Iragarkia

223. ALDIZKARIA - 2023ko urriaren 26a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Oposizioak eta lehiaketak. Lan publikoaren eskaintza

269/2023 EBAZPENA, urriaren 6koa, Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariak emana, lekualdatze-lehiaketarako deialdia egiten duena autonomia-erkidego osorako, kidego hauetako irakasle funtzionarioentzat: maisu-maistrak, Bigarren Hezkuntzako katedradunak eta irakasleak, Lanbide Heziketako irakasle teknikoak (desagertzear dagoen kidegoa), Lanbide Heziketako sektore berezietako irakasle espezialistak, Hizkuntza Eskola Ofizialetako katedradunak eta irakasleak, Musikako eta Arte Eszenikoetako katedradunak eta irakasleak eta Arte Plastikoetako eta Diseinuko katedradunak, irakasleak eta lantegiko maisu-maistrak, baita Nafarroako Foru Komunitateko Administrazioko unibertsitateaz kanpoko irakasle funtzionarioak ere, atzerriko hizkuntza-eskakizuna duten lanpostuetarako izendatuak.

Hezkuntzari buruzko maiatzaren 3ko 2/2006 Lege Organikoak seigarren xedapen gehigarriaren laugarren apartatuan ezartzen duenaren arabera, estatu osorako lehiaketak egiten ez diren ikasturteetan, hezkuntza arloko administrazioek lanpostuak betetzeko prozedurak antolatzen ahalko dituzte, berek kudeatzen duten esparruan eta bertako lanpostuak betetzeko. Hori dena, noiznahi ere beren langileak banatu edo kokatzeko prozedurak egiteko duten gaitasuna deusetan galarazi gabe.

Urriaren 29ko 1364/2010 Errege Dekretuaren bidez arautu ziren Hezkuntzari buruzko maiatzaren 3ko 2/2006 Lege Organikoan aurreikusitako irakasleen kidegoetako funtzionarioen estatuko lekualdatze-lehiaketak, baita funtzionario horiek bete beharreko lanpostuak betetzeko beste prozedura batzuk ere. Errege dekretu horren 7. artikuluak ezartzen du estatuko lekualdatze-lehiaketak bi urtean behin eginen direla. Kontuan harturik lehiaketa horietarako deialdiak 2022-2023 ikasturtean egin zirela, ikasturte honetan beste neurri batzuk har daitezke lanpostuak betetzeko, Hezkuntzari buruzko Lege Organikoari jarraikiz.

Halaber, kontuan hartu beharko da apirilaren 30eko 37/2014 Foru Dekretuan xedatutakoa, zeinak arautzen baitu nola bete Nafarroako Foru Komunitateko Administrazioaren unibertsitateaz kanpoko irakasleei dagozkien lanpostuak.

Horiek horrela, bidezkoa da Nafarroako Foru Komunitatearen barnean lanpostuak betetzeko prozesu bat egitea, departamentu honen mendeko irakasleei destinoa esleitu ahal izateko, eta, horrela, behin betiko destinoa duen irakasle kopurua ikastetxeetako langileen beharretara egokitzeko.

Maiatzaren 4ko 11/2022 Foru Legeak, zeinak neurriak ezartzen baititu Nafarroako Foru Komunitateko Administrazioko unibertsitateaz kanpoko irakasle funtzionarioen hautapenari eta lanpostuen betetzeari begira, 1. artikuluan aurreikusten du Nafarroako Gobernuak atzerriko hizkuntzaren eskakizuna duten unibertsitateaz kanpoko irakasle funtzionarioen lanpostuak sortuko dituela Nafarroako Foru Komunitateko Administrazioaren plantillan, hezkuntza-sistemaren beharrekin bat etorriz. Lanpostu horiek abuztuaren 30eko 251/1993 Legegintzako Foru Dekretuaren bidez onetsitako Nafarroako Administrazio Publikoen zerbitzuko Langileen Estatutuaren testu bateginean ezarritako araubidearen mende geratuko dira.

Beste alde batetik, apirilaren 30eko 37/2014 Foru Dekretuak, zeinak arautzen baitu nola bete Nafarroako Foru Komunitateko Administrazioaren unibertsitateaz kanpoko irakasleei dagozkien lanpostuak, bere 6. artikuluan ezartzen du behin-behineko destinoa duten eta lehen behin betiko destinoa lortu ez duten irakasleen kidegoko funtzionarioek nahitaez parte hartu behar dutela Hezkuntza Departamentuak deitzen dituen lekualdatze-lehiaketetan eta mugikortasun prozeduretan, hautapen prozedura gainditu duten kidego, espezialitate eta hizkuntzarako. Horiek aukera izanen dute atzerriko hizkuntzaren eskakizuna duten lanpostuak eskatzeko, dagozkien deialdietan hala zehazten bada, kontuan hartuta zer beharrizan dauden atzerriko hizkuntzaren eskakizuna duen hezkuntza sisteman eta zenbat irakasle funtzionario izendatu diren maiatzaren 4ko 11/2022 Foru Legeak aipatzen dituen lanpostuetan. Espedientean jasota dagoenez, hezkuntza-sisteman dauden beharrak kontuan hartuz, eta kontuan hartuz halaber 2024an amaitzen diren egonkortzeko hautaketa-prozesuen ondorioz atzerriko hizkuntzaren hizkuntza-eskakizuna duten lanpostuetarako izendatutako funtzionarioak, une honetan behin-behineko destinoa duten eta lehen behin betiko destinoa lortu ez duten irakasleen kidegoko funtzionarioek ezin izanen dute atzerriko hizkuntzen hizkuntza-eskakizuna duen lanposturik eskatu.

Halaber, aipatu arauak ezartzen du autonomia erkidegoen mailako lekualdatze-lehiaketetako deialdietan, irakasleen kidegoko funtzionarioak eta atzerriko hizkuntza-eskakizuna duten lanpostuetarako izendatutako irakasleak baldintza-berdintasunean lehiatuko direla, hala badagokio, atzerriko hizkuntza-eskakizuna duten lanpostuak lortzeko, eta irakasle guztiei baremo bera aplikatuko zaiela, eta antzinatasun gisa baloratuko direla funtzionario, lan-kontratudun eta aldi baterako administrazio-kontratudun gisa emandako irakaskuntza-zerbitzuak.

Azkenik, apirilaren 30eko 37/2014 Foru Dekretuaren 1bis artikuluak irakasle funtzionario parekatutzat jotzen ditu maiatzaren 4ko 11/2022 Foru Legeak aipatzen dituen irakasle lanpostuetan izendapena duten pertsonak, baldin eta lanpostuaren izenak barnean hartzen badu irakasle diren hezkuntza-mailako irakasleen kidegoen espezialitatea.

Horiek horrela, Hezkuntza Departamentuko Langileriaren eta Azpiegituren zuzendari nagusiaren abuztuaren 31ko 1/2023 Ebazpenaren bidez eskuordetutako eskudantziak erabiliz,

EBAZTEN DUT:

1. Lekualdatze-lehiaketarako deialdia onestea autonomia-erkidego osorako, kidego hauetako irakasle funtzionarioentzat: maisu-maistrak, Bigarren Hezkuntzako katedradunak eta irakasleak, Lanbide Heziketako irakasle teknikoak (desagertzear dagoen kidegoa), Lanbide Heziketako sektore berezietako irakasle espezialistak, Hizkuntza Eskola Ofizialetako katedradunak eta irakasleak, Musikako eta Arte Eszenikoetako katedradunak eta irakasleak eta Arte Plastikoetako eta Diseinuko katedradunak, irakasleak eta lantegiko maisu-maistrak, baita Nafarroako Foru Komunitateko Administrazioko unibertsitateaz kanpoko irakasle funtzionarioak ere, atzerriko hizkuntzako hizkuntza-eskakizuna duten lanpostuetarako izendatuak.

2. Ebazpen hau eta dagozkion eranskinak Nafarroako Aldizkari Ofizialean argitara daitezela agintzea.

3. Ebazpen hau eta eranskinak igortzea, behar diren ondorioak izan ditzaten, Hezkuntza Departamentuko Idazkaritza Tekniko Nagusira, Kudeaketa Juridiko-administratiboaren Atalera, Langileen Araubide Juridikoaren Zerbitzura eta Irakasleak Hautatzeko eta Lanpostuak Betetzeko Zerbitzuko Lanpostuak Betetzeko Atalera.

Iruñean, 2023ko urriaren 6an.–Langileen Araubide Juridikoaren Zerbitzuko zuzendaria (27/2023 Ebazpena, urriaren 5ekoa, Hezkuntza Baliabideen zuzendari nagusiak emana), Javier Lacarra Albizu.

LEKUALDATZE-LEHIAKETARAKO DEIALDIAREN OINARRIAK

Lehenbizikoa.

Lekualdatze-lehiaketaren deialdia egiten da, deialdi honetan ezartzen diren zehaztapenei jarraikiz, honako irakasle funtzionarioei dagozkien lanpostu hutsak betetzeko:

Bigarrena.–Borondatez parte har dezaketenak.

1. Deialdi honetan borondatez parte hartzen ahalko dute deialdiaren lehenbiziko oinarrian aipatzen diren irakasle funtzionarioek, organikoki eta funtzionalki Nafarroako Gobernuko Hezkuntza Departamentuaren mende daudenek, hauetako egoeraren batean baldin badaude:

A) Jardunean egotea, baldin eta behin betiko destinoa Hezkuntza Departamentuaren mendeko ikastetxeren batean badute, kontuan hartu gabe behin betiko azken destinoan zenbat denbora egin duten, Unibertsitatez Kanpoko Irakaskuntza Hobetzeko Neurriei buruzko uztailaren 2ko 26/2002 Foru Legearen 3. artikuluan xedatutakoari jarraikiz.

B) Zerbitzu berezietan edo eszedentzia berezian egotea, gaur egun Hezkuntza Departamentuaren mende dagoen ikastetxe batetik deklaratuta, kontuan hartu gabe behin betiko azken destinoan zenbat denbora egin duten, Unibertsitatez kanpoko irakaskuntza hobetzeko neurriei buruzko uztailaren 2ko 26/2002 Foru Legearen 3. artikuluan xedatutakoari jarraikiz.

C) Borondatezko eszedentzian egotea, Hezkuntza Departamentuak deklaratuta, baldin eta ikasturte hau bukatzen denerako jarduneko zerbitzura itzultzeko eskatzen diren baldintza guztiak betetzen baditu.

D) Eginkizun-gabetze egoeran egotea, gaur egun Hezkuntza Departamentuaren mende dagoen ikastetxe batetik deklaratuta, baldin eta ikasturte hau amaitzen denerako bukatzen bazaio eginkizun-gabetzeko diziplina zehapenaren indarraldia.

1. apartatu honetan ezarritako ondorioetarako, 2024ko abuztuaren 31 hartuko da ikasturte bukaerako data gisa.

E) Behin betiko betetzen zuen plaza edo lanpostua gordetzeko eskubidea galduta izatea, Administrazioan zerbitzu-eginkizunetan beste lanpostu bat betetzeagatik.

Aurreko paragrafoan aipatzen diren funtzionarioek destinoa lortzen badute lehiaketa honetan, esleitutako lanpostuan hasiko beharko dute, eta ulertuko da uko egiten diotela ordura arte zerbitzu-eginkizunetan betetzen zuten lanpostuari.

2. Destinoa eskuratzeko lehentasunezko eskubidea erabili nahi dutenek deialdi honetako seigarren oinarrian ezarritakoa bete beharko dute.

3. Halaber, epaia betearazteko lan-kontratudun finko aitortutako langileek parte hartzen ahalko dute, beren borondatez.

Hirugarrena.–Nahitaez parte hartu behar dutenak.

1. Deialdi honetan kidego hauetako irakasle funtzionarioek nahitaez parte hartu behar dute: maisu-maistrak, Bigarren Hezkuntzako katedradunak eta irakasleak, Lanbide Heziketako irakasle teknikoak (desagertzear dagoen kidegoa), Lanbide Heziketako sektore berezietako irakasle espezialistak, Hizkuntza Eskola Ofizialetako katedradunak eta irakasleak, Musikako eta Arte Eszenikoetako katedradunak eta irakasleak eta Arte Plastikoetako eta Diseinuko katedradunak, irakasleak eta lantegiko maisu-maistrak, baita Nafarroako Foru Komunitateko Administrazioko unibertsitateaz kanpoko irakasle funtzionarioak ere, atzerriko hizkuntza-eskakizuna duten lanpostuetarako izendatuak, Hezkuntza Departamentuaren mende daudenak organikoki eta funtzionalki, eta ondoren aipatzen diren egoeretako batean daudenak:

A) 2023-2024 ikasturtean behin-behineko destinoa duten eta jardunean dauden irakasle funtzionarioak.

B) Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariaren abenduaren 26ko 8/2019 Ebazpenaren bidez deitutako hautapen prozeduran hautatutako izangaiak.

Praktiketako funtzionario izendatutakoak, 2023-2024 ikasturtean ere praktiketan arituko direnak eta Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariaren urriaren 7ko 226/2022 Ebazpenaren bidez deitutako lekualdatze-lehiaketan destinorik lortu ez zutenak. Ordea, 2023-2024 ikasturtean ere praktiketan arituko direnek baina destinoa lortu zutenek ezin izanen dute parte hartu ebazpen honen bidez deitutako lekualdatze-lehiaketan.

C) Nahitaezko eszedentzian dauden irakasle funtzionarioak, behin-behineko itzultzerik lortu ez dutenak, eszedentzia gaur egun Hezkuntza Departamentuaren mende dagoen ikastetxe batean zirelarik deklaratu bazen.

