1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
104C/2023 EBAZPENA, maiatzaren 18koa, Enpresa Politikaren, Nazioarteko Proiekzioaren eta Lanaren zuzendari nagusiak emana, Zangozako San Vicente de Paúl Udal Zahar Etxea erakunde autonomoaren hitzarmen kolektiboa aldatzeko akordioa erregistratzea, gordailutzea eta Nafarroako Aldizkari Ofizialean argitaratzea erabakitzen duena.
Aztertu da Zangozako San Vicente de Paúl Udal Zahar Etxea erakunde autonomoaren hitzarmen kolektiboa aldatzeko akordioaren testua (kode zenbakia: 31100070012013), erregistro honetan 2023ko apirilaren 20an sartu zena, enpresaren ordezkariek eta ordezkari sindikal batzuek (CCOO eta LAB) 2023ko martxoaren 23an izenpetua, Langileen Estatutuaren Legearen testu bategina onetsi zuen urriaren 23ko 2/2015 Legegintzako Errege Dekretuaren 90. artikuluaren 2. eta 3. apartatuetan eta Hitzarmen kolektiboen, lan akordio kolektiboen eta berdintasun planen erregistro eta gordailuari buruzko maiatzaren 28ko 713/2010 Errege Dekretuan ezarritakoari jarraikiz. Horrenbestez,
EBAZTEN DUT:
1. Nafarroako Hitzarmen Kolektiboen, Lan Akordio Kolektiboen eta Berdintasun Planen Erregistroan inskribatzeko agintzea.
2. Nafarroako Aldizkari Ofizialean argitaratzeko agintzea, jendaurrean egon dadin.
Iruñean, 2023ko maiatzaren 18an.–Enpresa Politikaren, Nazioarteko Proiekzioaren eta Lanaren zuzendari nagusia, Izaskun Goñi Razquin.
Zangozako San Vicente de Paúl Udal Zahar Etxea erakunde autonomoaren hitzarmen kolektiboa (PDF).
Iragarkiaren kodea: F2307962
