2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ORKOIEN
Ostadar udal haur-eskolaren kudeaketa Iturgain hirigintza-sozietateari esleitzea. Aldaketa
Orkoiengo Udalak, 2022ko otsailaren 17an egin osoko bilkuran, besteak beste, honako erabaki hau hartu zuen:
Ikusirik Orkoiengo Udalak, 2018ko uztailaren 19ko osoko bilkuran, erabaki zuela Iturgain SA udal sozietateari esleitzea Ostadar 0-3 urteko haur-eskolaren kudeaketa.
Ikusirik Udal Kontu-hartzailetzaren 2022ko urtarrilaren 20ko txostena, zeinak adierazten baitu dagokion arloko lana errazteko beharrezkoa dela kudeaketa-esleipen hori aldatzea. Hala, udalak bere gain hartuko ditu berriz alderdi hauek: Ostadar haur-eskolaren ordainagiriak sortzea eta tarifak kobratzea; instalazioko mantentze-lanak (horretarako baliatuta udal-langileak) eta ikastetxearen funtzionamendu- eta jantoki-gastuak, salbu eta honako gastu hauek: lan eta zerga arloko aholkularitza, aholkularitza juridikoa, datuen babesa eta lan-arriskuen prebentzioa.
Horiek horrela, eta bat etorrita ezarrita dagoenarekin Sektore Publikoaren Araubide Juridikoari buruzko urriaren 1eko 40/2015 Legearen 11, artikuluan, baliatuta Toki Araubidearen Oinarriei buruzko apirilaren 2ko 7/1985 Foru Legearen 22.2.f) artikuluan ezarritako eskumenak, eta Batzorde Orokorraren 2022ko otsailaren 10eko aldeko txostenarekin,
Honako hau ERABAKITZEN DUTE bertaratutako guztiek, aho batez:
1. Osoko bilkurak 2018ko uztailaren 19an adostutako kudeaketa-esleipena aldatzea. Hortaz, Orkoiengo Udalak bere gain hartuko ditu zeregin hauek:
–Ostadar haur-eskolaren ordainagiriak sortzea eta tarifak kobratzea.
–Instalazioko mantentze-lanak; horretarako baliatuta udal-langileak.
–Ikastetxearen funtzionamendu- eta jantoki-gastuak bere gain hartzea, honako gastu hauek izan ezik: lan eta zerga arloko aholkularitza, aholkularitza juridikoa, datuen babesa eta lan-arriskuen prebentzioa.
2. Erabaki hau jakinaraztea Iturgain sozietateari eta Udal Kontu-hartzailetzari.
3. Erabaki hau Nafarroako Aldizkari Ofizialean argitaratzea.
Orkoienen, 2022ko otsailaren 21ean.–Alkatea, Carlos Arróniz Loyola.
Iragarkiaren kodea: L2202656