D) Kanpoko lanpostuei atxikita egon ondoren, 2024-2025 ikasturtean Hezkuntza Departamentuaren kudeaketa esparrura itzuli behar duten irakasle funtzionarioak edo, aurreko ikasturteren batean itzulita ere, behin betiko destinoa lortu ez dutenak.

E) Epai bat betetzearen edo errekurtso bat ebaztearen ondorioz, edo zuten lanpostua berariaz kendu zaielako, behin betiko destinoa galdu duten irakasle funtzionarioak.

Apartatu honetan sartzen dira Administrazioan beste lanpostu bat betetzeagatik lanpostu gordea galdu duten funtzionarioak, baldin eta zerbitzu-eginkizunak amaitu badituzte.

Deialdi honen ondorioetarako, kendutako lanpostutzat hartuko dira, bakar-bakarrik, ebazpen formal eta banan-banan egindakoaren bidez berariaz kendu direnak.

F) Nafarroako Gobernuko Hezkuntza Departamentuan kudeaketaren arloan behin-behineko destinoa izanda, zerbitzu berezietan edo eszedentzia berezian dauden irakasle funtzionarioak.

2. Nahitaezkoei esleitzeari buruzko arauak:

A) Praktiketako irakasle funtzionarioek, irakasleen kidegoetan sartzeko hautapen prozedurak gainditu dituztenek, nahitaez hartu behar dute parte deialdi honetan, zer kidego, espezialitate edo hizkuntzatan gainditu duten hautapen prozedura, kidego, espezialitate eta hizkuntza horietan, eta ezin izanen dute aukeratu atzerriko hizkuntza-eskakizuna duen lanposturik.

Horretarako, zein espezialitate eta hizkuntzatan gainditu duten hautapen prozedura, horiei dagozkien lanpostu guztiak eskatu beharko dituzte. Gainera, borondatez eskatzen ahalko dituzte oposizioko beren espezialitatetik aukeragai dituzten lanpostuak, hizkuntza berean, IV. eranskinean ezarritakoarekin bat.

Lehiatzen ez direnei edo lehiatu arren behar adina lanpostu eskatzen ez dituztenei libreki esleituko zaie behin betiko destinoa, hautapen prozedurako espezialitate eta hizkuntzako lanpostuetan. Behin betiko destinoa lortzen ez badute, behin-behineko destinoko egoeran geldituko dira.

B) Behin-behineko destinoa duten eta atzerriko hizkuntza-eskakizuna duten lanpostuetarako izendatutako irakasle funtzionarioak, maiatzaren 4ko 11/20233 Foru Legearekin bat etorriz, hautapen prozedura zer espezialitatetan eta hizkuntzatan gainditu duten, hautapen prozedura horretan atzerriko hizkuntza-eskakizuna duten lanpostuetarako baino ezin izanen dira aurkeztu.

Horrela, hautapen prozedura zer espezialitatetan eta hizkuntzatan gainditu duten, espezialitate eta hizkuntza horiei dagozkien lanpostu guztiak eskatu beharko dituzte. Gainera, borondatez eskatzen ahalko dituzte oposizioaren bidez lortu duten lanpostutik, atzerriko hizkuntza-eskakizun berean, IV. eranskinean ezarritakoarekin bat.

Lehiaketan parte hartzen ez dutenei, edo parte hartu baina aski lanpostu-kopuru eskatzen ez dutenei, behin betiko destinoa emanen zaie hautatuak izan zireneko lanpostuetan, eta hizkuntza berean. Behin betiko destinoa lortzen ez badute, behin-behineko destinoko egoeran geldituko dira.

C) Lehen behin betiko destinoa lortu ez duten eta behin-behineko destinoa duten irakasle funtzionarioek nahitaez hartu behar du parte lekualdatze-lehiaketan, hautapen prozesua zer kidego, espezialitate eta hizkuntzatan gainditu duten, kidego, espezialitate eta hizkuntza horietan, eta ezin izanen dute aukeratu atzerriko hizkuntza-eskakizuna duen lanposturik.

Horretarako, zein espezialitate eta hizkuntzatan gainditu duten hautapen prozedura, horiei dagozkien lanpostu guztiak eskatu beharko dituzte. Gainera, borondatez eskatzen ahalko dituzte oposizioko beren espezialitatetik aukeragai dituzten lanpostuak, hizkuntza berean, IV. eranskinean ezarritakoarekin bat.

Lehiatzen ez direnei edo lehiatu arren behar adina lanpostu eskatzen ez dituztenei libreki esleituko zaie behin betiko destinoa, hautapen prozedurako espezialitate eta hizkuntzako lanpostuetan. Behin betiko destinoa lortzen ez badute, behin-behineko destinoko egoeran geldituko dira.

D) Behin-behineko destinoa duten irakasleen kidego funtzionarioek, aldez aurretik destino bat lortu dutenek, titular gisa dituzten espezialitateetako plaza guztiak eskatu behar dituzte, nahi duten hizkuntzan, eta, hala badagokio, hizkuntza-eskakizunean. Gainera, titular gisa dituzten espezialitateetatik abiatuta hauta ditzaketen beste lanpostu batzuk ere eskatzen ahal dituzte borondatez, IV. eranskinean ezarritakoarekin bat.

Lehiatzen ez direnei edo lehiatu arren behar adina lanpostu eskatzen ez dituztenei,edo nahitaezkoei lanpostuak esleitzeko espezialitate guztien ordena adierazten ez dutenei, behin betiko destinoa esleituko zaie kidegoan sartzeko erabilitako espezialitate eta hizkuntzako lanpostuetan edo, bestela, kidegoan sartu ondoren lortu dituzten espezialitateetako edozeinetan, IV. eranskinean agertzen diren ordenaren arabera, hizkuntza berean, Nafarroako Foru Komunitateko ikastetxeetan betiere. Behin betiko destinoa lortzen ez badute, behin-behineko destinoko egoeran geldituko dira.

E) Nahitaezko eszedentzian dauden funtzionarioak, baldin eta deialdi honetan parte hartzen ez badute edo, parte hartu arren, behar adina ikastetxe eskatzen ez badituzte eta behin betiko destinoa lortzen ez badute, norberaren intereseko borondatezko eszedentzian geldituko dira, Nafarroako Administrazio Publikoen zerbitzuko Langileen Estatutuaren testu bateginaren 26.1.c) artikuluaren arabera.

F) Kanpoko lanpostuei atxikirik egon ondoren edo epai bat betetzearen edo errekurtso bat ebaztearen ondorioz behin betiko destinoa galtzeagatik edo behin betiko lanpostua berariaz kendu izanagatik deialdian parte hartzen duten funtzionarioei destinoa esleitzerakoan, arau hauei jarraituko zaie:

–Ebazpen honen seigarren oinarrian ezarritako moduan lehentasunezko eskubideaz baliaturik parte hartu badute eta destinorik lortu ez badute, behin-behineko destinoarekin geldituko dira, baina atxikita izan duten azken ikastetxeko herrian ikastetxeak aukeratzeko eskubidearekin, lanpostu hutsik izanez gero.

–Parte hartu beharra izan arren lehiatzen ez diren funtzionarioei, edo, deialdi honen seigarren oinarriak aipatzen duen lehentasunezko eskubideaz baliatu gabe parte harturik, eskatutako lanpostuetan destinorik lortzen ez dutenei eta, lehentasunezko eskubidea baliaturik ikastetxearen edo herriaren eskaera zuzen bat gutxienez egin ez dutenei, oinarri honen B) edo D) apartatuetan xedatutakoaren arabera esleituko zaie libreki behin betiko destinoa. Behin betiko destinoa lortzen ez badute, behin-behineko destinoko egoeran geratuko dira.

G) Lehenbiziko behin betiko destinoa lortu ez duten irakasleen kidegoko irakasle funtzionarioek Nafarroako Gobernuko Hezkuntza Departamentuaren mendeko lanpostuetara jo dezakete soilik. Ondorio horietarako, lehiaketaren bidez lortutako destinoaren jabetza hartua izan behar dute.

H) Nahitaezko esleipena deialdi honen II. eta III. eranskinetan ageri den ikastetxeen ordenaren arabera eginen da.

I) Ez dira nahitaez esleituko deialdi honen V. eranskinean ageri diren lanpostuak.

3. Destinoa eskuratzeko lehentasunezko eskubidea erabili nahi dutenek deialdi honetako seigarren oinarrian ezarritakoa bete beharko dute.

Laugarrena.–Deialdiko lanpostuak eta haien argitalpena.

Deialdi honetan beteko diren lanpostu hutsak, hala behin-behinekoak nola behin betikoak, Irakasleak Hautatzeko eta Lanpostuak Betetzeko Zerbitzuko zuzendariaren ebazpenaren bidez zehaztuko dira, eta Hezkuntza Departamentuaren web-orrian argitaratuko dira: https://www.educacion.navarra.es/eu/web/dpto/inicio.

Ondorio horietarako, hezkuntzako plangintza orokorrean aurreikusten diren lanpostuak sartuko dira, baita parte hartzen den kidego edo lanpostu bakoitzean betetze prozeduraren ondorioz hutsik gelditzen direnak ere. Horiez gain, gutxienez 2023ko abenduaren 31ra arte erretiroengatik, heriotzengatik edo lanpostua gordetzeko eskubiderik gabeko eszedentziengatik sortzen diren lanpostu hutsak ere sartzen ahalko dira. Lanpostu horiek guztiek eskola plangintzan aurreikusiak egon beharko dute.

Halaber, Derrigorrezko Bigarren Hezkuntzako irakasleen kidegoko funtzionarioei, eta hala badagokie, atzerriko hizkuntza-eskakizuna lanpostuetarako izendatutako funtzionarioei eskainiko zaizkie maisu-maistren kidegoko lehiatzaileek eskatzen ez dituzten lanpostu hutsak, maisu-maistren kidegoan eskainitakoak Derrigorrezko Bigarren Hezkuntzako lehendabiziko bi kurtsoetarako, baldin eta haien funtzionamendua hezkuntzako plangintzan aurreikusita badago.

Apirilaren 30eko 37/2014 Foru Dekretuaren 6. artikuluan ezartzen denez, behin betiko destinoa edo behin-behineko destinoa duten eta behin betiko destinoa lortu duten irakasleen kidegoko funtzionarioak baldintza-berdintasunean lehiatuko dira atzerriko hizkuntza-eskakizuna duten lanpostuetan dauden funtzionarioekin atzerriko hizkuntza-eskakizuna duten lanpostuak lortzeko.

Bigarren Hezkuntzako, Hizkuntza Eskola Ofizialetako eta Arte Plastikoetako eta Diseinuko katedradunen kidegoetako funtzionarioek maila bereko irakasleen kidegoetako funtzionarioekin batera hartuko dute parte, eta lanpostu huts berberak eskainiko zaizkie, katedradunen kidegoetakoak izateagatik aplikatzen ahal zaizkien berariazko merezimenduak galarazi gabe.

Zenbait espezialitatetako lanpostuak eskuratzeko, Lanbide Heziketako irakasle teknikoen kidegoko (desagertzear dagoen kidegoa) funtzionarioek eta aipatutako espezialitateetako irakasleek, Bigarren Hezkuntzako irakasleen kidegoan sartutakoek (urriaren 4ko 800/2022 Errege Dekretua arautzen duen prozeduraren bidez), elkarrekin parte hartuko dute Lanbide Heziketako sektore berezietako irakasle espezialisten kidegoko irakasleekin. Espezialitateak hauek dira: Sukaldaritza eta pastelgintza, Estetika, Zurgin-lanen eta altzarien fabrikazioa eta instalazioa, Ibilgailuen mantentze-lanak, Makinen mekanizazioa eta mantentze-lanak, Patroigintza eta jantzigintza, Ile-apainketa, Arte grafikoetako produkzioa, Jatetxe zerbitzuak eta Soldadura.

Era berean, Bigarren Hezkuntzako irakasleen kidegoko espezialitateko lanpostuetarako, martxoaren 31ko 3/2022 Lege Organikoaren arabera, Lanbide Heziketako irakasle teknikoen kidegoko (desagertzear dagoen kidegoa) funtzionarioek Bigarren Hezkuntzako irakasleen kidegoko funtzionarioekin parte hartuko dute, espezialitate horietako lanpostu huts berberetarako.

Bosgarrena.–Parte-hartzaileek eska ditzaketen lanpostuak.

1. Hirugarren oinarriaren 2.A eta B apartatuetan ezartzen denaren kaltetan gabe, irakasle funtzionarioek titular diren espezialitateei edo antzeko lanpostuei dagozkien plazak eskatzen ahalko dituzte.

2. Halaber, irakasle funtzionarioek beste lanpostu batzuk eskatzen ahalko dituzte, baldin eta haien titulartasuneko espezialitatea edo lanpostu parekatua eskatzen bada, bat etorriz deialdi honen IV. eranskinean ezarritakoarekin.

3. Bat etorriz Hezkuntzari buruzko maiatzaren 3ko 2/2006 Lege Organikoaren lehenbiziko xedapen iragankorrarekin eta Estatuko lekualdatze-lehiaketak arautzen dituen errege dekretuarekin, Derrigorrezko Bigarren Hezkuntzako lehenbiziko bi kurtsoetan ezartzen diren lanpostuak maisu-maistren kidegoko funtzionarioek eska ditzakete, baldin eta deialdietan eskatutako gainerako baldintzak betetzen badituzte eta hurrengo kasu hauetakoren batean sarturik badaude: Derrigorrezko Bigarren Hezkuntzako lehenbiziko bi kurtsoetako lanpostuei behin betiko atxikitzea eta kurtso horietan behin betikotasunez betetzen zuten lanpostua galtzea, lanpostua kendu delako, baldin eta beste behin betiko destino bat lortu ez badute lanpostua kendu ondoren.

