Iragarkia
25. ALDIZKARIA - 2022ko otsailaren 3a
1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
247E/2021 EBAZPENA, abenduaren 28koa, Landa Garapeneko zuzendari nagusiak emana, zeinaren bidez onesten baita “Ureztapenetarako ez diren inbertsioak Nafarroako Ubidearen jarduketa eremuko nekazaritzako ustiategietan” laguntzen deialdia. 2014-2020 Landa Garapenerako Plana 04.01. neurria. DDBN identifikazioa: 603412.
Nafarroak, bere foru araubideari esker, eskumen osoa du nekazaritza eta abeltzaintza gaietan, ekonomiaren antolamendu orokorrarekin bat, hala ezarrita baitago Nafarroako Foru Eraentza Berrezarri eta Hobetzeari buruzko abuztuaren 10eko 13/1982 Lege Organikoaren 50.1.a) artikuluan.
Lege organiko horren 56.1.a) artikuluan ezarritakoaren arabera, eta jarduera ekonomiko orokorraren oinarriekin eta antolamenduarekin bat, Nafarroako Foru Komunitateari dagokio Nafarroaren barnean jarduera ekonomikoa planifikatu eta garapen ekonomikoa sustatzeko eskumen esklusiboa.
Eskumen horren barnean dago nekazaritzako ustiategien modernizazioaren sustapena, neurriak hartuz ustiategi horietako aktibo fisikoetan inbertsioak egiten laguntzeko.
Europako Parlamentuaren eta Kontseiluaren 2013ko abenduaren 17ko 1305/2013 (EB) Erregelamenduak nekazaritzaren garapena arautzen du Landa Garapenerako Europako Nekazaritza Funtsaren bidez (LGENF) eta indarrik gabe uzten du Kontseiluaren (EB) 1698/2005 Erregelamendua; haren 17. artikuluan ezarri zuen aktibo fisikoetan inbertitzeko neurria, eta azpineurri berariazko gisa, berriz, artikulu horren 1.a) puntuan zehazten zena, nekazaritzako ustiategiaren errendimendu orokorra eta jasangarritasuna hobetu beharrez.
Aipatutako 1305/2013 (EB) Erregelamenduaren II. eranskinean ezartzen dira laguntzaren gehieneko portzentajeak, segun eskualde mota, onuradunaren izaera edo proiektu mota.
Nafarroako Landa Garapenerako 2014-2020 Programak neurri hori jasotzen du. Haren definizioan kontuan hartu da, 1305/2013 Erregelamenduak berak eskatu bezala, Nafarroako Foru Komunitateko AMIA (ahuleziak, mehatxuak, indarrak eta aukerak), landa garapenari dagokionez, eta, bereziki, nekazaritzako elikagaien sektoreari dagokionez.
Nekazaritzako jardueran nekazaritza, abeltzaintza eta basogintzako produktuak ekoizten dira, eta, horrez gain, nekazariek norberaren ekoizpena eraldatu gabe zuzenean saltzen dute, edo norberaren ekoizpenaren lehen eraldaketa, ustiategiko elementuen barrenean, baldin eta azken produktua Europar Batasunaren Funtzionamenduari buruzko Tratatuaren I. eranskinean (38. artikuluari lotua) agertzen bada.
Kontuan harturik ustiategi askoren bideragarritasun ekonomikoa, batez ere oztopo naturalak dituzten eremuetan, lotuta dagoela merkaturatzeko zirkuitu laburrak garatzeari, ustiategiko produktuen balioa handitzeari eta produktuak zuzenean saltzeari, komeni da inbertsio hauek dirulaguntza jaso ahal izatea deialdi honetan.
Kontuan izanik gizonen eta emakumeen arteko desparekotasunak, eta sektorean dauden emakumeen tasa txikia dela, beharrezkotzat jo da generoaren balorazioaren irizpidea ezartzea, martxoaren 22ko 3/2007 Lege Organikoarekin bat (3/2007 Lege Organikoa, Emakumeen eta Gizonen Berdintasun Eragingarrirakoa).
Halaber, kontuan hartu da neurri horren ekarpena, Nafarroako testuinguruan, “Batasuneko landa garapenean dauden sei lehentasunak” lortzeari begira eta haietan parte hartzeari begira. Lehentasun horiek bideraturik daude Europako 2020 Estrategiak landa garapenean ezartzen dituen helburuak lortzera, hazkunde zentzuzko, jasangarri eta bateratzaile baterako, eta islatzen dituzte Europako Parlamentuaren eta Kontseiluaren abenduaren 17ko 1303/2013 (EB) Erregelamenduaren 10. artikuluan jasotzen den “Esparru Estrategiko Komunari” dagozkion helburu tematikoak. Erregelamendu horren bidez xedapen komun batzuk ezarri ziren Eskualde Garapeneko Europako Funtsaz, Europako Gizarte Funtsaz, Kohesio Funtsaz, Landa Garapenerako Europako Nekazaritza Funtsaz eta Itsasoaren eta Arrantzaren Europako Funtsaz, eta beste zenbait xedapen orokor ezarri ziren Eskualde Garapeneko Europako Funtsaz, Europako Gizarte Funtsaz, Kohesio Funtsaz eta Itsasoaren eta Arrantzaren Europako Funtsaz, eta indarrik gabe utzi zen Kontseiluaren 1083/2006 (EE) Erregelamendua.
Zehatz-mehatz, 1305/2013 Erregelamenduaren 17. artikuluari jarraikiz, neurri hau dagokio Batasuneko landa garapenak duen lehentasun honi: “ustiategien bideragarritasuna eta nekazaritza mota guztien lehiakortasuna hobetzea eskualde guztietan, eta sustatzea nekazaritzako teknologia berritzaileak eta baso-kudeaketa jasangarria”.
Beraz, esparru juridikoa 1305/2013 (EB) Erregelamendua izanen da, Landa Garapenerako Europako Nekazaritza Funtsaren (LGENF) bidez landa garapenari laguntzeari buruzkoa, eta, orobat, hura garatzeko erregelamenduak:
–Batzordearen martxoaren 11ko 807/2014 (EB) Erregelamendu delegatua, 1305/2013 (EB) Erregelamendua osatzen duena.
–Batzordearen uztailaren 17ko 808/2014 (EB) Betearazpen Erregelamendua, 1305/2013 (EB) Erregelamendua aplikatzeko xedapenak ezartzen dituena.
–Batzordearen uztailaren 17ko 809/2014 (EB) Betearazpen Erregelamendua, Europako Parlamentuaren eta Kontseiluaren 1306/2013 (EB) Erregelamendua aplikatzeko xedapenak ezartzen dituena, honako hauei dagokienez: kudeaketaren eta kontrolaren sistema integratua, landa garapeneko neurriak eta baldintzazkotasuna.
–Batzordearen martxoaren 11ko 640/2014 (EB) Erregelamendu delegatua, zeinak osatu baitzuen Europako Parlamentuaren eta Kontseiluaren 1306/2013 (EB) Erregelamendua, honako hauei dagokienez: kudeaketaren eta kontrolaren sistema integratua, ordainketak ukatu edo kentzeko baldintzak eta zuzeneko ordainketei, landa garapenerako laguntzari eta baldintzazkotasunari aplika dakizkieken zehapen administratiboak.
Ebazpen honi, orobat, Dirulaguntzei buruzko azaroaren 9ko 11/2005 Foru Legea aplikatuko zaio.
Ebazpen hau ematen da babes harturik urtarrilaren 23ko 7/2013 Foru Dekretuaren azken xedapenetako lehenbizikoa (foru dekretu horren bidez baimendu zen Nekazaritza Bermatzeko Europako Funtsak –NBEUF– eta Landa Garapenerako Europako Nekazaritza Funtsak –LGENF– finantzatutako gastuak Nafarroako Foru Komunitatean ordaintzen dituen erakundea, eta ezarri ziren haren antolamendua eta funtzionamendua). Izan ere, azken xedapen horrek ahalmena eman dio Landa Garapeneko, Ingurumeneko eta Toki Administrazioko kontseilariari, bere eskumenen barnean, behar diren xedapen guztiak emateko foru dekretua garatzeko eta betearazteko, eta bereziki, arauak, deialdiak eta oinarri arautzaileak ezartzeko, nekazaritzarako Europako funtsekin osorik edo hein batean finantzatzen diren dirulaguntzetarako.
Nafarroako Gobernuaren 2021eko ekainaren 16ko Erabakiaren bidez, baimena ematen zaio Landa Garapeneko zuzendari nagusiari urte anitzeko 10.000.000 euroko gastua konprometitzeko 2024ko ekitaldian, laguntza hauek emateko: “Ureztapenetarako ez diren inbertsioak Nafarroako Ubidearen jarduketa eremuko nekazaritzako ustiategietan”, Nafarroako 2014-2020 Landa Garapenerako Programaren esparruan, 2022ko deialdiari dagokionez.
Adierazitakoarekin bat, Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikuluak eta Landa Garapeneko eta Ingurumeneko Departamentuaren egitura organikoa ezartzen duen urriaren 23ko 258/2019 Foru Dekretuak ematen dizkidaten eskudantziak erabiliz,
EBAZTEN DUT:
1. Oinarri arautzaileak onestea.
Oinarri arautzaileak onesten dira laguntza hauek emateko: “Ureztapenetarako ez diren inbertsioak Nafarroako Ubidearen jarduketa eremuko nekazaritzako ustiategietan”. Inbertsio horiek jasota daude Nafarroako Landa Garapenerako 2014-2020 Programaren “Inbertsioak nekazaritzako ustiategietan” izeneko neurrian, I. eranskinean azaldu bezala. Ebazpenaren II., III. eta IV. eranskinak ere onesten dira.
2. Deialdiaren onespena.
Honako laguntza hauetarako deialdia onesten da 2022ko deialdirako: “Ureztapenetarako ez diren inbertsioak Nafarroako Ubidearen jarduketa eremuko nekazaritzako ustiategietan”. Laguntzak emanen dira aurreko puntuan ezarritako oinarri arautzaileekin eta baldintzekin bat.
3. Gardentasun adierazpenaren betebeharrari buruzko eredua onestea.
Gardentasun betebeharrari buruzko adierazpena egiteko eredua onesten da, esteka honetan eskuratzen ahal dena:
4. Aurrekontuko kredituak.
Deialdi honek sortzen dituen gastuei aurre egiteko, 10.000.000 euroko gastua baimentzen da 2024ko ekitaldian, 2021eko Aurrekontu Orokorretako honako partida honen baliokidearen kargura: 720004 72230 7700 412102 partida, “Landa Garapenerako Programa, Landa Garapenerako Europako Nekazaritza Funtsa 2014-2020, Inbertsioak nekazaritzako ustiategietan”.
Baimendutako kreditua 2.000.000 euroan handitu liteke, gehienez ere, 2021eko Aurrekontu Orokorretako honako partida honen baliokidearen kargura: 720004 72230 7700 412102 partida, “Landa Garapenerako Programa, Landa Garapenerako Europako Nekazaritza Funtsa 2014-2020, Inbertsioak nekazaritzako ustiategietan”. Aurrekoa, betiere, bat etorriz 11/2005 Foru Legearen 31.3) artikuluko a) letran ezarritako baldintzekin, baldin aurrekontuan krediturik badago (11/2005 Foru Legea, azaroaren 9koa, Dirulaguntzei buruzkoa).
5. Eskaerak aurkezteko epea.
Deialdi honetako eskabideak aurkezteko epea ebazpen hau Nafarroako Aldizkari Ofizialean argitaratu eta biharamunean hasiko da; amaitu, berriz, 2022ko apirilaren 1ean.
6. Mendialdea, goi mendialdea, eta, mendialdea izan gabe ere, muga natural garrantzitsuak dituzten tokiak.
Mendialdetzat, goi mendialdetzat eta, mendialdea izan gabe ere, muga natural garrantzitsuak dituzten tokitzat hartuko dira Landa Garapeneko eta Ingurumeneko kontseilariaren maiatzaren 18ko 72/2021 Foru Aginduaren V. eranskinean jaso direnak. Foru agindu horren bidez honako deialdi hauek egin ziren 2021eko kanpainarako: Nekazaritza Bermatzeko Europako Funtsak nekazaritzarako eta abeltzaintzarako finantzaturiko ordainketa zuzenei eta Landa Garapenerako Programaren eta Estatuaren halako laguntza batzuei dagokien eskaera bakarra, Erreserba Nazionalerako eskubide eskaerak, Nekazaritzako Lurzatien Informazio Geografikoko Sistemarentzako aldaketa eskaeren aurkezpena eta urteko jakinarazpena, Nekazaritzako Ekoizpenaren Erregistro Orokorrean erregistra dadin.
Ustiategi bat eskualde zehatz batean kokatzeko, kontuan hartuko da Estatistikako Institutu Nazionalaren zer kode duen ustiategiaren udalerriak, Nafarroako Nekazaritzako Ustiategien Erregistroko fitxan.
Ez dira halakotzat hartuko laguntza iragankorra duten eskualdeetan daudenak, V. eranskinaren arabera.
7. Komunikatzea Nafarroako Gobernuaren Dirulaguntzen Datu Baseari.
Nafarroako Gobernuaren Dirulaguntzen Datu Basean erregistratu beharko dira oinarri arautzaile hauek eta dagokien deialdia.
8. Argitalpena.
Ebazpen hau Nafarroako Aldizkari Ofizialean argitaratuko da.
9. Deialdiaren eta oinarri arautzaileen kontrako errekurtsoa jartzea.
Oinarri arautzaile hauen eta deialdiaren aurka, gora jotzeko errekurtsoa jar daiteke Landa Garapeneko eta Ingurumeneko kontseilariari zuzendua, hilabeteko epean, argitaratu eta biharamunetik hasita.
Iruñean, 2021eko abenduaren 28an.–Landa Garapeneko zuzendari nagusia, Fernando Santafé Aranda.
I. ERANSKINA
Oinarri arautzaileak, “Ureztapenetarako ez diren inbertsioak Nafarroako Ubidearen jarduketa eremutik kanpoko nekazaritzako ustiategietan” laguntzak emateko, neurri honen barnean: “Inbertsioak nekazaritzako ustiategietan”, Nafarroako Landa Garapenerako 2014-2020 Programan. 2022ko deialdia
1. oinarria.–Xedea.
Oinarri arautzaile hauen xedea da laguntza hauek arautzea: “Ureztapenetarako ez diren inbertsioak Nafarroako Ubidearen jarduketa eremutik kanpoko nekazaritzako ustiategietan”; laguntza horiek emanen dira Nafarroako Landa Garapenerako 2014-2020 Programaren barneko “Inbertsioak nekazaritzako ustiategietan” izeneko neurriarekin bat, Europako Parlamentuaren eta Kontseiluaren 2013ko abenduaren 17ko 1305/2013 (EB) Erregelamenduaren 17.1.a) artikuluaren esparruan. Erregelamendu horrek arautzen du nekazaritzaren garapenerako laguntza, Landa Garapenerako Europako Nekazaritza Funtsaren bidez (LGENF), eta indarrik gabe uzten du Kontseiluaren 1698/2005 (EE) Erregelamendua.
2. oinarria.–Neurriaren helburua.
1. 1305/2013 (EB) Erregelamenduan eta Nafarroako Landa Garapenerako 2014-2020 Programan ezarritakoari jarraikiz, neurri honen helburu orokorrak dira nekazaritzako ustiapenen errendimendua hobetzea eta haien jasangarritasuna erraztea.
2. Argi eta garbi egiten duenez 1305/2013 Erregelamenduaren 5. artikuluan adierazitako Batasunaren lehentasunen alde, helburu estrategikotzat jotzen da nekazaritzako profesional kualifikatuak jartzea, behar adinako tamaina duten eta bideragarriak eta jasangarriak diren familia-ustiategietan, batez ere baldin profesional horiek ekartzen badute jardueraren ikuspegi kolektiboa, elkarteak sortuz eta horietan parte hartuz, zeinek balioa erantsiko baitute, bai enpresa bera egonkortzeagatik, bai oinarri duten lurraldearekiko loturarengatik.
3. Ustiategiaren errendimendu orokorraren lorpena eta Batasunaren lehentasunak erdiesteko oinarri baitira, interes handieneko eragiketa-helburutzat hartzen dira honako hauek, zerrenda zehatz-zehatza ez bada ere:
a) Errendimendu ekonomikoa hobetzea.
b) Hobetzea ustiategiko errendimendu fisikoak eta bertako ekoizpenen kalitate maila.
c) Ekoizpen kostuak murriztea.
d) Efizientzia hobetzea inputak erabiltzean, bereziki uraren eta energiaren erabileran.
e) Teknika berritzaileak hautatzea, bai enpresaren kudeaketan bai ekoizpen eredu eta/edo prozesuetan.
f) Ingurumen arloan hobekuntzak egitea.
g) Abeltzaintzako ustiategietan, hobetzea higiene baldintzak eta animalien ongizateari dagozkionak.
h) Hobetzea azpiproduktuen eta nekazaritzako eta abeltzaintzako hondakinen kudeaketa.
i) Partaidetza handitzea balio erantsiaren banaketan.
j) Nekazaritza sektorean enplegua mantentzea eta sortzea.
k) Lan eta osasun baldintzak hobetzea.
l) Nekazaritzako jardueren dibertsifikazioa bultzatzea, baita bioenergia sortzeari lotuak ere.
