Iragarkia

56. ALDIZKARIA - 2022ko martxoaren 18a

1. NAFARROAKO FORU KOMUNITATEA

1.7. BESTELAKOAK

62/2022 EBAZPENA, otsailaren 25ekoa, Hezkuntzako zuzendari nagusiak emana, zeinaren bidez eskolaldi jarraitua edo eskolaldi malgua ezartzen baita Nafarroako Foru Komunitateko Haur eta Lehen Hezkuntzako edo Hezkuntza Bereziko ikastetxe batzuetan, 2022-2023 ikasturteari begira.

Hezkuntzako zuzendari nagusiak irailaren 30ean emandako 411/2021 Ebazpenaren bidez, Nafarroako Foru Komunitateko Haur eta Lehen Hezkuntzako ikastetxeetan eta Hezkuntza Berezikoetan, hala publikoetan nola pribatu itunduetan, eskolaldi jarraitua eta eskolaldi malgua modu esperimentalean ezartzeko prozedura arautuko duten jarraibideak onetsi ziren 2021-2022 ikasturterako (2022ko urtarriletik aurrera) eta 2022-2023 ikasturterako.

Aipatu 411/2021 Ebazpenean ezarri ziren ikastetxe eskatzaileek bete beharreko baldintzak eskolaldi jarraituaren edo eskolaldi malguaren ezarpena onesteko.

Ikastetxe eskatzaileek aurkeztutako proiektuak azterturik eta aipatutako baldintzak betetzen dituztela egiaztaturik.

Ikusirik Antolamendu, Prestakuntza eta Kalitate Zerbitzuko zuzendariaren txostena, 2022-2023 ikasturtean Nafarroako Foru Komunitateko Haur eta Lehen Hezkuntzako edo Hezkuntza Bereziko ikastetxe batzuetan eskolaldi jarraitua edo eskolaldi malgua modu esperimentalean ezartzearen aldekoa.

Hezkuntza Departamentuaren egitura organikoa ezartzen duen urriaren 30eko 267/2019 Foru Dekretuak ematen dizkidan ahalmenak erabiliz,

EBAZTEN DUT:

1. 2022-2023 ikasturtean, modu esperimentalean, Haur eta Lehen Hezkuntzako edo Hezkuntza Bereziko ikastetxe batzuetan eskolaldi jarraitua edo eskolaldi malgua ezar dadila onestea, Hezkuntzako zuzendari nagusiak irailaren 30ean emandako 411/2021 Ebazpenean ezarritako baldintzak betetzen dituztelako (I. eranskinean dago ikastetxe horien zerrenda).

2. 2022-2023 ikasturtean, modu esperimentalean, Haur eta Lehen Hezkuntzako edo Hezkuntza Bereziko ikastetxe batzuetan eskolaldi jarraitua ezar dezatela ezestea, Hezkuntzako zuzendari nagusiak irailaren 30ean emandako 411/2021 Ebazpenean ezarritako baldintzak betetzen ez dituztelako (II. eranskinean dago ikastetxe horien zerrenda).

3. Ebazpen honen eta bere eranskinen aurka gora jotzeko errekurtsoa jartzen ahalko da, Hezkuntzako kontseilariari zuzendua, hilabeteko epean, Nafarroako Aldizkari Ofizialean argitaratu eta biharamunetik hasita.

4. Ebazpen hau eta eranskinak Nafarroako Aldizkari Ofizialean argitaratzea.

5. Ebazpen hau eta eranskinak igortzea Antolamendu, Prestakuntza eta Kalitate Zerbitzura, Hezkuntzako Ikuskapen Zerbitzura, Ikastetxeen Finantzaketaren, Ikasketetarako Laguntzen eta Zerbitzu Osagarrien Zerbitzura eta Ikastetxeetako Informazioa Kudeatzeko Bulegora.

Iruñean, 2022ko otsailaren 25ean.–Hezkuntzako zuzendari nagusia, Gil Sevillano González.

Iragarkiaren kodea: F2202886