Langile horiek beharrezkoa den gaikuntza frogatu beharko dute, deialdi honen IV. eranskinean ezarritakoarekin bat.

4. Bigarren Hezkuntzako institutuetan eta Derrigorrezko Bigarren Hezkuntzako institutuetan Pedagogia Terapeutikoko lanpostuak eskatzen ahalko dituzte espezialitate edo lanpostu parekatu horren titularrak diren funtzionarioek, deialdi honen IV. eranskinean ezarritakoaren arabera.

5. Euskara jakin beharra duten lanpostuak eskatzeko, EGA-Euskararen Gaitasun Agiriaren edo titulu baliokide baten jabe direla frogatu beharko dute, espezialitateko betebeharraz gain, salbu jadanik zerbitzuen orrian jaso bada.

6. Irakasleen kidegoetako funtzionarioek atzerriko hizkuntza-eskakizuna (frantsesa, ingelesa eta alemana) duten irakaskuntza espezialitateei dagozkien lanpostuak eskatzeko, irakasleak kasuan kasuko hizkuntza ezagutzearen egiaztagiria eduki beharko du, Nafarroako Gobernuko Hezkuntza Departamentuak emana, apirilaren 30eko 37/2014 Foru Dekretuaren 9. artikuluan xedatuarekin bat.

Egiaztagiri hori, edo lehiakideen espediente pertsonalean dago jasota PI, PF edo PALE hizkuntza-eskakizunaren gisa, edo justifikatzen ahal da hizkuntza-eskakizuna horietarako Hezkuntzako kontseilariaren maiatzaren 13ko 36/2022 Foru Aginduaren I. eranskinean eskatzen diren tituluetako bat aurkeztuta, deialdiko eskaerak aurkezteko epearen barnean. Foru agindu horrek irakasleek frogatu ditzaketen berariazko eskakizunak zehaztu eta hura egiaztatzeko prozedura ezartzen du. Azkeneko kasu horretan, aipatu foru aginduan ezarritako prozeduraren bidez egiaztatuko da parte-hartzaile horiei dagokien hizkuntza-eskakizuna (PI, PF edo PALE).

7. 1992ko Estatuko Aurrekontu Orokorrei buruzko abenduaren 30eko 31/1991 Legearen 29. xedapen gehigarriaren indarrez Bigarren Hezkuntzako katedradunen eta irakasleen kidegoetan sartu diren langileek parte hartzen ahalko dute titular diren espezialitateetan Nafarroako Foru Komunitateko Administrazioaren irakasle funtzionario gisa integratzeko foru dekretuetan egindako atxikipenei jarraikiz eta IV. eranskinean ezarritakoaren arabera. Kasu horretan, deialdi honen bidez beste ikastetxe batean behin betiko destino berri bat lortzean, parte-hartzaileak galdu eginen ditu atxikipen esparruan sartutako gainerako espezialitateen gainean izaten ahal dituen eskubideak.

Seigarrena.–Lehentasunezko eskubideak.

Oinarri honetan ezarritako kasuetakoren batean dauden irakasle funtzionarioak lehentasunezko eskubideaz balia daitezke, zein kidegotan hartzen duten parte, hartan lanpostu hutsik edo lanpostu parekatua izanez gero. Parte hartzeko eskaeran horixe adieraziko dute, eskariaren oinarri den arrazoiarekin batera.

Bat etorriz irakasle funtzionarioentzako estatu mailako lekualdatze-lehiaketak arautzen dituen errege dekretuarekin eta Nafarroako Foru Komunitateko Ikastetxe Publikoen Sarea berrantolatzen duen uztailaren 3ko 80/2019 Foru Dekretuarekin, lehentasunezko eskubidea gauzatzeko lanpostuak eskatzerakoan lehentasunezko eskubide hauek soilik alegatzen ahalko dira:

1. Ikastetxea aukeratzeko lehentasunezko eskubidea.

Behin betiko destinoa zein ikastetxetan duten edo izan duten, horretan behin betiko destinoa lortzeko lehentasunezko eskubidea izanen dute, behin bakarrik, oinarri honetan aipatzen diren egoeraren batean dauden irakasleek, lehentasun hurrenkeraren arabera:

1.1. Ikastetxe batean betetzen ari ziren behin betiko lanpostua kentzeagatik behin betiko destinorik gabe dauden irakasleak, harik eta behin betiko beste destino bat lortu arte, lanpostu horretan aritzeko eskatzen diren baldintzak betez gero.

Deialdi honen ondorioetarako, kendutako lanpostutzat hartuko dira ebazpen formal baten bidez berariaz kendu direnak.

1.2. Bigarren Hezkuntzako katedradunen eta irakasleen kidegoetako irakasleak, eta Lanbide Heziketako irakasle teknikoen kidegoetako (desagertzear dagoen kidegoa) irakasleak, eta Lanbide Heziketako sektore berezietako irakasle espezialistak, espezialitate berri bat eskuratu dutenak, ekainaren 4ko 850/1993, otsailaren 27ko 334/2004 eta otsailaren 23ko 276/2007 Errege Dekretuetan xedatutakoaren babesean, espezialitate berriko lanpostu bat lortzeko behin betiko destinoa zuten ikastetxean.

Bat-egitearen edo integrazioaren ondorioz ikastetxean sortutako lanpostu hutsei aplikatzen ahalko zaie eskubide hori. Lerroak edo unitateak bereizten badira, bereizitako lerro edo unitateak jasotzen dituen ikastetxeari ere aplikatzen ahalko zaio.

Aurreko apartatuetako bakoitzean aipatu egoeretan dauden bi funtzionario edo gehiago lehiatuz gero, merezimenduen baremoan puntuazio handiena duenari esleituko zaio lanpostua. Puntuazioetan berdinketak izaten badira, hori hausteko lehenbiziko irizpidea izanen da ikastetxean funtzionario gisa zein aritu den denbora gehiago benetako zerbitzuetan, eta, beharrezkoa izanez gero, merezimenduen baremoan aurreikusitako gainerako irizpideak aplikatuko dira, agertzen diren hurrenkera berean.

2. Ikastetxea aukeratzeko lehentasunezko eskubidea erabiltzea.

Ikastetxea aukeratzeko lehentasunezko eskubideetako bat, aurreko apartatuan aipatua, erabili nahi duten irakasle funtzionarioek parte hartzeko eskaeran jarri beharko dute (ikastetxea aukeratzeko lehentasunezko eskubideari dagokion epigrafean) zein kasuren bidez parte hartzen duten lehentasunezko eskubidearekin eta zer ikastetxetan erabiltzen duten eskubide hori. Gainera, lehentasunezko hurrenkeraren arabera jarri beharko dituzte eskubide horretaz baliatzeko eskaerak, honako hauek adieraziko dituztenak: espezialitatea eta hizkuntza, eta, hala denean, elebitasuna edo/eta lanpostu ibiltaria. Ondorio horietarako, lanpostu desberdintzat joko da hizkuntzaren baldintza eta/edo ibiltari izaera duena.

Parte-hartzaileak ez daude beharturik titular gisa dituzten espezialitate guztiak eskatzera, eta borondatez eskatzen ahalko dituzte titular gisa dituzten espezialitatearen baldintza duten beste lanpostu batzuk, deialdi honen IV. eranskinean ezarritakoarekin bat.

Oinarri honetan ikastetxea aukeratzeko ezarritako lehentasunezko eskubideetako bi edo gehiago erabiltzen ahal dituzten irakasleek eskaeran adierazi beharko dute kasurik onuragarriena zein den, oinarri honen 1. apartatuan ageri den lehentasun hurrenkeraren arabera.

Titularrak direneko espezialitateen arabera eskura ditzaketen lanpostuetarako beste eskaera batzuk sartzen ahalko dira eskaera berean, lehentasunezko eskubiderik izan gabe haiek lortzeko lehiaketan parte hartu nahi badute.

3. Herria edo eskualdea aukeratzeko lehentasunezko eskubideak.

Herri edo eskualde bateko ikastetxeetan behin betiko destinoa lortzeko lehentasunezko eskubidea izanen dute, behin bakarrik eta lanpostu hutsik bada, oinarri honetan aipatzen diren egoeretako batean dauden funtzionarioek, lehentasun hurrenkeraren arabera:

3.1. Ikastetxe batean betetzen ari ziren behin betiko lanpostua kendu edo aldatzeagatik behin betiko destinorik ez duten irakasleek lehentasunezko eskubidea izanen dute, behin betiko beste destino bat lortu arte, kendutako lanpostua zegoen herri edo eskualde bereko beste ikastetxe batean beste lanpostu bat lortzeko.

3.2. Administrazio publikoan beste postu batera pasatzeagatik, behin betiko betetzen zuten irakasle lanpostua galduta, eta baldin eta azken postua utzi badute.

3.3. Atzerriko ikastetxe publikoak uzteagatik haietarako atxikipen denbora bukatu delako (Hezkuntza, Kultura eta Kirol Ministerioaren kanpoko administrazioa arautzen duen urriaren 31ko 1138/2002 Errege Dekretuaren 10.6 eta 14.4 artikuluak), edo Espainian irakastera itzultzeagatik legez ezarritako beste arrazoiren batengatik.

3.4. Behin betiko destinoa epai bat betetzearen edo errekurtso administratibo bat ebaztearen ondorioz galdu izateagatik.

3.5. Ezintasun iraunkorraren ondoriozko erretiro egoeran deklaratu ondoren jardunerako birgaitu direnak.

Aurreko apartatuetako bakoitzean aipatu egoeretan dauden bi funtzionario edo gehiago lehiatuz gero, merezimenduen baremoan puntuazio handiena duenari esleituko zaio lanpostua. Puntuazioen guztirakoan berdinketa izaten bada, deialdiaren hamahirugarren oinarrian berdinketa hausteko ezarritako irizpideak aplikatuko dira.

4. Herria edo eskualdea hautatzeko lehentasunezko eskubidea erabiltzea.

Lehentasunezko eskubidea zein herritatik datorkion, hantxe erabili beharko da (deialdiaren II. eta III. eranskinak); aukeran izanen da eskualdeko beste herri baterako edo batzuetarako erabiltzea (deialdiaren II-A eta III. eranskinak). Halaber, parte-hartzaileak titular gisa dituen espezialitate guztietarako nahitaez erabili beharko du lehentasunezko eskubide hori; gainera, aukeran izanen da hizkuntzaren baldintza (bertako hizkuntza eta/edo elebiduna) edo ibiltari izaera duten espezialitateetarako erabiltzea, bai eta Derrigorrezko Bigarren Hezkuntzako lehenengo bi kurtsoetako lanpostuetarako eta Bigarren Hezkuntzako institutuetako eta Derrigorrezko Bigarren Hezkuntzako institutuetako Pedagogia Terapeutikoko lanpostuetarako. Borondatez eskatzen ahalko dituzte beste lanpostu batzuk, beren espezialitatea baldintza gisa dutenak, deialdi honen IV. eranskinean ezarritakoarekin bat.

Lanpostu bereziei atxikitako maisu-maistren kidegoko irakasleek lehentasunezko eskubidea erabiltzen ahalko dute, aurreko paragrafoan xedatukoaren arabera. Horretarako, ebazpen honen II-A eranskinean biltzen diren herrietako bat aukeratu beharko dute, betiere kendutako lanpostuaren jarduketa eremuaren barnekoa (II-B eranskina).

Apirilaren 30eko 37/2014 Foru Dekretuaren bidez irakasleen kidego guztietarako, maisu-maistren kidegorako izan ezik, onetsitako zonifikazioarekin bat (ekainaren 2ko 44/2021 Foru Dekretuak aldatua), Iruña bi lurralde eremutan edo bi herritan banatzen da. Ondorio horietarako, III. eranskinean zerrendatzen diren Iruñeko ikastetxeak bi lurralde eremu horietakoak dira (Iruña 1 eta Iruña 2). Bi herri desberdinen modura funtzionatzen dute, bi eremu desberdinetan sartuta, lehentasunezko eskubidea erabiltzearen ondorioetarako.

Aurreko apartatuan ageri diren herria edo eskualdea hautatzeko lehentasunezko eskubideetako bat erabiltzen duten irakasleek honako hau adierazi beharko dute parte hartzeko eskaeran:

1. Lehenik, "herria aukeratzeko lehentasunezko eskubidea" izeneko epigrafean, honako hauek jarri beharko dira: lehentasunezko eskubidearekin zein kasuren bidez parte hartzen den, zein herritan erabiltzen den eta, hala balegokio, hautatu den herriko eskualdearen gainean lehentasunezko eskubidea erabiltzen dela adierazi.

Aurretik adierazitakoarekin bat, irakasleen kidego guztientzat, maisu-maistren kidegoarentzat izan ezik, Iruña bada lehentasunezko eskubidearen herria, parte-hartzaileek herriari dagokion epigrafean "Iruña 1" edo "Iruña 2" zehaztu beharko dute, lehentasunezko eskubidearen ikastetxea non kokatzen den, III. eranskinean jasotakoari jarraituz.

