 107. eta 108. artikuluak "de minimis" laguntzei aplikatzeari buruzkoa), Batzordearen 2014ko ekainaren 27ko 717/2014 (EB) Erregelamenduari edo "de minimis" araubideko beste erregelamendu batzuei.
f) Eskatzailearen erantzukizunpeko adierazpena, merkataritza ferietara joateko 2024an eskatutako eta jasotako laguntzei buruzkoa, kontzeptuak zehaztuta.
g) Adierazpen bat, dirulaguntzei buruzko 11/2005 Foru Legearen 13. artikuluan ezarritako baldintzak betetzeari buruzkoa.
h) Eskaera egiten duen erakundearen IFZren kopia.
i) Eskaera egiten duen osasun erregistroaren kopia.
Zazpigarren oinarria.–Ebaluazio organoa.
Nekazaritzako Elikagaien Kalitatearen eta Sustapenaren Atalak ebaluatuko ditu eskaerak.
Zortzigarren oinarria.–Deialdiaren antolamendua, instrukzioa eta ebazpena.
1. Eskaera harturik, seigarren oinarrian aipatzen den dokumentazio guztia aurkeztu ote den egiaztatuko da. Agiri guztiak ez badaude, hamar egun baliodunean osatu ditzala eskatuko zaio eskatzaileari, eta adieraziko zaio, hala egin ezean, eskaerari uko egiten diola ondorioztatuko dela eta espedientea artxibatzeko ebazpena emanen dela. Ebazpen hori jakinarazi eginen zaio.
2. Agiri guztiak bildu ondoren, eskatutako baldintza guztiak betetzen dituztela egiaztatuko da. Horretarako, bidezko diren kontrolak egiten ahalko dira.
3. Eskaerak ebaluatu ondoren, Nekazaritzako Ustiategien eta Elikagaien Sustapenerako Zerbitzuak dirulaguntza emateko ebazpena proposatuko du.
4. Araubide honen araberako laguntzak emanen dira, behin frogatu ondoren kasuan kasuko enpresari emandako "de minimis" laguntzen zenbateko osoak ez duela gainditzen 200.000 euroko muga hiru ekitaldi fiskaleko edozein alditan eta, orobat, 1407/2013 (EB) Erregelamenduan ezarritako baldintza guztiak betetzen direla (Europar Batasunaren Funtzionamenduari buruzko Tratatuaren 107. eta 108. artikuluak "de minimis" laguntzei aplikatzeari buruzko Erregelamendua).
Arrantzan eta akuikulturan aritzen diren enpresentzako laguntzak emanen dira behin frogatu ondoren enpresa bati emandako "de minimis" laguntzen zenbateko osoak ez duela gainditzen 30.000 euroko muga hiru ekitaldi fiskaleko edozein alditan, 2014ko ekainaren 27ko Batzordearen 717/2014 (EB) Erregelamenduan ezarritako baldintzen arabera (Europar Batasunaren Funtzionamenduari buruzko Tratatuaren 107. eta 108. artikuluak "de minimis" laguntzei arrantzaren eta akuikulturaren sektorean aplikatzeari buruzko Erregelamendua).
5. Landa Garapeneko zuzendari nagusiak ebazpen arrazoitua emanen du laguntzak emateari buruz, eta espresuki adieraziko du zein eskaera ezetsi diren.
6. Prozeduraren gainean ebazteko, hiru hilabeteko epea izanen da, eskaerak aurkezteko epea bukatzen denetik hasita. Epea berariazko ebazpenik eman gabe bukatzen bada, eskaera ezetsitzat jotzen ahalko da, isiltasun administratiboaren ondorioz.
Bederatzigarren oinarria.–Onuradunen betebeharrak.
1. Ekintzak ebazpen honetan xedatzen denarekin bat gauzatzea, eta bertan eta laguntza emateko ebazpenean aurreikusten diren konpromisoak betetzea.
2. Jasotako funtsak dirulaguntzak emateko oinarri izan zen helbururako eta ezarritako moduan eta epeetan erabili direla frogatzea Landa Garapeneko eta Ingurumeneko Departamentuan, baita zer gastu egin diren ere hartutako funtsak aplikatuz.
3. Laguntza egoki eman dela egiaztatzeko behar diren kontrolak onartzea.
4. Jakinaraztea Landa Garapeneko eta Ingurumeneko Departamentuari eskatu dituela eta, hala badagokio, jaso dituela helburu berbererako beste dirulaguntza publiko batzuk eta "de minimis" araubidearen menpeko beste edozein laguntza, 2022ko, 2023ko eta 2024ko zerga ekitaldietan jasotakoak.
5. Zerga betebeharrak eta Gizarte Segurantzarekikoak egunean izatea.
6. Jasotako funtsen aplikazioari buruzko frogagiriak gordetzea hamar ekitaldi fiskaletan, laguntza ematen den egunetik aurrera.
