Iragarkia

54. ALDIZKARIA - 2023ko martxoaren 16a

1. NAFARROAKO FORU KOMUNITATEA

1.4. DIRU-LAGUNTZAK, LAGUNTZAK ETA BEKAK

9E/2023 FORU AGINDUA, otsailaren 15ekoa, Kultura eta Kiroleko kontseilariak emana, dirulaguntzen deialdi hau onesten duena: "Kultur entitateentzako dirulaguntzak kultur ondare immaterialeko proiektuak egiteko, 2023. Sustraiak-Raíces". DDBN identifikazioa: 676354.

Museoen Atalak txosten bat aurkeztu du, proposatzen duena ondoren datorren guztia onestea: "Kultur entitateentzako dirulaguntzak kultur ondare immaterialeko proiektuak egiteko, 2023. Sustraiak-Raíces" deialdia, deialdia arautzen duten oinarri arautzaileak, 75.000 euroko gastua, eta foru agindu hau eta bere eranskina Nafarroako Aldizkari Ofizialean argitaratzea. Horretarako, kontuan hartzen du aipatutako gastua baimentzeko legeak ezartzen dituen baldintzak eta betebeharrak betetzen direla, eta espedientean dagoela kontu-hartzailetza delegatuaren adostasuna.

Horrenbestez, Kultura eta Kirol Departamentuaren egitura organikoa ezartzen duen urriaren 30eko 273/2019 Foru Dekretuak ematen dizkidan ahalmenak erabiliz,

AGINTZEN DUT:

1. Deialdi hau onestea: "Kultur entitateentzako dirulaguntzak kultur ondare immaterialeko proiektuak egiteko, 2023. Sustraiak-Raíces".

2. Deialdiaren oinarri arautzaileak, foru agindu honen eranskinean jaso direnak, onestea.

3. Deialdi honen konpromisoei aurre egiteko, jarraian adierazten diren aurrekontuko kredituak baimentzen dira; hala ere, aldaketak egiten ahalko dira, jasotzen diren eskaerak kontuan hartuta:

4. Foru agindu hau eta eranskinak Nafarroako Aldizkari Ofizialean argitaratzea.

5. Deialdi honen eta oinarri arautzaileen kontra gora jotzeko errekurtsoa jartzen ahal da, Nafarroako Gobernuari zuzendua, hilabeteko epean, argitaratu eta biharamunetik hasita.

6. Foru agindu honen kontra administrazio publikoek zilegi dute administrazioarekiko auzi-errekurtsoa jartzea, Nafarroako Justizia Auzitegi Nagusiko Administrazioarekiko Auzien Salari zuzendua, argitaratu eta bi hilabeteko epean. Horrek ez du galarazten aldez aurreko errekerimendua egin ahal izatea, Administrazioarekiko Auzien Jurisdikzioari buruzko uztailaren 13ko 29/1998 Legearen 44. artikuluan ezarritako moduan eta epean.

Iruñean, 2023ko otsailaren 15ean.–Kultura eta Kiroleko kontseilaria, Rebeca Esnaola Bermejo.

DEIALDI HONEN OINARRI ARAUTZAILEAK: KULTUR ENTITATEENTZAKO DIRULAGUNTZAK KULTUR ONDARE IMMATERIALEKO PROIEKTUAK EGITEKO, 2023. SUSTRAIAK-RAÍCES

1. Dirulaguntzen xedea, helburua eta aplikazio-eremua.

1.1. Deialdiaren xedea da kultur erakundeentzako dirulaguntzak arautzea, kultur ondare immateriala zaintzeko proiektuak egin ditzaten, hau da, Nafarroako kultur ondare immateriala dokumentatzeko, ikertzeko, transmititzeko, iraunarazteko, hedatzeko eta sustatzeko proiektuak egin ditzaten 2022ko azaroaren 1etik 2023ko urriaren 31ra bitartean, biak barne.

Deialdi horrek bete egiten ditu 2006an Espainiak berretsi zuen Kultur Ondare Immateriala Babesteko UNESCOren Konbentzioaren printzipioak, 2003koak, eta horren emaitza izan zen 2011n Ondare Historikoaren Kontseiluak onartutako Kultur Ondare Immateriala Babesteko Plan Nazionala idaztea. Nafarroako Foru Komunitatearen kasuan, deialdi hau Nafarroako Kultur Ondare Immaterialaren Inbentarioaren Plan Zuzentzailearen ekintza-ildoetan txertatzen da. Vianako Printzea Erakundea-Kulturako zuzendari nagusiaren abenduaren 1eko 376/2016 Ebazpenaren bidez onartu zen plan hori.

1.2. Dirulaguntzen deialdia helburu hauek betetzeko egin da:

–Nafarroan kultur ondare immateriala zaintzen laguntzea, bereziki arrisku edo kalteberatasun egoeran dagoena.

–Kultur ondareari buruzko araudiak aitortutako kultur ondasun immaterialak babesten eta zaintzen laguntzea.

–Kultur ondare immaterialaren transmisioa, hedapena eta ezagutza bultzatzea.

–Kultur ondare immaterialaren funtzio soziala sustatzen laguntzen duten proiektuak babestea.

1.3. Entitate bakoitzak proiektu bakar bat aurkezten ahalko du.

2. Onuradunek bete beharreko baldintzak.

2.1. Laguntza hauen onuradunek baldintza hauek bete beharko dituzte:

a) Irabazi asmorik gabeko elkartea edo fundazioa izatea, estatutuetan daukana, bere xede eta helburuen artean, kultur ondare immateriala zabaltzearekin lotutako jarduerak egitea, 1. oinarrian xedatutakoarekin bat.

b) Legez 2022ko urtarrilaren 1a baino lehen eratutako entitatea izatea.

c) Egoitza soziala eta fiskala Nafarroan izatea.

2.2. Ezin izanen zaie dirulaguntzarik eman Dirulaguntzei buruzko azaroaren 9ko 11/2005 Foru Legearen 13. artikuluaren 2. eta 3. apartatuetan ezarritako egoeraren batean dauden entitateei.

2.3. Ezin izanen dira onuradun izan zehapen administratibo irmorik edo kondena epai irmorik betetzen ari diren entitateak, edo, hala bada, zehapen eta kondena epai bat betetzeko zain daudenak, kondena jarri denean sexu edo genero diskriminaziotzat hartutako lan praktikak egiteagatik edo onartzeagatik.

2.4. Deialdi honetatik kanpo daude toki entitateak, haien organismo autonomoak, enpresa entitate publikoak, fundazio eta sozietate publikoak, partaidetzarik handiena Nafarroako Foru Komunitatearena baldin bada, bai eta Nafarroako Gobernuko 2023ko aurrekontu orokorretan partida izenduna duten entitateak ere.

3. Aurrekontu-egozpena eta dirulaguntzaren zenbatekoa.

3.1. Deialdi honek, guztira, 75.000 euroko diru kopurua izanen du, Nafarroako Gobernuko 2023ko aurrekontu orokorren kargura.

3.2. Proiektu bakoitzerako laguntzaren zenbatekoa ez da inola ere izanen onartutako aurrekontuaren %70 baino handiagoa. Onartutako aurrekontua erakundeak aurkezten duen aurrekontua izanen da, baina diruz lagungarriak ez diren gastuei dagozkien zenbatekoak kenduta, 6. oinarrian ezarritakoarekin bat.

Bestalde, entitate eskatzaile bakoitzaren laguntzaren zenbatekoa ez da izanen deialdi honi esleitutako aurrekontu osoaren %12 (9.000 euro) baino gehiago.

8.5 puntuan galdatutako puntuazioa gainditu duten irabazi asmorik gabeko elkarteek edo entitateek eskatzen dituzten zenbatekoen batuketa txikiagoa baldin bada deialdiko kreditua baino, edo hura adina, eskatzaile bakoitzari eskatutako zenbatekoa emanen zaio.

3.3. Hasieran esleitutako zenbatekoak askatzen badira, esleipen gehigarri bat egin daiteke, onetsitako proiektuetarako, lortutako puntuazioaren arabera, baldin eta eskatzen den gutxienekoa gainditu badute.

3.4. Onuradunen batek uko egiten badio laguntzari, hura hurrengo proiektuei emanen zaie, onetsi badira, lortutako puntuazioaren arabera, baldin eta eskatzen den gutxienekoa gainditu badute.

4. Proiektu diruz lagungarriak.

4.1. Honako hau ulertzen da proiektutzat: entitateak, proposatutako helburuak lortzeko, epe jakin batean eta ezarritako aurrekontuarekin garatzen dituen jardueren multzoa, horretarako baliabide zehatzak izanik.