2. Bigarrenik, titular gisa dituzten espezialitate guztiak bete beharko dituzte, lehentasun hurrenkeran. Lehiatzaileak bertako hizkuntzako lanpostua eskatzen ahal badu, aukeratzea dauka bertako hizkuntzarekin eta/edo gabe eskatu nahi duen titular deneko espezialitate bakoitza. Horrela egiten ez badute eta destinoa ez badute lortzen adierazitako espezialitate batean, Administrazioak askatasunez esleituko du postuaren erreserba adierazi gabeko espezialitateren batean; lehenik bertako hizkuntza eskatzen duen adierazi gabeko espezialitate bakoitza garatuko du, eta gero, bertako hizkuntza eskatzen ez dutenak, baldin lehiatzaileak bertako hizkuntza duten lanpostuak eskatzeko baldintzak betetzen baditu.

Hizkuntzaren eta/edo ibiltaritzaren baldintza duten espezialitateetarako postua gordetzeko eskaria eginez gero, espezialitate eta hizkuntzetarako gordetako laukitxoen ondoan dauden laukitxoetan adieraziko dute. Beren espezialitateen arabera borondatez hauta ditzaketen lanpostuetarako erreserba eskatuz gero, zer lanpostu eskatzen dituzten adierazi beharko dute deialdiaren IV. eranskinari jarraikiz. Lehentasun hori kontuan hartuko da herria eta espezialitatea erreserbatzeko.

Lehentasunezko eskubideaz baliaturik herriaren eta espezialitatearen erreserba lortuta, destinoko ikastetxea erabakiko da baremoan lortutako puntu kopuruaren arabera, lekualdatze-lehiaketetako gainerako parte-hartzaileekin lehian.

3. Hirugarrenik, ikastetxea lortzeko, herri edo eskualderako lehentasunezko eskubidea erabiltzen dutenek eskaeran jarri beharko dituzte ("lekualdatze-lehiaketarako eskaerei" dagokien epigrafean), lehentasun hurrenkeraren arabera, eskubidea sortzen duen herriko ikastetxe guztiak (II. eranskinean ageri dira maisu-maistren kidegorako, eta III. eranskinean, gainerako kidegoetarako), eta, hala denean, eskualdearen barnean nahi dituen herrien eranskin beretako ikastetxe guztiak; herria eskatuz gero, herri horretan lanpostu hutsak dituen edozein ikastetxetan jasoko du destinoa; ikastetxeak eskatuz gero, herrien multzo homogeneotan bilduta egon beharko dute ikastetxeek. Eskubidea sortzen duen herriko ikastetxe guztiak eta aukeran eskatutako herriko edo herrietako ikastetxe guztiak eskatzen ez badira, herri horietakoren batean lanpostu hutsik bada, Administrazioak libreki destinatuko ditu herri horretako edo horietako gainerako ikastetxeetako edozeinetara, eranskinetan kidego bakoitzerako zerrendan ageri den hurrenkerari jarraikiz, salbu eta deialdi honen V. eranskinean nahitaezkoendako esleipenetik kanpo gelditutako ikastetxeak. Berdin jokatuko da interesdunek lanpostu erreserba lortu badute, beren lehentasunen arabera, hizkuntzaren edo ibiltaritzaren baldintza duen espezialitatean edo beren espezialitateen arabera borondatez hauta ditzaketen lanpostuetan.

Aurretik aipatu diren kasu guztietan, lehentasunezko eskubidea erabiltzen duten lehiatzaileek "DPL" –lehentasunezko eskubidea– siglak jarri beharko dituzte eskatutako ikastetxearen espezialitateari dagokion laukitxoan. Hala, parte hartzeko oinarri diren espezialitate guztiak eskatu direla ulertuko da.

Oinarri honetan herria aukeratzeko ezarritako lehentasunezko eskubideetako bi edo gehiago erabiltzen ahal dituzten lehiatzaileek eskaeran adierazi beharko dute kasurik onuragarriena zein den, oinarri honen 3. apartatuan ageri den lehentasun hurrenkeraren arabera.

Horien ondotik, titular gisa dituzten espezialitateen arabera eskura ditzaketen beste lanpostu batzuetarako eskaerak sartzen ahalko dituzte, lehentasunezko eskubiderik izan gabe haiek lortzeko lehiaketan parte hartu nahi badute.

5. Lehentasunezko eskubideen arteko lehentasun hurrenkera.

Oinarri honetan onartutako lehentasunezko eskubideen artean lehentasun hurrenkera hau aplikatuko da:

a) Ikastetxea aukeratzeko lehentasunezko eskubidea.

b) Herria edo eskualdea aukeratzeko lehentasunezko eskubidea.

Zazpigarrena.–Parte hartzeko eskaera eta aurkeztu beharreko agiriak.

1. Parte-hartzaile guztiek agiri hauek aurkeztu beharko dituzte parte hartzeko eskaerarekin batera:

A. Hezkuntza administrazio honek deitutako lekualdatze-lehiaketetatik 2010-2011 ikasturteaz geroztik onetsietako batean parte hartu duten izangaiei, zein lekualdatze-lehiaketan parte hartu zuten azkenekoz, hartan lortutako behin betiko puntuazioa berretsiko zaie, honekin bat:

–Puntuazioa berretsiko zaie Hezkuntza Administrazio honek dei egindako lekualdatze-lehiaketa horietan parte hartu zuten langileei, salbu praktiketako funtzionario gisa lehiatu ziren langileei.

–Parte hartu zuten azken lehiaketan lortutako behin betiko puntuazioa berretsiko da, salbu eta merezimenduen baremoaren I. apartatua, Irakasleak Hautatzeko eta Lanpostuak Betetzeko Zerbitzuak ofizioz baloratuko baitu.

–Parte-hartzaile horiek hobetutako merezimenduak aurkez ditzakete, baldin eta kasuan kasuko lekualdatze-lehiaketaren deialdirako eskaerak aurkezteko epea bukatu ondoren hobetuak badira, bai eta 1.2, 4., 6.4 eta 6.6 apartatuei dagozkien merezimenduak ere, baldin eta funtzionario izendatu aurretik hobetu badira eta espediente pertsonalean jasota ez badaude.

–Puntuazioa berresteko baldintzak betetzen dituzten interesdunek eskaerak aurkezteko aplikazio telematikoan eskuratu dezakete azken lekualdatze-lehiaketan lortutako behin betiko puntuazioa. Orobat, aplikazio horretan adieraziko zaie interesdunei noiz bukatzen zen eskaerak aurkezteko epea parte hartu duten azken deialdian.

–Behin betiko puntuazioak berretsiko dira deialdi honen I. eranskineko merezimenduen baremoan ezarritako balorazio irizpideei jarraituta.

Irakasleak Hautatzeko eta Lanpostuak Betetzeko Zerbitzuak gehituko dio, lekualdatze-lehiaketako puntuazioari, parte hartu duen azken deialdian eskaerak aurkezteko epea amaitu eta gero parte-hartzaileak lortu dituen merezimenduak, baremoaren apartatu hauei dagozkienak: 4.1 eta 4.2 apartatuak, 4.3 apartatuko aholkulari lanpostuak; 5.3, 6.4 eta 6.5 apartatuetako merezimenduak (Nafarroako Gobernuaren Hezkuntza Departamentuak izendatutako epaimahaietan parte hartzeari buruz), parte-hartzaile bakoitzaren espediente pertsonalean dagoen dokumentazioarekin bat etorriz.

Era berean, ofizioz aurkeztuko da funtzionario izendatu aurretik hobetutako merezimenduei dagokien puntuazioa, 1.2, 4. eta 6.4 apartatuei dagokienez, betiere espediente pertsonalean jasota badaude.

Parte hartu duten azken deialdian eskaerak aurkezteko epea bukatu aurretik hobetutako merezimendu berriak aurkeztu nahi dituztelako edo konforme ez daudelako, parte hartu zuten lekualdatze-lehiaketaren azken puntuazioa berretsi nahi ez duten parte-hartzaileek propio adierazi beharko dute parte hartzeko eskaerari dagokion laukitxoan. Parte-hartzaile horiek, baita lehiaketa horietan parte hartu ez zutenek ere, honako agiri hauek erantsi beharko dizkiote parte hartzeko eskaerari, merezimenduak frogatzeko, aurkezten direnak soilik baloratuko baitira:

–Deialdi honen I. eranskinean argitaratutako baremoko 3., 4.3 apartatuetan (prestakuntzako aholkulari lanpostuak izan ezik), 5.1, 5.2., 6.1, 6.2, 6.3 eta 6.5 apartatuetan (beste hezkuntza administrazio batzuek izendatutako epaimahaietan parte hartzea) eta 6.6 apartatuan aipatu merezimenduen baloraziorako frogagiriak.

B. Euskaraz jakin beharra duten lanpostuak eskatzen dituzten izangaiek EGA-Euskararen Gaitasun Agiriaren edo titulu baliokide baten jabe direla frogatzeko dokumentazioa aurkeztu beharko dute, salbu jadanik zerbitzu orrian jaso bada.

C. Atzerriko hizkuntza-eskakizuna (frantsesa, ingelesa eta alemana) duten irakaskuntza espezialitateei dagozkien lanpostuetarako izangaiek PI, PF eta PALE hizkuntza-eskakizunetarako tituluak dituztela frogatzen duen dokumentazioa aurkeztu beharko dute, Hezkuntzako kontseilariaren maiatzaren 13ko 36/2022 Foru Aginduaren I. eranskinean jasotakoa, non ez diren jasotzen hizkuntza-eskakizun horiek haien espediente pertsonaletan.

D. Irakasleak Hautatzeko eta Lanpostuak Betetzeko Zerbitzuak ofizioz sartuko ditu baremoko 1., 2., 4.1 eta 4.2 apartatuei dagozkien merezimenduak; 4.3 apartatuko aholkulari lanpostuak; 5.3, 6.4 eta 6.5 apartatuetako merezimenduak (Nafarroako Gobernuko Hezkuntza Departamentuak izendatutako epaimahaietan parte hartzeari dagokionez), parte-hartzaile bakoitzaren espedientean dagoen dokumentazioari jarraikiz.

Halaber, Irakasleak Hautatzeko eta Lanpostuak Betetzeko Zerbitzuak ofizioz baloratuko die, baremoko 6.7 apartatuan, zerbitzu orrian ageri den euskarazko titulazioa, euskaraz emandako espezialitate bati atxikita dauden edo lanpostu parekatu baten titular diren irakasleei, ez badute behintzat parte-hartzaileek merezimenduen baremoko 3.3 apartatuan aipatu euskarazko titulazioaren frogagiria aurkezten eta, horrekin batera, baremoko apartatu honetan baloratzeko eskatzen.

2. Dokumentazioa Erregistro Orokor Elektronikoaren bidez aurkeztuko da, argitalpenen kasuetan salbu, horiek aurrez aurre aurkeztuko baitira Hezkuntza Departamentuko Erregistroan, Nafarroako Gobernuko Erregistro Orokorrean, Nafarroako Gobernuaren gainerako erregistro bulegoetan edo Administrazio Publikoen Administrazio Prozedura Erkideari buruzko urriaren 1eko 39/2015 Legearen 16.4 artikuluan adierazitako bideren bat erabiliz.

3. Gaztelaniara edo euskarara itzuli beharko dira atzerriko hizkuntza batean idatzitako agiriak edo beste autonomia-erkidego bateko berezko hizkuntza ofizialean idatzitakoak, salbu eta euskaraz idatzita daudenak eta atzerriko hizkuntzen egiaztagiri edo titulazioak. Zinpeko itzultzaileek egin beharko dituzte itzulpen horiek, eta agiriarekin batera aurkeztu beharko dira.

4. Eskaerak aurkezteko epea bukatzen den egunean bete beharko dira parte hartzeko betebehar guztiak eta alegatutako merezimenduak.

Zortzigarrena.–Eskaerak eta agiriak aurkeztea.

1. Deialdi honetako parte-hartzaileek, irakasleen kidegoko edo lanpostu parekatuko espezialitate eta hizkuntza baterako baino gehiagotarako lehiatuta ere, eskaera bakarra aurkeztuko dute parte hartzeko, oinarri honetan ezarritako arauekin bat.

Ekainaren 2ko 44/2021 Foru Dekretuaren Lehen Xedapen Gehigarriarekin bat etorriz, zeinak ahalmena ematen baitio Nafarroako Gobernuaren Hezkuntza Departamentuari irakasleei eta irakasle ez diren langileei zuzendutako jarduketetan, besteak beste lanpostuak betetzeko hautaketa-prozeduren izapidetze elektroniko osoa eskatzeko, lekualdatze-lehiaketa honetan parte hartzen duten irakasle guztiek parte hartzeko eskaera bete beharko dute, Hezkuntza Departamentuaren web-orrian lehiatzaileen eskura dagoen aplikazio informatikoaren bidez: https://www.educacion.navarra.es/eu/web/dpto/inicio.

Aplikazioak emanen dituen jarraibideen arabera beteko da eskaera.

Aplikazio informatikoa erabiliz bete behar den eskaera aplikazio horrexen bidez bidali beharko da. Eskaerak aurkezteko epean behar bezala bidaltzen ez diren eskaeren zirriborro guztiak automatikoki ezabatuko dira epea bukatutakoan.