7. Dirulaguntzei buruzko 11/2005 Foru Legearen 13. artikuluan ezarritako baldintzak betetzea.
8. Gardentasun betebeharrak.
Gardentasunari, informazio publikoa eskuratzeari eta gobernu onari buruzko maiatzaren 17ko 5/2018 Foru Legearen 3. artikuluan aipatutako entitateak behartuta daude gardentasun arauak betetzera, baldin eta, urtebetean, 20.000 eurotik gorako laguntzak edo dirulaguntzak jasotzen badituzte, edo jasotako laguntzak edo dirulaguntzak urteko beren sarrera guztien %20 edo gehiago badira eta, gutxienez, 5.000 euro. Horretarako, honako esteka honetan dagoen eredua bete beharko dute, gardentasun betebeharrari buruzko adierazpena, alegia:
Muga kuantitatibo horiek gainditzen diren kalkulatzeko, Nafarroako Foru Komunitateko Administrazioak edo haren erakunde publikoek urte naturalean emandako dirulaguntza guztien kopuruak batuko dira. Urte batean baino gehiagotan ordaintzen diren dirulaguntzen kasuan, aurrekontuko ekitaldi bakoitzean emandako kopurua zenbatuko da ondorio horietarako, ez guztizko batura.
Erreferentziako urteko negozio zifra edo aurrekontua honako hauetako txikiena izanen da:
a) Aurreko urteko negozio zifra edo gauzaturiko aurrekontua.
b) Dirulaguntza ematen den ekitaldian entitatearen organo eskudunak onartutako negozio zifra edo onartutako aurrekontua.
Aurreko kasuak gertatzen direnean, onuradunek honako informazio honen berri eman beharko dute:
a) Entitatearen gobernu, administrazio eta zuzendaritza organoen osaera.
b) Organo horiek osatzen dituzten kargudunen zerrenda.
c) Entitateak aurreko urtean kargudun bakoitzari ordaindutako ordainsari gordinak eta gainerako diru konpentsazioak, kontzeptuz kontzeptu. Sortu berriak diren entitateen kasuan, informazioa haien aurrekontuetan edo plan ekonomiko-finantzarioan dagoena izanen da.
d) Kargudun bakoitzak gobernu, administrazio eta zuzendaritza eginkizunetan ematen duen dedikazioaren araubidea.
e) Onuradunaren urteko azken kontuen kopia bat.
Informazio hori onuradunaren legezko ordezkaritza duen pertsonak sinatuta eta telematikoki aurkeztuko da, Nafarroako Gobernuaren Erregistro Orokor Elektronikoaren bidez, eta dirulaguntza kudeatzen duen administrazio unitateari bidaliko zaio, honako eredu hauen arabera (gardentasun betebeharrari buruzko adierazpenaren ereduaren I. eta II. Eranskinak):
Informazio hori hilabeteko epean igorri beharko da, dirulaguntza ematen duen ebazpena jakinarazten denetik.
Informazio hori urtebetez egonen da ikusgai Nafarroako Gobernu Irekiaren Atarian argitaratzen denetik hasita, eta gehienez 15 hilabetez utziko da bertan, informazioa kudeatzen duen organoan sartzen den egunetik hasita. Epe hori iraganik, informazioa argitaratzeko ardura duen unitateak ofizioz kenduko du. Hala egin ezean, onuradunak kentzeko eskatzen ahalko du, eta gehienez ere hilabeteko epean kendu beharko da, eskaera egiten denetik hasita.
Onuradunak gardentasun betebeharra bete behar ez badu, aurreikusitako inguruabarrak gertatzen ez direlako, horren gaineko adierazpen bat aurkeztu beharko du hilabeteko epean, dirulaguntza onartzen duen ebazpena ematen denetik hasita.
Entitateak dirulaguntza bat baino gehiago jasotzen badu ekitaldi berean, ez du informazioa errepikatu beharko dirulaguntza bakoitzerako, salbu eta hasieran eman zituen datuak aldatu badira.
Onuradunak ez badu betetzen informazioa emateko eginbeharra, horrek ekar ditzakeen zehapenak galarazi gabe, ordaindu gabe utziko da onartutako dirulaguntza, eta, kasua bada, kobratutako zenbatekoak itzuli egin beharko dira, Dirulaguntzei buruzko Foru Legearen 35.1.c) artikuluan ezarritakoari jarraikiz.
9. Enpresa deslokalizaziorik ez egitea, Enpresen sustraitzearen aldeko eta enpresen deslokalizazioaren aurkako neurriei buruzko abenduaren 16ko 18/2020 Foru Legearen 4. artikuluan ezarritakoari jarraikiz.
10. Nafarroako Gobernuak jarduera diruz lagundu duela publiko egitea eta zabaltzea, bitarteko elektronikoen bidez, Interneten, edo publizitate material inprimatua erabiliz edo feriako erakustokian horren publizitatea eginez. Egiaztatze aldera, onuradunak egokiak diren frogabideak aurkeztu beharko ditu.
Hamargarren oinarria.–Laguntza ordaintzea.