4.2. Deialdi honen dirulaguntzen xede diren jarduerak, arestian aipatutako helburuen arabera, honako hauek dira:

a) Kultur adierazpen immaterialei buruzko ikerketa eta dokumentazio proiektuak.

b) Nafarroako kultur ondasun immaterialak kudeatzeko eta zaintzeko ekintzak egitea.

c) Kultur ondare immateriala iraunarazten eta ezagutzen laguntzeko transmisioa sustatzen duten jarduerak edo proiektuak.

d) Kultur ondare immaterialari buruzko hedapen ekintzak antolatzea.

Nolanahi ere, oinarri hauetako 6. klausulan aipatzen diren gastu baztertuak ez dira diruz lagunduko.

4.3. Proiektuak lau zati izanen ditu:

–Proiektuaren izena.

–Proiektuaren deskribapen zehatza.

–Zabalkunde plana.

–Aurrekontua.

Deskribapenari dagokionez: proiektua deskribatuko da, eta haren helburuak eta horiek lortzeko bete beharreko ekintzak zehaztuko dira.

Horrez gain, hauek ere jasoko dira: proiektua noiz eginen den, onuradunen ezaugarriak eta kopurua, lortu nahi den emaitza ebaluatzeko bide emanen duten adierazleak, kultur ondare immaterialaren testuinguruan proiektuak duen garrantzia eta egokitasuna, proiektuaren edukiak eta helburuak bat etortzea, alderdi berritzaileak eta pedagogikoak eta euskara erabiliko den edo ez. Genero ikuspegia eta hizkera ez sexista erabiltzea proiektuen dokumentuetan, materialetan eta publizitatean.

Zabalkunde planari dagokionez, atal honetan, proiektuaren sustapena, komunikazioa eta publizitatea egiteko jarduerak zehaztuko dira.

Aurrekontuari dagokionez, proiektuaren aurrekontu osoa aurkeztu beharko da, eta bertan argi geldituko da entitateak dituen baliabide ekonomikoak (diru-sarrerak eta gastuak), giza baliabideak (bazkideak, boluntarioak, kontratatzen diren langileak) eta baliabide materialak (azpiegiturak) koherenteak direla proiektuari aurre egiteko.

Proiektua II., III. eta IV. eranskinetan jasotako ereduaren arabera aurkeztu beharko da.

5. Eskaerak eta eskatutako agiriak aurkeztea.

5.1. Eskabideak modu telematikoan aurkeztuko dira nahitaez, Nafarroako Foru Komunitatearen Administrazioko Erregistro Orokor Elektronikoaren bidez (www.nafarroa.eus). Identifikatzeko, ziurtagiri digitala edo Cl@ve sistema eduki beharko da.

Eskaera aurkezten bada lehen esandako modua ez den beste edozein erabiliz, ez aurkeztutzat joko da, baina horrek ez du eragotziko eskaera geroago aurkeztu ahal izatea modu elektronikoan. Kasu horretan, sarrera data baliodun bakarra aurkezpen elektronikoarena izanen da.

5.2. Eskaeraren berariazko inprimakiari (I. eranskina) erantsi behar zaion dokumentazioa ondotik zehazten dena da. Dokumentazio guztia eskaneatua aurkeztuko da, ongi bereizitako eta behar bezala identifikatutako agirietan:

a) Entitatearen estatutuak.

b) Legez eratutako erakunde bat dela frogatzen duen agiria.

c) Egoitza soziala eta fiskala Nafarroan dituela frogatzen duen agiria.

d) Proiektuaren deskripzio-memoria, II. eranskinean dagoen ereduaren araberakoa. Proiektuaren deskribapena gehienez ere 30 foliotan egin beharko da, eta, horietatik, zabalkunde planaren deskribapena DIN A4 neurriko 6 orritan eginen da gehienez ere, alde batetik idatzirik, gutxienez ere 11 puntuko letra mota arruntarekin.

Proiektuaren datu ekonomikoak III. eranskinean aurkeztu beharko dira, eta nahitaezko baldintza da aurkezten den aurrekontuan gastuak eta diru-sarrerak berdinduta izatea.

IV. eta V. eranskinak

5.3. Eskaera ereduak, deskripzio-memoria eta eranskinak Nafarroako Gobernuaren web-orriaren bitartez bete eta tramitatzen ahalko dira: http://www.navarra.es/home_eu/servicios.

5.4. Eskaerak eta eskatutako dokumentazioa aurkezteko epea 15 egun baliodunekoa izanen da, oinarri hauek Nafarroako Aldizkari Ofizialean argitaratu eta biharamunetik hasita.

5.5. Dirulaguntzarako eskaerak identifikazio datuak jasotzen ez baditu, hala eskatutako laguntzarenak nola pertsona edo entitate eskatzailearenak, nahitaezko dokumentazioa aurkezten ez bada edo Administrazio Publikoen Administrazio Prozedura Erkideari buruzko urriaren 1eko 39/2015 Legearen 66.1 artikuluan ezarritako baldintzaren bat betetzen ez bada, interesdunari eskatuko zaio, posta elektronikoaren bidez, hamar egun balioduneko epean okerra zuzendu edo nahitaezko dokumentuak aurkez ditzala, eta adieraziko zaio hala egiten ez badu eskaerari uko egiten diola ulertuko dela, Dirulaguntzei buruzko azaroaren 9ko 11/2005 Foru Legearen 19.3 artikuluak dioen bezala.

5.6. Prozesuan zehar, noiznahi ere eskatzen ahalko zaie informazio osagarria eskatzaileei.

6. Gastu diruz lagungarriak.

6.1. Deialdi honen ondorioetarako, gastu diruz lagungarriak dira zalantzarik gabe diruz lagundutako jardueraren izaerarekin bat datozenak, behar-beharrezkoak badira eta deialdi honetan ezarritako epean egiten badira. Gastu horien kostua ez da inoiz izanen merkatuko balioa baino handiagoa.

Entitateak proiektua garatzean egiten dituen gastu hauek hartuko dira kontuan:

a) Zuzeneko kostuak.

–Aurkeztutako proiektuaren ekintzak gauzatzean eragindako gastuak.

–Proiektuko ekintzak egitearekin lotutako kultur taldeen eta arte konpainien, artisten eta hizlarien ordainsariak.

–Egile eskubideen kudeaketarako entitateek sortutako gastuak.

–Proiektuan aurreikusitako ekintzak gauzatzeko behar diren langileen lansarien eta gizarte segurantzaren kostuak, barnean direla entitate onuradunaren zerbitzuan ari direnena eta horretarako kontratatzen direnenak, eta ezin izanen da gainditu aurkeztutako aurrekontuaren %15. Lehenbiziko kasuan, proiektuan benetan emandako denboraren araberako zati proportzionalak egotziko zaizkio proiektuari.

–Proiektuan sartutako jardueren zabalkunderako eta merkaturatzeko gastuak.

–Kanpoko baliabideak kontratatzearen ondorioz sortutako gastuak, hala nola toki, ekipamendu eta baliabide materialen alokairuak, baita proiektuko ekintzak gauzatzeko behar diren beste batzuk ere.

–Proiektuan aurreikusitako ekintzak egiteko behar diren langileen ostatu gastuak, dietak eta bidaia gastuak, barne hartuta entitate onuradunean lanean aritzen direnena eta horretarako kontratatzen direnena, bai eta jarduera egiteko beharrezkoak diren eszenografia, atrezzoa, jantziak, tresnak, eta/edo elementu teknikoak garraiatzea ere, gehienez ere:

–Ostatua eta dietak: Nafarroako Gobernuak 2012ko azaroaren 28an hartutako Erabakian jasotako baldintzetara mugatutako gastuak (erabaki hori 2012ko 244. Nafarroako Aldizkari Ofizialean, abenduaren 17koan, argitaratu zen).

–Garraioa: autoa erabiliz gero, zero koma hogeita hamar (0,30) euro km bakoitzeko, gehi autobideko (bidesariak) eta aparkalekuetako gastuak. Furgoneta edo zamalanetarako beste ibilgailuren bat erabiliz gero, zero koma berrogei (0,40) euro km bakoitzeko, gehi autobideko (bidesariak) eta aparkalekuetako gastuak. Kilometro kopurua kalkulatzeko, abiapuntua pertsona fisiko edo juridikoaren egoitza soziala edo establezimendua izanen da.

–Ibilgailua alokairukoa denean, alokairuaren kostua.

–Hegazkina, trena edo beste garraio publikoren bat erabiliz gero, gehienez ere turista klaseko txartel arruntaren zenbatekoko dirulaguntza ordainduko da.

Dirulaguntzaren xedeko proiektua gauzatzeko ekipamenduko ondasun inbentariagarriak erosiz gero, gastu diruz lagungarritzat hartuko da haien amortizazioa, proiektuari egozten ahal zaion proportzioan, kontabilitateko irizpide orokorren arabera. (23/2013 Foru Dekretua, apirilaren 10ekoa, fakturazio betebeharrak arautzen dituena).

Entitate eskatzaileak berari lotutako pertsonak kontrata ditzake proiektua partez edo osoki gauzatzeko, eta kontratazio horrek ez du gaindituko gehieneko laguntzaren zenbatekoaren %15, eta baldintza hauek bete behar ditu:

–Kontratazioa merkatuko ohiko baldintzekin bat egin beharko da.