Parte-hartzaileek aurkeztu nahi dituzten merezimenduen edo/eta betebeharren kopia eskaneatuak aurkeztu beharko dituzte Erregistro Orokor Elektronikoaren bidez, Hezkuntza Departamentuko Irakasleak Hautatzeko eta Lanpostuak Betetzeko Zerbitzuari zuzenduak; argitalpenak, berriz, aurrez aurre aurkeztuko dira Hezkuntza Departamentuko Erregistroan, Nafarroako Gobernuaren Erregistro Orokorrean, Nafarroako Gobernuaren gainerako erregistro bulegoetan edo Administrazio Publikoen Administrazio Prozedura Erkideari buruzko urriaren 1eko 39/2015 Legearen 16.4 artikuluan adierazitako bideren bat erabiliz.

Administrazioak noiznahi eskatzen ahalko dizkie parte-hartzaileei aurkeztutako dokumentazioaren jatorrizkoak edo fotokopia konpultsatuak.

Salbuespen gisa eta Hezkuntza Departamentuari aldez aurretik jakinarazi eta hark onartuta, parte hartzeko eskaera eta merezimenduak frogatzeko agiriak aurrez aurre aurkezten ahalko dira, telematika bidez aurkeztea zaildu edo galarazten duten inguruabarrik egonez gero.

2. Parte hartzeko eskaera bat baino gehiago aurkeztuz gero, epearen barrenean aurkezten den azkeneko eskaera baizik ez da tramitatuko, eta horrek bakarrik balioko du.

3. Irakasleen kidegoko funtzionarioek, eta atzerriko hizkuntza-eskakizuna duten lanpostuetarako izendatutako irakasle funtzionarioek, kidego berekoek edo lanpostu parekatutakoek, bietan parte hartu nahi badute, eskaera bakarra aurkeztu behar dute, eta lanpostuak ordenatu lehentasunaren arabera. Kasu horietan, eskatutako lanpostuak zatituko dira irakasleen kidegoaren eta/edo atzerriko hizkuntza-eskakizuna duen edo duten lanpostuaren edo lanpostuen arabera, eta kasu bakoitzean merezimenduen baremoa aplikatuko da parte hartzen den administrazio-egoeraren arabera. Borondatezko eszedentzian dagoen kidegoan edo lanpostuan destinoa lortuz gero, deialdiaren hamalaugarren oinarria aplikatuko da.

4. Lekualdatze-lehiaketan parte hartzeak berekin dakar parte-hartzaileak adieraztea betetzen dituela parte hartzeko eskatzen diren baldintzak eta egiazkoak direla aurkeztutako agiriak. Datuak eta/edo aurkeztutako dokumentazioa faltsuak badira, prozedura honetan parte hartzetik salbuetsi ahal izanen da, sor daitezkeen erantzukizunak gorabehera.

Bederatzigarrena.–Eskaerak eta agiriak aurkezteko epea.

15 egun balioduneko epea izanen da eskaerak eta dokumentazioa aurkezteko, deialdi hau Nafarroako Aldizkari Ofizialean argitaratu eta biharamunetik hasita.

Eskaera aurkeztu ondoren, eskaerak aurkezteko epea amaitu baino lehen soilik egin dakioke uko lehiaketan parte hartzeari. Hamahirugarren oinarriaren 2. puntuan adierazten den epean ere aurkezten ahalko da ukoa. Uko horrek parte hartzeko eskaeran adierazitako eskaera guztiak hartuko ditu.

Aurkezteko epea bukatuta, ez da onartuko eskaera gehiagorik, eskaeren eta egindako eskaeren gaineko inolako aldaketarik edo merezimenduen agiririk.

Hamargarrena.–Lanpostuen eta postuen eskaerak.

A) Parte-hartzaile guztiei dagozkien arauak:

1. Parte-hartzaileek eskaerak egin ditzaten, deialdi honen eranskinetan azaltzen dira Nafarroako Foru Komunitateko Administrazioaren kudeaketa esparruko ikastetxe eta eskualdeak, baita eska daitezkeen lanpostuak ere. Hona hemen:

–II. eranskina: maisu-maistren kidegorako edo lanpostu parekatuetako ikastetxe eta eskualdeen zerrenda.

–III. eranskina: gainerako irakasle kidegoetarako edo lanpostu parekatuetako ikastetxeen eta eskualdeen zerrenda.

–IV. eranskina: parte-hartzaileek kidego bakoitzean edo lanpostu parekatuan eska ditzaketen lanpostuak edo postuak.

2. Deialdi honetan parte hartzen duten irakasleek, parte hartzeko eskaeran ("lekualdatze-lehiaketarako eskaerak" izeneko epigrafean), titular gisa dituzten espezialitateen edo lanpostu parekatuen arabera eskura ditzaketen lanpostuei buruzko eskaerak adierazi beharko dituzte, lehentasun hurrenkeraren arabera. Ikastetxeak (II. edo III. eranskinak) eta espezialitateak edo lanpostu motak (IV. eranskina) jarriko dituzte.

Eskaera guztietan ikastetxearen edo herriaren kodea eta lanpostu motaren kodea (lanpostuaren, espezialitatearen edo lanpostu parekatuaren kodea) azaldu beharko dira, eta, beharrezkoa denean baino ez, herri-hizkuntzaren kodea ere adierazi beharko da euskarazko lanpostuetarako, elebidunaren kodea programa eleaniztunetako lanpostuetarako, eta/edo lanpostu ibiltariak diren. Parte-hartzaile bakoitzak ezin ditu 300 eskaera baino gehiago egin eskaeran. Aplikazio telematikoak kodeak letra bihurtzeko aukera emanen die izangaiei; alabaina, kode horiek azalduko dira parte-hartzaileak hartuko duen eskaera erregistratuaren gordekinean.

3. Ikastetxe jakin batzuetarako edo herri baterako egiten ahal dira eskaerak, eta bi bideak batera erabil daitezke. Herri baterako eskaerak egiten badira, herri horretan lanpostu hutsik edo ondoriozko lanposturik duen lehen ikastetxea esleituko da, deialdian ageri diren hurrenkera berean, nahitaezkoendako esleipenetik kanpo gelditutako ikastetxeak izan ezik (V. eranskina). Herri bateko ikastetxeei dagokienez parte-hartzaileak horietako bat edo batzuk lehentasunez eskatu nahi izanez gero, ikastetxe horiek banakako eskaera gisa ager daitezke lehentasun hurrenkeran ezarrita eta, gero, dagokion herria jarri; ulertuko da herriko gainerako ikastetxeak deialdian argitaratu diren hurrenkeran gehitu direla.

Irakasleen kidego edo irakaspostu parekatu guztientzat, maisu-maistren kidegoarentzat izan ezik, Iruña bi lurralde eremutan edo bi herritan dago banaturik. Horrenbestez, lanpostuak eskatzeko ondorioetarako, III. eranskinean zerrendatzen diren Iruñeko ikastetxeak bi lurralde eremutakoak dira (Iruña 1 eta Iruña 2) eta bi herri desberdinen modura hartzen dira deialdi honetan.

4. Ikastetxe edo herri bateko lanpostu espezialitate bat baino gehiago eskatzen bada, beharrezkoa da eskatzen diren lanpostuak adina aldiz errepikatzea ikastetxea edo herria. Ondorio horietarako, espezialitate desberdintzat hartuko da hizkuntza betebeharra (bertako hizkuntza edo elebiduna) eta/edo izaera ibiltaria duena.

5. Betiere, eskaeran adierazitako kodeei dagozkien lanpostuak izanen dira parte-hartzaileek eskatutako lanpostutzat hartuko direnak.

Osatu gabeko kodeak, existitzen ez direnak, behar den laukitxoan jartzen ez direnak edo parte-hartzaileak eskatzen ahal dituen lanpostuekin bat ez datozenak dituzten eskaerak deuseztatuko dira.

Lehiatzaile boluntarioek ez badute lanposturik eskatzen eskaerak aurkezteko epearen barruan, lekualdatze-lehiaketatik kanpo geldituko dira.

Aurreko inguruabarrak direla-eta eskaera guztiak bertan behera uzten badira, lehiatzaileak ez du destinorik jasoko lekualdatze-lehiaketan, deialdi honetan ezarritakoaren arabera destinoa ofizioz esleitzeko kasuak galarazi gabe.

Interesdunak daturen bat oker ematen badu edo eman gabe uzten badu, ezin izanen du halakorik aipatu geroko erreklamazioetan, ez eta ondorioztatu ere hargatik bere interes nahiz eskubideak urratu direla.

Eskaerak aurkezteko epea bukatu ondoan, ezin izanen da inolako arrazoirengatik beste eskaerarik egin edo egindako eskaerak aldatu, ezta bertan eskatutako lanpostuen lehentasunezko hurrenkera ere.

6. Lanbide Heziketako sektore berezietako irakasle espezialisten kidegoan sartu diren espezialitateetako lanposturik eskuratu nahi duenak Lanbide Heziketako sektore berezietako irakasle espezialistei dagokien kodeak markatu beharko ditu, berdin delarik irakaslea Lanbide Heziketako sektore berezietako irakasle espezialisten kidegokoa den, Lanbide Heziketako irakasle teknikoen kidegokoa (desagertzear dagoen kidegoa) den, edo Bigarren Hezkuntzako irakasleen kidegoan sartu duten urriaren 4ko 800/2022 Errege Dekretuaren arabera, aukeratu nahi duen espezialitatean.

7. Martxoaren 31ko 3/20222 Lege Organikoaren arabera Bigarren Hezkuntzako irakasleen kidegoan integratu diren espezialitateetako lanpostuak lortu nahi dituztenek Bigarren Hezkuntzako kidegoari dagozkion kodeak markatu beharko dituzte, berdin delarik irakaslea Bigarren Hezkuntzako irakasleen kidegokoa den edo Lanbide Heziketako irakasle teknikoen kidegokoa (desagertzear dagoen kidegoa) den kontuan hartu gabe, aukeratu nahi duten espezialitatean.

8. Euskaraz irakasteko lanpostuak eskatuz gero, "euskara" adierazi beharko da hizkuntzaren laukitxoan, zein den ere eskatutako ikastetxearen hizkuntza eredua. Hizkuntzaren betebeharra daukan lanpostua eskatzea beste eskaera bat balitz bezala kontatuko da. Gaztelaniazko lanpostuak eskatzeko, hizkuntzaren laukitxoa bete behar da (gaztelania). Euskal hizkuntza eta literatura (Nafarroa), Euskara, Euskara (Nafarroa), Euskal hizkuntza, Euskara helduentzat eta Komunikazioaren esparrua: euskara izeneko espezialitateei dagozkien lanpostuen eskaerek euskara eramanen dute lanpostuko hizkuntzatzat.

9. Eskatzen diren lanpostuak frantseseko, ingeleseko edo alemaneko programa eleaniztunekoak badira, inguruabar hori aipatu beharko da, "lanpostu elebiduna" izeneko laukitxoan adierazita zer hizkuntza eskatzen den.

Frantseseko, ingeleseko edo alemaneko espezialitateei dagozkien eskaerek ez dute inoiz kode elebidunik eramanen.

10. Maisu-maistren kidegoan, edo lanpostu parekatuetan, ikastetxe eta herriak eskatzerakoan, postuak ibiltariak badira hura jakinarazi beharko da dagokion laukitxoa (I) markatuta. Gainerako kasuetan, eskaerek ez dute ibiltaritzako koderik eramanen.

Espezialitate edo lanpostu hauei dagozkien lanpostuen eskaerek ez dute inoiz ibiltaritzako koderik eramanen: Helduentzako Pedagogia Terapeutikoa, Helduentzako Lehen Hezkuntza, Helduentzako Ingelesa, Helduentzako Frantsesa, Gutxiengo Kulturalak eta Entzumena eta Hizkuntza Eskualdean.

Hamaikagarrena.–Merezimenduen baremoa.

Galarazi gabe deialdian aurreikusitako lehentasunezko eskubideak erabiltzeari buruz ezarritakoa, lehiaketa ebatziko da I. eranskineko merezimenduen baremoari jarraikiz.

Praktiketako funtzionarioei destinoa esleitzerakoan, hautapen prozeduran lortutako puntuazioa hartuko da kontuan, eta jabetza hartzeko ezinbestekoa izanen da praktikaldia gainditzea.

Behin betiko destinoa duten irakasleen kidegoetako funtzionarioak, behin-behineko destinoa eduki baino behin betiko destinoa lortu duten kidegoetako funtzionarioak, eta atzerriko hizkuntza-eskakizuna duten lanpostuetarako izendatutakoak lehiatuko dira, aukera berdintasunean, atzerriko hizkuntza-eskakizuna duten lanpostuetarako, eta irakasle guztiei baremo bera aplikatuko zaie.

Antzinatasun gisa baloratuko dira funtzionario gisa, lan-kontratudun langile gisa eta aldi baterako administrazio-araubidean kontratatutako langile gisa emandako irakaskuntza-zerbitzuak. Zerbitzu horiek berdin zenbatuko dira irakasleen kidegoei dagozkien lanpostuetan zein parekatutako lanpostuetan eman badira.

Funtzionario izaera Estatuko 1992ko Aurrekontu Orokorrei buruzko abenduaren 30eko 31/1991 Legearen hogeita bederatzigarren xedapen gehigarriaren arabera lortu zuten irakasleei merezimenduen baremoko 1.1.1, 1.2.1, 4. eta 6.4 apartatuak aplikatuko zaizkie, deialdi honen I. eranskineko bosgarren xedapen osagarrian ezarritako arauekin bat.

Hamabigarrena.–Merezimenduen balorazioa.

