1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
5C/2023 EBAZPENA, urtarrilaren 9koa, Enpresa Politikaren, Nazioarteko Proiekzioaren eta Lanaren zuzendari nagusiak emana, zeinaren bidez erabakitzen baita Integración de Estructuras Metálicas SL enpresaren hitzarmen kolektiboa erregistratzea, gordailutzea eta Nafarroako Aldizkari Ofizialean argitaratzea.
Integración de Estructuras Metálicas SL enpresaren hitzarmen kolektiboaren testua aztertu da (kode zenbakia: 31100762012014), erregistro honetan 2022ko azaroaren 23an sartu zena, enpresaren eta sindikatuen (ELA) ordezkariek 2022ko azaroaren 23an izenpetu zutena, eta 2022ko abenduaren 2an zuzendu zena; batetik, urriaren 23ko 2/2015 Legegintzako Errege Dekretuaren, Langileen Estatutuaren Legearen testu bategina onesten duenaren, 90. artikuluaren 2. eta 3. apartatuetan xedatutakoaren arabera, eta, bestetik, maiatzaren 28ko 713/2010 Errege Dekretuan, hitzarmen kolektiboak, lan-akordio kolektiboak eta berdintasun-planak erregistratzearen eta gordailutzearen gainekoan, xedatutakoaren arabera. Horrenbestez, honako hau
EBAZTEN DUT:
1. Nafarroako Hitzarmen Kolektiboen, Lan Akordio Kolektiboen eta Berdintasun Planen Erregistroan inskribatzeko agintzea.
2. Nafarroako Aldizkari Ofizialean argitaratzeko agintzea, jendaurrean egon dadin.
Iruñean, 2023ko urtarrilaren 9an.–Enpresa Politikaren, Nazioarteko Proiekzioaren eta Lanaren zuzendari nagusia, Izaskun Goñi Razquin.
Integración de Estructuras Metálicas SL enpresaren hitzarmen kolektiboa (PDF).
Iragarkiaren kodea: F2300525
