1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
OFIZIOZKO BERRIKUSPENA. Epatze deia Osasun Departamentuak abiatu duen Osasuneko kontseilariaren apirilaren 26ko 139E/2023 Foru Aginduaren ofiziozko berrikuspenean interesdun direnei. Foru agindu horren bidez partez baietsi zen Iván Fonseca Errea jaunak jarritako gora jotzeko errekurtsoa, Osasun Departamentuko erakunde autonomoen zerbitzurako erizainen 424 lanpostu oposizio-lehiaketa bidez betetzeko eta lanpostu horietan aldi baterako kontratu bidez zein aldi baterako barne igoeraren bidez aritzeko zerrendak hautaproben bitartez osatzeko deialdiaren oposizio-lehiaketako azken emaitzaren kontrakoa, zeina 2023ko urtarrilaren 17an argitaratu baitzen.
Iragarki honen bidez aditzera ematen da Osasun Departamentuak ofizioz abiatu duela Osasuneko kontseilariaren apirilaren 26ko 139E/2023 Foru Aginduaren berrikuspena. Foru agindu horren bidez partez baietsi zen Iván Fonseca Errea jaunak jarritako gora jotzeko errekurtsoa, Osasun Departamentuko erakunde autonomoen zerbitzurako erizainen 424 lanpostu oposizio-lehiaketa bidez betetzeko eta lanpostu horietan aldi baterako kontratu bidez zein aldi baterako barne igoeraren bidez aritzeko zerrendak hautaproben bitartez osatzeko deialdiaren oposizio-lehiaketako azken emaitzaren kontrakoa, zeina 2023ko urtarrilaren 17an argitaratu baitzen.
Horrenbestez, eta bat etorriz Administrazio Publikoen Administrazio Prozedura Erkideari buruzko urriaren 1eko 39/2015 Legearen 45. eta 82. artikuluetan xedatutakoarekin, interesdunei dei egiten zaie, hamar eguneko gehieneko epean, iragarki hau Nafarroako Aldizkari Ofizialean argitaratu eta biharamunetik aitzina, alegazioak aurkez ahal ditzaten, Administrazio Publikoen Administrazio Prozedura Erkideari buruzko urriaren 1eko 39/2015 Legearen 16.4 artikuluan ezarritako moduan.
Lehendakaritzako, Berdintasuneko, Funtzio Publikoko eta Barneko kontseilariaren maiatzaren 14ko 59/2020 Foru Aginduaren 8. apartatuan ezarritakoa aplikatuz, jarritako errekurtsoen kopia bat lortu nahi duten interesdunek hura bidaltzeko eska dezakete erregistro orokor elektronikoaren bitartez (https://www.navarra.es/eu/tramiteak/on/-/line/Erregistro-Orokor-Elektronikoa), Osasun Departamentuko Idazkaritza Tekniko Nagusiko Espedienteen Tramitazioaren eta Laguntza Juridikoaren Atalari zuzenduta; horretarako, eskaeran adierazi beharko dute zer helbide elektronikotara nahi duten bidaltzea kopia hori.
Iruñean, 2023ko maiatzaren 11n.–Espedienteen Tramitazioaren eta Laguntza Juridikoaren Ataleko burua, Laura Díaz de Cerio Pérez.
Iragarkiaren kodea: F2307427
