2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
XABIER
2023rako tasak, prezio publikoak eta zerga-tasak. Behin betiko onespena
Xabierko Udalak, 2022ko abenduaren 15ean egin osoko bilkuran, hasiera batez onetsi zuen tasen, prezio publikoen eta zerga-tasen aldaketa 2023ko ekitaldirako.
Argitara eman zen 2023ko 6. Nafarroako Aldizkari Ofizialean, urtarrilaren 10ean, eta jendaurreko epea iragan da inork alegaziorik aurkeztu gabe; hortaz, behin betiko onetsi dira 2023an indarrean izanen diren tasak, prezio publikoak eta zerga-tasak.
Lehenbizikoa.–Onestea 2023rako karga-tasak. Hona hemen:
–0,23ko karga-tasa finkatzea, lurraren kontribuzioa ordainarazteko.
–Eraikuntzen, instalazioen eta obren gaineko zerga: %3,5 eraikuntza, instalazio edo obraren kostu erreal eta benetakoaren gainean; hau da, obra gauzatzeko prezioaren gainean.
–Hiri-lurren balio-gehikuntzaren gaineko zergari dagokionez, Nafarroako Toki Ogasunei buruzko martxoaren 10eko 2/1995 Foru Legean ezarritako koefizienteak aplikatzea, eta ehuneko 12ko tasa.
–Trakzio mekanikoko ibilgailuen gaineko zerga (zirkulaziokoa): tarifa ofiziala.
Bigarrena.–Uraren prezio publikoak 2023rako:
Etxeko erabilerarako hornidura: 0,80 euro/m³ (etxeko erabilera eta merkataritza jarduerarik gabeko etxabeetakoa).
Industria erabilerarako hornidura: 0,93 euro/m³ (industria edo merkataritzako erabilerak. Tarifa honetan sartzen dira industria, merkataritza, bulegoak eta langelak, ostalaritza, gastronomia elkarteak eta ikastetxeak).
–13/15 mm-ko kontagailua.
- Gutxieneko kuota finkoa: 10 euro hiruhilekoan.
- Kontagailuaren alokairua: 0,7 euro hiruhilekoan.
–25 mm-ko kontagailua.
- Gutxieneko kuota finkoa: 16 euro hiruhilekoan.
- Kontagailuaren alokairua: 4 euro hiruhilekoan.
–40 mm-ko kontagailua.
- Gutxieneko kuota finkoa: 24 euro hiruhilekoan.
- Kontagailuaren alokairua: 6 euro hiruhilekoan.
–50 mm-ko kontagailua.
- Gutxieneko kuota finkoa: 52 euro hiruhilekoan.
- Kontagailuaren alokairua: 12 euro hiruhilekoan.
–Estolderia eta arazketa: 25 euro/urtea (6,25 euro/hiruhilekoa).
–Xabierren indarrean diren gainerako zerga-tasak eta tasak mantentzea.
Hirugarrena.–Erabakia indarrean jarriko da 2023ko urtarrilaren 1etik aurrera. Nafarroako Toki Ogasunei buruzko martxoaren 10eko 2/1995 Foru Legean xedatuarekin bat, ordenantza fiskalak aldatutzat jotzen dira erabaki honek ukitzen dituen heinean, eta 2023ko urtarrilaren 1etik aurrera hasiko dira aplikatzen.
Laugarrena.–Erabakia Nafarroako Aldizkari Ofizialean eta iragarki-taulan argitaratzea, orok jakin dezan, eta ohartaraztea aipatu erabakiaren aurka errekurtso hauetako bat aurkez daitekeela:
–Gora jotzeko errekurtsoa, Nafarroako Administrazio Auzitegiari zuzendua, hilabeteko epean, jakinarazten denetik hasita.
–Administrazioarekiko auzi-errekurtsoa, zuzendua Nafarroako Justizia Auzitegi Nagusiko arlo bereko salari, bi hilabeteko epean, jakinarazi eta biharamunetik aurrera; aldez aurretik, kasua bada, eta hautara, berraztertzeko errekurtsoa, Udalaren osoko bilkurari zuzendua, hilabeteko epean.
Xabierren, 2023ko otsailaren 23an.–Alkatea, Laura Guindano Taínta.
Iragarkiaren kodea: L2303184