Lehiatzaileek alegatutako merezimenduen balorazioa organo hauek eginen dute:

A) Hezkuntza Departamentuko Irakasleak Hautatzeko eta Lanpostuak Betetzeko Zerbitzua:

Hezkuntza Departamentuko Irakasleak Hautatzeko eta Lanpostuak Betetzeko Zerbitzuari egokituko zaio parte-hartzaileei deialdi honen I. eranskin gisa ageri den merezimenduen baremoaren 1., 2., 4.1, 4.2, 5.3, 6.4, 6.5 eta 6.7 apartatuei dagokien puntuazioa esleitzea.

B) Balorazio batzordeak.

Balorazio batzordeei dagokie deialdi honen I. eranskin gisa ageri den merezimenduen baremoko gainerako apartatuei dagokien puntuazioa parte-hartzaileei esleitzea.

Irakasle funtzionarioek osatuko dituzte balorazio batzorde horiek, eta Irakasleak Hautatzeko eta Lanpostuak Betetzeko Zerbitzuak izendatuko ditu. Espezialitateen arabera, espezialitate-multzoen arabera edo lanpostu parekatuen arabera antolatzen ahalko dira. Izendapenaren ebazpena Hezkuntza Departamentuko web-orrian argitaratuko da: https://www.educacion.navarra.es/eu/web/dpto/inicio.

Balorazio batzordeak osatuko dituzten langileak Hezkuntza Departamentuko zuzendaritza nagusiek proposatuta izendatuko dira, edo lehen deituraren hurrenkera alfabetikoaren eta, hala behar bada, bigarren deituraren arabera, kontuan harturik Irakasleak Hautatzeko eta Lanpostuak Betetzeko Zerbitzuan, abiapuntuko letrak finkatzeko, eginen den zozketaren emaitza.

Batzordeek merezimenduak baloratuko dituzte Hezkuntza Departamentuak zehazten duen ordutegian. Batzordeen egoitza Hezkuntza Departamentuko Hezkuntza Baliabideen Zuzendaritza Nagusian egonen da.

Erakunde sindikalek balorazio batzordeetan parte hartzen ahalko dute.

Irakasleak Hautatzeko eta Lanpostuak Betetzeko Zerbitzuko zuzendariaren urriaren 7ko 226/2022 Ebazpenaren bidez onetsitako lekualdatze-lehiaketaren balorazio batzordeetan parte hartu zuten irakasle funtzionarioak oinarri honetan aurreikusitako balorazio batzordeetako kideak zozketaz izendatzeko prozesutik kanpo gelditzen ahal dira, salbu eta lehiaketaren xedeko espezialitateren batean balorazio batzordea osatzeko irakasle aski ez badago, edo, beren borondatez, hartan parte hartzea eskatzen badute.

Izendatzen den balorazio batzordeetako bakoitzean, kasuan kasuko batzordeak izendatzen duen funtzionarioak eginen du idazkari lana.

Ordezko batzordekideak izendatzen ahalko dira, batzordeak aukeratzeko erabilitako irizpideei jarraikiz. Halaber, balorazio batzordeen jardueren koordinatzaileak izendatzen ahalko dira.

Batzordeko kideak Sektore Publikoaren Araubide Juridikoari buruzko urriaren 1eko 40/2015 Legearen 23. eta 24. artikuluetan ezartzen diren abstentzio eta errefusatze kausei lotuta egonen dira.

Hamahirugarrena.–Destinoen esleipena.

1. Parte-hartzaileen eta puntuazioen behin-behineko zerrendak.

Departamentuan batzordeen aktak lehiatzaileei esleitutako puntuazioekin hartuta direla, parte-hartzaile eta puntuazioen behin-behineko zerrendak onetsi eta argitaratuko dira, baita merezimenduak zuzentzeko aktak ere, Hezkuntza Departamentuaren web-orrian: https://www.educacion.navarra.es/eu/web/dpto/inicio.

Argitaratze horren bidez, ukitutako lehiatzaile guztiak jakinaren gainean jarri direla ulertuko da.

Zerrenda horien kontra, interesdunek erreklamazioak aurkezten ahalko dituzte edo/eta merezimenduak zuzentzeko aktetan jasotzen diren akats formalak zuzendu, haiek argitaratu eta biharamunetik 10 egun balioduneko epean. Erreklamazio horiek Hezkuntza Departamentuko Irakasleak Hautatzeko eta Lanpostuak Betetzeko Zerbitzuari zuzenduko zaizkio, eta deialdiaren zortzigarren oinarriaren 1. apartatuan adierazitako erregistroetako edozeinetan aurkeztuko dira.

Lehiatzaileren batek ez baditu akats formalak epe horretan zuzentzen, eskaerari uko egiten diola ulertuko da.

Izangaiek eskaerak aurkezteko epearen barruan alegatzen ez dituzten merezimenduak ez dira inola ere kontuan hartuko.

2. Behin-behineko esleipena eta parte hartzeari uko egiteko eta erreklamazioak aurkezteko epea.

Jarraikiz parte-hartzaileen eskaerei, I. eranskineko baremoaren arabera lortutako behin-behineko puntuazioei eta deialdi honetan xedatutakoari, behin-behinekoz esleituko dira egokitu daitezkeen destinoak.

Deialdi honetako seigarren oinarrian bildutako lehentasunezko eskubideei dagokiena galarazi gabe, puntuazioen guztirakoan berdinketarik izaten bada, baremoko apartatuak banan-banan hartuko dira, agertzen diren ordenaren arabera, eta lehenbiziko apartatutik hasita puntuaziorik altuena lortzen duena izanen da aurretik. Berdinketak jarraitzen badu, azpiapartatuetan lortutako puntuazioari jarraituko zaio, baremoan jasotzen den hurrenkeraren arabera; berdinketak jarraituz gero, baremoaren azpiapartatuetako bakoitzaren azpiapartatuetan lortutako puntuazioari jarraituko zaio, dauden hurrenkeraren arabera. Kasu guztietan, apartatu bakoitzean aintzat hartzen den puntuazioa ez da izanen baremoan apartatu horretxentzat ezarritako gehieneko puntuazioa baino altuagoa, eta, azpiapartatuen kasuan, horiexek biltzen dituen apartatuaren gehieneko puntuazioa baino altuagoa. Irizpide horiek aplikatuta, azpiapartaturen batean edo batzuetan apartatu guztiari emandako gehieneko puntuazioa lortzen bada, gainerako azpiapartatuen puntuazioak ez dira kontuan hartuko.

Beharrezkoak baldin badira, berdinketa desegiteko irizpide hauek erabiliko dira, hurrenez hurren: Nafarroako Foru Komunitateko Administrazioan atzerriko hizkuntza-eskakizuneko lanpostuetarako izendatutako irakasle funtzionario edo kidegoan sartzeko hautapen prozedurarako deialdia egin zen urtea, eta hautatua izan zeneko puntuazio handiena. Kasu horretan, merezimendu-lehiaketako salbuespenezko sistemaren bidez hautaketa-prozeduretan lortutako puntuazioak haztatuko dira, 15 puntutik 10 puntura.

Destinoen behin-behineko esleipena Hezkuntza Departamentuaren web-orrian (www.educacion.navarra.es/eu/web/dpto/inicio) argitaratuko da.

Argitaratze horren bidez, ukitutako lehiatzaile guztiak jakinaren gainean jarri direla ulertuko da.

Parte-hartzaileek erreklamazioak aurkezten ahalko dituzte behin-behineko ebazpenen kontra, horiek argitaratu eta biharamunetik bost eguneko epean.

Halaber, borondatez parte hartzen dutenek lehiaketan parte hartzeari uko egiten ahal diote epe berean. Uko horrek parte hartzeko eskaeran adierazitako eskaera guztiak ukituko ditu. Hori dela eta, adierazten da behin-behineko ebazpenean destinorik ez lortzeak ez dakarrela ezinbestean behin betiko ebazpenean destinoa lortzerik ez dagoela. Era berean, behin-behineko ebazpenean destinoa lortzeak ez dakar berarekin behin betiko ebazpenean destinoa lortzea.

Erreklamazio edo uko egite horiek Hezkuntza Departamentuko Irakasleak Hautatzeko eta Lanpostuak Betetzeko Zerbitzuari zuzenduko zaizkio, eta deialdiaren bederatzigarren oinarriaren 1. apartatuan adierazitako erregistroetako edozeinetan aurkeztuko dira.

3. Onartu eta baztertuen behin betiko zerrendak.

Lehiatzaileek behin-behineko puntuazioen aurka aurkeztutako erreklamazioak eta merezimendu zuzenketak berrikusi eta, zein den kasua, kontuan hartuta, parte-hartzaile eta puntuazioen behin betiko zerrendak onetsi eta Hezkuntza Departamentuaren web-orrian argitaratuko dira (https://www.educacion.navarra.es/eu/web/dpto/inicio).

Argitaratze horren bidez, ukitutako izangai guztiei jakinarazi zaiela ulertuko da.

4. Behin betiko esleipena.

Behin-behineko esleipenaren aurka aurkeztutako erreklamazioak eta uko egiteak aintzat harturik, destinoen behin betiko esleipena onesten duen ebazpena emanen da. Ebazpen hori www.educacion.navarra.es/eu/web/dpto/inicio web-orrian publiko eginen da.

Argitaratze horren bidez, ukitutako lehiatzaile guztiei jakinarazi zaiela ulertuko da.

Lekualdatze-lehiaketan esleitzen diren destinoak Nafarroako Aldizkari Ofizialean argitaratuko dira.

Esleitzen diren lanpostuei ezin izanen zaie uko egin; beraz, parte-hartzaileek lortutako lanpostuetan hasi beharko dute lanean.

5. Deialdi honen ebazpena lehenbiziko oinarrian aipatutako kidego edo lanpostu parekatu guztietarako batera egiten ahalko da, edo kidego bat edo batzuk edo lanpostu parekatuak bereizita.

Nahiz eta kidego, espezialitate, lanpostu parekatu edo organo dei-egile desberdinetako lanpostuetarako lehiatu, destino bakar bat lortzen ahalko da.

Hamalaugarrena.–Borondatezko eszedentzian egonda, behin betiko destinoa lortzen dutenak.

Eszedentzian egon eta lekualdatze-lehiaketa honetan destinoa lortzearen ondorioz jarduneko zerbitzura itzultzen diren funtzionarioek, lanpostuaren jabetza hartu baino lehen, zinpeko deklarazioa edo hitzematea aurkeztu beharko dute Hezkuntza Departamentuko Irakasleak Hautatzeko eta Lanpostuak Betetzeko Zerbitzuan, frogatzeko ez daudela zigor-espediente bidez bereizita Estatuko Administrazioaren, Autonomia Erkidegoetako Administrazioaren edo Toki Administrazioaren inongo kidego edo eskalatatik eta ez daudela eginkizun publikoetan aritzeko desgaituta.

Behin betiko destinoa lortuta, jardunean hasten ez badira, funtzionario izaera galduko dute, jarraikiz Nafarroako Administrazio Publikoen zerbitzuko Langileen Estatutuaren testu bategina onetsi zuen abuztuaren 30eko 251/1993 Legegintzako Foru Dekretuaren 26. artikuluan xedatutakoari.

Hamabosgarrena.–Lanpostuaz jabetzeko eguna.

Deialdi honetan ezarritakoari jarraituz lortzen diren destino berrien jabetza hartzea 2024ko irailaren 1ean izanen da, eta data horretatik aurrera hasiko dira ondorio administratibo eta ekonomikoak.

Aurreko paragrafoan xedatutakoa galarazi gabe, deialdi honen bidez destino berri bat lortzen duten irakasleek beren jatorrizko ikastetxeetan egon beharko dute ikasturtea bukatzeko aurreikusita dauden jarduerak bukatu arte, baldin eta hala erabakitzen badu Hezkuntza Departamentuak.

Hamaseigarrena.–Errekurtsoak.

Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 126. artikuluan xedatutakoarekin eta Administrazio Publikoen Administrazio Prozedura Erkideari buruzko urriaren 1eko 39/2015 Legearen 121. eta 122. artikuluetan ezarritakoarekin bat etorriz, ebazpen honen eta berau aplikatzeko egintzen kontra gora jotzeko errekurtsoa jar daiteke, Lehendakaritzako, Berdintasuneko, Funtzio Publikoko eta Barneko kontseilari zuzendua, hilabeteko epean, Nafarroako Aldizkari Ofizialean argitaratu eta biharamunetik aurrera.

I. ERANSKINA.–MEREZIMENDUEN BAREMOA

XEDAPEN GEHIGARRIAK

Lehena.–Parte-hartzaileek frogatzen dituzten merezimenduak eskaerak aurkezteko epea bukatzen den egunerako beteta edo onartuta eduki behar dira. Hortaz, hura bukatu arte hobetu eta frogatutako merezimenduak baloratuko dira soilik.

Bigarrena.–Antzinatasuna.

1.1.3 azpiapartatuarengatik puntuazioa esleituko zaie ondoko egoera hauetan dauden lehiatzaileei:

–Behin betiko destinoa zailtasun bereziko lanpostu, postu edo ikastetxean edukita, lehiaketan 1.1.1 azpiapartatuaren arabera parte hartzen dutenak.

–Behin-behineko gisa emandako denbora zailtasun bereziko lanpostu, postu edo ikastetxean egonda, lehiaketan 1.1.2 azpiapartatuaren arabera parte hartzen dutenak.

–Zerbitzu eginkizun bat zailtasun bereziko beste lanpostu, postu edo ikastetxean izanda, 1.1.1 eta 1.1.2 azpiapartatuen arabera parte hartzen dutenak.

Hirugarrena.–Merezimendu akademikoak.

