1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
55C/2022 EBAZPENA, martxoaren 20koa, Enpresa Politikaren, Nazioarteko Proiekzioaren eta Lanaren zuzendari nagusiak emana, erabakitzen duena Barañaingo Udaleko funtzionarioen eta administrazio-kontratudunen hitzarmen kolektiboaren luzapena erregistratu, gordailutu eta Nafarroako Aldizkari Ofizialean argitaratzea.
Aztertu da Barañaingo Udaleko funtzionarioen eta administrazio-kontratudunen akordio kolektiboaren luzapenaren testua (kode zenbakia: 31100072132014), erregistro honetan 2022ko martxoaren 9an sartu zena Udalaren eta sindikatuen ordezkariek 2022ko martxoaren 3an sinatuta, bat etorriz Nafarroako Administrazio Publikoen Zerbitzuko Langileriaren Estatutuaren testu bategina onesten duen abuztuaren 30eko 251/1993 Legegintzako Foru Dekretuaren 84.3 artikuluan xedatutakoarekin. Horrenbestez,
EBAZTEN DUT:
1. Nafarroako Hitzarmen Kolektiboen, Lan Akordio Kolektiboen eta Berdintasun Planen Erregistroan inskribatzeko agintzea.
2. Nafarroako Aldizkari Ofizialean argitaratzeko agintzea, orok jakin dezan.
Iruñean, 2022ko martxoaren 20an.–Enpresa Politikaren, Nazioarteko Proiekzioaren eta Lanaren zuzendari nagusia, Izaskun Goñi Razquin.
Barañaingo Udaleko funtzionarioen eta administrazio-kontratudunen hitzarmen kolektiboaren luzapena (PDFa).
Iragarkiaren kodea: F2204186