3. oinarria.–Onuradunak.
1. Neurriaren hartzaileak pertsona fisiko eta juridikoak dira, inbertsioak Nafarroan egiten dituztenak, onuradunak izateko aldez aurreko baldintzak betetzen dituztenak eta hitzematen dutenak beteko dituztela aplikatzekoa den araudian ezarritako konpromisoak.
2. Administrazio publikoak ez dira onuraduntzat hartuko, ezta nortasun juridiko propioa duten entitate eta sozietate publikoak ere, baldin administrazio publikoen menpekoak badira edo haiei lotuta badaude.
4. oinarria.–Onuradun gisa onartuak izateko irizpideak.
1. Neurriaren onuradunak izan daitezke laguntzen eskaera aurkezteko egunean onartuak izateko irizpide hauek betetzen dituzten pertsona fisiko edo juridikoak:
a) Adinez nagusi izatea, pertsona fisikoak badira.
b) Nafarroako Nekazaritzako Ustiategien Erregistroan inskribatuta dagoen nekazaritzako ustiategi baten titularra izatea, salbu eta kasu hauetan: nekazari gazteak izatea, eta aldi berean laguntza bat eskatu izana dena delako ekitaldiko “nekazari gazteen” lehen instalaziorako laguntzen deialdian, edo aurreko bi ekitaldietako batean laguntza horiek esleituta izatea, edo egoera horietan dauden gazteek bakarrik osatutako sozietateak izatea.
c) Nekazari aktibo gisa sailkaturik egotea, bat etorriz abenduaren 19ko 1075/2014 Errege Dekretuaren II. tituluko I. kapituluko definizioarekin, kontuan harturik zer salbuespen jarri den aurreko letran nekazari gazteentzat eta haien sozietateentzat. Errege dekretu horrek hizpide du nola aplikatu nekazaritzari eta abeltzaintzari 2015etik aurrera egiten zaizkien zuzeneko ordainketak eta laguntzeko beste araubide batzuk, baita nola kudeatu eta kontrolatu ere zuzeneko ordainketak eta landa garapenerako ordainketak.
d) Ez egotea laguntzen onuradun izateko ezarritako debeku-egoeretan, Dirulaguntzei buruzko azaroaren 9ko 11/2005 Foru Legearen 13. artikuluaren arabera.
e) Egunean izatea zerga arloko betebeharrak eta Gizarte Segurantzarekikoak.
5. oinarria.–Ustiategiak onartuak izateko irizpideak.
Laguntza hauek titularrei emanen zaizkie, baldin haien nekazaritzako ustiategiek baldintza hauek betetzen badituzte laguntza eskaera aurkezteko egunean:
a) Inskribatuta egotea Nafarroako Nekazaritzako Ustiategien Erregistroan, salbu ekitaldi berean laguntza eskatu badu “nekazari gazteak beren gain hasteko laguntzen deialdian”, edo laguntza horiek adjudikatu bazaizkio aurreko bi deialdietako batean, baita gazteek soilik osatutako sozietateak badira ere eta egoera horietan badaude.
b) “Europako dimentsioko 10 unitateko” tamaina izatea gutxienez. Irizpide hau ez zaie eskatuko nekazari gazteek eta haien sozietateek egindako inbertsioei, aurreko letran jarritako salbuespenarekin bat.
c) Bideragarritasun ekonomikoa frogatzea behar den azterlan tekniko-ekonomikoaren bidez, aurkeztutako inbertsio plana aplikatu eta gero.
6. oinarria.–Inbertsio plana.
1. Eskaerarekin batera, inbertsio plana aurkeztu beharko da, oinarria izanen dena laguntzarako eskubidea sortzeko.
2. Ustiategiaren bideragarritasun ekonomikoa frogatzeaz gain, inbertsio planak frogatu beharko du ustiategiaren errendimendu orokorra handituko dela, hots, aurrerapen bat izanen dela honako hauetan: hobekuntza ekonomikoarekin lotutako alderdiren bat, inputen eta energiaren erabileraren efizientzia, enpleguaren mantentzea edo handitzea, kalitate sistemetan sartzea, jarduerak dibertsifikatzea, ingurumena zaintzea, laneko segurtasuna, etab., oinarri arautzaile hauen 2.3 oinarrian azaldutakoaren ildotik.
3. Inbertsio planean, gutxienez ere, alderdi hauek sartuko dira:
a) Ustiategiaren abiapuntuko egoeraren azalpena, datu hauek barne, besteak beste:
–Ustiategiaren identifikazioa, kokalekua eta ekoizpenaren ildoa.
–Nortasun fisiko edo juridikoa, titulartasuna eta, bidezkoa bada, azaltzea titularren zerrenda eta sozietatearen kapitaleko partaidetza.
–Ustiategiari atxikitako eskulanaren zerrenda sailkatua eta kuantifikatua: familiakoak, soldatapekoak, finkoak, aldi baterakoak.
–Azalera eta batez besteko errendimenduak ekoizpen jarduera bakoitzean.
–Abelburuak, espezieen arabera, eta, hala behar denean, batez besteko errendimenduak.
–Jarduera bakoitzaren ekoizpen gordina.
–Ekoizpen jarduera bakoitzaren gastuak eta ustiategi osoaren gastu finkoak.
b) Ustiategiko bukaerako egoeraren azalpena, erreferentzia konparatiboa eginez abiapuntuko parametroei, eta azterlan ekonomikoa, adierazten duena azken emaitza hori lortzen ahal dela, zeinak bermatuko baititu ustiategiaren errendimendu orokorra hobetzea eta bideragarritasuna.
c) Egin asmo diren inbertsioen zerrenda eta azterketa, ikuspuntu teknikotik, ekonomikotik eta finantzariotik begiratuta, koherentzia izanik abiapuntuko ustiategiaren eta amaierakoaren artean, inbertsioak egiteko beharra justifikatzeko.
d) Inbertsio planaren iraupena. Inbertsioen izaeraren eta burutzeko aurreikuspenaren araberakoa izanen da, inbertsio bakoitzerako.
4. Azterketa horrek bere baitan izan beharko ditu, halaber, inbertsio horiek laguntza jaso dezaketela erabakitzeko behar diren justifikazio teknikoak eta agiri egokiak, bat etorriz oinarri arautzaile hauetan ezarritako beharkizun eta baldintzekin.
a) Kostuen apaltzea aplikatzeko justifikazioa, oinarri arautzaile hauetako 14. oinarriko 1.b) puntuaren araberako inbertsioetarako.
b) Behar diren ondorioak izan ditzan Ingurumenean ondorio negatiboak izan ditzaketen inbertsio eragiketen hautagarritasunari buruzko 1305/2013 Erregelamenduaren 45. artikuluaren 1. zenbakian xedatutakoak, eskaerarekin batera honako hauek aurkeztu beharko dira: ingurumen-baimen bateratuaren ebazpena, ingurumen ukipenei buruzko txostena edo jarduera sailkatuaren lizentzia, jarduketa motaren arabera, bat etorriz Ingurumenean eragina duten jarduerak arautzen dituen abenduaren 16ko 17/2020 Foru Legearekin, edo aplikatu beharreko beste araudi batekin.
c) Ureztapen instalazioetako inbertsioak hautatzearen ondorioetarako, bat etorriz 1305/2013 Erregelamenduaren 46. artikuluko 5. zenbakiko b) letrarekin, Nafarroako Ubideko jarduketa eremutik kanpo ureztalur bihurtzeko inbertsioen kasuan, baldin 10 hektareatik behera ukitu behar badira, eskaera egitean aurkeztu beharko da ingurumen ukipenei buruzko aldeko txostena.
7. oinarria.–Inbertsio diruz lagungarriak.
1. Nekazaritzako ustiategiaren errendimendu orokorra hobetu beharko dute inbertsioek. Horretara bideratuko da oinarri arautzaile hauetako 2.3 oinarrian zehaztutako helburu baten edo gehiagoren lorpena.
2. Inbertsioek ingurumenean kalterik ekar badezakete, beharrezkoa izanen da dagokion administrazio baimena edukitzea laguntza eskatzeko unean, bereziki 17/2020 Foru Legean ezarritakoak (17/2020 Foru Legea, abenduaren 16koa, Ingurumenean eragina duten jarduerak arautzen dituena).
3. Nafarroan egin beharko dira lurretan, ondasun higiezinetan, instalazioetan eta landaketetan egiten diren inbertsioak. Gainera, ureztatze-instalazioez eta landaketez bestelako instalazio iraunkorren kasuan, agiri bidez egiaztatu beharko da erabilgarri daudela inbertsioen xede diren lurzatiak. Erabilgarritasun horren iraupena konpromisoen iraupen-aldia izanen da gutxienez, hau da, hiru edo bost urtekoa, laguntza ordaintzen den egunetik zenbatzen hasita. Honela egiaztatuko da: katastroko titulartasunaren bidez, jabetza-eskritura publikoaren bidez, Landa Errentamenduen Erregistroan inskribatutako errentamendu kontratuaren bidez edo herri-lurren esleipenaren bidez.
4. Diruz lagungarriak izanen dira soilik agintaritza eskudunari laguntza eskaera aurkeztu ondoan hasitako eta gauzatutako inbertsioak eta gastuak, salbu oinarri honen 5, h) apartatuan ezarritakoak. Ondorio horietarako:
–Kontuan hartuko dira, bestelako frogabideen artean, inbertsioak justifikatu beharrez aurkezten diren faktura, albaran eta konturako ordainketen datak.
–Ez da hartuko inbertsioaren hasieratzat lurra prestatzeko lanak egitea, baldin lan horiek badira landaketa iraunkorrak egiteko zangak irekitzea.
–Inbertsioen kokapen geografikoa zehazten ahal bada, aldez aurretik egiaztatu beharko da inbertsioak ez direla hasi. Ondorio horietarako, eskatzaileak inbertsioen hasiera egunaren berri eman beharko dio, idazkia erregistratuta, Nekazaritzako Ustiategiak eta Nekazarien Elkarteak Sustatzeko Atalari, hasi baino 15 egun natural lehenago gutxienez. Baldintza hori egiaztatzeko, onuradunak aurkez ditzake argazki digital geoerreferentziatuak eta datadunak, edo ataleko langileak bertaratu egin daitezke.
5. Honako hauek izanen dira inbertsio diruz lagungarriak eta, beraz, haien kostuak hautagarriak:
a) Behar diren lurrak erostea, hots, eragiketan definitutako inbertsioak berezko dituen eraikuntzak hartuko dituzten lur eraikiak nahiz eraiki gabeak, barnean direla sailak eta eremu erantsiak (instalazio osagarriak, aparkalekua, iraganbideak etab.), inbertsio diruz lagungarrien zenbateko osoaren %10eraino.
b) Ondasun higiezinak eraiki, eskuratu, handitu edo hobetzea. III. eranskinean agertzen diren unitateen arabera mugatuko da eraikuntzen azalera. Hobekuntzen funtsa izanen dira instalazioetara bestelako baldintzak ekartzen dituzten jarduketak, hau da, aukera ematen dutenak premia berrietara egokitzeko, honako hauei dagokienez: ekoizpen prozesuak, efizientzia energetikoa, animalien ongizatea, edo gisako arazoak. Beraz, ez dira inola ere izanen konponketa edo mantentze-lan hutsak.
c) Makineria eta ekipamendu berria erostea, informatikoa barne. Jabea den onuradunak erosi beharko ditu ondasunak.
Ondasunak erosteko erabiltzen den finantzaketa-formulak berekin baldin badakar jabetza geroago eskuratzea (ondasunak finantzatzea jabaria erreserbatzeko kontratuen bidez, leasing formula, etab.), diruz lagungarritzat joko dira baldin ondasunak osoki bihurtzen badira onuradunaren jabetzakoak eta osoki ordaintzen badira laguntza justifikatzeko epea bukatzen denerako. Zehazki, makinak eta ekipamendua erosten badira finantza errentamenduko eragiketen bidez, erosketa diruz lagungarria izanen da soilik baldin kontratuak biltzen badu erosketa konpromisoa, non aurreikusiko baita onuraduna bihurtuko dela makinaren edo ekipamenduaren jabea.
d) Inbertsioak ondasun ukiezin hauetan: programa informatikoak, web-orriak edo patenteak, lizentziak, egile eskubideak eta marka erregistratuak erostea edo garatzea.
e) Laborantza iraunkorrak ezartzea, mahastiak barne, landaketa berria egiteko baimenarekin, bat etorriz Europako Parlamentuaren eta Kontseiluaren abenduaren 17ko 1308/2013 (EB) Erregelamenduaren 63. eta 64. artikuluekin. Laguntza hauen ondorioetarako, ulertuko da iraunkorrak direla lursailean bost urte baino gehiago iraunen duten landaketak.
f) Instalazioak, ekipoak eta makinak, automobilak eta garraiobideak izan ezik, nekazariek norberaren ekoizpena eraldatu gabe edo norberaren ekoizpenaren lehen eraldaketa zuzenean saltzeari lotuak, ustiategiko elementuen barrenean, baldin eta azken produktua Europar Batasunaren Funtzionamenduari buruzko Tratatuaren I. eranskinean (38. artikuluari lotua) agertzen bada.
Inbertsioek laguntza jaso ahal izateko, honako hau ere bete behar dute:
–Zuzeneko salmentarako inbertsioetan, ustiategiek inskribaturik egon behar dute nekazaritzako elikagaiak zuzenean saltzen dituzten operadoreen Nafarroako erroldan ordainketa egin baino lehen, arau honekin bat: Nafarroan nekazaritzako eta abeltzaintzako ustiategiei lotutako produktuen salmenta zuzena arautzen duen apirilaren 20ko 8/2010 Foru Legea garatzen duen azaroaren 12ko 107/2014 Foru Dekretua.
–Bi kasuetan, izan produktuak eraldatzeko inbertsioak edo izan zuzeneko salmentarakoak, aurreikusitako inbertsioaren eraldatze edo merkaturatze gaitasunak koherentea behar du izan nekazaritzako ustiategiaren ekoizpen gaitasunarekin, eta eraldatze gaitasuna ezin da izan ustiategiaren ekoizpen gaitasuna halako 1,5 baino gehiago.
–Apartatu honetan ez dira hautagarritzat joko eztia ontziratu arte tratatzeko inbertsioak, ontziratzea barne. Inbertsio horiek hautagarritzat joko dira oinarri honetako 5. zenbakiko a), b) eta c) letrekin bat.
g) Energia berriztagarria sortzeko inbertsioak, ustiategian bertan kontsumitzeko, gaitasuna izanik ustiategiaren batez besteko urteko kontsumoa adinakoa edo txikiagoa. Nekazaritzako edo abeltzaintzako instalazio berrien kasuan, urteko batez besteko kontsumoa teknikoki justifikatu beharko da. Baldin instalazioak aldez aurretik ere bazeuden, eta sare elektrikora loturik bazeuden, eskaera egin aurreko urte naturaleko kontsumoaren muga izanen du ahalmenak.
h) Aurreko apartatuetan sarturiko gastuei loturiko kostu orokorrak, hala nola arkitektoen eta aholkularien kabineteentzako ordainsariak, jasangarritasun ekonomiko eta ingurumenekoari buruzko aholkularitzari lotuak, barnean direla bideragarritasun azterketak eta ingurumen baimenak lortzekoak, bai eta laguntza eskaera egiteari lotutako ordainsariak ere. Nolanahi ere, diruz lagun daitezkeen inbertsioen zenbateko osoaren %12ko muga ezarri da apartatu honetarako, III. eranskinean ezarritako moduluak aplikatzeari kalterik egin gabe.
i) Lehorreko alorra ureztalur bihurtzeko instalazioak eta ureztalurrak modernizatzea Nafarroako Ubidearen jarduketa eremutik kanpo, baldin eta Nekazaritzako Azpiegiturei buruzko martxoaren 7ko 1/2002 Legearen 51., 52. eta 55. artikuluetan eta 1305/2013 (EB) Erregelamenduaren 46. artikuluan jasotako baldintzak betetzen badituzte.
