1. NAFARROAKO FORU KOMUNITATEA
1.1. XEDAPEN OROKORRAK
1.1.2. Foru Dekretuak
NAFARROAKO FORU KOMUNITATEKO LEHENDAKARIAREN 5/2023 FORU DEKRETUA, apirilaren 28koa, zeinaren bidez Unibertsitateko, Berrikuntzako eta Eraldaketa Digitaleko kontseilariaren esku uzten baita, aldi baterako, Ekonomia eta Ogasun Departamentuaren titulartasuna.
Nafarroako Foru Komunitateko lehendakariak apirilaren 28an emandako 4/2023 Foru Dekretuaren bidez, kargutik kendu zen, berak hala eskatuta, Elma Saiz Delgado andrea, Nafarroako Gobernuko kontseilaria.
Ekonomia eta Ogasun Departamentuaren titulartasuna hutsik dagoenez, abuztuaren 10eko 13/1982 Lege Organikoaren 30.2 artikuluan xedatutakoari eta abenduaren 3ko 14/2004 Foru Legearen 50. artikuluan xedatutakoari jarraikiz (13/1982 Lege Organikoa Nafarroako Foru Eraentza Berrezarri eta Hobetzeari buruzkoa da eta 14/2004 Foru Legea Nafarroako Gobernuari eta Lehendakariari buruzkoa),
DEKRETATZEN DUT:
Unibertsitateko, Berrikuntzako eta Eraldaketa Digitaleko kontseilaria den Juan Cruz Cigudosa García jaunaren esku uztea, aldi baterako, Ekonomia eta Ogasun Departamentuaren titulartasuna. Eskuordetza horrek 2023ko apirilaren 29tik aurrera izanen ditu ondorioak.
Iruñean, 2023ko apirilaren 28an.–Nafarroako Foru Komunitateko lehendakaria, María Chivite Navascués.
Iragarkiaren kodea: F2306683