–Kontratazioak Vianako Printzea Erakundea-Kultura Zuzendaritza Nagusiaren adostasuna jaso beharko du.

b) Zeharkako kostuak.

Zeharkako kostuen barrenean daude bai gastu orokorrak, onuradunak egiten dituen jardueretako batzuei egozten ahal zaizkienak, bai gastu finkoak, jarduera zehatz bati egotzi ezin zaizkionak baina beharrezkoak direnak diruz lagundutako proiektua gauzatzeko.

Proiektu bakoitzerako zeharkako kostu diruz lagungarriek proiektuaren aurrekontuan sartuak egon beharko dute, eta ez dira izanen proiektuaren kostu osoaren %10 baino handiagoak.

6.2. Gastu hauek ez dira diruz lagungarriak izanen:

–Herri bazkariak.

–Argitalpenen edo euskarri digitaleko materialaren edizioa.

–Web-orrien eta sare sozialen mantentze lanak.

–Kirol jarduerak, salbu kultura ondare immateriala direnak edo eskolakoak.

–Zinema jaialdiak eta lehiaketak, Foru Komunitatean 2023an egiten direnak.

–Ondasun higiezinen eta azpiegituren erosketarekin, erabilerarekin eta finantzaketarekin lotuta dauden guztiak, salbu eta dirulaguntzaren xede den proiektua gauzatzeko ekipamenduko ondasun inbentariagarrien erosketarako 6.1 puntuan ezarritakoa.

–Zentzuz jokatuta proiektua gauzatzeko beharrezkoak ez diren gastuak, edo zenbatekoa modu fidagarrian zehaztu gabe dutenak.

–Balio erantsiaren gaineko zerga, entitateak berreskura dezakeena, bai eta antzeko zergak ere.

Entitateko langileen ordainsariak, baldin eta lanbide arteko gutxieneko soldata halako 3 baino gehiago badira.

–Kultur adierazpen immaterialen euskarri materialak kontserbatzeko eta zaharberritzeko esku-hartzeen gastuak.

7. Tramitazio eta ebaluazio organoak.

7.1. Museoen Atalak tramitatuko ditu eskaerak, norgehiagokako araubidean.

7.2. Vianako Printzea Erakundea-Kulturako zuzendari nagusiaren ebazpen bidez izendatutako ebaluazio batzorde batek baloratuko ditu eskaerak. Batzorde horretako kideen izenak Nafarroako Gobernuaren web atarian argitaratuko dira. Honako hauek izanen dira:

a) Batzordeburua: Susana Irigaray Soto, Museoen Zerbitzuko zuzendaria edo, bera izan ezean, Lorenzo García Echegoyen, Kultur Ekintza Zerbitzuko zuzendaria.

b) Idazkaria: Mikel Ozkoidi Pérez, Ondare Etnologiko eta Immaterialaren Bulegoko burua edo, bera izan ezean, Iñaki Urricelqui Pacho, Museoen Ataleko teknikaria.

c) Kidea: Celia Martín Larumbe, Museoen Ataleko burua edo, bera izan ezean, María Soledad Martínez Caspe, Programa Artistikoen eta Hedapenaren Ataleko burua.

d) Kidea: Pilar Martínez de Olcoz, Nafarroako Kulturaren eta Arteen Kontseiluko kidea.

7.3. Balorazio eta adjudikazio prozesua.

1. fasea: Kultura eta Kirol Departamentuko Museoen Zerbitzuak deialdian onartua izateko betebeharrei buruzko dokumentazioa aztertuko du. Eskatutako dokumentazioa aurkeztu ez bada, 5.6 puntuan zuzenketa egiteko adierazten dena eginen da.

2. fasea: Ebaluazio batzordeko kideek onartzen diren proiektuak jasoko dituzte, balorazioa egiteko.

3. fasea: Batzordeak bilera eginen du, aurkeztutako eskaeren puntuazioa jarriko du, eta proposatuko du dirulaguntza bana dadila 8. oinarrian aipatzen den gutxieneko puntuazioa gainditzen duten proiektuen artean, lortutako puntuazioaren ordenan, 3. oinarrian ezarritakoari jarraikiz, deialdiaren partida agortu arte, baldin irizpide horiek gainditzen dituzten eskaeretako zenbatekoen batura txikiagoa bada deialdirako kreditua baino, edo hura adina.

4. fasea: Batzordeak irizpen loteslea emanen du.

7.4. Museoen Zerbitzuak, ebaluazio batzordearen irizpena ikusita, deialdiaren gaineko ebazpen proposamena eginen du.

8. Proiektuen balorazioa.

Proiektuen balorazioa errazteko asmoz, entitate eskatzaileak deialdi honen II. eranskinean ageri den deskripzio-memoriaren ereduaren araberako eskaera (I. eranskina) aurkeztu beharko du; eranskin horretan zehatz-mehatz jasotzen dira irizpide bakoitzaren barrenean baloratu beharreko alderdiak. Informazio ekonomikoa III. eranskinean (Informazio ekonomikoaren inprimakia) beteko da. Gastuek eta diru-sarrerek zenbateko bera izan beharko dute.

Aurreko irizpideak aplikatuta, gehienez ere 100 puntu emanen zaizkio proiektu bakoitzari.

Dirulaguntza jasotzeko, proiektuek 50 puntu lortu beharko dituzte gutxienez. 50 puntu horietatik, gutxienez 18 puntu izanen dira proiektuaren kalitate orokorraren atalari dagozkionak (8.2.2 a).

Oker betetzen diren datuak edo funsgabeak direnak baloraziotik kanpo geldituko dira.

Irizpide hauek erabiliz baloratuko dira proiektuak:

8.1. Entitate eskatzailearen ibilbidea eta jarduna (10 puntu gehienez):

a) Entitatearen ibilbidea: entitateak jardunean emandako urte osoen kopurua. (5 puntu gehienez).

• 10 urte baino gehiago: 5 puntu.
• Urte1etik 10 urtera: 2 puntu.

b) Entitatearen jarduna: muntako jardueren kopurua, azkeneko hiru urte naturaletan frogatuak. (5 puntu gehienez):

• Proiektuaren xedearekin zuzeneko lotura duen jarduera bakoitzeko puntu erdia, eta 4 puntu gehienez.
• Proiektuaren xedearekin zuzeneko lotura izan gabe egindako jarduera bakoitzeko 0,25 puntu, eta 2 puntu gehienez.

8.2. Proiektua deialdiaren xedearekin, helburuarekin eta eremuarekin bat etortzea. (75 puntu gehienez).

8.2.1. Taldearen osaera eta gaitasuna eskatutako proiektua egiteko (5 puntu gehienez). Gaitasun hori taldekide bakoitzaren curriculum berariazkoaren bidez frogatuko da. Bakoitzaren curriculumaren gehieneko luzera: 2 orri.

8.2.2. Proiektua (61 puntu arte).

a) Proiektuaren kalitate orokorra: (36 puntu gehienez) (beharrezkoa da atal horretan 18 puntu lortzea gutxienez).

–Proiektuaren izena.

–Proiektuaren deskribapena (10 lerro).

–Proiektuaren helburuak.

–Ekintzak eta jarduerak.

–Proiektua gauzatzeko datak.

–Aurreikusitako onuradun kopurua eta haien ezaugarriak.

–Alderdi hauek ebaluatzeko bide emanen duten adierazle kuantitatiboak eta kualitatiboak: lortu nahi den emaitza; proiektuaren garrantzia eta egokitasuna kultura tradizionalaren ikuspuntutik eta lurraldean; proiektuaren edukien eta helburuen arteko koherentzia; proiektuaren interes kulturala.

b) Euskara erabiltzea proiektuaren edukian eta/edo haren zabalkundean eta sustapenean. (5 puntu gehienez).

–Euskara erabiltzea jarduerak zabaltzean, edozein euskarritan.

–Proiektuaren zabalpena ele bitan egitea.

–Proiektuan euskara erabiltzea.

–Jarduera euskaraz egitea.

–Euskara erabiltzea proiektuko komunikazio-hizkuntza gisa.

c) Proiektuak Nafarroako Foru Komunitatearen lurraldearen garapenari egiten dion ekarpena (5 puntu gehienez).

d) Proiektuak kultur ondareari buruzko araudiaren arabera aitortutako kultur ondasun immaterialen gainean duen eragin maila (5 puntu gehienez).

e) Ikuspegi inklusiboa txertatzea, emakumeek kultura ondare immaterialean egindako ekarpenak eta beren presentzia ikusarazteko (5 puntu gehienez).

f) Bereziki kalteberak diren kultura ondare immaterialaren adierazpenei buruzko proiektuak (5 puntu gehienez).

