2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
TAFALLA
Alkatetzaren eskuordetzea, María Moliner 2022 irakurzaletasuna sustatzeko proiektuen lehiaketa aurkeztu eta izapidetzeko
Alkatetzaren 3/2022 Dekretua, martxoaren 22koa.
Tafallako Udaleko kulturaren arloko Pedro Leralta Piñán zinegotzi bereziari eskuordetzea udal-ordezkaritzaren ahalmena eta baimena ematea 50.000 biztanletik beherako udalerrietan María Moliner 2022 irakurzaletasuna sustatzeko proiektuen lehiaketa aurkeztu eta izapidetzeko.
Kultura eta Kirol Ministerioak lehiaketa deitu du 50.000 biztanletik beherako udalerrietan María Moliner irakurzaletasuna sustatzeko proiektuetarako, 2022rako.
Eskabidearekin batera aurkeztu beharreko dokumentazioaren artean, alkatearen izendapena egiaztatzen duen dokumentua eskatzen da, edo, alkateak sinatzen ez badu, alkatearen dekretua, egiaztatzen duena eskaera sinatzen duen pertsonak Udalaren ordezkaritza duela.
Toki Araubidearen Oinarriak arautzen dituen apirilaren 2ko 7/1985 Legearen 21.1 a) artikuluan xedatutakoaren arabera, udalbatzako alkateak du udalaren ordezkaritza.
Urriaren 4ko 8/2021 Dekretuaren bidez, Tafallako Udaleko alkatetza honek Pedro Leralta Piñán izendatu zuen kulturaren arloko ordezkari berezi. Hori dela eta, egokitzat eta bidezkotzat jotzen da zinegotzi horri eskuordetzea udal-ordezkaritzaren eskumena, 50.000 biztanletik beherako udalerrietan María Moliner irakurketa sustatzeko proiektuen lehiaketa aurkezteko eta izapidetzeko, 2022an.
Toki Araubidearen Oinarriak arautzen dituen apirilaren 2ko 7/1985 Legearen 21.3 artikuluak eta azaroaren 28ko 2568/1986 Errege Dekretuaren bidez onetsitako Toki Entitateen Antolaketaren, Funtzionamenduaren eta Araubide Juridikoaren gaineko Erregelamenduak ematen dizkidaten eskudantziak erabiliz,
DEKRETATZEN DUT:
Lehenengoa.–Tafallako Udaleko kulturaren arloko Pedro Leralta Piñán zinegotzi bereziari eskuordetzea udal-ordezkaritzaren ahalmena eta eta baimena ematea 50.000 biztanletik beherako udalerrietan María Moliner 2022 irakurzaletasuna sustatzeko proiektuen lehiaketa aurkeztu eta izapidetzeko.
Bigarrena.–Aipatu eskuordetzearen iragarkia igortzea Nafarroako Aldizkari Ofizialera, argitara dadin, eta argitaratzea Udalaren iragarki-taulan eta webgunean.
Hirugarrena.–Udalbatzari dekretu honen berri ematea egiten duen hurrengo osoko bilkuran.
Laugarrena.–Xedatzea eskuordetze honen eraginkortasuna eskuordetzaren helburuari bakarrik dagokiola, eta hura garatzeko behar den denborarako izanen dela.
Tafallan, 2022ko martxoaren 22an.–Alkatea, Jesús Arrizubieta Astiz.
Iragarkiaren kodea: L2205155