Horri dagokionez, honako hau justifikatu beharko da eta memoria baloratuan sartu, ureztapen instalazio bakoitzerako, Nafarroako Gobernuaren tramiteen katalogoan eskura jarriko den ereduaren arabera:
i) Ureztaketa Sindikatuaren edo Ureztatzaileen Elkartearen baimena, jarduketek entitate horiei egindako emakida baten bidez lortzen dutenean ura, edo Konfederazio Hidrografikoaren baimena gainontzeko kasuetan.
ii) Inbertsio planean jasotako laguntzaren xede den azalerari dagokion ura neurtzeko moduko kontagailua sartzea inbertsioaren barnean, edo neurketa hori egiten duten gailuak aitzinetik badirela frogatzea.
iii) Modernizatu behar bada aurretik jada baden ureztapen instalazio bat, frogatu behar da hobekuntzak ahalbidetzen duela ura aurreztea, 46. artikuluko 4. puntuko beharkizunekin bat, gutxienez ere %10, oraingo instalazioa kontuan hartuta.
6. Ez dira diruz lagungarriak izanen eta, beraz, ez dira hautatzen ahal honako hauetatik heldu diren kostuak:
a) Ordezpen huts diren inbertsioak, salbu eta erosten diren makinak edo ekipamendua aurrekoak ez bezalakoak badira, erabiltzen duten teknologiagatik edo haien errendimenduagatik edo 10 urtetik gorako antzinatasuna izateagatik.
b) Aurretik dauden ondasun higiezinak zaindu, mantendu eta konpontzeko baizik ez diren inbertsioak, edo eskaeraren aurreko 10 urteko epearen barnean diruz lagundu diren higiezinak, ekipamenduak edo instalazioak eskuratzeari dagozkionak.
c) Zorren interesak, horien birfinantzaketa, aseguruak eta nekazaritzako enpresaren bestelako gastu orokorrak.
d) Ekoizpen eskubideak edo laguntza eskubideak erostea.
e) Animaliak erostea. Hala ere, 1305/2013 Erregelamenduaren 18.1.b) artikuluaren araberako hondamendi naturalek hondaturiko nekazaritza ahalmena berriz eratu behar delarik, diruz lagungarriak izan daitezke animaliak erosteko kostuak, aurretik justifikatzen badira.
f) Ustiategiko bertako laneskuaren gastuak eta zuzeneko beste ekarpen batzuk, salgaietan.
g) Onuradunen inbertsio edo partaidetza finantzarioak, haiek ureztatzaile elkarte bateko kideak izan eta harexek sustatzen dituen interes orokorreko obretan egindakoak.
h) Ezkontideen edo lehen mailako ahaideen artean ondasunak eta zerbitzuak eskualdatzea, eskualdatzeko prozedura edo era edozein delarik ere, baita pertsona fisiko eta juridikoen arteko eskualdaketak ere, baldin horiek bazkide gisa parte hartzen badute, salbu eta 14/2006 Foru Legearen 65.1 a) artikuluaren arabera katalogaturiko kooperatibek luzatzen dituzten fakturak eta likidazio ziurtagiriak.
i) Balio erantsiaren gaineko zerga (BEZa), beste zerga batzuk eta proiektuen industria mozkina.
j) Helburu nagusitzat biomasatik energia elektrikoa sortzea duten instalazioak, salbu frogatzen bada gutxienez erabiltzen den energiaren %50 termikoa dela eta lehengai gisa jangaiak ez diren produktuak (Europar Batasuna eratzeko Tratatuaren I. eranskinean agertzen direnak) erabiltzen badira.
k) Ardogintza sektorean merkaturatzeari edo lehen eraldaketari dagozkienak.
l) Inbertsio horiek non inbertsioa egiteko premia ez dagoen behar bezala justifikatuta, ikuspuntu tekniko, ekonomiko eta finantzariotik begiratuta, eta ustiategiarekiko koherentziaren azterketan, inbertsio planean biltzen baita. Ildo horretatik, ez justifikatutako inbertsiotzat hartzen ahalko da neurri eta/edo gaitasuna gehiegizkoa bada (ustiategiaren neurria kontuan hartuta), ustiategiaren xede-ekoizpenarekin bat ez badator, etab.
7. Hautatzeko baldintza hauek erabiliko dira neurri honetan:
a) Nekazaritzako ustiategien titularrek Europar Batasuneko zuzenbideak inposatutako baldintza berriak betetzeko dituzten laguntzak gehienez ere 12 hilabeteko epearen barnean baizik ez dira emanen, nekazaritzako ustiategirako nahitaezkoak bilakatzen diren egunetik hasita.
b) Nekazaritzako ustiategi batean titular gisa lehen aldiz hasten diren gazteek Batasunak nekazaritzako ekoizpenari nahiz laneko segurtasunari jartzen dizkion arauak bete beharrez egiten dituzten inbertsioetarako laguntzak, gehienez ere 24 hilabeteko epean onetsi beharko dira horiek ezartzen diren egunetik hasita.
8. oinarria.–Inbertsio kolektiboak.
1. Inbertsio kolektibotzat joko dira nekazaritzako zenbait ustiategiren titularrek batera egiten dituztenak, ustiategiei egiturazko hobekuntzak ekartzen badizkiete eta horiei modu koordinatuan heltzen bazaie, azken inbertsioaren titulartasuna modu kolektiboan partekatuz.
Hauek baizik ez dira joko inbertsio kolektibotzat:
–Argindarra, transformadoreak eta horien inguruko ekipamendua ekartzea.
–Ura hartzeko putzuak, eroanbide hidraulikoak, drainatzeak eta ureztatzeko putzuak, Nekazaritza Azpiegiturei buruzko martxoaren 7ko 1/2002 Foru Legeak edo legeria aplikagarriko beste batek ukitzen ez dituenak.
–Bideak eta sarbideak.
–Eustormak eta babeserako beste egitura batzuk.
2. Honi dagokionez, ez dira inbertsio kolektibotzat hartuko eraikuntzetan, ekipamenduan edo makinerian egiten diren inbertsioak (azienda nabeak, biltegiak, jetzitegiak, pibotak eta ureztatzeko gisako ekipamenduak, traktoreak, uzta biltzeko makinak etab.), ekoizpen bideak partekatzea badakarte, halakoetan ezinezkoa baita haien erabileraren ondoriozko erantzukizunen identifikazioa eta, orobat, mugatua baita enpresa arloko erabakiak aske hartzea.
3. Partekatzen ahal diren inbertsio kolektiboak, azpiegiturez edo egiturazko osagaiez hornitzekoak, nekazaritzako ustiategi batzuk ukitzen ahal badituzte, ustiategi haien inbertsio planetan sartzen ahalko dira, banan-banan sartu ere bakoitzari dagokion zatian, inbertsioari buruz hartutako konpromisoen arabera. Hori dena hala da, eta ez da beharrezkoa inplikatutako ustiategien artean bat egiteko helburuaren konpromisorik izatea.
4. Partekatutako inbertsio kolektibo batean inplikatutako ustiategi baten inbertsio plana izan daiteke hobekuntza horri bakarrik dagokiona, edo izan ditzake ustiategiaren beraren beste inbertsio esklusibo batzuk ere.
5. Inbertsio kolektiboaren zatian, onuradun bakoitzak bereizirik aurkeztu beharko du bere espedientea, eta horietan guztietan agertu beharko dira inbertsio kolektibo horretako titular guztien identifikazioa, onuradunak izan edo ez, bakoitzaren partaidetza ekonomikoa eta inbertsio osoaren oinarrizko datu teknikoak.
9. oinarria.–Laguntza motak eta zenbatekoa.
1. Nekazaritza ustiategietan inbertsioak egiteko laguntzak izanen dira kapitaleko zuzeneko dirulaguntzak.
2. Honako muga hauek erabiliko dira laguntzen zenbatekoa kalkulatzeko:
a) Laguntza jaso dezakeen gehieneko inbertsio tamaina, onuraduneko eta deialdiko: 100.000 euro ustiategiaren urteko lan unitateko (ULU), inbertsio plana gauzatu ondoren kalkulaturik, gehienez ere 800.000 euro.
b) Laguntza jaso dezakeen gutxieneko inbertsio tamaina, espediente bakoitzeko: 7.500 euro.
c) Gehieneko laguntza, onuraduneko eta deialdiko: 300.000 euro.
d) Onuradun bakoitzeko gehieneko laguntza, 2014-2020 programazio aldian: 800.000 euro.
Zenbateko horiek kalkulatuko dira bai laguntza eskatzeko unean, aurkeztutako inbertsio planaren arabera, bai azkeneko ordainketa egiteko eskaera egiten denean, inbertsio plan gauzatuaren arabera, betiere kostuak apaltzeko irizpideak aplikatu ondoren.
Aurreko a) eta c) ataletan ezarritako mugak (laguntzarako eta inbertsio diruz lagungarrirako) dira gehieneko mugak, onuradun batek deialdiaren ekitaldian eskatutako laguntzen batuketarako, bat etorriz Nafarroako Landa Garapenerako 2014-2020 Programaren M04.01 neurriarekin.
Orobat, aurreko d) apartatuan ezarritako muga (onuradunarentzat) da gehieneko muga, onuradun batek eskatutako laguntzen batuketarako, bat etorriz Nafarroako Landa Garapenerako 2014-2020 Programaren M04.01 neurriarekin.
Aurreko a), c) eta d) letretan aipatutako mugetako bat gainditzen bada, neurri horrekin bat datozen beste deialdi batzuetan eskaerak aurkezteagatik, laguntzak murriztuko dira oinarri arautzaile hauei dagokien espedientean.
3. Inbertsio diruz lagungarriaren zenbatekoaren gainean, portzentaje hauetako laguntza emanen da gehienez ere:
a) %30, orokorrean.
b) %40, nekazari gazteen kasuan.
c) Gazteak dituzten ustiategi elkartuetan, oro har ezarritako muga handitzen ahalko da 10 punturaino, 40 gehienez ere, nekazari gazteek kapital sozialean duten proportzioaren arabera.
d) Aurreko a), b) eta c) letretan aurreikusitako laguntza zenbatekoen mugak ez dira aplikatuko, eta espedienteari gehieneko laguntza bat aplikatuko zaio (inbertsioaren zenbateko diruz lagungarriaren %20koa), bi baldintza hauek betetzen direnean: laguntza eskaeraren xede diren inbertsioetako bat II. eranskineko multzoetan jasota daudenei dagokienean, hau da, “Abeltzaintzako eraikinak”, “Beste eraikin batzuk”, “Abeltzaintzako ekipamendua/nabearen m² kopurua”, “Esne edo haragitarako behi-aziendarako ekipamendua”, “Esne edo haragitarako ardi-aziendarako ekipamendua”, edo “Hornidurak” izenekoetan, eta inbertsioa bideratuta dagoenean atal hauetako batean jasotako ekoizpen sistemetara:
–Zerri ekoizpen intentsibora bideratutako inbertsioak. Ez dira halakotzat hartuko uztailaren 17ko 1221/2009 Errege Dekretuan, zerri ekoizpen intentsiboko ustiategiak antolatzeko oinarrizko arauak ezartzen dituenean, jasota dauden betebeharrak betetzen dituzten zerri ustiategiak.
–Haragitarako, arrautzetarako eta ehizarako hegaztien hazkuntzara bideratutako inbertsioak, ekoizpen ekologikoa denean salbu.
–Aziendara bideratutako inbertsioak, esnetarako ardiak edo ahuntzak izan edo gizentzeko behiak edo zaldiak; edukiera txikiko ustiategietarako mugak gainditzen badituzte, hain zuzen ere, martxoaren 20ko 31/2019 Foru Dekretuaren 2. eranskinean zehaztutakoak. Foru dekretu horren bidez ezarri ziren abeltzaintzako ustiategiek eta horien instalazioek Nafarroako Foru Komunitatean bete behar dituzten baldintza higieniko-sanitarioak, animalien ongizatekoak eta antolamendu zooteknikokoak. Ondorio horietarako, gizendegi berrien kasuan, 5 m²-ko gehieneko ratioa aplikatuko da animalia bakoitzeko.
–Esnetarako behi aziendara bideratutako inbertsioak, edukiera ertaineko ustiategietarako zehaztutako mugak, aurreko puntuan aipatutako eranskinean ezarritakoak, gainditzen dituztenak, baldin eta mendialdean edo goi mendialdean badaude.
–Esnetarako behi aziendara bideratutako inbertsioak, edukiera txikiko ustiategietarako zehaztutako mugak, aurreko puntuan aipatutako eranskinean ezarritakoak, gainditzen dituztenak, baldin eta mendialdean edo goi mendialdean ez badaude.
–Untxien hazkuntzan egindako inbertsioak, ekologikoa denean izan ezik.
4. Espediente bakoitzari dagokion laguntzaren portzentajeak, aurreko puntuan adierazitako mugekin, honako baremo honen arabera kalkulatuko dira:
a) Gutxieneko portzentaje orokorra: %15. Portzentaje hori handitzen ahalko da baldin gertatzen badira ondoko apartatuetako inguruabarrak.
b) Nekazari gazteek egindako inbertsioak: %25.
Oinarri arautzaile hauen ondorioetarako, horrelako laguntza pertsona hauei aplikatuko zaie:
–“Nekazari gazteak” beren gain hasteko laguntza ustiategietako inbertsioetarako laguntzen deialdi honen ekitaldian, edo aurreko bietan, lortu dutenei.
–“Nekazari gazteak” beren gain hasteko laguntza lortuta, bi baldintza hauek betetzen dituztenei: laguntza eskaera aurkezten duten egunean 41 urte beterik ez izatea eta beren gain hasteko prozesua bukatu zenetik hiru urteko epe barnean egotea. Ondorio horietarako, ulertuko da prozesu hori bukatu dela beren gain hasteko laguntzaren azken tarteko ordainketa onesten den egunean.
–“Nekazari gazteak” beren gain hasteko laguntza lortu gabe, laguntza eskaera aurkezten den egunean 41 urte beteta ez dituztenei, OON (ogibide nagusia nekazaritza) bezala katalogatuta egonik, eta hiru urte baino gutxiago iraganik nekazaritzaren arloko gizarte segurantzan afiliatu zirenetik.
Onuraduna pertsona juridikoa bada, eta, deskribatutako baldintzen arabera, bazkide guztiak gazteak badira, aurreko portzentajea aplikatuko da osorik.
Onuraduna pertsona juridikoa baldin bada, eta hartan aipatutako baldintzak betetzen dituzten gazteek parte hartzen badute bazkide gisa, arestiko portzentajea aplikatuko da, gazteak kapital sozialean duen partaidetzaren proportzioan.
c) Lehentasunezko gisa sailkatutako nekazaritzako ustiategi baten titularrek egindako inbertsioak, edo Nafarroako kooperatibei buruzko abenduaren 11ko 14/2006 Foru Legearen 65.1.a) artikuluan agertzen diren nekazaritzako kooperatibak badira: %10.
d) Inbertsioak goi mendialdean, mendialdean edo, goi mendialdeak edo mendialdeak izan gabe, naturaz bereziki mugaturiko eskualdeetan dauden lehentasunezko nekazaritzako ustiategietan gauzatzen badira: %5.
10. oinarria.–Dirulaguntzak emateko prozedura eta balorazio irizpideak.
1. Norgehiagokako prozedurari jarraikiz emanen dira laguntza hauek. Beraz, aurkezten diren eskaerak alderatuko dira haien hurrenkera ezartzeko.
2. Eskaeren hurrenkera prestatzeko, honako balorazio irizpide hauek aplikatuz lortzen diren puntuen batuketa eginen da (gehienez ere 200 puntu lortzen ahalko dira):
a) Nekazari gazteen parte-hartzea: 50 puntura arte, irizpide hauei jarraikiz:
–Onuraduna pertsona fisikoa bada, nekazari gaztea, edo soilik nekazari gazteak dituen elkarte bat, aurreko 9. oinarriaren 4.b) puntuan jasotako errekerimenduekin bat: 50 puntu.
–Onuraduna pertsona juridikoa baldin bada, lehentasunezko ustiategi baten titularra, eta hartan 9. oinarriaren 4.b) puntuan aipatu baldintzak betetzen dituzten gazteek parte hartzen badute, nekazari gazteek kapital sozialean duten portzentajea 50i aplikatzetik aterako diren puntuak aplikatuko dira.
b) Lehentasunezko ustiategiak eta titularraren baldintzak: 35 puntura arte, irizpide hauei jarraikiz:
–Baldin onuraduna bada lehentasunezko nekazaritzako ustiategi baten titularra, edo nekazari gaztea bada, bere gain hasteko prozesuan, bere gain hasteko laguntza onartua duena ekitaldi honen deialdian edo aurreko bi deialdietan, edo soilik nekazari gazteak dituen elkarte bat, aurreko baldintzekin bat: 35 puntu.
