1. NAFARROAKO FORU KOMUNITATEA
1.7. BESTELAKOAK
30/2023 FORU AGINDUA, apirilaren 24koa, Ekonomia eta Ogasuneko kontseilariak emana, zuzentzen dituena Ekonomia eta Ogasuneko kontseilariaren urtarrilaren 16ko 3/2023 Foru Aginduan atzemandako akatsak. Foru agindu horren bidez, erabilitako ibilgailuen eta itsasontzien salmentako batez besteko prezioak onesten dira, oinordetzen eta dohaintzen gaineko zergaren, ondare eskualdaketen eta egintza juridiko dokumentatuen gaineko zergaren eta zenbait garraiobideren gaineko zerga bereziaren kudeaketan aplikatzeko.
Oharturik akatsak daudela Ekonomia eta Ogasuneko kontseilariaren urtarrilaren 16ko 3/2023 Foru Aginduan, zeinaren bidez onesten baitira erabilitako ibilgailuen eta itsasontzien salmentako batez besteko prezioak, oinordetzen eta dohaintzen gaineko zergaren, ondare eskualdaketen eta egintza juridiko dokumentatuen gaineko zergaren eta zenbait garraiobideren gaineko zerga bereziaren kudeaketan aplikatzeko, bidezkoa da hura zuzentzea, Administrazio Publikoen Administrazio Prozedura Erkideari buruzko urriaren 1eko 39/2015 Legearen 109.2 artikuluari jarraikiz. Izan ere, artikulu horretan esaten denez, administrazio publikoek, ofizioz edo interesdunek eskatuta, edozein unetan zuzentzen ahal dituzte beren egintzetako akats materialak, egitatezkoak edo aritmetikoak.
Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 125.1 artikuluak ezartzen duenaren arabera, administrazio egintzetan egiten diren akats material, aritmetiko edo egitatezkoak zuzentzea kasuan kasuko egintza eman duen organoari dagokio.
Horrenbestez,
AGINTZEN DUT:
1. Zuzentzea Ekonomia eta Ogasuneko kontseilariaren urtarrilaren 16ko 3/2023 Foru Aginduan atzemandako akatsak. Foru agindu horren bidez, erabilitako ibilgailuen eta itsasontzien salmentako batez besteko prezioak onesten dira, oinordetzen eta dohaintzen gaineko zergaren, ondare eskualdaketen eta egintza juridiko dokumentatuen gaineko zergaren eta zenbait garraiobideren gaineko zerga bereziaren kudeaketan aplikatzeko. Hauxe da zuzenketa:
I. eranskinean, TURISMO-IBILGAILU ETA LUR OROTAKO IBILGAILU erabilien batez besteko prezioak, lehenbiziko matrikulazioaren ondoko lehenbiziko urtean, honako hau esan behar du adierazitako modeloetan:
MODELOA - MOTA | MERKATARITZA-ALDIA | FITXA TEKNIKOAREN DATUAK | ZP | 2023 BALIOA euroak |
Hasiera | Amaiera | ESTATISTIKA ZIENTZIAK ETA TEKNIKAK (2. zikloa) | Zilindro bolumena | G/D | P kW | ZPF |
AUDI |
Q3 Advanced 35 TFSI S tronic | 2019 | | 1495 | 4 | G | 110 | 11,19 | 150 | 66.300 |
Q3 Black Line 40 TFSI quattro S tronic | 2019 | | 1984 | 4 | G | 140 | 13,26 | 190 | 75.000 |
MCLAREN |
650 S 3.8 | 2017 | | 3799 | 8 | G | 478 | 25,83 | 650 | 190.400 |
540 C 3.8 V8 540 cv | 2018 | | 3799 | 8 | G | 397 | 25,83 | 540 | 158.000 |
570 COUPÉ 3.8 S | 2018 | | 3799 | 8 | G | 420 | 25,83 | 570 | 174.400 |
570 SPIDER 3.8 S | 2018 | | 3799 | 8 | G | 420 | 25,83 | 570 | 192.600 |
720 S COUPÉ 4.0 V8 | 2018 | | 3994 | 8 | G | 530 | 26,62 | 720 | 227.800 |
720 S COUPÉ 4.0 V8 Luxury/Performance | 2018 | | 3994 | 8 | G | 530 | 26,62 | 720 | 238.700 |
MP4-12C V8 625 | 2011 | 2014 | 3799 | 8 | G | 460 | 25,83 | 625 | 345.900 |
MERCEDES |
AMG A 45 S 4MATIC+(W177) | 2019 | | 1991 | 4 | G | 310 | 13,28 | 421 | 59.900 |
2. Foru agindu hau Nafarroako Aldizkari Ofizialean argitaratzea.
Iruñean, 2023ko apirilaren 24an.–Ekonomia eta Ogasuneko kontseilaria, Elma Saiz Delgado.
Iragarkiaren kodea: F2306447