8.2.3. Proiektuaren hartzaileei loturiko kudeaketa estrategiak (gehienez ere 9 puntu).

8.2.3.1. Proiektuari erantsitako ekintza pedagogikoak (3 puntu gehienez).

8.2.3.2. Zailtasun fisikoak edo psikosozialak dituzten ikus-entzuleak hurbiltzen laguntzeko ekintzak (3 puntu gehienez).

a) Proiektuaren publiko objektiboa.

b) Inklusio eta irisgarritasun aktiboa (ekintza zehatzen bidez, zailtasun fisikoak eta psikosozialak dituzten publikoetara iristea): ekintza kopurua, publiko mota, kalkulatutako publikoa.

8.2.3.3. Ekintza berritzaileak (hizkera berriak, ikuspegi berriak...) (3 puntu gehienez).

a) Proiektuaren eremuari dagokionez.

b) Eremu asoziatiboari dagokionez (entitateak egindako jardueran).

8.3. Proiektuaren bideragarritasuna eta koherentzia ekonomikoa (15 puntu gehienez).

8.3.1. Proiektu osoaren kostuarekin alderatuta, eskatzen den dirulaguntzaren portzentajea (9 puntu gehienez).

• %60 arte: 9 puntu.
• %60tik %65era arte: 5 puntu.
• %65etik %70 arte: 2 puntu.

8.3.2. Proiektuaren guztirakoaren gainean bermatu edo berretsitako finantzaketaren portzentajea, dirulaguntza hau kenduta. Hurrengo agiriren bat aurkeztuz frogatuko da hori: baliabide propioak (bankuko dokumentua edo zinpeko aitorpena, entitatearen legezko ordezkariak egina), maileguak, jarduteko kontratuak (kuantifikatuak eta sinatuak), berretsitako dirulaguntzak (haiek ematen dituen ebazpena), Vianako Printzea Erakundea-Kultura Zuzendaritza Nagusiarekin hitzarmena sinatuz gero entitateari laguntza ekonomikoa emanen dioten entitateen ziurtagiri kuantifikatuak (6 puntu bitarte).

• %50 baino gehiago: 6 puntu.
• %41 baino gehiagotik %50era arte: 4 puntu.
• %31 baino gehiagotik %41era arte: 3 puntu.
• %21 baino gehiagotik %31ra arte: 2 puntu.
• %11 baino gehiagotik %21era arte: 1 puntu.

8.4. Proiektuen balorazioa errazteko asmoz, entitate eskatzaileak eskaera eginen du deialdi honen II. eranskinean ageri den deskripzio-memoriaren ereduari jarraikiz; eredu horretan zehatz-mehatz jasotzen dira irizpide bakoitzaren barrenean baloratu beharreko alderdiak. Informazio ekonomikoa III. eranskinean jasotako informazio ekonomikoari buruzko inprimakian jakinaraziko da.

8.5. Aurreko irizpideak aplikatuta, gehienez ere 100 puntu emanen zaizkio proiektu bakoitzari.

Dirulaguntza jasotzeko, proiektuek 50 puntu lortu beharko dituzte gutxienez. 50 puntu horietatik, gutxienez 18 puntu izanen dira proiektuaren kalitate orokorraren atalari dagozkionak (8.2.2 a).

8.6. Betetzen ez diren datuak edo oker betetzen direnak edo funsgabeak direnak baloraziotik kanpo geldituko dira.

9. Dirulaguntzak emateko ebazpena.

9.1. Eskaerak aurkezteko epea bukatu eta biharamunetik hasita lau hilabeteko epean gehienez, Vianako Printzea Erakundea-Kulturako zuzendari nagusiak ebazpen bat emanen du laguntzak esleitzeko. Epe hori iraganik berariazko ebazpenik argitaratu gabe, eskabidea ezetsitzat joko da.

9.2. Dirulaguntza hau emateko prozeduraren barruan ematen diren ebazpenen jakinarazpen guztiak Nafarroako Gobernuaren web-orrian argitaratuko dira: http://www.navarra.es/home_eu/servicios/.

Horretaz gainera, eskatzaile bakoitzari jakinaraziko zaio, eskabidean berak adierazitako helbide elektronikoaren bidez.

9.3. Berariazko ezespenaren aurka, interesdunek zilegi izanen dute gora jotzeko errekurtsoa jartzea, Kultura eta Kiroleko kontseilariari zuzendua, argitaratu eta hilabete bateko epean, administrazio prozedurari buruzko legerian xedatuari jarraikiz. Ustezko ezespenaren aurka interesdunek zilegi izanen dute gora jotzeko errekurtsoa jartzea, Kultura eta Kiroleko kontseilariari zuzendua, isiltasun administratiboak ondorioak izan eta biharamunetik hasita noiznahi, administrazio prozedurari buruzko legeriari jarraikiz.

10. Diruz laguntzen diren proiektuen interes soziala, kultur mezenasgoaren ondorioetarako.

10.1. Nafarroako Foru Komunitatean kultur mezenasgoa eta haren zerga-pizgarriak arautzen dituen maiatzaren 16ko 8/2014 Foru Legearen 5.1.b) artikuluan xedatutakoarekin bat, deialdi honetan diruz laguntzen diren proiektuek interes soziala dute honako hauen ondorioetarako: foru lege horrek dohaintzei, erabilera mailegu edo komodatuei eta lankidetza-hitzarmenei ezartzen dizkien zerga-pizgarrien aplikazioa, eta sozietateen gaineko zergaren araudiak babesletza-kontratuen ondoriozko publizitate gastuei ezartzen dizkien kenkarien aplikazioa. Ondorio horretarako, eskatzaileek IV. eranskina beteko dute.

10.2. Kultur mezenasgoaren arloko zerga-pizgarriak aplikatzeko, onuradunek bete egin beharko dituzte maiatzaren 16ko 8/2014 Foru Legean eta Kultura, Kirol eta Gazteriako kontseilariaren irailaren 16ko 77/2014 Foru Aginduan ezarritako baldintzak eta betebeharrak. Foru agindu horren bidez, kultur proiektu eta jarduerak interes sozialekotzat deklaratzeko prozeduraren erregelamendua onetsi zen.

10.3. Orobat, beren proiektuak gauzatzen laguntzeko mezenasgo eta babesletza ekarpenak jasotzen dituzten onuradunek 13.1 oinarrian aipaturiko azken memorian zehaztu beharko dituzte mezenasgo eta babesletza modalitate guztien bidez jasotako ekarpenak, eta ebaluatu beharko dute laguntza horiek zer eragin izan duten diruz lagundutako proiektua gauzatzeari begira.

11. Onuradunek bete beharrekoak.

11.1. Dirulaguntza eman dela jakinarazi eta hilabeteko epean, interesdunek dirulaguntzen onuradunen gardentasun betebeharraren aitorpena aurkeztu beharko dute, eta, hala badagokio, baita eskatzen zaien dokumentazioa ere, Gardentasunari, informazio publikoa eskuratzeari eta gobernu onari buruzko maiatzaren 17ko 5/2018 Foru Legeak ezarritakoarekin bat, foru lege horrek Nafarroako aurrekontu orokorren kargurako dirulaguntzen onuradunek dituzten gardentasun betebeharrak arautzen baititu.

Aitorpen eredua eta aginduzko dokumentazioa Nafarroako Gobernuaren web-orriaren bitartez kontsultatu, bete eta tramitatzen ahalko dira: http://www.navarra.es/home_eu/Servicios/, edo dirulaguntza hau kudeatzen duen Museoen Zerbitzuaren bidez.

Zehapenak galarazi gabe (halakorik ezartzea bidezko izanez gero), onuradunak informazioa emateko duen betebeharra urratzen badu, ez zaio emandako dirulaguntza ordainduko, eta, zerbait aurreratu bazaio, itzuli egin beharko du.

11.2. Deialdi honen bidez diruz laguntzen den programarako baizik ez da erabiliko laguntza, eta, oro har, Dirulaguntzei buruzko azaroaren 9ko 11/2005 Foru Legean ezarritako betebeharrak beteko dira.

11.3. Kultura eta Kirol Departamentuko Museoen Atalean justifikatzea diruz lagundutako proiektua gauzatu dela eta zer gastu egin den.

11.4. Erakunde onuradunek konpromisoa hartzen dute Vianako Printzea Erakundea-Kultura Zuzendaritza Nagusiari baimena emateko diruz lagundutako proiektuak erabil ditzan kultura ondare immateriala ikertzeko, sustatzeko, zabaltzeko, eta babesteko jardueretan. Nolanahi ere, Vianako Printzea Erakundea-Kultura Zuzendaritza Nagusiak baimena eskatuko dio erakunde egokiari, eta honek adierazi ahal izanen du eskubide horren aurka dagoela edo eskubide horren erabilera baldintzatu, baldin eta erabilera horrek proiektuaren ustiapenari kalte eginen diola uste izatea arrazoizkoa bada.