1. Entitate onuradunak, laguntza ematen den egunetik 2024ko azaroaren 1era bitarte, eskaera bakarra aurkeztuko du laguntza kobratzeko, agiri hauekin batera:
a) Egindako gastuen laburpen taula.
b) Ferian/ferietan parte hartzeari dagozkion fakturak.
c) Laguntzaren xedeko jarduketak ordaindu izanaren egiaztagiriak. Onuradunak aukeratu badu laguntza zuzenean ordaintzea entitate antolatzaileari, onuradunak bere kargura egindako gastuen ordainketa frogatu beharko du.
d) Adierazpen bat, laguntzaren xedeko ekintzak osorik edo partez finantzatzeko edozein administraziori zein erakunde publikori edo pribaturi eskatutako edo harengandik jasotako edozein laguntzari buruzkoa.
j) Eskatzailearen erantzukizunpeko adierazpen eguneratua, non adieraziko baitira aurreko bi ekitaldi fiskaletan eta kasuan kasuko ekitaldi fiskalean erregelamendu honi edo "de minimis" araubideko beste erregelamendu batzuei loturik jasotako laguntza guztiak.
2. Dirulaguntzaren ordainketa eginen da kobratzeko eskaera aurkeztu eta gero, eta ordainketa bakarrean; aurretik, organo kudeatzaileak egiaztatu beharko du laguntzaren onuradunak dirulaguntza emateko arrazoi izandako xedeak eta gardentasun betebeharra betetzen dituela.
3. Nekazaritzako Ustiategien eta Elikagaien Sustapenerako Zerbitzuak agiri guztiak ikuskatuko ditu, eta egiaztatuko du aurkezturiko gastuak hautagarriak direla, frogagiriak baliozkoak eta gainerako agiriak aski.
4. Nolanahi ere, zerbitzu honek frogagiri osagarriak eskatzen ahalko ditu, egoki baderitzo, aurkeztutako dokumentazioa zehazteko, argitzeko edo osatzeko, eta Administrazioaren datu baseak kontsultatzen ahalko ditu, Nafarroako Ogasun Publikoarekiko eta Gizarte Segurantzarekiko betebeharrak eguneratuta dituela egiaztatzeko.
5. Nekazaritzako Ustiategien eta Elikagaien Sustapenerako Zerbitzuak behar diren kontrolak eginen ditu gastuak onargarriak direla egiaztatzeko.
Hamaikagarren oinarria.–Garapena eta jarraipena.
Laguntzaren kontrolaren eta jarraipenaren ondorioetarako, Nekazaritzako Ustiategien eta Elikagaien Sustapenerako Zerbitzuak bidezkotzat jotzen duen informazio osagarria eskatzen ahalko die onuradunei, laguntzaren xedeko jarduerei eta ekintzei dagokienez, entitateak eskatutako baldintzak ezarritako epeetan betetzen dituela egiaztatzeko eta dagozkien egiaztapenak egiteko.
Hamabigarren oinarria.–Dirulaguntzaren bateragarritasuna.
Laguntza hauek ez dira Estatuko inolako laguntzarekin metatzen ahal, gastu diruz lagungarri berberei dagokienez, ez eta arriskuaren finantzaketa neurri berberaren Estatuko laguntzekin ere, baldin eta metaketa horrek gainditzen baldin badu kategorien arabera salbuesteko erregelamendu baten bidez edo Europako Batzordeak hartutako erabaki baten bidez kasu zehatz bakoitzerako finkatzen den laguntzen gehieneko zenbatekoa edo laguntzen intentsitatea.
Hamahirugarren oinarria.–Itzulketak, arau hausteak eta zehapenak.
1. Laguntzen onuradunek dirulaguntza emateko baldintza eta konpromisoak betetzen ez badituzte, dirulaguntzak oso-osorik itzuli beharko dituzte, bai eta dagozkien berandutze interesak ere, Dirulaguntzei buruzko azaroaren 9ko 11/2005 Foru Legearen 35. eta 37. artikuluetan xedatutakoarekin bat.
2. Aplikatu beharreko arau hausteen eta zehapenen araubidea azaroaren 9ko 11/2005 Foru Legean xedatutakoa izanen da.
Hamalaugarren oinarria.–Publiko egitea eta informazioa.
1. Ebazpen honetako laguntzen onuradunen zerrenda Nafarroako Gobernuaren Interneteko atarian argitaratuko da, tramiteen katalogoan, laguntza honi dagokion fitxan.
2. Informazio hori 10 urtez gordeko da gutxienez, eta jendearen eskura egonen da, murrizketarik gabe, laguntza emateko erabakia hartu ondoren.
3. Aldez aurretik idatziz eskatuz gero, organo kudeatzaileak beharrezkotzat jotzen duen informazio guztia eman beharko dio batzordeari, hogei egun balioduneko epean edo eskaeran ezartzen den gehieneko epean, "de minimis" erregelamendu hauetan ezarritako baldintzak bete diren zehazteko, eta, bereziki, edozein enpresak jasotako "de minimis" laguntzaren zenbateko osoa zehazteko, erregelamendu hauen eta beste "de minimis" erregelamenduen arabera.
Iragarkiaren kodea: F2400418
Sarbidea
Nafarroako Aldizkari Ofiziala
Paseo Pablo Sarasate, 38, 2.º izda.
31001 - Iruña
848 42 12 50