1. Unibertsitateko beste titulu ofizial batzuengatik puntuazioa jaso ahal izateko, eskaneatuta aurkeztu beharko dira titulu guztien kopiak, kidegoan sartzeko alegatutakoarena barne.

2. 3.1eko azpiapartatuetan, titulu bat baloratuko da soilik haietako bakoitzerako. 3.1.2 azpiapartatuan, baremorako ez da kontuan hartuko dagokion irakasleen kidegoan sartzeko eskatzen den masterra. Orobat, 3.1.2 azpiapartatuaren ondorioetarako, doktore titulua alegatzen denean, ez da baloratuko doktoregorako derrigorrezko baldintza den master ofizialaren titulua.

3. Lehenbiziko zikloko tituluak barematzeari dagokionez, ez da halakotzat hartuko egokitzapen ikastaro bat gainditzea. 3.2 apartatua baloratzeko, titulazio berean oinarritzen diren aipamenak ez dira titulu desberdintzat hartuko.

4. Tituluak atzerrian lortuak badira edo beste herrialde batzuetako hezkuntza erakundeek emanak, homologazioa ere aurkeztu beharko da.

5. Ez dira 3.1 eta 3.2 azpiapartatuetan barematuko unibertsitateko titulu ez-ofizialak, unibertsitateek eman dituztenak beren autonomia baliatuz, urriaren 29ko 1393/2007 Errege Dekretuaren hamaikagarren xedapen gehigarriaren arabera (errege dekretu horren bidez ezarri zen unibertsitateko irakaskuntza ofizialen antolamendua).

Laugarrena.–Zuzendaritza karguak eta beste eginkizun batzuk baloratzea.

1. Merezimenduen baremoko 4.1, 4.2 eta 4.3 azpiapartatuetan ezarritakoaren ondorioetarako, honako ikastetxe publiko hauek hartuko dira bigarren hezkuntzako ikastetxe publikoen parekotzat:

–Batxilergoko institutuak.

–Lanbide Heziketako institutua.

–Helduentzako ikastetxeak, baldin eta ikastetxe horietan azpiapartatu hauetan aipatutako ikasketa berak ematen badira.

–Irakaskuntza bateratuen ikastetxeak.

Ondorio horietarako, ikastetxe publikotzat hartzen dira musika kontserbatorioetako Musikako eta Arte Eszenikoetako katedradunen eta irakasleen kidegoetako lanpostuei dagozkienak:

–Musikako edo Dantzako Goi Mailako Kontserbatorioak.

–Musikako edo Dantzako Kontserbatorio Profesionalak.

–Oinarrizko Musika Kontserbatorioak.

–Arte Dramatikoko Goi Mailako Eskolak.

–Goi Mailako Kantu Eskola.

2. Merezimenduen baremoko 4.1 azpiapartatuan aurreikusitako ondorioetarako, baloratu eginen dira ikastetxe publikoetako zuzendari albokoaren karguak eta hiru unitate baino gutxiagoko eskola unitarioen arduradun karguak.

3. Merezimenduen baremoko 4.2 azpiapartatuan ezarritakoa betetzeko, honako hauek hartuko dira zuzendaritza kargu parekatutzat:

–Idazkari albokoa.

–Puntu honetan aipatutako karguak, Lanbide Heziketako ataletan jardun denean.

–Ikasketaburu albokoa.

–Egoitzako burua.

–Batxilergoko Institutuko ikasketaburuaren delegatua edo autonomia-erkidegoetan horren pareko direnak.

–Atal delegatuko zuzendaria-ikasketaburua.

–Atal filialeko zuzendaria.

–Irakaskuntza Ertainaren Patronatuko ikastetxe ofizialeko zuzendaria.

–Lanbide Heziketako ikastetxeen administratzailea.

–Irakasle delegatua, Lanbide Heziketako Atalaren kasuan.

4. Merezimenduen baremoko 4.3 azpiapartatuan ezarritakoaren ondorioetarako, eginkizun hauek ere baloratuko dira:

–Idazkariordea.

–Gaueko ikasketen delegatua-ikasketaburua Atal Delegatuan.

–Batxilergoko institutuetako hedapenetako idazkariaren delegatua edo autonomia-erkidegoetan horien pareko direnak.

–Toki korporazioekin egindako hitzarmeneko zentro homologatuetako zuzendari, ikasketaburu edo idazkaria.

–Ikastetxe libre adoptatuko zuzendaria, langilearen erregistro zenbakia duena.

–Irakaskuntza Ertainaren Patronatuko ikastetxe ofizialeko idazkaria.

–Mintegiko buru albokoa.

–Departamentuko buru albokoa.

Bosgarrena.–Estatuko 1991ko Aurrekontu Orokorrei buruzko Legearen 29. xedapen gehigarriaren arabera Irakasleen kidegoetan sartutako langileei baremoa aplikatzeko arauak.

Funtzionario izaera Estatuko 1992ko Aurrekontu Orokorrei buruzko abenduaren 30eko 31/1991 Legearen hogeita bederatzigarren xedapen gehigarriaren arabera lortu zuten irakasleei, eta deialdi honetako bigarren oinarriaren 3. apartatuak aipatzen dituen irakasleei, Nafarroako Foru Komunitatean lanpostuak esleitzearen ondorioetarako, merezimenduen baremoko 1.1.1, 1.2., 4. eta 6.4 apartatuak aplikatuko zaizkie, arau hauei jarraikiz:

Baremoaren 1.1.1 apartatuan, funtzionario bihurtu eta kidegoan sartu zen egunetik hasita egindako egonaldia bakarrik kontatuko da, hala badagokio, non eta ez den egun horren ondotik beste destino bat lortu; kasu horretan, behin betiko azken destinoa lortuz geroztik egindako egonaldia kontatuko da.

Merezimenduen baremoko 1.2, 4. eta 6.4 apartatuetan, integratu den kidegoaren zerbitzuan benetan emandako urteak zenbatuko dira, administrazio-kontratudun, Nafarroako Gobernuko lan-kontratadun finko edo, hala badagokio, funtzionario gisa.

II. ERANSKINA.–IKASTETXEAK, HERRIAK, ESKUALDEAK ETA MAISU-MAISTREN KIDEGOKO PROGRAMAK ETA LANPOSTU PAREKATUAK

A.–Ikastetxeak, herriak eta eskualdeak:

B.–Lanpostu berezien programak:

B.1. Entzumen eta Hizkuntzako Programa, destinoa eskualdean:

–Entzumen eta hizkuntzako eskualdeek herri hauek hartzen dituzte:

• Elizondoko eskualdea:

Almandoz, Amaiur, Arantza, Arizkun, Arraioz, Azpilkueta, Beintza-Labaien, Bera, Doneztebe, Elizondo, Eratsun, Erratzu, Etxalar, Gartzain, Igantzi, Irurita, Ituren, Legasa, Lekaroz, Lesaka, Narbarte, Oronoz, Saldias, Sunbilla, Ziga eta Urdazubi-Zugarramurdi.

• Lizarrako eskualdea:

Lizarra, Villatuerta, Abartzuza, Lezaun, Oteitza, Los Arcos, Arroitz, Zudairi, Viana, Lerin, Sesma, Allo, Antzin, Deikaztelu, Mendabia, Cárcar, Lodosa, Sartaguda, San Adrián, Andosilla, Azagra, Murieta eta Jaitz.

• Irurtzungo eskualdea:

Altsasu, Arbizu, Areso, Betelu, Etxarri Aranatz, Goizueta, Irurtzun, Iturmendi, Jauntsarats, Lakuntza, Larraintzar, Leitza, Lekunberri, Olazti, Uharte Arakil eta Urdiain.

• Irunberriko eskualdea:

Irunberri, Zangoza, Agoitz, Garralda, Luzaide, Nabaskoze, Hiriberri Aezkoa, Erroibar, Aurizberri, Oibar, Urrotz, Ezkaroze, Izaba, Erronkari, Kaseda, Zare, Ledea, Eslaba, Otsagabia eta Auritz.

• Iruñeko eskualdea:

Iruña, Atarrabia, Berriozar, Zubiri, Beriain, Eugi, Burlata, Zizur, Uharte, Noain, Elo, Barañain, Antsoain, Orkoien, Mutiloa, Obanos, Gares, Añorbe, Zirauki eta Mañeru.

• Tafallako eskualdea:

Tafalla, Erriberri, Caparroso, Zarrakaztelu, Santakara, Arrada, Figarol, Mélida, Murillo el Fruto, Funes, Alesbes, Azkoien, Martzilla, Faltzes, Artaxoa, Larraga, Berbintzana, Miranda Arga, Mendigorria, San Martin Unx, Uxue, Beire, Pitillas, Milagro eta Barasoain.

• Tuterako eskualdea:

Tutera, Fontellas, Fitero, Cadreita, Murchante, Ribaforada, Fustiñana, Monteagudo, Valtierra, Cascante, Ablitas, Buñuel, Corella, Arguedas, Cintruénigo, Castejón, Cortes eta Cabanillas.

B.2. Helduen hezkuntzako programa.

–Helduen Lehen Hezkuntza, destinoa ikastetxean edo eskualdean:

• Altsasuko eskualdea, helduak:

Altsasu, Arbizu, Bakaiku, Ergoiena, Uharte Arakil, Irañeta, Iturmendi, Lakuntza, Etxarri Aranatz, Arruazu, Olazti, Urdiain, Ziordia.

• Lizarrako eskualdea, helduak:

Abaigar, Abartzuza, Aberin, Allin, Allo, Ameskoabarrena, Antzin, Aranaratxe, Arellano, Armañantzas, Arroitz, Aiegi, Azuelo, Barbarin, El Busto, Desoio, Deikaztelu, Esprontzeda, Lizarra, Etaiu, Eulate, Gesalatz, Iguzkitza, Lana, Larragoa, Legaria, Lerin, Lezaun, Los Arcos, Lukin, Mendaza, Metauten, Mirafuentes, Morentin, Mues, Murieta, Nazar, Oko, Olexoa, Oteitza, Piedramillera, Jaitz, Santsol, Sorlada, Torralba del Río, Torres del Río, Villamayor de Monjardín, Villatuerta, Deierri, Zuñiga, Aguilar Kodes, Andosilla, Aras, Azagra, Bargota, Cabredo, Carcar, Genevilla, La Población, Elizagorria, Lodosa, Marañón, Mendabia, San Adrián, Sartaguda, Sesma, Viana.

• Iruñeko José M. Iribarren HOHIP:

Arre, Anue, Burlata, Erroibar, Eugi, Esteribar, Ezkabarte, Uharte, Olaibar, Atarrabia, Antsoain, Berriozar, Atetz, Basaburua, Berriobeiti, Eugi, Itza, Txulapain, Lantz, Odieta, Iruña, Ultzama, Aranguren, Beriain, Biurrun-Olkotz, Egues, Galar, Elortz (Noain), Ibargoiti, Elo, Tiebas Muru Artederreta, Untziti, Arakil (Irurtzun), Ziritza, Etxarri, Etxauri, Goñi, Imotz, Itza, Larraun (Lekunberri), Ollo, Oltza, Orkoien, Bidaurreta, Adios, Añorbe, Artazu, Beraskoain, Zirauki, Zizur, Girgillao, Eneritz, Legarda, Mañeru, Muruzabal, Obanos, Gares, Tirapu, Ukar, Uterga, Zabaltza, Zizur Nagusia, Barañain.

• Zangozako eskualdea, helduak:

Oibar, Kaseda, Gazteluberri, Eslaba, Ezporogi, Galipentzu, Xabier, Leatxe, Lerga, Ledea, Irunberri, Petilla Aragoi, Erromantzatua, Zare, Zangoza, Urraulbeiti, Esa, Abaurregaina, Abaurrepea, Agoitz, Artzibar, Aria, Aribe, Auritz, Burgi, Erroibar, Espartza, Ezkaroze, Galoze, Garaioa, Garde, Garralda, Gorza, Hiriberri Aezkoa, Izaba, Itzagaondoa, Itzaltzu, Jaurrieta, Lizoain, Longida, Nabaskoze, Otsagabia, Orbaitzeta, Orbara, Orontze, Orotz-Betelu, Orreaga, Erronkari, Sartze, Urraulgoiti, Urrotz, Urzainki, Uztarroze, Luzaide, Bidankoze.

• Tafallako eskualdea, helduak:

Caparroso, Zarrakaztelu, Faltzes, Funes, Martzilla, Mélida, Milagro, Murillo El Cuende, Arrada, Figarol, Murillo El Fruto, Azkoien, Santakara, Alesbes, Artaxoa, Barasoain, Beire, Berbintzana, Garinoain, Larraga, Leotz, Mendigorria, Miranda Arga, Erriberri, Oloritz, Orisoain, Pitillas, Puiu, San Martin Unx, Tafalla, Uxue, Untzue.

• Tuterako HOHIP:

Cintruénigo, Corella, Fitero, Cadreita, Ablitas, Arguedas, Barillas, Buñuel, Cabanillas, Cascante, Castejón, Cortes, Fontellas, Fustiñana, Monteagudo, Murchante, Ribaforada, Tutera, Tulebras, Valtierra.