Vianako Printzea Erakundea-Kultura Zuzendaritza Nagusiak baimena dauka zabaltzeko, bere web-orriaren bidez, Kultura eta Kirol Departamentuak emandako dirulaguntzaren ondorioz egindako proiektuaren emaitzak.

11.5. Museoen Atalari jakinarazi beharko diote proiektuaren garapenean gertatzen den edozein gorabehera, gertatzen den une berean, baldin eta proiektua aldatzea ekartzen badu. Proiektuan edozein aldaketa egiteko organo kudeatzailearen adostasuna beharko da, eta horrek baimena emanen du baldin eta aldaketak ez badu proiektua funtsean aldatzen.

11.6. Diruz lagundutako proiektuen argitalpen guztietan zehaztu beharko da Nafarroako Gobernuaren finantzaketa jaso dela. Diruz lagundutako proiektuaren egitarauan, afixetan, iragarkietan edo edozein motatako publizitatean Nafarroako Gobernuaren logotipoa erabili beharko dute, eta jasotako finantzaketa edo dirulaguntza deskribatzen duen testu bat ezarri. Logotipoa jartzeko jarraibideak Nafarroako Gobernuaren web orrian kontsulta daitezke: https://www.navarra.es/eu/nafarroako-gobernua/sinbolo-ofiziala (https://www.navarra.es/eu/nafarroako-gobernua/sinbolo-ofiziala), eta/edo haren Argitalpen Atalaren bidez.

Ekitaldia dirulaguntza eman aurretik egin bada, ez da nahitaezkoa izanen logoa jartzea inprimatutako materialean (esku-orriak, kartelak). Hala ere, zabalkunde telematikoan, web-orrian eta aldaketa egiteko aukera ematen duen edozein hedabidetan, dirulaguntza eman bezain laster aldatuko da, eta Nafarroako Gobernuaren logoa sartuko, aurreko apartatuan deskribatutako baldintzei jarraituz.

11.7. Kultura eta Kirol Departamentuko Museoen Atalak proiektua burutu dela egiaztatzeko noiznahi eginen dituen lanak onartzea.

11.8. Diruz lagundutako jarduerak finantzatzeko lortutako beste laguntza, dirulaguntza, diru-sarrera edo baliabide batzuen berri ematea Museoen Atalari. Jakin bezain laster emanen da horren berri, eta, betiere, jasotako funtsak zertan erabili diren justifikatu baino lehen.

11.9. Egiaztapen eta kontrolak egiteko ahalmenak erabili ahal izan daitezen, kontabilitate liburuak, erregistro eginbidetuak eta gainerako agiriak eduki beharko dira, behar bezala ikuskatuak, onuradunari aplikatu behar zaizkion merkataritzako legeetan eta lege sektorialetan agindutako moduan. Halaber, dirulaguntzen oinarri arautzaileetan berariaz eskatzen diren kontabilitate orriak eta erregistro berariazkoak eduki beharko dira.

11.10. Jasotako diruaren erabilerari buruzko frogagiriak gordetzea, agiri elektronikoak barne, egiaztatze eta kontrol lanen xede izaten ahal diren bitartean.

11.11. Entitateak garaiz eman beharko du egiten dituen jarduerei buruzko informazioa, aldian behin Nafarroako Gobernuaren web-orrian eta beste hedabide batzuetan zabal dadin.

11.12. Entitateak ebaluazio txosten bat aurkeztu beharko du proiektua amaituta. Txosten horretan, proiektuaren alderdiak noraino bete diren adieraziko du, hasieran aurkeztutako deskripzio-memorian jasotakoarekin alderatuta.

Txostenean sartu beharko da masa soziala, entitateko zuzendaritza-taldea eta arte eta kudeaketa taldea osatzen dutenen sexuen araberako banaketa (emakumezko eta gizonezko bazkideen kopurua).

11.13. Deialdi honen dirulaguntzaren xedeko jarduerek, bai eta horien zabalkundeak ere, aintzat hartu beharko dituzte Nafarroako Berdintasunerako Institutuak generoaren aldetik baztertzailea ez den hizkerari buruz argitaratutako gomendioak: http://www.navarra.es/NR/rdonlyres/30B6ABA1-F8D6-468F-8CBB-D5808B5F6575/118955/GUIADECOMUNICACION1213.pdf.

12. Ordaintzeko moduak.

Ordaintzeko moduak hauek izanen dira:

12.1. Oro har:

Oro har, erakunde onuradunak diruz lagundutako jarduera egin duela justifikatu ondoren ordainduko dira laguntzak.

Proiektua bukatutakoan egin daiteke justifikazio hori, edo partzialki, aurrekontuaren %50 eta %100 egindakoan.

Entitateak dokumentazio hau aurkeztuko du justifikazio partzialean edo bukaerako justifikazioan:

a) Diruz lagundutako jarduera dela-eta izandako gastuen fakturen edo, bestela, merkataritzako trafiko juridikoan froga balio bera edo eraginkortasun administratiboa duten frogagirien zerrenda zenbakitu eta zehaztua, baita egindako ordainketen frogagiriena ere, honako hauek adierazita: hornitzailearen/jaulkitzailearen izena, IFK, kontzeptua, fakturaren zenbakia eta data, zenbatekoa (BEZarena, PFEZarena eta guztirakoa) eta ordainketaren data; zerrenda hori Excel formatuan igorriko da.

b) Orobat, aurkeztuko dira egindako gastuen fakturak edo merkataritzako trafiko juridikoan froga balio bera edo eraginkortasun administratiboa duten bestelako agiriak, eta egindako ordainketen frogagiriak, dirulaguntzaren helburua bete dela frogatzeko.

c) 100 eurotik gorako gastuen ordainketak bankuko ordainagirien bidez frogatuko dira. Zenbateko horretakoak edo txikiagoak diren gastuak, berriz, fakturen bidez edo froga balio bera duten beste agiri batzuen bidez justifikatzen ahalko dira, kasu bakoitzeko ordainagiriak erantsita, hots: bankuko frogagiriak, "ordainduta" zigilua daramaten fakturak (hornitzaileak sinatuak eta zigilatuak), edo faktura edo gastua ordaindu dela frogatzen duen beste edozein agiri.

d) Jarduerak, deialdi honetako laguntzez gain, norberaren edo besteren baliabideekin edo beste dirulaguntza batzuekin finantzatu direnean, horien zenbatekoa eta jatorria frogatu beharko dira (horien zerrenda zenbakitu eta zehaztua aurkeztuz) eta, orobat, funtsak diruz lagundutako jarduerei aplikatu zaizkiela.

e) Egindako jarduerak azaltzen dituen memoria laburra.

Dokumentazio hori erregistroan aurkeztuko da eskaerarekin batera, ordainketa partzial bakoitza baino lehen edo ordainketa osoa eskatzean.

Museoen Zerbitzuak aldeko txostena eman ondoren eginen da ordainketa.

12.2. Konturako ordainketa.

Konturako ordainketak egiten ahalko dira, entitate onuradunak diruz lagundutako jarduera egin duela justifikatu ondoren.

Erakundeak dokumentazio hau aurkeztuko du justifikazioan:

a) Gastuak justifikatzeko fakturen edo merkataritzako trafiko juridikoan froga balio bera edo eraginkortasun administratiboa duten beste agiri batzuen zerrenda zenbakitu eta zehaztua, honako hauek adierazita: hornitzailearen/jaulkitzailearen izena, IFK, kontzeptua, fakturaren zenbakia eta data, zenbatekoa (BEZarena, PFEZarena eta guztirakoa); zerrenda Excel formatuan igorriko da.

b) Orobat, aurkeztuko dira egindako gastuen fakturak edo merkataritzako trafiko juridikoan froga balio bera edo eraginkortasun administratiboa duten bestelako agiriak, dirulaguntzaren helburua bete dela frogatzen dutenak.

c) Jarduerak, deialdi honetako laguntzez gain, norberaren edo besteren baliabideekin edo beste dirulaguntza batzuekin finantzatu direnean, horien zenbatekoa eta jatorria frogatu beharko dira (horien zerrenda zenbakitu eta zehaztua aurkeztuz) eta, orobat, funtsak diruz lagundutako jarduerei aplikatu zaizkiela.

e) Egindako jarduerak azaltzen dituen memoria laburra.

Dokumentazio hori erregistroan aurkeztuko da eskaerarekin batera, ordainketa partzial bakoitza baino lehen edo ordainketa osoa eskatzean.

Museoen Zerbitzuak aldeko txostena eman ondoren eginen da ordainketa.

12.3. Salbuespenez:

Salbuespenez, laguntzak jarduera gauzatu aurretik ordaintzen ahalko dira, eta gehienez emandako dirulaguntzaren %50 aurreratzen ahalko da.

