3. ESTATUKO ADMINISTRAZIOA
GOBERNUAREN ORDEZKARITZA
JENDAURREKO INFORMAZIOA. Labraza parke eolikoaren (instalatutako potentzia: 40 MW) eta haren ebakuazio-azpiegituraren zati baten proiektu eguneratuaren aurretiazko administrazio baimena aldatzeko eta eraikitzeko administrazio baimena lortzeko eskaera (PEol-459 espedientea)
Sektore Elektrikoari buruzko abenduaren 26ko 24/2013 Legearen 53.1.a) artikuluan eta Energia elektrikoa garraiatu, banatu, merkaturatu eta horniketa egiteko jarduerak eta instalazioak baimentzeko prozedurak arautzen dituen abenduaren 1eko 1955/2000 Errege Dekretuaren 125., 126., 127. eta 131. artikuluetan ezarritakoarekin bat, jendaurrean jartzen da proiektu eguneratu honi dagokion aurretiazko administrazio baimena aldatzeko eta eraikitzeko administrazio baimena lortzeko eskaera: 40 MW-eko potentzia instalatuko Labraza parke eolikoa eta haren ebakuazio-azpiegituraren zati bat (espedientearen kodea: PEol-459). Hona espediente horren ezaugarriak:
Eskatzailea: AIXEINDAR SA (IFK: A01580562); egoitza soziala: Urartea kalea 2, 01010 Vitoria-Gasteiz.
Eskaeraren xedea: Aurretiazko administrazio-baimena aldatzeko (Trantsizio Ekologikorako eta Erronka Demografikorako Ministerioko Politika Energetikoaren eta Meategien Zuzendaritza Nagusiaren 2023ko apirilaren 18ko Ebazpenaren bidez eskuratu zen) eta eraikitzeko administrazio baimena lortzeko eskaera, proiektu honetarako: 40 MW-eko potentzia instalatuko Labraza parke eolikoa eta haren ebakuazio-azpiegituraren zati bat (30 KV-eko lur azpiko zirkuituak eta 30/220 kV-eko Las Llanas de Codés TAE handitzea), Nafarroako Foru Komunitatean eta Arabako lurralde historikoan.
Organo eskuduna: Trantsizio Ekologikorako eta Erronka Demografikorako Ministerioko Politika Energetikoaren eta Meategien Zuzendaritza Nagusia da aurretiazko administrazio baimenaz eta proiektua eraikitzeko administrazio baimenaz ebazteko eskumena duen organo substantiboa.
Tramitazio organoak: Gobernuaren Arabako Ordezkariordetzako Industria eta Energiaren Arlo Funtzionala (Olagibel kalea 1, 01071 Vitoria-Gasteiz), eta Gobernuaren Nafarroako Ordezkaritzako Industria eta Energiaren Arlo Funtzionala (Merindadeen plaza, z.g., 31071 Iruña).
Instalazioen deskribapena: Parke eolikoko 8 haize-sorgailuak Oiongo udal-mugartean (Araba) egonen dira, eta azpiestazio jasotzailea, berriz, Aguilar Kodesko udal-mugartean (Nafarroa). Lur azpiko ebakuazio lineek eta sarbideek bi udal-mugarteak ukituko dituzte.
Hauek dira instalazioen ezaugarri nagusiak:
• 40 MW-eko potentzia daukan Labraza parke eolikoa (honako hauek osatzen dute: 8 haize-sorgailu eta haiei lotutako azpiegiturak, 30 KV-eko lur azpiko interkonexio-lineak) eta 30/220 kV-eko Las Llanas de Codés transformazio azpiestazioaren handitzea.
Aurrekontu zenbatetsia:
–Parke eolikoa: 30.327.845,47 euro.
–30/220 kV-eko Las Llanas de Codés azpiestazioaren handitzea: 2.014.112,11 euro.
Helburua: Energia elektrikoa sortzea parke eoliko baten bidez, eta hura ateratzea energia elektrikoaren garraio sarera.
Eta hori guztia aditzera ematen da orok jakin dezan eta proiektua aztertu ahal izan dadin Gobernuaren Arabako Ordezkariordetzako Industria eta Energiaren Arlo Funtzionalean (Olagibel kalea 1, 01071 Vitoria-Gasteiz) eta Gobernuaren Nafarroako Ordezkaritzako Industria eta Energia Arlo Funtzionalaren bulegoan (Merindadeen plaza z.g., 31071, Iruña), aurretik hitzordua eskatuta, edo esteka honetan:
https://mpt.gob.es/portal/delegaciones_gobierno/delegaciones/navarra/proyectos-ci.html
Gainera, iragarki hau argitaratzen da Administrazio Publikoen Administrazio Prozedura Erkideari buruzko urriaren 1eko 39/2015 Legearen 4. artikuluaren ondorioetarako, pertsona interesdun guztiek aztertu ahal izan ditzaten proiektuaren agiri guztiak eta, orobat, egoki iruditzen zaizkien alegazioak egin ahal izan ditzaten.
Interesdunek bidezkotzat jotzen dituzten alegazioak aurkezten ahal dituzte, arlo horiei zuzenduak, iragarki hau argitaratu eta biharamunetik hasita hogeita hamar egun balioduneko epean, bai idatziz, euskarri fisiko batean, Gobernuaren ordezkariordetzaren eta ordezkaritzaren erregistro orokorretan, bai Estatuko Administrazio Orokorraren Erregistro Elektronikoaren bidez (https://rec.redsara.es), bai Administrazio Publikoen Administrazio Prozedura Erkideari buruzko urriaren 1eko 39/2015 Legearen 16. artikuluan adierazten diren moduetan.
Ohartarazten da ezen pertsona juridikoak, nortasun juridikorik gabeko entitateak eta Administrazio Publikoen Administrazio Prozedura Erkideari buruzko urriaren 1eko 39/2015 Legearen 14. artikuluan identifikatutako bestelako subjektuak behartuak daudela baliabide elektronikoak erabiltzera administrazio publikoekin dituzten harremanetan, administrazio prozedura baten edozein tramite egin behar duten aldiro. Hortaz, subjektu horiek jendaurreko informazioaren tramite honen barruan egiten dituzten alegazio guztiak baliabide elektronikoen bidez behar bezala aurkeztu beharko dira nahitaez.
Iruñean, 2023ko maiatzaren 17an.–Industria eta Energia Arloko zuzendaria, Ignacio Irujo Sanz.
Iragarkiaren kodea: E2307692