–Helduentzako ingelesa, destinoa ikastetxean:

• Iruñeko José M. Iribarren HOHIP:

Arre, Anue, Burlata, Erroibar, Eugi, Esteribar, Ezkabarte, Uharte, Olaibar, Atarrabia, Antsoain, Berriozar, Atetz, Basaburua, Berriobeiti, Eugi, Itza, Txulapain, Lantz, Odieta, Iruña, Ultzama, Aranguren, Beriain, Biurrun-Olkotz, Egues, Galar, Elortz (Noain), Ibargoiti, Elo, Tiebas Muru Artederreta, Untziti, Arakil (Irurtzun), Ziritza, Etxarri, Etxauri, Goñi, Imotz, Itza, Larraun (Lekunberri), Ollo, Oltza, Orkoien, Bidaurreta, Adios, Añorbe, Artazu, Beraskoain, Zirauki, Zizur, Girgillao, Eneritz, Legarda, Mañeru, Muruzabal, Obanos, Gares, Tirapu, Ukar, Uterga, Zabaltza, Zizur Nagusia, Barañain.

• Tuterako HOHIP:

Cintruénigo, Corella, Fitero, Cadreita, Ablitas, Arguedas, Barillas, Buñuel, Cabanillas, Cascante, Castejón, Cortes, Fontellas, Fustiñana, Monteagudo, Murchante, Ribaforada, Tutera, Tulebras, Valtierra.

–Helduentzako frantsesa, destinoa ikastetxean.

• Iruñeko José M. Iribarren HOHIP:

Arre, Anue, Burlata, Erroibar, Eugi, Esteribar, Ezkabarte, Uharte, Olaibar, Atarrabia, Antsoain, Berriozar, Atetz, Basaburua, Berriobeiti, Eugi, Itza, Txulapain, Lantz, Odieta, Iruña, Ultzama, Aranguren, Beriain, Biurrun-Olkotz, Egues, Galar, Elortz (Noain), Ibargoiti, Elo, Tiebas Muru Artederreta, Untziti, Arakil (Irurtzun), Ziritza, Etxarri, Etxauri, Goñi, Imotz, Itza, Larraun (Lekunberri), Ollo, Oltza, Orkoien, Bidaurreta, Adios, Añorbe, Artazu, Beraskoain, Zirauki, Zizur, Girgillao, Eneritz, Legarda, Mañeru, Muruzabal, Obanos, Gares, Tirapu, Ukar, Uterga, Zabaltza, Zizur Nagusia, Barañain.

–Helduentzako Pedagogia Terapeutikoa, destinoa ikastetxean:

• Iruñeko José M. Iribarren HOHIP:

Arre, Anue, Burlata, Erroibar, Eugi, Esteribar, Ezkabarte, Uharte, Olaibar, Atarrabia, Antsoain, Berriozar, Atetz, Basaburua, Berriobeiti, Eugi, Itza, Txulapain, Lantz, Odieta, Iruña, Ultzama, Aranguren, Beriain, Biurrun-Olkotz, Egues, Galar, Elortz (Noain), Ibargoiti, Elo, Tiebas Muru Artederreta, Untziti, Arakil (Irurtzun), Ziritza, Etxarri, Etxauri, Goñi, Imotz, Itza, Larraun (Lekunberri), Ollo, Oltza, Orkoien, Bidaurreta, Adios, Añorbe, Artazu, Beraskoain, Zirauki, Zizur, Girgillao, Eneritz, Legarda, Mañeru, Muruzabal, Obanos, Gares, Tirapu, Ukar, Uterga, Zabaltza, Zizur Nagusia, Barañain.

B.3. Egoera ahuleko ikasleei laguntzeko programa, destinoa eskualdean:

(gutxiengo kulturalak)

Egoera ahulean dauden ikasleei laguntzeko programako eskualdeek herri hauek hartzen dituzte:

• Lizarrako eskualdea:

Abartzuza, Allo, Antzin, Andosilla, Arroitz, Azagra, Cárcar, Deikaztelu, Lizarra, Lerin, Lezaun, Lodosa, Los Arcos, Mendabia, Muniain Iguzkitza, Murieta, Oteitza, Jaitz, San Adrián, Sartaguda, Sesma, Viana, Villatuerta, Zudairi.

• Iruñeko eskualdea:

Antsoain, Arre, Barañain, Beriain, Berriozar, Burlata, Zirauki, Eugi, Uharte, Mañeru, Elo, Mutiloa, Noain, Obanos, Orkoien, Iruña, Gares, Atarrabia, Zubiri, Zizur.

• Zangozako eskualdea:

Oibar, Agoitz, Aurizberri, Auritz, Kaseda, Erroibar, Eslaba, Ezkaroze, Garralda, Hiriberri Aezkoa, Izaba, Ledea, Irunberri, Luzaide, Nabaskoze, Otsagabia, Erronkari, Zare, Zangoza, Urrotz, Esa.

• Tuterako eskualdea:

Ablitas, Arguedas, Buñuel, Cabanillas, Cadreita, Cascante, Castejón, Cintruénigo, Corella, Cortes, Fitero, Fontellas, Fustiñana, Monteagudo, Murchante, Ribaforada, Tutera, Valtierra.

• Irurtzungo eskualdea:

Altsasu, Arbizu, Areso, Betelu, Etxarri Aranatz, Goizueta, Irurtzun, Iturmendi, Jauntsarats, Lakuntza, Larraintzar, Leitza, Lekunberri, Olazti, Uharte Arakil, Urdiain.

• Elizondoko eskualdea:

Almandoz, Amaiur, Arantza, Arizkun, Arraioz, Alpilkueta, Beintza-Labaien, Bera, Doneztebe, Elizondo, Eratsun, Erratzu, Etxalar, Gartzain, Igantzi, Irurita, Ituren, Legasa, Lekaroz, Lesaka, Narbarte, Oronoz, Saldias, Sunbilla, Ziga, Urdazubi-Zugarramurdi.

• Tafallako eskualdea:

Artaxoa, Barasoain, Beire, Berbintzana, Caparroso, Zarrakaztelu, Faltzes, Figarol, Funes, Larraga, Martzilla, Mélida, Mendigorria, Milagro, Miranda Arga, Murillo el Fruto, Erriberri, Azkoien, Pitillas, Arrada, San Martin Unx, Santakara, Tafalla, Uxue, Alesbes

B.4. Helduentzako euskara:

B.5. Espetxea:

B.6. Pedagogia Terapeutikoa zereginen ikaskuntzako geletan (HLKPB):

B.7. Nafarroako Hezkuntza Ekitaterako Baliabide Zentroa:

Programa probintziaren esparrukoa denez, destinoa zentro horretan lortzen dutenak erkidego osoan arituko dira, zerbitzu beharren arabera.

III. ERANSKINA.–GAINERAKO IRAKASLEEN KIDEGOEN EDO LANPOSTU PAREKATUEN IKASTETXEAK, HERRIAK ETA ESKUALDEAK

IV. ERANSKINA.–PARTE-HARTZAILEEK ESKA DITZAKETEN LANPOSTUAK

Parekatutako irakasle funtzionariotzat hartzen dira maiatzaren 4ko 11/2022 Foru Legean aipatzen diren irakasle lanpostuetan izendapena dutenak, baldin eta izendapen horren barruan sartzen bada irakasle diren hezkuntza mailari dagokion irakasle kidegoen espezialitatea.

Atzerriko hizkuntza-eskakizuna duten lanpostuetarako izendatutako funtzionarioek, behin betiko destinoa duten irakasleen kidegoko funtzionarioek eta beren lehen destinoa lortu duten baina behin-behineko egoeran dauden ikaskidegoetako irakasleek eskuratzen ahalko dituzte kode elebidunak dituzten lanpostuak.

1.–Maisu-maistren kidegoa edo lanpostu parekatuak.

A) Espezialitateak:

Jarraian azaltzen diren lanpostuak eskatu ahal izateko, beharrezkoa da espezialitate horretako edo lanpostu parekatuko titularra izatea:

B) Lanpostu bereziak:

Jarraian aipatzen diren lanpostuak eskatu ahal izateko, beharrezkoa da "espezialitateko baldintza" zutabean aipatzen den espezialitateko edo lanpostu parekatuko titularra izatea:

C) Lanpostuak Derrigorrezko Bigarren Hezkuntzako lehenengo bi kurtsoetan:

Maisu-maistren kidegoko irakasleek, baldin eta deialdiaren arabera Derrigorrezko Bigarren Hezkuntzako lehenengo bi kurtsoetan eska baditzakete lanpostuak, beharrezkoa den gaikuntza dutela frogatu beharko dute, honakoari jarraikiz:

D) Pedagogia Terapeutikoko lanpostuak Bigarren Hezkuntzako institutuetan edo Derrigorrezko Bigarren Hezkuntzako institutuetan:

Jarraian azaltzen diren lanpostuak eskatu ahal izateko, beharrezkoa da Pedagogia Terapeutikoa espezialitateko edo lanpostu parekatuko titularra izatea:

2.–Bigarren Irakaskuntzako katedradunen eta irakasleen kidegoa, edo lanpostu parekatua.

A) Espezialitateak:

Jarraian azaltzen diren lanpostuak eskatu ahal izateko, beharrezkoa da espezialitate horretako edo lanpostu parekatuko titularra izatea:

B) Beste lanpostu batzuk:

Bigarren Hezkuntzako katedradun eta irakasleek edo lanpostu parekatukoek jarraian azaltzen diren lanpostuak eskatzen ahalko dituzte, baldin eta "espezialitateko baldintza" zutabean horietako bakoitzerako aipatzen diren espezialitateetakoren baten titularrak badira:

–Kultura Klasikoko lanpostuak: urriaren 6ko 1635/1995 Errege Dekretuaren hamargarren xedapen gehigarriaren babesean, lanpostu horiek lortzen dituzten irakasleek bai Grekoko bai Latineko gaiak eman beharko dituzte.

–Natur Zientzietako lanpostuak Derrigorrezko Bigarren Hezkuntzako institutuetan: uztailaren 6ko 225/1998 Foru Dekretuaren seigarren xedapen gehigarriaren babesean, lanpostu horiek lortzen dituzten irakasleek Natur Zientzien arloa eman beharko dute.

–Komunikazioaren esparruko lanpostuei dagokienez (Frantsesa, Ingelesa, Gaztelania eta Euskara): lanpostu horiek lortzen dituzten irakasleek kasuan kasuko hizkuntzari esleitutako moduluak emanen dituzte Helduen Bigarren Hezkuntzan.

–Gizarte Jakintzaren esparruko lanpostuak: lanpostu horiek lortzen dituzten irakasleek Gizarteko moduluak emanen dituzte Helduen Bigarren Hezkuntzan.

–Zientziaren eta Teknologiaren esparruko lanpostuak: lanpostu horiek lortzen dituzten irakasleek Matematikako eta Teknologiako moduluak eta Naturaren eta Osasunaren moduluak emanen dituzte Helduen Bigarren Hezkuntzan.

3.–Lanbide Heziketako sektore berezietako irakasle espezialisten kidegoa, edo lanpostu parekatuak.

Espezialitateak:

Jarraian azaltzen diren lanpostuak eskatu ahal izateko, beharrezkoa da espezialitate horretako titularra izatea:

4.–Hizkuntza eskola ofizialetako katedradunak eta irakasleak.

Jarraian azaltzen diren lanpostuak eskatu ahal izateko, beharrezkoa da espezialitate horretako titularra izatea:

5.–Arte Plastikoetako eta Diseinuko katedradunen eta irakasleen kidegoa.

Jarraian azaltzen diren lanpostuak eskatu ahal izateko, beharrezkoa da espezialitate horretako titularra izatea:

6.–Arte Plastikoetako eta Diseinuko lantegiko maisu-maistren kidegoa.

Jarraian azaltzen diren lanpostuak eskatu ahal izateko, beharrezkoa da espezialitate horretako titularra izatea:

7.–Musikako eta Arte Eszenikoetako katedradunen kidegoa.

Jarraian azaltzen diren lanpostuak eskatu ahal izateko, beharrezkoa da espezialitate horretako titularra izatea:

8.–Musikako eta Arte Eszenikoetako irakasleen kidegoa.

Jarraian azaltzen diren lanpostuak eskatu ahal izateko, beharrezkoa da espezialitate horretako titularra izatea:

9.–Bertako hizkuntza duten lanpostuen (V) eta lanpostu ibiltariaren (I) kodeak.

A) Herri-hizkuntza duten lanpostuen kodea:

B) Ibiltaritza kodeak:

10.–Lanpostu elebidunen (B) kodeak.

Bakar-bakarrik behin betiko destinoa duten irakasleen kidegoetako funtzionarioentzat, lehen behin betiko destinoa lortu zuten behin-behineko destinoa duten irakasleentzat eta atzerriko hizkuntza-eskakizuna duten lanpostuetarako izendatutako funtzionarioentzat.

Lanpostu elebidunen kodeak:

V. ERANSKINA.–NAHITAEZKO ESLEIPENETIK KANPO UTZITAKO LANPOSTUAK

Ez dira inolaz ere nahitaez esleituko lanpostu edo postu hauek:

1.–Maisu-maistren kidegoan edo lanpostu parekatuetan:

A) Lanpostu bereziak:

B) Derrigorrezko Bigarren Hezkuntzako lehenbiziko bi kurtsoetako lanpostuak:

C) Pedagogia Terapeutikoko lanpostuak Bigarren Hezkuntzako institutuetan edo Derrigorrezko Bigarren Hezkuntzako institutuetan:

D) Lanpostu ibiltariak.

E) Iruñeko espetxeko lanpostuak.

2.–Bigarren Hezkuntzako katedradunen eta irakasleen kidegoetan:

3.–Irakasleen kidegoko funtzionarioentzat, atzerriko hizkuntza-eskakizuna (frantsesa, ingelesa eta alemana) duten espezialitateei dagozkien lanpostuak.

Iragarkiaren kodea: F2314480