13. Justifikatzeko epea eta modua.

13.1. Aurreko atalean aipatutako ordainketa moduen artean zein aukeratzen den ere, dirulaguntzaren likidaziorako, onuradunek honako frogagiri hauek aurkeztu beharko dituzte 2023ko azaroaren 6a baino lehen, egun hori barne:

a) Proiektuaren azken txostena eta proiektuan egindako jardueren ebaluazio txostena, 11.12 oinarrian zehaztutakoaren arabera.

b) Inprimatutako elementuak eta publizitatekoak.

c) Ekitaldiko urteko kontuak.

d) 12.1 oinarrian eskatutako dokumentazioa.

e) Egindako proiektuaren emaitza osatzen duten elementuak edo/eta materialak, edozein euskarritan.

Ordainketa partzialen bat edo konturako ordainketaren bat egin bada, ez da beharrezkoa izanen aurkeztutako dokumentazioa berriz aurkeztea.

13.2. Justifikazioa ezarritako epean edo zuzenketak egiteko ematen den epean aurkeztu ezean, galduko da justifikatzen ez diren gastuetarako dirulaguntzak kobratzeko eskubidea.

13.3. Egindako gastutzat joko da justifikazio epea bukatu baino lehen benetan ordaindu dena.

13.4. Diruz lagundutako proiektuaren gastu guztia justifikatu beharko da. Halaber, ordainketaren justifikazioek gastuaren zenbatekoa jaso beharko dute.

13.5. Laguntzaren azken likidazioa egiteko, laguntza ematean zehazten den ehunekoa aplikatuko zaie jarduera egin eta gero onartutako gastuen frogagiriei, baldin eta ordaindu izanaren frogagiria badute.

13.6. Laugarren hiruhilekoko fakturaren batek egiteke baldin badu diruz lagungarriak diren gastuen barruan PFEZaren atxikipenen likidazioa eta ordainketa, dirulaguntzaren likidazioa behin-behinekoa izanen da, eta diruz lagungarriak diren gastu horien ordainketa konturako ordainketatzat hartuko da. Behin betiko likidazioa egiteko, onuradunak, beranduenez 2024ko urtarrilaren 31n, egindako ordainketen egiaztagiriak aurkeztu beharko dizkio Foru Ogasunari; hala egin ezean, zenbateko horiek gehi dagozkien interesak itzultzeko eskatuko zaio.

14. Beste dirulaguntza batzuekiko bateragarritasuna eta konkurrentzia.

14.1. Nafarroako Gobernuaren dirulaguntzarekin batera, helburu bera duten beste batzuk ere jaso daitezke, beste administrazio publiko batzuenak, beste entitate pribatu edo publiko batzuenak edo partikularrenak. Bateraezina izanen da proiektu bera Nafarroako Gobernuaren deialdi batean baino gehiagotan aurkeztea. Dirulaguntzen zenbatekoa ezin da inola ere izan, bakarrik edo beste dirulaguntza, laguntza, diru-sarrera edo baliabide propio batzuekin batuta, onuradunak egin beharreko jardueraren kostua baino handiagoa.

14.2. Nafarroako 2023ko aurrekontu orokorretan partida izenduna duten kultur entitateek ezin izanen dituzte laguntza hauek eskatu.

15. Dirua itzultzea.

Onuradunak programa gauzatu dela behar bezala justifikatu ezean, ordaindutako laguntza osorik edo hein batean itzul dezala eskatuko zaio, bai eta dirulaguntza ordaindu zenetik dirua itzultzen duen egunera arte sortutako berandutze-interesak ordaintzeko ere, proportzionaltasun irizpideari jarraituz eta Dirulaguntzei buruzko azaroaren 9ko 11/2005 Legearen 35. artikuluarekin bat.

Entitate onuradunak ia betebehar guztiak betetzen dituenean eta bere konpromisoak betetzeko jarrera garbia erakusten duenean, proportzionaltasun irizpideari jarraikiz zehaztuko da itzuli beharreko zenbatekoa, ikusita zenbat eta noraino ez diren bete dirulaguntza emateko onetsitako jarduerak.

16. Arau-hausteak eta zehapenak.

16.1. Arau-hauste eta zehapenei dagokienez, Dirulaguntzei buruzko azaroaren 9ko 11/2005 Foru Legearen IV. tituluan xedatutakoa aplikatuko da.

16.2. Zehapen prozedura izanen da ezarrita dagoena Administrazio Publikoen Administrazio Prozedura Erkideari buruzko urriaren 1eko 39/2015 Legean eta Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen V. tituluan.

17. Hornitzaileak kontratatzea.

Gastu diruz lagungarria 12.000 eurotik gorakoa bada, ekipamenduko ondasunen horniduren kasuan edo aholkularitza eta laguntza enpresek emandako zerbitzuen kasuan, onuradunak frogatu egin beharko du, organo emailearen aurrean, hornitzailea hautatu duela efizientzia eta ekonomia irizpideei jarraikiz.

Baldintza hori betetzat joko da baldin eta hiru eskaintza edo gehiago eskatu badira eta jasotako proposamenetatik onena hautatu bada, salbu eta, gastu diruz lagungarrien ezaugarri bereziengatik, ez badago merkatuan hornidura hori egiten edo zerbitzu hori ematen duten entitate aski, edo gastua dirulaguntza eskatu aurretik egina bada.

18. Dirulaguntzen araubide orokorra.

Oinarri arautzaile hauetan espresuki ezarrita ez dagoen orotan, Dirulaguntzei buruzko azaroaren 9ko 11/2005 Foru Legeak xedatutakoa aplikatuko da, bai eta aplikatu beharreko gainerako arauak ere.

19. Deialdiaren eta oinarri arautzaileen kontrako errekurtsoak.

Deialdi honen eta oinarri arautzaileen aurka gora jotzeko errekurtsoa jartzen ahal da, Nafarroako Gobernuari zuzendua, hilabeteko epean, argitaratu eta biharamunetik hasita.

I. ERANSKINA

ESKABIDE EREDUA

Izen-abizenak: ……………………………………………………………. NANa/IFZ: ……................…….

Helbidea (kalea): ……..................………………………………….…………………………………………

PK: ...................................... Telefonoa: ............................................................................................

Helbide elektronikoa: ........................................................................................................................

Bere izenean edo hau ordezkatuz (bidezko ez dena ezabatu):

Entitatea: .......................................................................................... NANa/IFZ: ....................................

Helbidea (kalea): ……………………………………….……………………………......................…………

PK: ...................................... Telefonoa: ............................................................................................

Helbide elektronikoa: ........................................................................................................................

 Eskaera aurkezten du, kultur ondare immaterialeko proiektuak egiteko kultur entitateei dirulaguntzak emateko 2023ko deialdirako, ............................................(e)k ...................aren ...........(e)(a)n emandako ............./2023 Foru Aginduaren bidez onetsitako oinarriei jarraikiz (2023ko .......... Nafarroako Aldizkari Ofiziala, .................................aren ..........(e)koa).

Destinoa:Museoen Atala.

 Eskaera aurkezten du, kultur ondare immaterialeko proiektuak egiteko kultur entitateei dirulaguntzak emateko 2023ko deialdirako, ............................................(e)k ...................aren ...........(e)(a)n emandako ............./2023 Foru Aginduaren bidez onetsitako oinarriei jarraikiz (2023ko .......... Nafarroako Aldizkari Ofiziala, ................................aren ...........(e)koa).

Destinoa:Museoen Atala.

1.–Oinarrietan agindu bezala, agiri hauek aurkezten ditu:

 Entitatearen estatutuak.

 Legez eratutako erakunde bat dela frogatzen duen agiria.

 Egoitza soziala eta fiskala Nafarroan dituela frogatzen duen agiria.

 Proiektuaren deskripzio-memoria, II. eranskinean.

 Proiektuaren datu ekonomikoak, III. eranskinean.

 Edo, bestela, agiri horiek Administrazioak badituela adierazten du.

(Adierazi agiria eta erregistro zenbakia) (eman kopia bat euskarri digitalean).

Adibidez: X entitatea legez eratua dagoela frogatzen duen agiria …………………..…………… ………………………..…… Atalean aurkeztu zen, .............-rako dirulaguntzetako 20................(e)ko deialdian. XXXXXXXXXX erregistro zenbakia

... ... ... ... ... ... ... ... ... ... ... ... ... ... ... ... .....

... ... ... ... ... ... ... ... ... ... ... ... ... ... ... ... .....

2.–Adierazten du ez duela Dirulaguntzei buruzko azaroaren 9ko 11/2005 Foru Legearen 13. artikuluan onuradun izateko ezarritako debekurik, ezta Emakumeen eta Gizonen arteko Berdintasunari buruzko apirilaren 4ko 17/2019 Foru Legearen 18. artikuluan ezarritakorik ere.

3.–Dirulaguntzei buruzko Foru Legearen 28.8 artikuluko betebeharrei dagokienez, adierazten du:

 Aurrekontu gisa aurkeztutako gastuetan (eta, dirulaguntza emanez gero, gastu gisa aurkezten direnetan ere) ez dagoela sartuta balio erantsiaren gaineko zerga, ez eta antzeko zergak ere, berreskuratu edo konpentsatzen ahal direlako.