–Baldin onuraduna bada “Ogibide nagusia nekazaritza duen” pertsona fisiko bat, ustiategia ez izanik nekazaritzako lehentasunezkoa, edo 14/2006 Foru Legearen 65.1 a) edo c) artikuluko nekazaritzako kooperatiba bat, lehentasunezko ustiategi izaera izan gabe: 25 puntu.
–Baldin onuraduna bada nekazari profesional gisa sailkatutako pertsona fisiko bat: 15 puntu.
Balorazio irizpide horren ondorioetarako, aintzat hartuko dira, laguntza eskaera egiten den egunean, 9. oinarriko 4. puntuaren c) letra eta ustiategien eta horien titularren kalifikazioak, bat etorriz Landa Garapeneko, Ingurumeneko eta Toki Administrazioko kontseilariaren martxoaren 20ko 111/2015 Foru Aginduarekin (haren bidez Nekazaritzako Ekoizpenaren Erregistro Orokorraren eta Nafarroako Nekazaritzako Ustiategien Erregistroaren arteko koordinazioa arautu zen eta Nafarroako Nekazaritzako Ustiategien Erregistroan inskribatutako nekazaritzako ustiategien kalifikaziorako irizpideak ezarri ziren); eta Landa Garapeneko, Ingurumeneko eta Toki Administrazioko kontseilariaren martxoaren 14ko 55/2019 Foru Aginduarekin bat (haren bidez kudeaketa irizpideak onetsi ziren Nafarroako Nekazaritzako Ustiategien Erregistroan).
c) Kokapen geografikoa: 20 puntu bitarte, irizpide hauei jarraikiz:
–Inbertsioak goi mendialdean dauden ustiategietan gauzatzen direnean: 20 puntu.
–Inbertsioak mendialdean dauden ustiategietan gauzatzen direnean: 16 puntu.
–Inbertsioak muga natural garrantzitsuak dituzten tokietan dauden ustiategietan gauzatzen direnean: 12 puntu.
d) Enplegua sortzea eta berrikuntza sustatzea: 35 puntura arte, irizpide hauei jarraikiz:
–Baldin diruz laguntzen ahal diren inbertsioetako zenbatekoaren %20 baino gehiago –kostuak apaltzeko irizpideak aplikatu ondoren– badagokie IV. eranskinean biltzen diren ekipamendu edo inbertsio berritzaileei: 15 puntu.
–Inbertsio planak aukera ematen badu ustiategiaren nekazaritzako lan-unitateak %100 edo gehiago handitzeko: 20 puntu.
–Baldin inbertsio planaren ondorioz ahalbidetzen bada nekazaritzako lan unitate horiek %50 edo gehiago handitzea, %100era iritsi gabe: 10 puntu.
–Inbertsio planak aukera ematen badu nekazaritzako lan-unitate horiek %25 edo gehiago handitzeko, %50era iritsi gabe: 5 puntu.
Apartatu honen ondorioetarako, ez dira kontuan hartuko eraldatu eta merkaturatzeko jarduerek sortutako nekazaritzako lan-unitateak.
Halaber, baldin laguntzen onuradunak beren gain hasten ari diren nekazariak badira, laguntza onartua dutenak, edo aurreko egoeran dauden nekazariak dituzten elkarteak, kalkulu horretarako abiapuntua hau izanen da: nekazaritzako lan-unitate bat sartutako pertsona bakoitzeko.
e) Generoa: laguntza espedientearen onuradunak baldin badira emakumeak edo, pertsona juridikoak izanik, haien gobernu organoen %30 gutxienez emakumeen esku badaude, edo sozietate zibilak non emakumeen esku dauden gobernu organoen %30 gutxienez eta kapitalaren %30 gutxienez: 10 puntu.
f) Balio katean merkataritzako marjina hobetzea: baldin eskatzaileek aurkeztutako inbertsio planean badaude eraldatu eta merkaturatzeko inbertsio gisa laguntza jaso dezaketen jarduketak, 7.5.f) oinarriaren arabera, eta gutxienez ere diruz lagungarria den inbertsioaren 7.500 euro badagozkie: 10 puntu.
g) Inbertsio kolektiboak: eskatzaileek inbertsio plan bat aurkezten badute eta haren barnean jasotzen bada 8. oinarriaren arabera “inbertsio kolektibo” gisa katalogaturiko proiektu bat, diruz lagungarritzat jotzen dena: 5 puntu.
h) Ingurumena gehiago errespetatzen duten ekoizpen metodoak: 15 puntura arte, baldintza hauen arabera:
–Ekoizpen ekologikoaren neurriaren barnean emandako laguntzarik baldin badute, 1305/2013 Erregelamenduaren 29. artikuluarekin bat, edo gutxienez ere ustiategiaren nekazaritzako 0,5 lan unitate badagozkio abeltzaintzako edo nekazaritzako ekoizpen ekologikoari: 15 puntu.
–Aurreko gidoiaren ondorioetarako, ekoizpen-unitatetzat hartuko dira Kontseiluaren 2007ko ekainaren 28ko 834/2007 Erregelamenduaren arabera konbertsio fasea amaitu dutenak (konbertsio fasea erregelamendu horren 17. artikuluaren arabera dago definituta).
–Nekazaritzako eta ingurumeneko neurriaren barnean emandako laguntzarik baldin badute, 1305/2013 Erregelamenduaren 28. artikuluarekin bat, edo gutxienez ere ustiategiaren nekazaritzako 0,5 lan unitate badagozkio behi, ardi, ahuntz edo zaldi arraza autoktonoen abeltzaintzari edo erlezaintzari: 10 puntu.
–Aurreko gidoiaren ondorioetarako, arraza autoktonotzat hartuko dira hala jasota daudenak abuztuaren 29ko 309/2014 Foru Aginduan, hark aldatu baitzuen Nekazaritza, Abeltzaintza eta Elikadurako kontseilariaren 2003ko maiatzaren 26ko Foru Agindua, zeinak onesten baitzuen Nafarroako abere arrazen katalogo ofiziala. Ondorio horietarako ere hartuko da kontuan ustiategiko abereen arraza Abeltzaintzako Ustiategien Erregistroarekin bat.
i) Prestakuntza eta aholkularitza: onuradunak aholkularitza neurrian parte hartzen badu Nafarroako Foru Komunitatean homologatutako edo aitortutako prestakuntza eta aholkularitza entitateen bitartez, 1305/2013 Erregelamenduaren 14. eta 15. artikuluekin bat, edo frogatzen badu 1305/2013 (EB) Erregelamenduaren 15. artikuluaren arabera onartutako prestakuntza entitateek nekazaritzako enpresa kudeatzeari buruz ematen dituzten ikastaroetara joan izana: 5 puntu.
j) Kalitate araubideak: onuradunak bere ustiategian Nafarroan ezarritako kalitate-araubideek babestutako produktuak ekoizten eta/edo lantzen baditu, barne merkatuko informazio eta sustapen neurrietan jasoak, 1305/2013 (EB) Erregelamenduaren 16. artikuluarekin bat, eta kalitate araubide horietan ekoizpen unitateak gutxienez nekazaritzako 0,5 lan unitate badira: 5 puntu.
k) Elkartea eta ekonomia sozialekoa izatea: 10 puntura arte, irizpide hauei jarraikiz:
–Onuraduna lehentasunezko elkarte bat baldin bada, Nekazaritzako elikagaien arloko kooperatibak eta beste elkarte batzuk sustatzeko abuztuaren 2ko 13/2013 Legearen arabera, edo nekazaritzako kooperatiba bat, Nafarroako kooperatibei buruzko 14/2006 Foru Legearen 65. 1.a) eta c) artikuluaren arabera, edo elkarte-ustiategi bat, lehentasunezko nekazaritzako ustiategi gisa sailkatua: 10 puntu.
–Baldin bestelako nekazaritzako ustiategi elkartu bat baldin bada, aurreko gidoian aipatutakoak ez bezalakoa, edo Nafarroako kooperatibei buruzko 14/2006 Foru Legearen 65. 1.a) artikuluan jasotako nekazaritzako kooperatiba bateko bazkide diren pertsona fisikoak baldin badira: 2,5 puntu.
–Pertsona fisikoak edo juridikoak bazkideak direnean Nafarroako Kooperatibei buruzko 14/2006 Foru Legearen 65.1.b) artikuluan jasotako nekazaritza-kooperatiba batean: 2,5 puntu.
3. Onuradunak bere eskaeran adierazi beharko du, berariaz, zer balorazio irizpideren arabera eskatzen duen aplika dakiola aurreko baremoa. Eskaera hau erantzukizunpeko adierazpentzat hartuko da laguntza eskaera aurkeztean biltzen diren irizpideei dagokienez, edo, egoki denean, eskaerak aurkezteko epea bukatzeko egunari dagokionez, eta bete beharreko konpromisotzat inbertsio planean aurreikusitako ekintzei dagokienez, eta plan horrekin bat etorri beharko du.
4. Onuradunak eskatutako balorazio irizpideek ekarritako puntuak bakarrik emanen dira. Baldin betetzeko zenbait kasu onartzen dituen irizpide bat ezarri bada, aintzat hartuko da puntu gehien ematen dituen egoera, eskura dagoen informazioarekin egiaztatutakoa, eskatutako puntuazioa inola ere gainditu gabe.
11. oinarria.–Norgehiagokako prozeduraren aplikazioa.
1. Norgehiagokako araubideko tramitazioan, lehentasunak ezarriko dira eskaeren artean aurreko oinarrian ezarritako balorazio irizpideak aplikatuz, eta aipatu irizpideen arabera balorazio handiena lortzen duten eskaerei emanen zaie dirulaguntza, deialdian erabilgarri dagoen kredituak ezarritako muga gainditu gabe.
2. Espedienteen puntuazioan berdinketarik gertatzen bada, lehentasuna izanen du, lehenbizi, aurreko oinarriaren a) apartatuan puntuazio handiena lortzen duen espedienteak, eta gero, hurrenez hurren, b), c), d) edo eta abarretan lortzen den puntuazioa hartuko da aintzat, aurrekontua agortu arte. Berdinketak bere horretan segitzen badu, lehentasunezko elkarte bateko bazkide diren pertsona fisikoak edo juridikoak lehenetsiko dira, edo lehentasunezko elkarte bateko kide den entitate bateko bazkide direnak, eta, hala ere berdinketa hausten ez bada, gazteenak lehenetsiko dira, edo eratze data aintzat harturik berrienak direnak.
3. Aurrekontuan diru erabilgarririk izanik ere, laguntzarako eskubidea izateko nahitaezkoa izanen da gutxienez ere 60 puntu lortzea balorazio irizpideetan.
4. Deialdirako dagoen aurrekontu-kreditua nahikoa ez bada laguntzarako eskubidea duten eskaera guztiei dirulaguntza emateko, ezetsi eginen dira dagokion ekitaldiko aurrekontuan zuzkidura nahikoa ez izateagatik onartu ezin diren guztiak.
12. oinarria.–Onuradunen konpromisoak eta betebeharrak.
1. Laguntza hauen onuradunek honako betebehar eta konpromiso hauek izanen dituzte:
a) Inbertsio plana gauzatzea laguntzen deialdian adierazten den epean, galarazi gabe justifikatutako arrazoiengatik eman daitezkeen luzapenak. Luzapen horiek ez dira inoiz ere kasuko ekitaldiko irailaren 15etik harago joanen.
Plana oso-osorik gauzatutzat emateko, 10.2 oinarrian aipatutako jarduketak bukatu beharko dira, baldin eta jarduketa horiei esker puntuak lortu baldin badira hautapen irizpideak aplikatuz.
b) Inbertsio plana amaitu arte, 4. eta 5. oinarrietan jasotako onargarritasun-irizpideei eustea. Bereziki, nekazari aktiboaren irizpidea, 4.1.c) oinarrian ezarria, eta ustiategiaren neurriarena, 5.b) oinarriarekin bat. Bere gain hasteko prozesua bukatu ez duten nekazari gazteen kasuan, berriz, prozesu hori bukatzen denean eskatuko zaie konpromiso hauek betetzea.
c) Jarduketak egitea, eta behar denean, mantentzea, eta betetzea uztailaren 2ko 150/2002 Legegintzako Foru Dekretuan aurreikusitako beharkizunak (haren bidez onesten da Nafarroako Nekazaritzako Ustiategien Erregistroari buruzko Foru Legearen testu bategina), lehentasunezko ustiategiei dagokienez, baita ogibide nagusia nekazaritza izateari dagokionez ere, eta, orobat, betetzea uztailaren 4ko 19/1995 Legean aurreikusitako beharkizunak (lege horrek hizpide ditu nekazaritzako ustiategien modernizazioa), nekazari profesionala izateari dagokionez, behar denean, baldin horiek balio izan badute zehazteko laguntzaren intentsitatea, 9. oinarriarekin bat, eta espedienteen lehentasuna, 10. oinarriarekin bat, inbertsioen plana bukatzeko eguna arte, betiere ordaindu aurretik, salbuespena izanik aurreko letran aurreikusitakoa, ezartzeko prozesuan diren nekazari gazteentzat.
d) Etorkizunean bete beharreko konpromisoei eustea bost urtez, 22. oinarriaren arabera, azkeneko ordainketa onesten duen ebazpena ematen denetik aurrera, edo hiru urtez, baldin onuraduna bada enpresa txiki edo ertaina.
e) Landa Garapeneko eta Ingurumeneko Departamentuan honako hauek frogatzea:
–Jasotako funtsak aplikatuta egindako gastuak eta ordainketak, eta
–Hartu diren funtsak laguntza emateko arrazoi izan ziren helburuetarako erabili direla, ezarrita dauden epe eta moduan.
f) Behar diren kontrolak onartzea, egiaztatzeko laguntza ongi eman dela, inbertsioa ongi gauzatu dela eta konpromisoei eutsi zaiela.
g) Behar diren argibideak ematea ustiategiaren alderdi tekniko-ekonomikoez, lan arlokoez eta sozialez, baita neurri honen esparruan hartutako laguntzez ere, haien jarraipena eta ebaluazioa bideratzeko adierazleak prestatzeko.
h) Dirulaguntza jaso duten jarduketak finantzatzeko beste dirulaguntza publiko eta laguntza batzuk eskatu edo lortu badira, horren berri ematea Landa Garapeneko eta Ingurumeneko Departamentuari. Jakin bezain laster emanen da horren berri, eta, betiere, azkeneko ordainketan jasotako dirua zertan erabili den frogatu baino lehen.
i) Egiaztapen eta kontrolak egiteko ahalmenak behar bezala erabil daitezen bermatzeko asmoz, kontabilitate liburuak, erregistro eginbidetuak eta gainerako agiriak behar bezala ikuskatuak edukitzea, pertsona onuradunari aplikatu behar zaizkion merkataritzako eta sektoreko legeetan agindutako moduan.
j) Jasotako diruaren erabilerari buruzko frogagiriak gordetzea, agiri elektronikoak barne, egiaztatze eta kontrol lanen xede izaten ahal diren bitartean.
k) Guztira 50.000 eurotik gorako laguntza publikoz hornitutako inbertsioak dakartzaten ekintzetarako, onuradunak paratu beharko du azalpen plaka bat, ereduaren araberakoa. Eredua eskura daiteke laguntzetarako izapideen katalogoan.
Plaka horretan agertuko da proiektuaren edo eragiketaren azalpena, eta plakaren %25 hartuko du, gutxienez. Gainera, Europako ikurra agertuko da, Europar Batasunaren arau grafikoekin bat, eta, harekin batera, irakurgarri hau: “Landa Garapenerako Europako Nekazaritza Funtsa: Europak landa eremuetan inbertitzen du”.
l) Jasotako funtsak itzultzea, oinarri arautzaile hauetan ezarritako kasuetan.
m) Bidezko denean, inbertsioko ondasunak inskribatuko dira Nafarroako Foru Komunitateko behar diren erregistro ofizialetan, inbertsio plana amaitu baino lehen.
n) Eskatzailearen ardura da ingurumenerako kaltegarriak izan daitezkeen inbertsioetarako 7. oinarriko 2. zenbakian aurreikusten den baimena eskuratzea. Laguntza emateak ez dakar berekin inola ere inbertsioek baimen hori izatea.
ñ) Enpresa deslokalizaziorik ez egitea, Enpresen sustraitzearen aldeko eta enpresen deslokalizazioaren aurkako neurriei buruzko abenduaren 16ko 18/2020 Foru Legearen 4. artikuluan ezarritakoari jarraikiz. Eginbehar hau ez betetzeak aipatutako foru legean jasotzen diren itzultzeak ekarriko ditu.
o) Dirulaguntza ematen dela jakinarazi eta hilabeteko epean, dirulaguntzen onuradunen gardentasun betebeharrari buruzko adierazpena aurkeztu beharko dute telematika bidez, ebazpen honetako ebazpen zatiaren 3. puntuan eskuragarri dagoen eredua erabiliz.
