3. ESTATUKO ADMINISTRAZIOA
GOBERNUAREN ORDEZKARITZA
Jendaurreko informazioa, Logroñoko (Errioxa) eta Vianako (Nafarroa) udal mugarteetan, "Naval" izeneko ebakitze zentro automatizatuaren eta hura elikatzeko 13,2 kV-ko lur azpiko linea bikoitzaren (probintzia artekoa) proiekturako aurretiazko administrazio-baimenaren eta administrazio-baimenaren eskaerarena
Sektore Elektrikoari buruzko abenduaren 26ko 24/2013 Legearen 53. eta 55. artikuluetan ezarritakoaren ondorioetarako, eta Energia elektrikoaren instalazioak baimentzeko prozedurak eta energia elektrikoa garraiatu, banatu, merkaturatu eta hornitzeko jarduerak arautzen dituen abenduaren 1eko 1955/2000 Errege Dekretuaren 125. eta 144. artikuluetan ezarritakoa betetzeko, jendaurrean jartzen dira aurretiazko administrazio-baimenaren eta eraikitzeko administrazio-baimenaren eskaerak, proiektu honetarako: Logroñoko (Errioxa) eta Vianako (Nafarroa) udal mugarteetan, "Naval" izeneko ebakitze zentro automatizatuaren eta hura elikatzeko 13,2 kV-ko lur azpiko linea bikoitzaren (probintzia artekoa) proiektua, ezaugarri nagusi hauek dituena:
–Eskatzailea:
- I-DE Redes Eléctricas Inteligentes SAU, IFK A95075578, eta helbidea Laguardiako errepidea 91-93, 26009 Logroño (Errioxa) dituena.
–Instalazioaren xedea:
- Industria nabe baterako erdi-tentsioko hornidura berria, Logroñoko udal mugartean (Errioxa).
–Organo eskuduna:
- Trantsizio Ekologikorako eta Erronka Demografikorako Ministerioko Energia Politikako eta Meatzeetako Zuzendaritza Nagusiari dagokio ematea eskaera honen xedeko aurretiazko administrazio-baimena eta eraikitzeko administrazio-baimena.
–Tramitazio organoa:
- Gobernuaren Errioxako Ordezkaritzako Industria eta Energiako Arlo Funtzionala (Logroño, Gran Vía 49, solairuartea, eskuina, PK: 26071) eta Gobernuaren Nafarroako Ordezkaritzako Industria eta Energiako Arlo Funtzionala (Iruña, Merindadeen plaza z.g., PK: 31071).
- Instalazioen deskribapena:
1.–Erdi-tentsioko lur azpiko linea:
–Lur azpiko linea, 13,2 kV-koa, zirkuitu bikoitzekoa, 40 m-ko luzerakoa, HEPRZ1 12/20kV 3x1x240mm² Al+H16 eroalea, 15 metroko kanalizazioa eta 2 kutxatila (kutxatila bakun 1 eta kutxatila bikoitz 1).
2.–Ebakitze zentroa:
–Mota: Hormigoizko eraikin aurrefabrikatua, kanpoko maniobretarako gainazalekoa.
–Gelaxkak: 2L+1P eskema, metalezko inguratzailean, SF6, automatizatuak.
Obra gauzatzeko aurrekontua: 38.702,52 euro (34.521,35 euro Errioxan eta 4.181,17 euro Nafarroan)
Aditzera ematen da orok jakiteko eta instalazioa gauzatzeko proiektua aztertu ahal izateko Gobernuaren Errioxako eta Nafarroako Ordezkaritzetako Industria eta Energiako Arlo Funtzionalean, aldez aurretik hitzordua hartuta, edo esteka hauen bidez:
https://mpt.gob.es/portal/delegaciones_gobierno/delegaciones/larioja/proyectos-ci/Proyectos.html
https://mpt.gob.es/portal/delegaciones_gobierno/delegaciones/navarra/proyectos-ci
Interesdunek bidezkotzat jotzen dituzten alegazioak aurkezten ahal dituzte, arlo horietan, iragarki hau argitaratu eta biharamunetik hasita hogeita hamar egun balioduneko epean, bai idatziz, euskarri fisiko batean, Gobernuaren Ordezkaritzen/Azpiordezkaritza horien Erregistro Orokorrean, bai Estatuko Administrazio Orokorraren Erregistro Elektronikoaren bidez (https://rec.redsara.es), bai Administrazio Publikoen Administrazio Prozedura Erkideari buruzko urriaren 1eko 39/2015 Legearen 16. artikuluan adierazten diren moduetan.
Ohartarazten da ezen pertsona juridikoak, nortasun juridikorik gabeko entitateak eta urriaren 1eko 39/1995 Legearen 14. artikuluan identifikatutako bestelako subjektuak behartuak daudela baliabide elektronikoak erabiltzera Administrazio Publikoekin dituzten harremanetan, administrazio prozedura baten edozein tramite egin behar duten aldiro. Hortaz, subjektu horiek jendaurreko informazioaren tramite honen barruan egiten dituzten alegazio guztiak baliabide elektronikoen bidez behar bezala aurkeztu beharko dira nahitaez.
Iruñean, 2023ko otsailaren 14an.–Gobernuak Nafarroan duen Ordezkaritzako Industria eta Energiaren Arloko zuzendaria, Ignacio Irujo Sanz.
Iragarkiaren kodea: E2302520
