2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
AGOITZ
Xehetasun-azterketa, 1. poligonoko 572. eta 573. lurzatietan. Hasierako onespena
Agoizko Udalak, 2023ko otsailaren 2an egin osoko bilkuran, besteak beste erabaki zuen hasiera batez onestea xehetasun-azterketa baten proiektua, Agoizko Z.O. 3.3 eremu antolatuko 1. poligonoko 572. eta 573. lurzatiak eransteko, José Luis García Silva arkitektoak idatzi eta 2023ko urtarrilean sinaturiko proiektu teknikoaren arabera. Vanessa Jiménez San Julián da sustatzailea.
Espedientea jendaurrean egonen da hogei egunean, iragarkia Nafarroako Aldizkari Ofizialean argitaratzen denetik hasita, interesdunek azter dezaten eta bidezkotzat jotzen dituzten alegazioak aurkez ditzaten; hori guztia, bat etorriz uztailaren 26ko 1/2017 Legegintzako Foru Dekretuaren 74.b) artikuluan ezarritakoarekin (LFD horren bidez onetsi zen Lurraldearen Antolamenduari eta Hirigintzari buruzko Foru Legearen testu bategina). Jendaurreko aldian inork ez badu alegaziorik aurkezten, agiria behin betiko onetsiko da, bidezkoa bada.
Agoitzen, 2023ko otsailaren 9an.–Alkatea, Angel Martín Unzué Ayanz.
Iragarkiaren kodea: L2302263