Aitorpen hori kasu guztietan aurkeztuko da, bai onuradunak gardentasun betebeharra baldin badu (irailaren 11ko 59/2013 Foru Dekretuaren 3. artikuluko baldintzak betetzeagatik), bai halako betebeharrik ez badu (kasu horretan, egoera hori azalduko da adierazpenean).
2. “Inbertsioak nekazaritzako ustiategietan” neurrian laguntzen eskaera aurkezteak berekin dakar oinarri arautzaile hauetan ezarritako konpromisoak onartzea.
3. Ulertuko da bete direla “lehentasunezko nekazaritzako ustiategi”, “ogibide nagusia nekazaritza duena”, edo “nekazari profesionala” izateko baldintzak, baldin eta ebazpen batek onesten badu nekazaritzako ustiategien titularrak eta/edo nekazaritzako ustiategietako bazkideak direla ogibide nagusia nekazaritza duena, nekazari profesionala, edo nekazaritzako profesionala, eta nekazaritzako ustiategiak hala sailkatu badira bat etorriz Landa Garapeneko, Ingurumeneko eta Toki Administrazioko kontseilariaren martxoaren 20ko 111/2015 Foru Aginduarekin (foru agindu horren bidez arautzen da koordinazioa batetik Nekazaritzako Ekoizpenaren Erregistro Orokorraren eta bestetik Nafarroako Nekazaritzako Ustiategien Erregistroaren artean, eta irizpideak ezartzen dira Nafarroako Nekazaritzako Ustiategien Erregistroan inskribatutako nekazaritzako ustiategiak kalifikatzeko). Hori dena, betiere, inbertsioak gauzatzeko epea bukatzen den urteari dagokionez. Aurrekoa alde batera utzi gabe, organo kudeatzaileak baliozkotu ahalko du konpromiso horiek betetzen direla, Nafarroako Nekazaritza Ustiategien Erregistroak (REAN) egindako txostenaren bidez, non jasoko baita katalogazio horretarako baldintzak betetzen direla.
13. oinarria.–Laguntza eskaera eta dokumentazioa.
1. Hartarako ezarri den atzemate programaren bidez aurkeztuko dira laguntza eskaerak. Programa hori onuradunen eskura dago Nafarroako Gobernuaren Interneteko atariaren izapideen katalogoan (www.nafarroa.eus).
2. Programa hori erabiltzeko, onuraduna egiaz bera dela egiaztatu behar da, sinadura elektronikoaren bidez. Landa Garapeneko eta Ingurumeneko kontseilariaren urriaren 30eko 59/2019 Foru Aginduaren bidez, oinarriak onetsi ziren Landa Garapeneko eta Ingurumeneko Departamentuaren kontura laguntzen tratamenduan parte hartuko duten entitate laguntzaileak deitzeko eta hautatzeko.
3. Betebeharrak betetzen direla frogatzeko, eskabidearekin batera agiri hauek aurkeztuko dira:
a) Eskatzailearen IFZren edo IFKren fotokopia eta, Europar Batasunetik kanpoko lurralde bateko nazionalitatea duten pertsona fisikoak badira, egoitza-baimen iraunkorrarena.
b) Ingurumen baimenak, sozietateen eraketa eskriturak, aurrekontuak edo proformako fakturak, eta oinarri arautzaile hauen aplikazioak eragindako guztiak, laguntzaren tramiteen katalogoan eskuratzen ahalko den zerrendaren arabera.
4. Onuradunak eskaera bakarra aurkeztu beharko du deialdi bakoitzeko.
14. oinarria.–Kostuen moderazioa.
1. Batzordearen 809/2014 (EB) Exekuzio Erregelamenduaren 48. artikuluak eskatzen du egiazta dadila proposatutako kostuak moderatuak direla, eta hori ebaluatzeko metodologia zehazten du. Ondorio horietarako, inbertsio planean kostuen moderazioaren printzipioa aplikatu dela bermatzeko, instrukzio organoak sistema hauek erabiliko ditu:
a) II. eranskinean agertzen diren moduluak (“Inbertsio moduluak”) aplikatzea laguntzen xede diren inbertsioei, eta, horietarako, kostuaren frogagiria aurkeztu behar da (memoria baloratua, proformako faktura, aurrekontua...). Eranskineko moduluen artean goi mendialdeko makineria aipatzen dutenak 10.2.c oinarriko lehen atalean jasotzen den irizpidea betetzen duten ustiategiei baizik ez zaizkie aplikatuko.
b) II. eranskinean, “Inbertsio moduluak” izenekoan, aipatzen ez diren inbertsio eta gastuetarako, eskatzaileak laguntza eskaerarekin batera aurkeztu beharko dituen hiru aurrekontu edo proformako fakturen artean aukeratuko da.
Egiazko enpresa hornitzaile independenteenak izanen dira eskaintzak, eta alderatzeko behar bezain zehatzak izanen dira. Nolanahi ere, ez da beharrezkoa izanen hiru eskaintzak aurkeztea, baldin justifikatzen badu merkatuan ez daudela behar adina entitate hornitzaile edo emaile, dirulaguntzaren xede diren gastuen ezaugarri bereziengatik. Salbuespen hori behar bezain justifikatua egonen da inbertsio planean.
c) Aurreko kasuetan sartzen ez diren inbertsioak badira, Balorazio Batzorde batek baloratuko ditu. Batzorde hori instrukzio organoaren arduradunak eta profil teknikoa duten hango bi teknikarik osatuko dute, eta aurkeztutako aurrekontuaren aldeko txostena eman beharko dute, edo bestela, ordezko aurrekontua aurkeztu.
Batzorde horren erabakia justifikatua izanen da, orobat, ondasunaren prezioak egiaztatuz onuradunari dagokion jarduketa-merkatu logiko batean.
2. Aurrekontu diruz lagungarria kalkulatzeko, hartuko dira onuradunak aurkezturiko aurrekontua eta ebaluazioaren ondoriozkoa, eta bietan txikiena hartuko da aintzat.
3. Kostuen moderazioari buruzko egiaztatze kontrolak laguntza esleitu aurretik eginen dira, laguntza eskaeran oinarrituta, eta azken ordainketa egin aurretik, onuradunak aurkeztutako ordainketa-eskaeran oinarrituta. Egiaztatze kontrolak eginen dira, orobat, onuradunak aldaketak egitea eskatzen duenean.
4. Kostuen moderazioa zuzen aplikatzeko, onuradunak behar diren agiriak erantsiko dizkio (memoria, aurrekontua, proformako faktura, etab.) inbertsio planari, legez eska daitekeen informazio guztiarekin eta agiria igorri duenaren identifikazio datuei buruzko informazio fidagarriarekin, eta, orobat, entregatu beharreko ondasunaren ezaugarri teknikoak, lan egiteko gaitasunak, tamaina eta abar zehatz-mehatz azalduta.
5. Onuradunak aurkeztutako agiriak nahikotzat jotzen ez badira ondorio horietarako, gastuen moderazioa behar den bermearekin aplikatu ezin zaien kostuak ez dira diruz lagungarritzat joko.
15. oinarria.–Instrukzio organoa.
Neurri honetan aurreikusitako laguntzak emateko prozeduren instrukzioa dagokio Nekazaritzako Ustiategiak eta Nekazarien Elkarteak Sustatzeko Atalari; atal hori atxikia dago Landa Garapeneko Zuzendaritza Nagusiko Nekazaritzako Ustiategien eta Elikagaien Sustapenerako Zerbitzuari.
16. oinarria.–Dirulaguntza esleitzeko prozeduraren instrukzioa.
1. Instrukzio organoak eskaerak jasotakoan, eskatzen den dokumentazio guztia duten egiaztatuko da. Behar izanez gero, 15 egun naturaleko epean zuzen ditzala eskatuko zaio interesdunari, eta adieraziko zaio ezen hori egin ezean eskaerari uko egiten diola ondorioztatuko dela eta espedientea artxibatzeko ebazpena emanen dela, edo agiriak bere horretan daudela instruituko dela espedientea.
2. Behin eskaera osorik dagoela, eskatzen diren baldintzak betetzen dituela egiaztatuko da, eta horretarako behar diren kontrolak eginen dira.
3. Kontrol horiek egiteko, instrukzio organoak oinarritzat hartuko ditu Foru Komunitateko Administrazioan edota beste administrazio batzuetan dauden erregistro ofizialak edo eskura dauden bestelako informazio iturriak, betiere laguntza ordaintzeko eskaera aurkezten den unean dagoen informazioaren arabera.
Nekazaritzako Ustiategien Erregistroan kontsultatzen ahal diren parametroak zehazteko, onetsitako azken katalogazioaren araberako datuak erabiliko dira.
4. Instrukzioaren prozeduran zehar, unitate erantzuleak eska dezake aurkeztutako informazioa eta dokumentazioa argitzea. Behar izanez gero, gehienez 15 egun naturaleko epean zuzendu ditzala eskatuko zaio interesdunari, eta adieraziko zaio ezen hala egiten ez badu agiriak bere horretan daudela instruituko dela espedientea.
5. Laguntzaren zenbatekoa zehazteko, inbertsio diruz lagungarrien aurrekontua eta aplikatzekoak diren mugak, baremoak eta moduluak hartuko dira kontuan, oinarri arautzaile hauen arabera.
6. Ondoren, eskaerak ofizioz ebaluatuko dira norgehiagokako prozeduraren arabera eta oinarri arautzaile hauetan ezarritako balorazio irizpide, modu eta lehentasunetan oinarriturik.
7. Ebaluazioa ikusirik, ebazpen proposamena eginen da, eta esleipen espedientean jaso beharko da onuradunek laguntza eskuratzeko behar diren baldintza guztiak betetzen dituztela.
17. oinarria.–Ebazpena.
1. Ebazpen proposamena ikusirik, Landa Garapeneko Zuzendaritza Nagusiak dirulaguntzak esleitzeari buruzko ebazpena emanen du. Ahal bada, ekitaldi bakoitzean gazteak beren gain hasteko laguntzen deialdia egin ondoren emanen da ebazpena, laguntzaren intentsitatea zehazteko eta eskaerak baloratzeko irizpideak (9. eta 10. oinarrietan ezarriak) behar bezala aplikatu ahal izateko.
2. Ebazpena arrazoitua izanen da, eta hartutako ebazpenaren oinarriak frogaturik egonen dira beti.
3. Ebazpenean azalduko da dirulaguntza jasoko duten eskatzaileen zerrenda, eta eskaerarik ezetsiz gero, horiek ere espresuki agertuko dira, eta, horien artean, zein diren aurrekontuko baliabideen mugagatik ezetsitakoak.
4. Deialdia ixten den egunetik sei hilabeteko epean emanen da ebazpena, eta honako hauek jasoko ditu: onartutako dirulaguntzaren zenbatekoa justifikatzeko nahikoa den informazioa, baldintzak eta, orobat, onuradunak bete behar dituen konpromisoak.
5. Gainera, laguntza esleitzeko jakinarazpenean onuradunei adieraziko zaie neurri honek izan duela Nafarroako Landa Garapenerako 2014-2020 Programaren babespeko dirulaguntza, besteak beste Landa Garapenerako Europako Nekazaritza Funtsaren (LGENF) finantzazioarekin, honako neurri honetan: “Inbertsioak nekazaritzako ustiategietako aktibo fisikoetan”, “Ustiategien bideragarritasuna hobetzeko”.
6. Eskaera ezetsi egin dela ulertuko da baldin berariazko ebazpenik eman ez bada dirulaguntzaren oinarri arautzaile hauetan prozedura ebazteko ezarritako epea bukatzean, edo deialdiak ezarritako epean.
7. Aurkeztutako eskaeraren berariazko edo ustezko ezespenaren aurka onuradunak gora jotzeko errekurtsoa jartzen ahalko du, Landa Garapeneko eta Ingurumeneko kontseilariari zuzendua, hilabeteko epean, ebazpena jakinarazi eta biharamunetik hasita, ebazpena berariazkoa izanez gero, edo isiltasun administratiboz ezetsi dela ulertzen denetik aurrera, ustezko ezespena izanez gero.
18. oinarria.–Inbertsio plana aldatzea.
1. Bidezko arrazoiengatik onuradunak beharrezkotzat jotzen badu aldaketak egitea hasiera batean onetsitako inbertsio planean, aldatzeko eskaera bat aurkeztu beharko du. Ondasun eta/edo konpromiso berriak hartu aurretik aurkeztuko da eskaera hori, eta, betiere, inbertsioak bukatzeko epea bukatu baino sei hilabete lehenago.
2. Proposatutako aldaketa behar bezainbat arrazoitu eta justifikatu beharko da, eta honako hauek bermatu beharko dira:
–Inbertsio plan berriaren bideragarritasuna.
–Ez dela urratzen eskaeren hurrenkerako emaitza ekarri zuten balorazio irizpideen aplikazioa.
3. Aldaketa horiek nabarmen gisa sailkatuko dira honako kasu hauetan:
a) Baldin ustiategiko ekoizpenaren ildoa aldatzen bada, sektore, labore mota edo abere espeziearen arabera.
b) Baldin ustiategiko ekoizpenerako baliabideak, laborantzarako hektareak edo abelburuak %30 baino gehiago kentzen badira, aurreikusitakoekin alderatuta, inbertsio plana aplikatu ondoan.
c) Baldin obra zibileko, makineriako edo ekipamenduko elementuak laguntzen ahal den inbertsio osoaren %30 baino gehiago gehitu edo kentzen badira, elementu bakoitzean, eta 15.000 euro baino gehiagoko gorabehera bada.
d) Kostuak moderatzeko prozedurarako modulu berriak aplikatzea dakarten aldaketak.
4. Inbertsio planaren aldaketa nabarmen bakarra aurkeztea onartuko da.
5. Instrukzio organoaren balorazioaren menpe egonen da aldaketak onestea. Onespen horrekin ere, hasiera batean onarturiko laguntzak ez dira handituko.
–Aldaketa nabarmenen kasuan, eta/edo emandako laguntza gutxitzen bada, inbertsio-plan berria ebazpen bidez onartu beharko da, hasierako planerako ezarritako irizpide tekniko eta ekonomikoei eta kostuen moderazioari jarraikiz.
–Aurreko paragrafoan aipatu gabeko aldaketak badira, azken ordainketaren unean eginen da behar den doikuntza, bai inbertsioetan bai esleitutako laguntzan.
6. Kudeaketa organoak lagungarritzat jo ditzake epean jakinarazten ez diren aldaketak, baldin betetzen badituzte oinarri honen 2. apartatuan ezarritakoa eta 14. oinarriaren araberako kostuen moderazioa. Bidezkotzat jotzen dituen frogagiriak eskatzen ahalko dizkio onuradunari, galarazi gabe 21. oinarrian ezarritako murrizketak.
Ondorio horietarako, baldin aurreikusitako inbertsioak egiten ez badira, edo osorik egiten ez badira eta horiek aldaketa nabarmentzat jo badaitezke, komunikatu gabeko aldaketatzat hartuko dira.
19. oinarria.–Onuradunaren gardentasun betebeharrak.
Gardentasunari, informazio publikoa eskuratzeari eta gobernu onari buruzko maiatzaren 17ko 5/2018 Foru Legearen 3. artikuluan aipatutako entitateak behartuak daude gardentasun betebeharra betetzera baldin eta, urtebetean, 20.000 eurotik gorako laguntzak edo dirulaguntzak jasotzen badituzte, edo jasotako laguntzak edo dirulaguntzak beren urteko diru-sarrera guztien %20 edo gehiago badira, gutxienez 5.000 eurora iritsiz gero.
Aurreko apartatuan ezarritako mugak gainditzen diren jakiteko, batuko dira Nafarroako Foru Komunitateko Administrazioak edo haren erakunde publikoek urte naturalean emandako dirulaguntza guztien kopuruak.
Urte batean baino gehiagotan ordaintzen diren dirulaguntzen kasuan, aurrekontuko ekitaldi bakoitzean emandako kopurua hartuko da kontuan ondorio horietarako, ez guztizko batura. Erreferentziako urteko negozio-zifra edo aurrekontua honako hauetako txikiena izanen da:
a) Aurreko urteko negozio-zifra edo gauzatutako aurrekontua.
b) Kasua bada, dirulaguntza zer ekitalditan ematen den, ekitaldi horretan entitatearen organo eskudunak onartutako aurrekontua edo negozio-zifra.