 Aurrekontu gisa aurkeztutako gastuetan (eta, dirulaguntza emanez gero, gastu gisa aurkezten direnetan ere) sartuta dagoela balio erantsiaren gaineko zerga, edo antzeko zergak, ezin direlako berreskuratu edo konpentsatu.

Kasu honetan, adierazi ea hainbanatzeko erregelarik baden, eta zein den proportzioa:

4.–Datuak eguneratzeari dagokionez, aitortzen du konpromisoa hartzen duela Kultura eta Kirol Departamentuari idatziz adierazteko, 15 egun balioduneko epean gehienez, aitorpen honetan zehaztutako dirulaguntzen gainean izaten den edozein aldaketa.

5.–Dirulaguntzaren xedeko proiektuari dagokionez, adierazten du:

 Laguntza eskaeraren xedea den proiektua data hauetan eginen dela: .......................................

 Frogagiriak aurkezteko epea (proiektua amaitu eta bi hilabetera gehienez ere) egun honetan amaituko dela: ...........................................................................................................................................

 Ez duela eskuratu edo eskatu administrazio honen, beste administrazio publiko batzuen, beste erakunde publiko edo pribatu batzuen edo partikularren, Estatukoen edo nazioartekoen, inolako dirulaguntzarik.

 Administrazio honen, beste administrazio publiko batzuen, erakunde publiko edo pribatuen nahiz partikularren, Estatukoen edo nazioartekoen dirulaguntza hauek eskuratu/eskatu dituela:

6.–Organo kudeatzaileari baimena ematen dio behar diren ziurtagiriak lortzeko Zerga Administrazioko Estatu Agentziatik, Nafarroako Zerga Ogasunetik eta Gizarte Segurantzaren Diruzaintza Nagusitik.

..........................................(e)n, 2023ko...............................aren........(e)(a)n

(Sinadura)

Izen-abizenak: ..................................................................................................................................

DATU PERTSONALEN BABESA

Entitate eskatzaileak honako hauetan xedatutakoa beteko du datuei dagokienez: 2016/679 (EB) Erregelamendua, 2016ko apirilaren 27koa, Europako Parlamentuarena eta Kontseiluarena, datu pertsonalen tratamenduari eta datu horien zirkulazio askeari dagokienez pertsona fisikoak babesteari buruzkoa (EUR-lexerako esteka: http://eur-lex.europa.eu/legal-content/ES/TXT/?uri=CELEX:32016R0679); eta 3/2018 Lege Organikoa, abenduaren 5ekoa, Datu Pertsonalak Babesteari eta Eskubide Digitalen Bermeari buruzkoa (https://www.boe.es/buscar/doc.php?id=BOE-A-2018-16673).

Kultura eta Kirol Departamentuak honako hauetan xedatutakoa beteko du datu pertsonalen tratamenduan: 2016/679 (EB) Erregelamendua, 2016ko apirilaren 27koa, Europako Parlamentuarena eta Kontseiluarena, datu pertsonalen tratamenduari eta datu horien zirkulazio askeari dagokienez pertsona fisikoak babesteari buruzkoa (https://eur-lex.europa.eu/legal-content/ES/TXT/?uri=CELEX:32016R0679) eta 3/2018 Lege Organikoa, abenduaren 5ekoa, Datu Pertsonalak Babesteari eta Eskubide Digitalak Bermatzeari buruzkoa. (https://www.boe.es/buscar/doc.php?id=BOE-A-2018-16673). Erregelamendu horren 13. artikuluan xedatutakoa betetzeko, hauxe jakinarazten da:

..........................................(e)n, 2023ko...............................aren........(e)(a)n

(Sinadura)

Izen-abizenak: ...............................................................................................................................

NAFARROAKO GOBERNUA. KULTURA ETA KIROL DEPARTAMENTUA.

II. ERANSKINA

PROIEKTUAREN DESKRIPZIO-MEMORIA

Memoria egiterakoan kontuan hartu beharrekoak:

1. Dokumentazioa euskarri digitalean aurkeztuko da.

2. Eranskin honetan ezartzen diren atalen hurrenkerari jarraituko zaio; 1, 2 eta 3 eta 4 hurrenkerarekin bat egiten du. Atal guztiak garatuko dira.

3. Orrialdeak zenbakiturik aurkeztuko dira.

4. Atal guztiak bete eta behar diren egiaztagiriak aurkeztu behar dira.

5. Hutsik dauden atalak edo justifikatzen ez direnak ez dira baloratuko.

6. Proiektuaren deskribapena gehienez ere 30 foliotan egin beharko da, eta, horietatik, zabalkunde planaren deskribapena DIN A4 neurriko 6 foliotan eginen da gehienez ere, alde batetik idatzirik, gutxienez ere 11 puntuko letra mota arruntarekin.

Salbuespena da aurrekontu ekonomikoa; haren luzera III. eranskinean adierazitakoari egokituko zaio.

7. Era berean, salbu eta aurrekontu ekonomikoa (III. eranskinean adierazitakoaren araberakoa izan beharko baitu), proiektuaren deskripzioak II. eranskin honetan jasotako egitura, izenburu eta kontzeptuekin bat etorriko beharko du, ondotik zehaztu bezala.

ESKAERA ZK.: ___________________ (Vianako Printzea Erakundea-Kultura Zuzendaritza Nagusiak emandako zenbakia)

Legezko ordezkariaren, harremanetarako pertsonaren eta proiektuko arduradunaren izenak eta eginkizunak(1):

(1) Legezko ordezkaria da entitatea ordezkatzeko ahalmen juridikoa duena; harremanetarako pertsona, berriz, hautapen prozesuan zehar solaskide izanen dena; proiektuko zuzendaria da, azkenik, proiektuaren koordinazio teknikoaz arduratuko dena.

1. Entitate eskatzailearen ibilbidea eta jarduna (10 puntu gehienez):

a) Entitatearen ibilbidea: entitateak jardunean emandako urte osoen kopurua (5 puntu gehienez)

b) Entitatearen jarduera: muntako jardueren kopurua, azkeneko hiru urte naturaletan kreditatuak (2020-2022) (5 puntu).

2. Proiektua deialdiaren xedearekin, helburuarekin eta eremuarekin bat etortzea (75 puntu gehienez).

2.1. Taldearen osaera eta gaitasuna eskatutako proiektua egiteko (5 puntu gehienez). Gaitasun hori taldekide bakoitzaren curriculum berariazkoaren bidez frogatuko da. Bakoitzaren curriculumaren gehieneko luzera: 2 orri.

2.2. Proiektua (61 puntu arte).

a) Proiektuaren kalitate orokorra: (36 puntu gehienez) (beharrezkoa da atal horretan 18 puntu lortzea gutxienez).

–Proiektuaren izena.

–Proiektuaren deskribapena (10 lerro).

–Proiektuaren helburuak.

–Ekintzak eta jarduerak.

–Proiektua gauzatzeko datak.

–Aurreikusitako onuradun kopurua eta haien ezaugarriak.

–Alderdi hauek ebaluatzeko bide emanen duten adierazle kuantitatiboak eta kualitatiboak: lortu nahi den emaitza; proiektuaren garrantzia eta egokitasuna kultura tradizionalaren ikuspuntutik eta lurraldean; proiektuaren edukien eta helburuen arteko koherentzia; proiektuaren interes kulturala.

b) Euskara erabiltzea proiektuaren edukian eta/edo haren zabalkundean eta sustapenean (5 puntu gehienez).

–Euskara erabiltzea jarduerak zabaltzean, edozein euskarritan.

–Proiektuaren zabalpena ele bitan egitea.

–Proiektuan euskara erabiltzea.

–Jarduera euskaraz egitea.

–Euskara erabiltzea proiektuko komunikazio-hizkuntza gisa.

c) Proiektuak Nafarroako Foru Komunitatearen lurraldearen garapenari egiten dion ekarpena (5 puntu gehienez).

d) Proiektuak kultur ondareari buruzko araudiaren arabera aitortutako kultur ondasun immaterialen gainean duen eragin maila (5 puntu gehienez).

e) Ikuspegi inklusiboa txertatzea, emakumeek kultura ondare immaterialean egindako ekarpenak eta beren presentzia ikusarazteko (5 puntu gehienez).

f) Bereziki kalteberak diren kultura ondare immaterialaren adierazpenei buruzko proiektuak (5 puntu gehienez).

2.3. Proiektuaren hartzaileei loturiko kudeaketa estrategiak (gehienez ere 9 puntu).

2.3.1. Proiektuari erantsitako ekintza pedagogikoak (3 puntu gehienez).

2.3.2. Zailtasun fisikoak edo psikosozialak dituzten ikus-entzuleak hurbiltzen laguntzeko ekintzak (3 puntu gehienez).

–Proiektuaren publiko objektiboa.

