1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
89/2023 FORU AGINDUA, martxoaren 23koa, Eskubide Sozialetako kontseilariak emana, gizarteratzeko aparteko laguntzen zenbatekoak eguneratzen dituena 2023rako.
Eskubide Sozialetako kontseilariaren abenduaren 28ko 442/2020 Foru Aginduak, gizarte inklusiorako aparteko laguntzak baloratu eta emateko prozedura garatzen duenak, 12. artikuluan ezartzen duenez, foru agindu horretan finkatutako zenbatekoak eguneratzeko, aurreko urteko batez besteko KPIaren igoera erabiliko da.
Aztertu da Diru-sarreren, Bermearen eta Garapenerako Lankidetzaren Zerbitzuaren txostena, proposatzen duena aparteko laguntzen zenbatekoak 2023rako eguneratzea egungo zenbatekoei %8,8ko igoera aplikatuz.
Ikusirik Kontu-hartzailetza Delegatuak horretarako adostasuna eman duela, eta Nafarroako Gobernuari eta Lehendakariari buruzko abenduaren 3ko 14/2004 Foru Legeak emandako ahalmenak erabiliz,
AGINTZEN DUT:
1. Gizarteratzeko aparteko laguntzen zenbatekoak eguneratzea egungo zenbatekoei %8,8ko igoera aplikatuz. Horrenbestez, honela gelditzen dira onar daitezkeen gehieneko zenbatekoak:
Bizigarritasunerako elementu espezifikoetarako: hozkailua, 450 euro; garbigailua, sukaldea, berogailua eta estufa, 427 euro bakoitza; berokuntzako eta ura berotzeko galdara, 1.462 euro.
Oinarrizko ekipamenduko elementuetarako, oinarrizko altzari hauek: logela bikoitzerako, 150x190 neurriko somierra, 112 euro; 150x190 neurriko koltxoia, 225 euro; eta armairua, 281 euro. Banakako logelarako: 90x190 neurriko somierra, 90 euro; koltxoia, 112 euro; eta habia-ohea, literak eta armairua, 225 euro bakoitza. Sofa, 281 euro. Mahaia eta aulkiak (egongelakoak edo sukaldekoak, aukeran), 225 euro. Sukalde funtzionala/erabilgarria izateko altzariak, 562 euro.
2. Foru agindu honen kontra, gora jotzeko errekurtsoa jartzen ahalko da, Nafarroako Gobernuari zuzendua, Nafarroako Aldizkari Ofizialean argitaratu eta biharamunetik hilabeteko epean.
3. Foru agindu hau Nafarroako Aldizkari Ofizialean argitaratzea, behar diren ondorioak izan ditzan.
4. Foru agindu hau igortzea Babes Sozialaren eta Garapenerako Lankidetzaren Zuzendaritza Nagusiko Diru-sarreren Bermearen eta Garapenerako Lankidetzaren Zerbitzura, Aurrekontuak Kudeatzeko Atalaren Kontabilitate Zentrora, eta Idazkaritza Tekniko Nagusiko Administrazio Aferetarako Bulegora, behar diren ondorioak izan ditzan.
Iruñean, 2023ko martxoaren 23an.–Eskubide Sozialetako kontseilaria, M.ª Carmen Maeztu Villafranca.
Iragarkiaren kodea: F2304918