Aipatu diren inguruabarrak gertatzeagatik gardentasun betebeharra duten entitate onuradunek, dirulaguntzarik jasotzen badute, informazio hau eman beharko dute:
a) Entitatearen gobernu, administrazio eta zuzendaritza organoen osaera.
b) Organo horiek osatzen dituzten kargudunen zerrenda.
c) Entitateak aurreko urtean kargudun bakoitzari ordaindutako ordainsari gordinak eta gainerako diru konpentsazioak, kontzeptuz kontzeptu. Sortu berriak diren erakundeen kasuan, informazioa haien aurrekontuetan edo plan ekonomiko-finantzarioan dagoena izanen da.
d) Kargudun bakoitzak gobernu, administrazio eta zuzendaritza eginkizunetan duen dedikazio mota.
e) Entitate onuradunaren urteko azken kontuen kopia bat.
Informazio hori entitate onuradunaren legezko ordezkariak sinatuta aurkeztuko da, Nafarroako Gobernuaren Erregistro Orokor Elektronikoan bide telematikoak erabiliz, eta dirulaguntza kudeatzen duen administrazio unitateari bidaliko zaio. Informazioa bidaltzeko epea hilabetekoa izanen da dirulaguntza ematen duen ebazpena jakinarazten edo, hala bada, argitaratzen den egunetik hasita.
Informazio hori urtebetez egonen da aztergai Nafarroako Gobernu Irekiaren Atarian argitaratzen denetik hasita, eta gehienez 15 hilabetez utziko da bertan, informazioa kudeatzen duen organoan sartzen den egunetik hasita. Epe hori iraganik, informazioa argitaratzeko ardura duen unitateak ofizioz kenduko du. Hala egin ezean, entitate onuradunak kentzeko eskatzen ahalko du, eta gehienez ere hilabeteko epean kendu beharko da, eskaera egiten denetik hasita.
Entitateak ez badu gardentasun betebeharra bete beharrik, ez direlako aurreikusitako inguruabarrak gertatzen, horren gaineko aitorpena aurkeztu beharko du.
Entitateak ekitaldi berean dirulaguntza bat baino gehiago jasotzen badu, ez du informazioa errepikatu beharko dirulaguntza bakoitzerako, salbu eta hasieran eman zituen datuak aldatzen badira.
Onuradunak informazioa emateko betebeharrak ez betetzeak ekartzen ahal dituen zehapenak galarazi gabe, haiek bete ezean, onartutako dirulaguntza ordaindu gabe utziko da, eta, zenbatekorik kobratu bada, itzuli egin beharko da, eta aurrerakinak ere bai, Dirulaguntzei buruzko Foru Legearen 35.1.c) artikuluan ezarritakoari jarraikiz.
20. oinarria.–Ordainketa eskaera.
1. Laguntzak jaso ahal izateko, onuradunak ordainketa eskaera aurkeztu beharko du Nafarroako Gobernuaren web-orriko izapideen katalogoan eskura dagoen atzemate programaren bidez.
2. Ordainketa eskaerarekin batera, onuradunak inbertsioen bukaeraren berri eman beharko du, baita justifikatu ere horiek nola bete diren eta ordainketak nola gauzatu diren laguntzaren xede ziren kontzeptuengatik; horretarako, aurkeztuko dira behar diren fakturak edo frogagiri baliokideak eta gastu eta inbertsio diruz lagungarri guztien ordainagiriak.
Onuradunak laguntza erakunde hartzekodun bati lagatzea erabakitzen badu, ordainketa-eskaerarekin batera aurkeztu beharko du hori justifikatzen duen dokumentua.
21. oinarria.–Laguntzen ordainketa.
1. Dirulaguntzak ordainduko dira behin egiaztatuta dirulaguntza emateko oinarri izan zen jarduera egin dela eta oinarri arautzaile hauetan ezarritako betebeharrak eta konpromisoak bete direla.
Laguntzen ordainketa deialdian aurreikusitako aurrekontu ekitaldiaren kargura eginen da.
2. Onuradunak proposaturiko inbertsio plana gauzatzeko epea 2024ko uztailaren 1ean bukatuko da.
2024ko uztailaren 1ean amaituko da ordainketa eskaera aurkezteko epea, eta, horrekin batera, fakturak, ordainagiriak, baimenak, erregistroak eta aurkeztu behar diren gainerako agiriak. Dokumentazioa zuzentzeko epea ematen ahalko da, beharrezkoa izanez gero. Kasu horretan, ez dira onartuko 2024ko uztailaren 1etik aurrerako fakturak edo ordainagiriak.
Epe horiek izanen dira, arrazoi justifikatuengatik eskatzen eta ematen ahal diren luzapenak ezertan eragotzi gabe, baldin eta luzapen horien iraupena, gehienez ere, 2024ko irailaren 15era artekoa bada eta inbertsio plana amaitzeko hiru hilabeteko epea baino lehen eskatu badira. Luzapena onartzen bada, amaiera data berriari aplikatuko zaio aurreko paragrafoan ezarritakoa, fakturei, ordainagiriei eta zuzentzeko epeari dagokienez.
Oro har, dirulaguntzak onartzea eragin zuen jarduera gauzatu dela egiaztatu ondotik ordainduko dira dirulaguntzok. Horri dagokionez, ez da ulertuko jarduera gauzatua dagoela frogatu denik harik eta instrukzio organoak inbertsio plana bukatu dela frogatu eta egiaztatu arte.
3. Instrukzio organoak behar adina kontrol eginen ditu, egiaztatzeko onuradunak hartutako konpromisoak betetzen dituela eta inbertsioa aurkeztutako proiektuarekin bat datorrela. Kontrolen emaitzak ikusirik, bidezko ordainketak baimenduko ditu, eta laguntzak ordaintzeko ebazpen proposamena prestatuko.
4. Kontrol horiek egiteko, instrukzio organoak joko du Foru Administrazioan eta/edo beste administrazio batzuetan dauden erregistro ofizialetara edo eskura dauden bestelako informazio iturrietara, betiere laguntza ordaintzeko eskaera aurkezten den unean dagoen informazioaren arabera. Kontrol horien barnean, bisitak egiten ahalko dira ustiategietara, egiaztatzeko inbertsioak bukatu direla eta zuzen gauzatu, edo egiaztatzeko instrukzio organoak beharrezkotzat jotzen duen beste edozein alderdi.
Nekazaritzako Ustiategien Erregistroan kontsultatzen ahal diren parametroak zehazteko, onetsitako azken katalogazioaren araberako datuak erabiliko dira.
5. Instrukzio organoak egindako egiaztapenetan ondorioztatzen baldin bada beheranzko desbideratzeak daudela onuradunak aurkeztutako azkeneko ordainketa eskaerarekin alderatuta, hurrengo oinarrian aipatzen diren murrizketak eta baztertze-irizpideak aplikatuko dira.
22. oinarria.–Murrizketak eta bazterketak baremoa ezartzeko irizpideetan, laguntzetan eta ordainketetan.
1. Inbertsio-plana ezarritako epean amaitzeko konpromisoa betetzen ez bada, ordainketa-eskaera epean aurkezten ez bada eta gardentasunari buruzko informazioa emateko betebeharra konplitzen ez bada, laguntza galduko da.
2. 12.1.b oinarriko konpromisoa ez bada betetzen, laguntzak galduko dira, salbu ebazpen honen 4.1.e) oinarriko kasua gertatzen bada; hala izanez gero, laguntza ez da ordainduko harik eta onuradunak organo kudeatzaileari adierazten dion arte Gizarte Segurantzarekiko zorrak eguneratuak eta zerga guztiak pagatuak dituela.
3. 12.1. oinarriaren e) eta f) letretan jasotako konpromisoa (gastuen justifikazioarena eta kontrolen onarpenarena, hurrenez hurren) betetzen ez bada, laguntza osoa galduko da.
12.1. oinarriaren g), h), i) eta m) letretan jasotako konpromisoak (hurrenez hurren, informazioa ematea, beste laguntza batzuk jakinaraztea, kontabilitatearena eta erregistroetako inskripzioarena) betetzen ez badira, konpromisoari zuzenean lotutako laguntza galduko da. 12. oinarriaren j) eta k) letretan jasotako konpromisoak (agiriak gordetzearena eta azalpen plakak jartzearena, hurrenez hurren) betetzen ez badira, laguntzaren %50 galduko da.
4. Azken ordainketa egin aurretik egiaztatzen bada eskaeren hurrenkera finkatzeko puntuazioa ateratzeko aintzat hartutako balorazio irizpideak bete ez direla, puntuazio txikiagoa zegokiola eta, horren ondorioz, onuradun izaera galduko zukeela, laguntza guztia galduko da, salbu beren gain hasteko prozesua bukatu ez duten nekazari gazteen kasuan; haientzat, prozesu hori bukatzen den arte atzeratzen ahalko da egiaztapen hori. Ondorio horietarako, baremazio irizpideak, onuradunak Nafarroako Landa Garapenerako 2014-2020 Programako beste neurri batzuetan parte hartzeari dagozkionak, bete direla ulertuko da baldin eta onuradunak, enpresa planaren bukaeran, frogatzen badu kasuko laguntzetatik kanpo gelditu dela deialdirako aurrekontu nahikorik ez egoteagatik.
5. Baldin eta, behin inbertsio plana gauzaturik, gauzatutako inbertsio diruz lagungarria onetsitakoaren %70 baino txikiagoa bada, egiaz gauzatutako inbertsioari egokituko zaio ordaintzen den zenbatekoa, eta %10eko penalizazioa izanen du, doikuntza egin ondoko laguntzaren gain kalkulatuta, baldin Landa Garapeneko eta Ingurumeneko Departamentuak uste badu oraindik ere baliozkoak direla gauzatutako planak, bai teknikoki bai ekonomikoki.
6. Ordainketa eskaerari dagokionez, murrizketa hau aplikatuko da:
Baldin ordainketa eskaeran adierazitako laguntzaren zenbatekoa bada, eskaera horren onargarritasun azterketa egin ondoren, ordaindu beharreko zenbatekoa baino %10 handiagoa, ordaintzeko zehaztutako zenbatekoa beste horrenbeste gutxituko da.
Hala ere, ez da batere murrizketarik eginen onuradunak frogatzen badu ez dela diruz lagungarri ez den zenbateko hori sartu izanaren erantzulea.
7. Aurreko murrizketak eta bazterketak ez dira aplikatuko baldin eta onuradunak frogatzen badu ezinbesteko arrazoiengatik gertatu direla aldaketa horiek, hurrengo oinarriaren 3. puntuaren arabera, edo gerora sortutako eta onuradunari egotzi ezin zaizkion arrazoien frogagiriak aurkezten baditu.
8. Egiaztatzen bada onuradunak nahita egin duela gezurrezko adierazpen bat, emandako laguntzak bertan behera utziko dira, eta laguntzetatik jasotako zenbateko guztiak berreskuratuko dira. Gainera, onuraduna neurri horretarako laguntzetatik bazterturik geldituko da, ekitaldi horretan eta hurrengoan, deusetan galarazi gabe Dirulaguntzei buruzko azaroaren 9ko 11/2005 Foru Legean ezarririko zehapenak edo aitorpen hori aurkezteko unean iruzurraren kontrako borrokarako indarrean diren prozeduretatik datozenak.
Aurreko paragrafoaren ondorioetarako, proformako faktura edo aurrekontu faltsuak aurkeztea nahita egindako gezurrezko adierazpentzat hartuko da.
9. Frogatzen bada onuradunak baldintza artifizialak sortu dituela laguntza jaso ahal izateko, 1306/2013 Erregelamenduaren 60. artikulua aplikatuz laguntzetatik kanpo geldituko da, eta, bidezkoa bada, laguntzengatik jasotako zenbateko guztiak itzuli beharko ditu.
23. oinarria.–Gerora bete beharreko konpromisoak.
1. Gerora bete beharreko konpromisoak dira onuradunak bere gain hartu dituenak, bost urtez horiei eusteko baldintzarekin, edo hiru urtez, Enpresa Txiki eta Ertainen kasuan, azkeneko ordainketa onesten duen ebazpenaren egunetik aurrera.
2. Hauek hartuko dira gerora bete beharreko konpromisotzat, oro har, era guztietako espediente eta onuradunen kasuan:
–Ekoizte jarduera mantentzea, eta bere kokapenak programaren eremuan jarraitzea edo
–Azpiegiturako edo inbertsioko elementuen jabetza mantentzea edo
–Eragiketaren helburuak, izaera eta gauzatzeko baldintzak mantentzea, funtsezko aldaketarik gabe eta jatorrizko helburuak kaltetu gabe.
–Beren gain hasteko prozesuan ari diren gazteen kasuan, prozesu hori bukatzen denean betebehar hauek betetzea, eta oinarri honen 1. zenbakian ezarritako epeetan mantentzea: nekazari aktiboarena, ustiategiaren neurriarena eta laguntzaren intentsitatea zehazteko eta espedienteak lehenesteko erabili diren kalifikazioena. 12.1.b) eta c) oinarrian ezartzen dira betebehar hauek.
Konpromiso horiek ez zaizkie aplikatuko finantza tresnek egin edo jasotako ekarpenei, ezta bestelako eragiketei ere ekoizpen jarduera bertan behera uzten delarik iruzurrezkoa ez den porrotarengatik.
Ez zaie orobat aplikatuko inbertsiorako laguntzen onuradun diren pertsona fisikoei, baldin eta behin inbertsio eragiketa bukatu ondoan, laguntza bat hautatzen eta eskuratzen ahal badute Europako Parlamentuaren eta Kontseiluaren 1309/2013 Erregelamenduaren arabera, kasuan kasuko inbertsioa zuzenean loturik badago Globalizaziora Egokitzeko Europako Funtsaren laguntzaren bidez diruz laguntzen ahal den jarduera gisa identifikaturiko jarduera motari.
3. Hauek izanen dira gerora bete beharreko konpromisoak, laguntzaren intentsitateari lotuak:
a) Lehentasunezko nekazaritzako ustiategiaren izaera edo, hala bada, nekazaritzako kooperatibarena mantentzea.
b) Ustiategien kokapena mantentzea mendialdean, goi mendialdeetan eta, goi mendialdea edo mendialdea izan gabe, muga natural garrantzitsuak dituzten tokietan.
4. 10. oinarriaren arabera, honako hauek izanen dira gerora bete beharreko konpromisoak, balorazio-irizpideei lotuta egonen direnak eta ordainketa egiteko unean egiaztatuko direnak:
a) Titularraren eta ustiategiaren baldintzei eustea, 2.b) puntuaren arabera; edo kalifikazio horiek lortzeko eskatzen diren gutxieneko baldintzak betetzea, neurriei, unitateko lan errentari eta nekazaritzaren arloko gizarte segurantzari buruzkoak.
b) Ustiategiaren kokapen geografikoari eustea, 2.c) puntuaren arabera.
c) Ustiategiaren neurria mantentzea nekazaritzako lan unitateen hazkundearen irizpidearengatik emandako puntuei dagokien tartean, 2.d) puntuaren arabera.
d) Pertsona juridikoen kasuan, gobernu organoetan kideen %30 emakumeak izaten jarraitzea, eta sozietate zibilen kasuan, kapitalaren %30 gutxienez haiena bada, 2.e) puntuaren arabera.
e) Ustiategiko produktuak eraldatzeko edo merkaturatzeko inbertsioak mantentzea, 2.f) puntuaren arabera.
f) Ingurumena gehiago errespetatzen duten ekoizpen metodoak mantentzea, 2.h) puntuaren arabera.
g) Prestakuntza eta aholkularitza neurrietan parte hartzen segitzea, 2.i) puntuaren arabera.
h) Kalitate araubideen babespeko produktuak ekoizten eta/edo prestatzen jarraitzea, 2.j) puntuaren arabera.
i) Onuradunak elkarte-entitate edo kooperatiba bateko bazkide izaten jarraitzea, 2.k) puntuaren arabera.
5. Aurreko 2. puntuko konpromisoak, beti, onuradunak hartzen dituela ulertu behar da. 3. eta 4. puntuetako konpromisoak automatikoki hartu direla ulertuko da baldin eta laguntza eskaeran zehazki sartu badira, laguntzaren intentsitatea handitzeko edo eskaeren hurrenkerarako balorazio irizpideetan parte hartzeko, eta laguntza onartzeko edo ordaintzeko unean balidatu badira.
24. oinarria.–Gerora bete beharreko konpromisoen murrizketak.
1. Oinarri arautzaile hauetan azaldutako gerorako konpromisoak betetzen ez badira, laguntzak itzuli beharko dira osoki edo partez, Dirulaguntzei buruzko azaroaren 9ko 11/2005 Foru Legearen 34. eta 35. artikuluekin bat.