–Inklusio eta irisgarritasun aktiboa (ekintza zehatzen bidez, zailtasun fisikoak eta psikosozialak dituzten publikoetara iristea): ekintza kopurua, publiko mota, kalkulatutako publikoa.

2.3.3. Ekintza berritzaileak (hizkera berriak, ikuspegi berriak...) (3 puntu gehienez).

–Proiektuaren eremuari dagokionez.

–Elkarte eremuari dagokionez (entitateak egindako jardueran).

3. Proiektuaren bideragarritasuna eta koherentzia ekonomikoa (15 puntu gehienez).

3.1. Proiektu osoaren kostuarekin alderatuta, eskatzen den dirulaguntzaren portzentajea (9 puntu gehienez).

• %60 arte: 9 puntu.
• %60tik %65era arte: 5 puntu.
• %65etik %70 arte: 2 puntu.

3.2. Proiektuaren guztirakoaren gainean bermatu edo berretsitako finantzaketaren portzentajea, dirulaguntza hau kenduta. Hurrengo agiriren bat aurkeztuz frogatuko da hori: baliabide propioak (bankuko dokumentua edo zinpeko aitorpena, entitatearen legezko ordezkariak egina), maileguak, jarduteko kontratuak (kuantifikatuak eta sinatuak), berretsitako dirulaguntzak (haiek ematen dituen ebazpena), Vianako Printzea Erakundea-Kultura Zuzendaritza Nagusiarekin hitzarmena sinatuz gero entitateari laguntza ekonomikoa emanen dioten entitateen ziurtagiri kuantifikatuak (6 puntu bitarte).

• %50 baino gehiago: 6 puntu.
• %41 baino gehiagotik %50era arte: 4 puntu.
• %31 baino gehiagotik %41era arte: 3 puntu.
• %21 baino gehiagotik %31ra arte: 2 puntu.
• %11 baino gehiagotik %21era arte: 1 puntu.

Proiektuaren datu ekonomikoak III. eranskinean ere bete beharko dira.

PROIEKTUAREN KALITATEA: ..............................................................................................................

PROIEKTUAREN IZENBURUA: ............................................................................................................

PROIEKTUAREN DESKRIBAPENA: ...................................................................................................

..............................................................................................................................................................

..............................................................................................................................................................

..............................................................................................................................................................

PROIEKTUAREN HELBURUAK: ...................................................................................................

..............................................................................................................................................................

..............................................................................................................................................................

..............................................................................................................................................................

EKINTZAK: .......................................................................................................................................

..............................................................................................................................................................

..............................................................................................................................................................

..............................................................................................................................................................

PROIEKTUA NOIZ EGINEN DEN (DATAK): ..........................................................................................

AURREIKUSITAKO ONURADUN KOPURUA ETA HAIEN EZAUGARRIAK: ...................................

...........................................................................................................................................................

LORTU NAHI DEN EMAITZA EBALUATZEKO ADIERAZLEAK: .........................................................

..............................................................................................................................................................

..............................................................................................................................................................

..............................................................................................................................................................

PROIEKTUAREN GARRANTZIA ETA EGOKITASUNA, ONDARE IMMATERIALAREN ETA LURRALDEAREN TESTUINGURUAN: .........................................................................................................

..............................................................................................................................................................

..............................................................................................................................................................

..............................................................................................................................................................

PROIEKTUAREN EDUKIEN ETA HELBURUEN ARTEKO KOHERENTZIA: .........................................

..............................................................................................................................................................

..............................................................................................................................................................

..............................................................................................................................................................

PROIEKTUAREN INTERES KULTURALA: ............................................................................................

..............................................................................................................................................................

..............................................................................................................................................................

..............................................................................................................................................................

III. ERANSKINA

1.–Proiektuaren aurrekontu zenbatetsia.

Entitatea: ...........................................................................................................................................

2.–Jardueren araberako laburpena.

3.-Oharrak.

4.–Proiektuaren kargura ordaindutako langileen zerrenda.

IV. ERANSKINA

KULTUR MEZENASGOARI LOTUTAKO ERANTZUKIZUNPEKO ADIERAZPENAK

Bat etorriz Nafarroako Foru Komunitatean kultur mezenasgoa eta haren zerga-pizgarriak arautzen dituen maiatzaren 16ko 8/2014 Foru Legearen 5.1.b) artikuluan xedatutakoarekin, deialdi honetan diruz laguntzen diren proiektuak interes sozialekotzat hartuko dira foru lege horretan aurreikusitako zerga-pizgarrien aplikazioaren ondorioetarako.

1.–Adierazi deialdi honetan laguntza eskatu duen proiektuak edo jarduerak interes sozialeko deklarazioari buruzko berariazko ebazpenik duen.

[ ] BAI

[ ] EZ

2.–Baldin eta proiektuak edo jarduerak dirulaguntza eskuratzen badu, adierazi ea nahi duzun horren berri ematea Nafarroako Gobernuaren www.culturanavarra.es/eu web-orrian

[ ] EZ

[ ] BAI

Baietz erantzun baduzu, adierazi datu hauek:

Pertsonaren edo entitatearen izena: ...................................................................................................

Proiektuaren edo jardueraren titulua: ...................................................................................................

Proiektuaren deskribapen laburra (gehienez ere bost lerro): ...............................................................

.................................................................................................................................................................

.................................................................................................................................................................

Kontu-zenbakia, informazio hori adierazi nahi baduzu: .......................................................................

.................................................................................................................................................................

.................................................................................................................................................................

Pertsonaren edo entitatearen harremanetarako datuak: ........................................................................

.................................................................................................................................................................

.................................................................................................................................................................

Web-orria, informazio hori adierazi nahi baduzu: .................................................................................

.................................................................................................................................................................

.................................................................................................................................................................

V. ERANSKINA

GARDENTASUN BETEBEHARRARI BURUZKO ADIERAZPENA

Izen-abizenak: …………………………………………….………..……. NANa/IFZ: ……….................….

Honako honen ordezkari: ................................................................ IFK: .........................................

Helbidea: ...........................................................................................................................................

Museoen eta bilduma museografiko iraunkorren funtzionamendurako laguntzen deialdiaren onuradun gisa, aitorpen hau egiten dut:

Irailaren 11ko 59/2013 Foru Dekretuak Nafarroako Aurrekontu Orokorren kargurako dirulaguntzen onuradunen gardentasun betebeharrak arautzen ditu (2013ko 187. Nafarroako Aldizkari Ofiziala, irailaren 27koa).

Gardentasunari, informazio publikoa eskuratzeari eta gobernu onari buruzko 5/2018 Foru Lege berriak, 3.c artikuluan, ezartzen du hauek dutela gardentasun betebeharra:

"Urtebetez 20.000 eurotik gorako laguntzak edo dirulaguntzak jasotzen dituzten entitate pribatuak, edo jasotako laguntzek edo dirulaguntzek entitate horien urteko diru-sarreren %20 egiten badute gutxienez, betiere 5.000 euroko gutxieneko zenbatekoarekin.

Aipatu araudiarekin bat, DEKLARATZEN DUT:

[ ] Ez dudala gardentasun betebeharrik (aipatu foru dekretuaren 3. artikuluan aurreikusitako inguruabarrak gertatzen ez direlako).

[ ] Ez dudala informazioa aurkeztu beharrik, informazio hori ___________ri (adierazi organo-emailea) eman zitzaiolako, _________________ (adierazi izena) dirulaguntzaren karietara; beraz, ez da errepikatu beharrik, emandako datuak aldatu ez direlako.

[ ] Gardentasun betebeharra dudala eta, horrenbestez, 59/2013 Foru Dekretuaren 4. artikuluan ezarritako informazioa ematen dudala, eta entitatearen urteko azken kontuen kopia eransten.

..........................(e)n, .......ko ..........................aren.........(e)(a)n.

Eskatzailearen sinadura

ADIERAZPEN-EGILEARENTZAKO ARGIBIDE JAKINGARRIAK:

1. Adierazpen hau eta kasuan kasuan eransten den informazioa telematika bidez aurkeztuko dira Nafarroako Gobernuaren Erregistro Orokor Elektronikoaren bitartez, dirulaguntza kudeatzen duen administrazio unitateari zuzendurik.

2. Adierazpen hau hilabeteko epean igorri beharko da, dirulaguntza ematen duen ebazpena jakinarazten denetik. Betebehar hori bete ezean, ez da ordainduko onetsitako dirulaguntza.

3. Erakunde onuradunak ematen duen informazioa Nafarroako Foru Komunitateko Administrazioaren Gobernu Irekiaren Atariko webgunean argitaratuko da. Informazio hori urtebetez egonen da ikusgai, argitaratzen denetik. Epe hori igarota, hura argitaratzeko ardura duen unitateak ofizioz kenduko du, eta, hala egin ezean, erakunde onuradunak eskatzen ahalko du kentzeko.

Iragarkiaren kodea: F2302707