1. NAFARROAKO FORU KOMUNITATEA
1.7. BESTELAKOAK
JENDAURREKO INFORMAZIOA: Baztango udal-mugartean goi tentsioko instalazio elektrikoa jartzeko aurretiazko administrazio baimena eta eraikitzeko administrazio baimena emateari buruzkoa eta haren onura publikoa zehazki deklaratzeari buruzkoa. SAT11450 espedientea.
Sektore Elektrikoari buruzko abenduaren 26ko 24/2013 Legearen 54., 55. eta 56. artikuluetan eta abenduaren 1eko 1955/2000 Errege Dekretuaren 125. eta 144. artikuluetan ezarritako ondorioetarako, jendaurrean jartzen da I-DE Redes Eléctricas Inteligentes SAUk aurkeztutako eskaera, goi tentsioko honako instalazio elektriko honi aurretiazko administrazio baimena eta eraikitzeko administrazio baimena emateko eta haren onura publikoa zehazki deklaratzeko:
–Espedientearen kodea: SAT11450.
–Ezaugarri nagusiak: tentsio ertaineko lur azpiko tarte berria, 13,2 kV-ekoa, "4614 L04 Elizondo-Elizondo 1" izenekoa, "Petrinea" transformazio zentroa (11102690) eta "Arbuz 2" transformazio zentroa (11101490) lotzekoa.
–Kokapena: Baztango udal-mugartea.
–Helburua: hornidura elektrikoaren kalitatea hobetzea.
–Gauzatze materialaren aurrekontua: 279.343,01 euro.
Onura publikoaren deklarazioak berekin dakar ondasunak okupatu beharra edo ukitutako eskubideak eskuratu beharra, eta presako okupazioa ekarriko du, Desjabetzeari buruzko Legearen 52. artikuluaren ondorioetarako. Enpresa eskatzailea onuradun bihurtuko da desjabetze espedientean, Nahitaezko Desjabetzeari buruzko Legearen 2.2 artikuluan ezarritakoari jarraikiz.
Espedientea jendaurrean jarriko da Industria Antolamenduaren, Azpiegitura Energetikoen eta Meatzeen Zerbitzuan (Tomás Caballero parkea 1, 5. solairua, Iruña), kontsultak egin ahal izateko. Era berean, esteka honetan eskuratu daiteke informazioa:
https://gobiernoabierto.navarra.es/eu/gardentasuna/jendaurreko-informazioaren-tramitea/espediente-sat11450
Alegazioak, iradokizunak edo oharrak idatziz aurkeztu beharko dira, edozein erregistro bulegotan, Nafarroako Gobernuaren Erregistro Orokor Elektronikoaren bidez edo Administrazio Publikoen Administrazio Prozedura Erkideari buruzko urriaren 1eko 39/2015 Legearen 16. artikuluan ezarritako moduetatik edozeinetan. 30 egun balioduneko epean aurkeztuko dira, iragarki hau Nafarroako Aldizkari Ofizialean argitaratu eta biharamunetik hasita, eta zuzendu behar dira Garapen Ekonomiko eta Enpresarialeko Departamentuko Industria Antolamenduaren, Azpiegitura Energetikoen eta Meatzeen Zerbitzuko Azpiegitura Energetikoen Atalera, espediente kodea zein den adierazita.
Iruñean, 2022ko abenduaren 28an.–Industria Antolamenduaren, Azpiegitura Energetikoen eta Meatzeen Zerbitzuko zuzendaria, Laura Larraya Irigoyen.
TENTSIO ERTAINEKO LUR AZPIKO TARTE BERRIA, 13,2 KV-EKOA, "4614 L04 ELIZONDO-ELIZONDO 1" IZENEKOA, "PETRINEA" TRANSFORMAZIO ZENTROA (11102690) ETA "ARBUZ 2" TRANSFORMAZIO ZENTROA (11101490) LOTZEKOA, BAZTANGO UDAL-MUGARTEAN
Ukitutako ondasun eta eskubideen zerrenda
KATASTROKO DATUAK | UKIPENAK |
Jabea | Katastroko erreferentzia | Udalerria | Poligonoa | Lurzatia | Lur mota | Kanalizazioa | Euskarriak | Kutxatilak | Aldi baterako okupazioa | Oharrak |
Luzera (m) | Azalera (m²) | zenbakia | Okupazioa (m²) | Kopurua | Azalera (m²) |
Baztango Udalaren herri-lurrak | 310000000001082787LK | Baztan | 65 | 135 | Larreak | 15 | 12,60 | N1 N2 | 25,36 | | 151 | N1 eta N2 euskarrietan espaloi perimetrala eraikitzea |
Baztango Udalaren herri-lurrak | 310000000002211119WX | Baztan | 85 | 71 | Elkorra | 80 | 34 | | | 1 | 260 | |
Micaela Arrechea Larramendi | 310000000001469924SG | Baztan | 85 | 2 | Elkorra / Basoa-Larreak | 1183 | 477,20 | 82 | 12 | 2 | 3819 | 82. euskarrian espaloi perimetrala eraikitzea |
Felician Echarte Azcárate | 310000000001469924SG | Baztan | 85 | 5 | Belardia | 42 | 16,80 | | | | 134 | |
Iragarkiaren kodea: F2217824