2. Konpromiso horiek noraino ez diren bete mailakatu eginen da, ondoren ezartzen diren irizpideekin bat, eta, horien arabera, jasotako laguntza itzultzeko portzentajeak kalkulatuko dira, baita legez ezarritako berandutze-interesak ere.
a) Egiaztatzen bada 23.2 oinarria ez dela bete, ezarritako salbuespenak kenduta, ondorio hauek izanen dira:
i) Ekoizpen jarduera bertan behera uzten bada, edo programatik kanpoko beste toki batera eramaten: jasotako laguntzaren %100 itzuli beharko da.
Honi dagokionez, onuradun batek, azken ordainketaren ondoren erabakitzen badu nortasun juridikoa duen entitate batean sartzea bere ustiategia osorik edo hein batean jarriz, ez da ulertuko bertan behera utzi duela konpromisoa, baldin eta: onuraduna bere baitan hartu duen entitateak lehentasunezko nekazaritza ustiategiaren izaera badu; ustiategiaren nekazaritzako lan unitateak –hots, entitate berriaren kapital sozialean daukan partaidetza kontuan hartuta onuradunari dagozkionak– balio berekoak edo handiagokoak baldin badira, benetan ekarri dituen ekoizpen unitateekin alderatuta.
Orobat, ulertuko da jarduerari eusten zaiola, onuradunak erretiroa hartzen duelarik, baldin ustiategia beste ustiategi bati eskualdatzen bazaio, eta hura lehentasuneko gisa sailkaturik badago eskualdaketa baino lehenago, edo bere gain hasten ari den gazte bati, eta hark hartzen baditu gazteak beren gain hasteko laguntzetan ezarritako konpromisoak, baldin titular berria subrogatzen bada etorkizunean bete beharreko konpromisoei eusteari dagokionez.
ii) Azpiegiturako elementu baten jabetzan –inbertsioak higiezinetan, ekipamenduan edo makinerian– aldaketarik izan bada, eta onuraduna ez bada jada ondasunaren erabiltzaile bakarra, salmenta, lagatze, alokatze edo antzeko sistema baten ondorioz: ondasun horregatik jasotako laguntzaren %100 itzultzea.
iii) Funtsezko aldaketa bat gertatzen bada, eragiketaren izaera, helburuak edo gauzatzeko baldintzak ukitzen dituena, eta horrek jatorrizko helburuei kalte egiten badie: jasotako laguntzaren %100 itzuli beharko da. Funtsezko aldaketatzat hartuko da baldin azkeneko ordainketaren unean zeuden Europako dimentsio unitateen %40 baino gehiago murrizten badira.
iv) Beren gain hasten ari diren gazteen kasuan, nekazari aktiboaren izaeraren betebeharra edo ustiategiaren gutxieneko neurriarena betetzen ez bada: jasotako laguntzaren %100 itzuli beharko da.
b) Titularraren eta ustiategiaren baldintzak betetzen jarraitzea:
i) Egiaztatzen bada lehentasunezko ustiategi izaera edo titularrarena konpromisoko lehenbiziko urtean galdu dela, jasotako laguntzaren %50 itzuliko da, bigarren urtean %30, eta hirugarrenean %15.
ii) Konpromiso hau ez da hartuko bete gabetzat baldin ustiategiak ez badu bere dimentsioa murrizten Europako dimentsio unitateen %40 baino gehiago.
c) Ustiategien kokapen geografikoari eustea. Mendialdean edo, mendialdea edo goi mendialdea izan gabe, muga natural garrantzitsuak dituen toki batean dagoen ustiategia izatearen konpromisoa galtzen bada lehenbiziko urtean, jasotako laguntzaren %50 itzuliko da, bigarren urtean %30 eta hirugarrenean %15. Konpromiso hau ez da hartuko bete gabetzat baldin ustiategiak bere azalera osoa murrizten ez badu mendialdean edo, goiko mendialdea edo mendialdea izan gabe, muga natural garrantzitsuak dituen toki batean.
d) Egiaztatzen bada ez dela bete, pertsona juridikoen kasuan, gobernu organoetan kideen %30 emakume izateko konpromisoa, jasotako laguntzaren %20 galduko da, salbu ezinezkoa bada, materialki, konpromisoa betetzea.
e) Ez bada betetzen ekoizpena ingurumena gehiago errespetatzen duten metodoen bidez gauzatzen jarraitzeko konpromisoa, jasotako laguntzaren %30 itzuli beharko da lehenbiziko urtean, %20 bigarren urtean eta %10 hirugarrenean.
f) Ez bada betetzen prestakuntza eta aholkularitza neurrietan parte hartzen jarraitzeko konpromisoa, jasotako laguntzaren %30 itzuli beharko da lehenbiziko urtean, %20 bigarren urtean eta %10 hirugarrenean.
g) Ez bada betetzen kalitate araubideek babestutako produktuak ekoizten eta/edo lantzen jarraitzeko konpromisoa, jasotako laguntzaren %30 itzuli beharko da lehenbiziko urtean, %20 bigarren urtean eta %10 hirugarrenean.
h) Ez bada betetzen elkartea eta/edo horietako bateko bazkidea izaten jarraitzeko konpromisoa, jasotako laguntzaren %30 itzuli beharko da lehenbiziko urtean, %20 bigarren urtean eta %10 hirugarrenean.
3. Ezinbesteko kasu edo salbuespenezko inguruabar hauek gertatzen direnean ez da ulertuko bete gabe gelditu direla aurreko apartatuetan aipatzen diren konpromisoak:
a) Onuraduna hiltzea.
b) Onuradunak lanerako ezintasun luzea izatea.
c) Ustiapena edo haren zati handi bat desjabetzea, baldin eskaera aurkeztu zuenean ezin bazen aurreikusi. Ustiategiaren zati handi bat dela ulertuko da baldin Europako neurri unitateen %40 baino gehiago murrizten badira.
d) Hondamendi natural larria, ustiategiko lurrak eta/edo instalazioak asko ukitzen dituena.
e) Ustiategiko eraikinen eta/edo instalazioen suntsipena, istripuz.
f) Epizootia edo landareen gaitza, kaltetu dituena onuradunaren azienda edo labore guztiak edo zati bat.
4. Ezinbesteko kasuak edo salbuespenezko inguruabarrak gertatuz gero, onuradunak edo haren eskubidedunak idatziz jakinarazi beharko du, froga egokiak erantsita, gertakaria izan eta hogeita hamar egun balioduneko epean, eta betiere instrukzio organoak kontrola egin behar duela adierazi edo hura gauzatu baino lehenago.
25. oinarria.–Beste laguntza batzuekiko bateragarritasuna edo bateraezintasuna.
Laguntza hauen pertsona onuradunek ezin izanen dute xede eta helburu bererako beste laguntzarik eskatu, salbu eta hala aurreikusten bada Batasuneko, Espainiako eta Nafarroako araudian eta Nafarroako Foru Komunitateko Landa Garapenerako 2014-2020 Programan.
Dirulaguntzen zenbatekoa ez da inola ere izanen, ez bakarrik ez beste batzuekin batean, dirulaguntzaren xedea den jardueraren kostua baino handiagoa, ezta ezarritako intentsitate gordinak baino handiagoa ere.
26. oinarria.–Emandako dirulaguntzen publizitatea.
Oinarri arautzaile hauen esparruan emandako laguntzen publizitateak jarraituko die kasuan-kasuan aplikatu beharreko Europar Batasuneko arauei, baita haiek garatzen dituzten edo haien transposizioa diren arau nazionalei ere.
II. ERANSKINA Inbertsio moduluak |
KONTZEPTUA | EUROAK/UNITATEA | |
LURRAK EROSTEA | ||
1. Industrialdeko lurra edo abeltzaintzakoa/m² | 25 | |
2. Industrialdetik edo abeltzaintza eremutik kanpoko lurra/ha | 4.000 | |
LUBERRITZEAK ETA SASI GARBIKETAK | ||
1. Lur ez sasitsua/ha | 500 | |
2. Lur sasitsua/ha | 1.070 | |
3. Sasi-garbitzea, %50etik beherako sastraka dagoela (hektareako) | 230 | |
4. Sasi-garbitzea, %50etik gorako sastraka dagoela (hektareako) | 440 | |
BIDEAK | ||
1. Bide osoa (honako hauek barne: sasi garbiketa, erauzketa, karga eta garraioa, areka, lubeta bat egitea, lodiera ezberdineko zabor-legarra, zoladura egitea, ureztapena eta trinkotze lanak)/m² | 7,50 | |
2. Bide sinplea (sasi garbitzea, lurra profilatzea, ureztaketa eta trinkotze-lanak, lodiera ezberdineko zabor-legarra, zoladura egitea)/m² | 5,75 | |
3. Areka gaineko pasabidea (honako hauek barne: hodia, aldeetako paramentuak, hormigoitzea –beharrezkoa bada–, igeltserotza-lanei dagokien zati proportzionala, hondeaketa, legarra eta lurra ekartzea)/ml | ||
–Diametroa 30 cm | 70 | |
–Diametroa 40 cm | 100 | |
–Diametroa 50 cm | 150 | |
–Diametroa 60 cm | 200 | |
–Diametroa 80 cm | 250 | |
4. Hesi kanadarra (neurri aldakorrak, metalezko parrilla, profil laminatua T bikoitzean, hormigoizko murruak eta zolata dituena, baita saneamendua eta drainatzea ere)/unitatea | 6.000 | |
FINKAK HOBETZEA | ||
1. Hustubide berriak (hondeaketa, lurrak zabaltzea edo karga eta garraioa) | ||
–Euroak/m³ | 1,5 | |
–Euroak/metro lineala | 3 | |
2. Ubideak garbitzea (hondeaketa, lurrak zabaltzea edo karga eta garraioa) | ||
–Euroak/m³ | 1,25 | |
–Euroak/metro lineala | 2,5 | |
3. Lur erauzketa eta tarte aldakorretarako garraioa, buldozer bidezkoa/m³ | 0,68 | |
4. Lur erauzketa pala kargatzailearekin, eta kamioian garraiatzea, finkaren barnean/m³ | 1,70 | |
5. Lur erauzketa beldar-traktorearekin, eta are-makina motordunean garraiatzea, finkaren barnean/m³ lur | 1,25 | |
6. Nibelazioa edo landare geruza kentzea are-makina motordunarekin, finkaren barnean/m³ lur | 0,85 | |
7. Arroka erauzketa, baita karga eta garraioa edo lurperatzea ere/m³ | 22 | |
8. Zangak, putzuak, etab. hustea/m³ | 13 | |
9. Material solteak kargatzea eta finkatik kanpo garraiatzea/m³ | 2 | |
10. Drainatzeak | ||
10.1. Geotestila drainatzeetarako euroak/ml | 1 | |
10.2. Hodi eta legarrez drainatzea euroak/ml | 8 | |
10.3. Legar edo hodiz drainatzea euroak/ml | 6 | |
10.4. Drainatzea hodi bikoitzarekin, gehikuntza metro linealeko | 5 | |
11. PVCzko lurpeko hodia, finkan noizean behin sartutako ura ateratzeko, euroak/ml | 16 | |
UREZTAPENAK, ORO HAR | ||
1. Irazgaizte naturaleko ureztatzeko putzuak, ur harguneekin, hustubideekin, drainatzearekin, honako hauek barnean direla: zangak irekitzea, betelanak eta ezpondak egitea, inguruko hesitura, erabat funtzionalak eta bukatuak. Edukiera (m³) | 11 | |
2. Ureztatzeko putzuak, iragazgaizteko xafla elastikodunarekin, xafla geotestilarekin, ur harguneekin, hustubideekin, drainatzearekin, honako hauek barnean direla: zangak irekitzea, betelanak eta ezpondatzea, inguruko hesitura, hainbat hormigoiztatze, hondoko hargunea, erabat funtzionalak eta bukatuak. Edukiera (m³) | 16 | |
3. Ura hartzeko azaleko putzua, honako hauek barne: hartxintxarra, hormigoizko eraztunak (gehienez 2 metroko diametrokoak) eta estalkia/metroa (sakon) | 255 | |
4. Ureztapeneko etxola, zolata barne/m² | 600 | |
5. Automatismoak babesteko armairua, kaxen motakoa, unitatea | 385 | |
6. Telekontrola (unit.) | 1.500 | |
7. Iragazte tresnak, proformako fakturen bidezkoak | ||
LURZATIKO EKIPAMENDUA NEKAZARITZAKO INTERES PRIBATUKO UREZTAPEN INSTALAZIOETARAKO | ||
1.1. Aspertsiozko ureztapena, lurpeko estaldura osokoa (euroak/ha) | ||
–Azaleko instalazioak < 2 hektarea | 4.200 | |
–Azaleko instalazioak >= 2 hektarea eta < 5,5 hektarea | 3.700 | |
–Azaleko instalazioak >= 5,5 hektarea eta < 10 hektarea | 3.300 | |
–Azaleko instalazioak >= 10 hektarea | 3.000 | |
1.2. Aspertsiozko ureztapena, azaleko estaldurakoa/ha | 2.600 | |
2.1. Tantakako ureztapena (euroak/ha) | 2.400 | |
2.1. Lurperatutako tantakako ureztaketa (euroak/ha) | 3.500 | |
3. 150 metro baino gutxiagoko erradioa duen edo 7 ha baino gutxiagoko azalera ureztatzen duen pibotaren bidezko ureztapena. (Hektareako). Lurpeko estaldura osoko aspertsiozko ureztapenaren modulua aplikatuko da, lurzatiaren azalerari dagokiona | ||
4. 150 metroko erradioa edo handiagoa duen eta 7 ha baino gehiagoko azalera ureztatzen duen pibotaren bidezko ureztapena. (Pibotaren metro linealeko) | 200 | |
5. Ureztapen mistoa, pibot eta aspertsio bidezkoa, izkinetako sistema lurperatua duena: | ||
5.1. Pibota, 150 metroko erradioa baino txikiagoa duena edo 7 ha baino gutxiagoko azalera ureztatzekoa eta estaldura osokoa. (Hektareako). Lurpeko estaldura osoko aspertsiozko ureztapenaren modulua aplikatuko da, lurzatiaren azalerari dagokiona | ||
5.2. Pibota, 150 metroko erradioa edo handiagoa duena eta 7 ha baino gehiagoko azalera ureztatzekoa eta estaldura osokoa (a+b) | ||
a) Pibotak ureztatutako azalerarako. (Pibotaren metro linealeko) | 200 | |
b) Izkinetako estalduraren bidez ureztatutako azalera, a+b lurzatiaren azaleraren adinakoa edo txikiagoa izanda. (Hektareako) | 4.700 | |
5.3. Zenbait pibot: azalera osoa 2 pibotez edo gehiagoz estaltzen bada, aurrekontu diruz lagungarria kalkulatzeko erabilgarri den erradioa izanen da 150 metro lineal baino erradio handiagoa duten piboten erradioen batuketa, baldin horietariko bakoitzak 7 ha baino gehiago ureztatzen baditu. Piboten erradioa 150 metro lineal baino gutxiagokoa bada edo 7 ha baino gutxiagoko azalera ureztatzen badute, haien azalerari 3. ataleko kopurua aplikatuko zaio. Izkinetako gainerako azalerari 5.2.b) apartatuko kopurua aplikatuko zaio | Aurrekoen konbinazioa | |
6. Ureztapena alboko aitzinamenduaren bidez | ||
6.1. 3., 4. edo 5. ataletako moduluak aplikatuko dira | ||
6.2. 6.1 puntuaren arabera kalkulatutako aurrekontu babesgarria handituko da instalazio osagarrien eta makinaren kontrolaren kontzeptuagatik. (Makina bakoitzeko) | 5.800 | |
7. Hipodromo bidezko ureztapena | ||
7.1. 3., 4. edo 5. ataletako moduluak aplikatuko dira | ||
7.2. 7.1 puntuaren arabera kalkulatutako aurrekontu babesgarria handituko da instalazio osagarrien eta makinaren kontrolaren kontzeptuagatik. (Makina bakoitzeko) | 10.300 | |
LANDAKETAK (hektareako) | ||
1. Mahastiak eta mahatsondoak hektareako | 5.305 | |
