1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
314E/2023 EBAZPENA, abenduaren 1ekoa, Landa Garapeneko zuzendari nagusiak emana, zeinaren bidez handitzen baita 2025eko ekitaldirako baimendutako kreditua, laguntza hauetarako: "Nafarroako Ubidearen jarduketa eremuko nekazaritzako ustiategietan ureztapenerako ez diren inbertsioak" egiteko laguntzak, Nafarroako Landa Garapenerako 2014-2020 Programaren barnean. 2023ko deialdia. DDBN identifikazioa: 658610.
Nafarroako Gobernuaren 2022ko ekainaren 8ko Erabakiaren bidez, baimena ematen zaio Landa Garapeneko zuzendari nagusiari urte anitzeko 10.000.000 euroko gastua konprometitzeko 2025eko ekitaldian, laguntza hauek emateko: "Nafarroako Ubidearen jarduketa eremuko nekazaritzako ustiategietan ureztapenerako ez diren inbertsioak" egiteko laguntzak, Nafarroako 2014-2020 Landa Garapenerako Programaren esparruan, 2023ko deialdiari dagokionez.
Erabaki horretan berean baimena ematen zaio Landa Garapeneko zuzendari nagusiari "Nafarroako Ubidearen jarduketa eremuko nekazaritzako ustiategietan ureztatze ekipamenduetarako inbertsioak" egiteko laguntzen deialdian erabiltzen ez diren aurrekontu-kredituak erabil daitezen "Nafarroako Ubidearen jarduketa eremuko nekazaritzako ustiategietan ureztapenerako ez diren inbertsioak" egiteko laguntzen 2023ko deialdian.
Landa Garapeneko zuzendari nagusiaren azaroaren 11ko 270E/2022 Ebazpenaren bidez, laguntza hauen 2023ko deialdia eta oinarri arautzaileak onetsi ziren: "Nafarroako Ubidearen jarduketa eremuko nekazaritzako ustiategietan ureztapenerako ez diren inbertsioak" egiteko laguntzak. Ebazpen horren 3. puntuan ezartzen denez, 2025erako baimendutako kreditua handitzen ahalko da, gehienez ere 2.000.000 euro, "LGP LGENF 2014-2020. Inbertsioak nekazaritza azpiegituretan" izeneko 720004 72200 7700 412102 partidaren partida baliokidearen kargura, aurrekontu-baliabideak baldin badaude.
Landa Garapeneko zuzendari nagusiaren abuztuaren 8ko 175E/2023 Ebazpenaren bidez, "Nafarroako Ubidearen jarduketa eremuko nekazaritzako ustiategietan ureztatze ekipamenduetarako inbertsioak" egiteko 2023ko deialdiko laguntzak eman ziren, Nafarroako Landa Garapenerako 2014-2020 aldirako Programaren barnean. Deialdi horretan emandako zenbatekoa baimendutako zenbatekoa baino txikiagoa da, eta 1.586.799,32 euro libre gelditu dira.
Adierazitakoarekin bat, eta Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legeak eta Landa Garapeneko eta Ingurumeneko Departamentuaren egitura organikoa onesten duen urriaren 23ko 258/2019 Foru Dekretuak ematen dizkidaten eskudantziak erabilita,
EBAZTEN DUT:
1. Landa Garapeneko zuzendari nagusiaren azaroaren 11ko 270E/2022 Ebazpenean baimendutako kreditua handitzea. Ebazpen horren bidez onetsi ziren honako inbertsio hauetarako laguntzak emateko 2023ko ekitaldiko deialdia eta oinarri arautzaileak: "Nafarroako Ubidearen jarduketa eremuko nekazaritzako ustiategietan ureztapenerako ez diren inbertsioak", 2014-2020 aldirako Nafarroako Landa Garapeneko Programaren barnean.
Kreditu gehigarria 1.586.000 eurokoa izanen da 2025eko ekitaldian, 2023ko aurrekontu orokorretako "LGP LGENF 2014-2020. Nekazaritza azpiegituretako inbertsioak" izeneko 720004 72200 7700 412102 partidaren partida baliokidearen kargura. Beraz, guztira baimendutako zenbatekoa 11.586.000 euro izanen da.
2. Nafarroako Gobernuaren Dirulaguntzen Datu Baseari (NGDDB) jakinaraztea.
Ebazpen hau Nafarroako Gobernuaren Dirulaguntzen Datu Basean erregistratu beharko da.
3. Argitalpena.
Aldaketa hau Nafarroako Aldizkari Ofizialean argitaratuko da.
4. Administrazio errekurtsoak.
Ebazpen honen aurka gora jotzeko errekurtsoa jar daiteke, Landa Garapeneko eta Ingurumeneko kontseilariari zuzendua, ebazpen hau Nafarroako Aldizkari Ofizialean argitaratu eta biharamunetik hilabeteko epean.
Iruñean, 2023ko abenduaren 1ean.–Landa Garapeneko zuzendari nagusia, Rubén Goñi Urroz.
Iragarkiaren kodea: F2317293