2. Zelaiak jartzea, honako hauek barne: lurra lantzea, hondoko ongarriketa egitea, haziak lortzea eta ereitea hektareako | 585 | |
3. Lehorreko lurrean fruta-arbolak landatzea | ||
3.1. Landaketa lanak (babesen eta hesolen kostua barne), dentsitate honekin: < 300 arbola hektareako (unitatea) | 7,62 | |
3.2. Landaketa lanak (babesen eta hesolen kostua barne), dentsitate honekin: ≥ 300 arbola hektareako (unitatea) | 4,79 | |
Landarea, proformako fakturen bidez | ||
4. Ureztalurrean fruta-arbolak landatzea | ||
4.1. Landaketa lanak (babesen eta hesolen kostua barne), dentsitate honekin: < 1.000 arbola hektareako (unitatea) | 7,69 | |
4.2. Landaketa lanak (babesen eta hesolen kostua barne), dentsitate honekin: 1.000 arbolatik 5.000 arbolara bitarte, hektareako (unitatea) | 1,34 | |
4.3. Landaketa lanak (babesen eta hesolen kostua barne), dentsitate honekin: > 5.000 arbola hektareako (unitatea) | 0,73 | |
Landarea, proformako fakturen bidez | ||
5. Labandina | ||
Landaketa lana/unitatea | 0,23 | |
Landarea, proformako fakturen bidez | ||
6. Arte gaineko boilurra, hektareako | 2.627 | |
7. Lupulua, hektareako | 7.536 | |
8. Arnika, hektareako | 4.377 | |
9. Menda, hektareako | 2.591 | |
10. Belar bedeinkatua, hektareako | 2.191 | |
11. Ahabia, hektareako | 2.988 | |
12. Mugurdiondoa, hektareako | 14.368 | |
13. Andere-mahatsa, hektareako | 10.268 | |
FRUTA-ARBOLAK SARTZEKO LAGUNTZA OSAGARRIAK (iraunkorrak konpromiso aldian) | ||
1. Zurkaitzak: zutoinak, hektareako | 1.900 | |
2. Besora jartzea, hektareako | 4.000 | |
3. Mahatsondorako besora jartzea, hektareako | 3.400 | |
4. Kiwiondoarendako besora jartzea, hektareako | 6.500 | |
5. Kontzeko eta gidatzeko egitura iraunkorrak, hektareako | 13.250 | |
6. Kazkabarraren kontrako sarea: Euskarri egitura partekatu gabe, hektareako | 11.700 | |
7. Kazkabarraren kontrako sarea: Euskarri egitura partekatuta, hektareako | 9.450 | |
8. Haize-babesak: kiwiondoarendako berezia, hektareako | 7.000 | |
ZAINZURIEN LANDAKETA | ||
1. Landaketa lanak, hektereako | 2.500 | |
2. Zainzuriak (euroak/unitate) | 0,45 | |
BEROTEGIAK | ||
1. Tunela, plastikozko estalkia, automatismorik gabea/m² | 13 | |
2. Multikapera plastikoz estalia < 3,50 m garai kanaleraino, motorizazioak eta mikroprozesagailua dituena/m² | 20 | |
3. Multikapera plastikoz estalia ≥ 3,50 m garai kanaleraino, motorizazioak eta mikroprozesagailua dituena/m² | 25 | |
4. Multikapera estalia eta alboak, polimetakrilato edo polikarbonatozko plaka zurrunekoak, edo gisakoak, motorizazioak eta mikroprozesagailua dituena/m² | 40 | |
5. Multikapera, alboak, polimetakrilato edo polikarbonatozko plaka zurrunekoak, eta estalki plastikozkoa dituena, eta motorizazioak eta mikroprozesagailua dituena/m² | 30 | |
6. Itzaltegiko egitura, sarezko estalkia duena/m² | 15 | |
7. Pantaila termikoa/m² | 10 | |
8. Laborantza-mahaia/m² | 36 | |
9. Aire-berokuntza/m² | 6 | |
10. Biomasako aire-berokuntza/m² | 10 | |
11. Aspertsioaren eta tantakaketa orokorraren bidezko ureztaketa, ponpaketarako oinarrizko ekipamendua eta ongarrien injektorea barne (m²) | 6 | |
12. Ureztaketa lokalizatua, landare bakoitzari zuzendua, ponpaketarako oinarrizko ekipamendua eta ongarrien injektorea barne (m²) | 8 | |
13. Kapera-berotegi motako egitura duen biltegia (honako hauek barne: zimendua, zolata, metalezko egitura, itxitura eta estalkia) (m²) | 115 | |
ABELTZAINTZAKO ERAIKUNTZAK | ||
1. Esnetarako ustiategiak: lurraren prestakuntza eta eraisketak, zimendua, nabea –barne hartuta espaloi perimetralak–, saneamendua, iturgintza-lanak eta barneko argindarra (m²) | 320 | |
2. Haragitarako ustiategiak: lurraren prestakuntza eta eraisketak, zimendua, nabea –barne hartuta espaloi perimetralak–, saneamendua, iturgintza-lanak eta barneko argindarra (m²) | 320 | |
3. Zerri azienda: lurraren prestakuntza eta eraisketak, zimendua, nabea, saneamendua, hoditeria, barneko argindarra, itxitura sanitarioa eta saretak (m²) | 220 | |
4. Untxiak: lurraren prestakuntza eta eraisketak, zimendua, nabea –barne hartuta espaloi perimetralak–, saneamendua, iturgintza-lanak eta barneko argindarra (m²) | 220 | |
5. Ahateak: lurraren prestakuntza eta eraisketak, zimendua, nabea –barne hartuta espaloi perimetralak–, saneamendua, iturgintza-lanak eta barneko argindarra (m²) | 200 | |
6. Hegaztiak: lurraren prestakuntza eta eraisketak, zimendua, nabea –barne hartuta espaloi perimetralak–, saneamendua, iturgintza-lanak eta barneko argindarra (m²) | 220 | |
7. Abeltzaintzako nabeen barneko obrak/m² (honako hauek barne: lur mugimenduak eta eraisketak, zolatak, horma txikiak eta saneamenduak) | 90 | |
BESTELAKO ERAIKUNTZAK | ||
1. Simaurtegia | ||
1.1. Zolata/m² | 30 | |
1.2. Hormak/m³ | 300 | |
1.3. Egitura eta estalkia/m² | 80 | |
2. Hobiak | ||
2.1. Hobia/m³ | 90 | |
2.2. Minda-putzuaren estalkia/m² | 70 | |
3. Hormigoi armatuko zoladura, 5 cm-ko lodiera/m² | 8 | |
4. Zabor-legarrezko zoladura, 5 cm-ko lodiera/m² | 1,25 | |
5. Hormigoitua/m³ | 130 | |
6. Irazgaizteko xafla, minda-putzurako >1000 m²/m² | 15 | |
7. Iragazgaizteko xafla, minda-putzurako ≤ 1000 m²/m² | 18 | |
8. Hormigoi proiektatua edo “Gunita” paratzea, 5 cm-ko lodiera/m² | 15 | |
9. Bazka-siloa (zolata eta paretak)/oinplanoaren m² | 140 | |
10. Eustormak/m³ | 400 | |
11. Nabeen itxitura/paretaren m² (olanak salbu) | 30 | |
12. Edozein diametrotako kareharri hautatuzko lubeta, beharrezkoak diren obra osagarri guztiak barne, lurra harriak paratu aitzin egokitzea eta material iragazlez betetako estradosa, hormigoitua beharrezkoa izanez gero, erabat funtzionala eta bukatua | ||
–Euroak/m³ | 70 | |
–Euroak/t | 40 | |
13. Estalkiaren modernizazioa/m² (desmuntatze eta muntatze lanak barne) | 70 | |
14. Isolamenduak | ||
14.1. Poliuretano hedatuaren bidezko isolamendua, 2,5 cm-ko lodiera (m²) | 7 | |
14.2. Lodierako cm erantsi bakoitzeko (m²) | 2 | |
15. Jetzitegia, esnetegia, lokal teknikoa: bulegoak eta jantzitegia (m²) | 400 | |
16. Minda-putzua (erauzketa mekanikoa, betegarria botatzea eta hura tinkotzea, zabor-legarreko oinarria, landare geruza betetzea, instalazioetako zanga hondeatzea, drainatzeko hodia eta kutxatila, gunitatzea, ate metalikoa eta metalezko itxitura)/ edukieraren m³-ko | 12 | |
ABELTZAINTZAKO EKIPAMENDUA/ | ||
1. Behi azienda/nabearen m²-ko (barne dira harrapatokiak, bazkategiak, askak eta hesiak) | 36 | |
2. Ardi azienda/nabearen m²-ko (barne dira harrapatokiak, erditze lekuak, bazkategiak, askak, eta hesiak) | 30 | |
3. Arrautzetarako oiloak/nabearen m²-ko (barne dira errutegiak, slatak, kotak, bazkategiak eta askak) | 90 | |
4. Haragitarako oiloak/nabearen m²-ko (barne dira slatak, bazkategiak, askak, aireberritze estatikoa eta berokuntza) | 85 | |
5. Zerri azienda/nabearen m²-ko (barne dira pentsu banaketa, ur hodiak, kalapatxak, askak eta aireberritze estatikoa) | ||
5.1. Gizentzeko zerriak/m² | 40 | |
5.2. Zerri ernalduak/m² | 65 | |
6. Untxia/nabearen m²-ko (barne dira amatzeko eta gizentzeko kaiolak, bazkategiak, askak, habiak, jatekoen eta uraren banaketa, eta garbitzeko sistema) | 65 | |
ESNETARAKO EDO HARAGITARAKO BEHI AZIENDARENDAKO EKIPAMENDUA | ||
1.1. Minden irabiagailu murgildua/unitatea | 10.500 | |
1.2. Palarrak/unitatea | 11.500 | |
1.3. Aratxeak edoskiarazteko makina/unitatea | 10.700 | |
1.4. Plantxen goma/m² | 60 | |
1.5. Kautxuzko lastaira/ml | 125 | |
1.6. Hazkagailua/unitatea | 1.500 | |
1.7. Erditzeen detektagailua/unitatea | 4.000 | |
1.8. Jezteko errobota/unitatea | 127.000 | |
1.9. Aratxeendako etxola, parkea barne/unitatea | 560 | |
1.10. Esnea hozteko tanga >10.000 litro/unitatea | 45.000 | |
1.11. Esnea hozteko tanga <10.000 litro/unitatea | 27.000 | |
1.12. Aska/unitatea | 300 | |
1.13. Uraskak/unitatea | 1.500 | |
1.14. Uraren eta pentsuaren banaketa lerroak/unitatea | 10.000 | |
1.15. Harrapatokia < 4 metro luze/unitatea | 170 | |
1.16. Harrapatokia ≥ 4 metro luze/unitatea | 250 | |
1.17. Hesia < 4 metro luze/unitatea | 160 | |
1.18. Hesia ≥ 4 metro luze/unitatea | 280 | |
1.19. Langa < 4 metro luze/unitatea | 150 | |
1.20. Langa ≥ 4 metro luze/unitatea | 235 | |
1.21. Etzalekua/unitatea | 120 | |
1.22. Pentsurako siloa/unitatea | 3.000 | |
1.23. Pentsua garraiatzeko tornua/unitatea | 2.500 | |
1.24. Kanpoko bazkategia/unitatea | 1.300 | |
1.25. Barneko bazkategia/unitatea | 200 | |
1.26. Garbitzeko errobota/unitatea | 12.500 | |
ESNETARAKO EDO HARAGITARAKO ARDI AZIENDARENDAKO EKIPAMENDUA | ||
1.1. Ardi aziendarentzako parriladura (lurreko saretak)/m² | 75 | |
1.2. Axuriak edoskiarazteko makina/unitatea | 5.500 | |
1.3. Ardi esnea hozteko biltegia/unitatea | 12.000 | |
1.4. Aska solteak (lurzatietarako, patiorako...)/unitatea | 65 | |
1.5. Uraskak/unitatea | 1.500 | |
1.6. Uraren eta pentsuaren banaketa lerroak/unitatea | 10.000 | |
1.7. Hesiak < 3 metro luze/unitatea | 50 | |
1.8. Hesiak ≥ 3 metro luze/unitatea | 70 | |
1.9. Erditze-lekua, osoa, bazka-ontzi txikiarekin/unitatea | 160 | |
1.10. Gobernatzeko mahuka/unitatea | 3.500 | |
1.11. Pentsurako siloa/unitatea | 3.000 | |
1.12. Pentsua garraiatzeko tornua/unitatea | 2.500 | |
1.13. Bazkalekuak patiorako < 3 metro luze/unitatea | 50 | |
1.14. Bazkalekuak patiorako ≥ 3 metro luze/unitatea | 75 | |
ERLEZAINTZARAKO EKIPAMENDUA | ||
1.1. Zurezko kutxak/unitatea | 45 | |
1.2. Argizari koadroak/unitatea | 2 | |
HORNIDURAK | ||
1. Ur hornidurak. Honako hauek barne: zanga ireki eta ixtea, hondakindegira eramatea, hareazko edo legarrezko ohea, hodia, sarearekiko konexioa, kontagailua eta paso-giltzak, balbulak, erabat funtzionala eta bukatua/ml | 12 | |
2. Behe tentsioko eta tentsio ertaineko lur azpiko linea elektrikoa. Honako hauek barne: zanga ireki eta ixtea, hondakindegira eramatea, hareazko ohea, kanalizazioa, kableatua, igeltserotza-lanei dagozkien zati proportzionala, erregistroko kutxatilak, terminal bimetalikoak, lur konexioak, armairuak eta kaxa elektrikoak, sarrera orokorretako lur konexioak, armairuak eta kaxa elektrikoak, erabat funtzionala eta bukatua/ml | 90 | |
3. Behe tentsioko eta tentsio ertaineko linea elektrikoa. Honako hauek barne: euskarri-zutoinak, kableatua, konexioak, tximistorratzak, tenkaketarako osagarriak, ebakigailuak, larako-eraztunak, armairu-kontagailuak, armairuak eta kaxa elektrikoak, sarrera orokorretako lur konexioak, armairuak eta kaxa elektrikoak, erabat funtzionala eta bukatua/ml | 90 | |
4. Transformadorea. Honako hauek barne: zutoina, armairuak eta kaxa elektrikoak, konexioak, etab., erabat funtzionala eta bukatua/unitatea | 24.000 | |
5. Multzo elektrogenoa/sorgailua/unitatea | 8.500 | |
INSTALAZIO FOTOVOLTAIKOAK (IV. eranskina) | ||
Aurretiazko neurketak, modulu fotovoltaikoak, inbertitzaileak/kargagailuak/erreguladoreak, egiturak eta ainguraketak, bateriak, telekontrola, kableatua eta koadro elektrikoak, bai eta baimenduta muntatzeko eta martxan jartzeko ekipamendu osoa ere/kWp | ||
Potentzia ≤ 5 kWp | 3.550 | |
5< Potentzia ≤ 20kWp | 1.900 | |
Potentzia > 20 kWp | 1.250 | |
BILTEGIAK | ||
1. Biltegi itxia/m² | 200 | |
2. 2-3 paretako biltegi itxia/m² | 170 | |
3. Estalia eta paretagabea/m² | 150 | |
4. Lehorpea/m² | 125 | |
PRODUKZIO, ERALDAKETA ETA/EDO MERKATURATZE ZENTROA | ||
1. Eraikin berriak eta aurretik zeudenak handitzea (lurraren prestakuntza, zimendua, nabea, saneamendua, hoditeria eta barneko argindarra, margotzea eta panelak jartzea, hozkailukoak salbu) m² | ||
1.1. Osasun eta girotze errekerimendu altuak dituztenak (haragikien industria, esnekien industria...) | 480 | |
1.2. Osasun eta girotze errekerimendu ertainak dituztenak (nekazaritzako elikagaien gainerako industriak) | 380 | |
1.3. Lehengai, azken produktu eta beste produktu batzuen biltegiak, osasun eta girotze errekerimendu berezirik gabe | 300 | |
2. Oraingo eraikinak egokitzea m² | ||
2.1. Osasun eta girotze errekerimendu altuak dituztenak (haragikien industria, esnekien industria...) | 400 | |
2.2. Osasun eta girotze errekerimendu ertainak dituztenak (nekazaritzako elikagaien gainerako industriak), bai eta biltegiratzekoak ere, osasun eta girotze errekerimendu berezirik gabe | 300 | |
3. Web-orrien garapena | 3.000 | |
HESIAK ETA ITXITURAK (honako hauek barne: sartzeko ateak eta atakak, ate automatikoak salbu) | ||
1. Sare erronboidal zokaloduna (2 m)/metro lineala | 35 | |
2. Sare erronboidal zokalorik gabea (2 m)/metro lineala | 25 | |
3. Harri-horma 2 m/metro lineala | 45 | |
4. Burdin-haria/Autopistako sarea/metro lineala | 6,50 | |
5. Heskaia/metro lineala | 15 | |
6. Urbanizazio zuhaitzak/unitatea | 30 | |
7. Hesi elektrikoa/artzain elektrikoa: 230 v-ko bateria edo ekipoa | 500 | |
8. Hesi elektrikoa/artzain elektrikoa: 2 hari/metro lineala | 2 | |
NEKAZARITZAKO MAKINAK/unitatea | ||
1. Traktoreak | ||
1.1. Potentzia < 50 ZP | 13.600 | |
1.2. 50 ≤ potentzia < 100 | 35.000 | |
1.3. 100 ≤ potentzia < 150 | 56.000 | |
1.4. 150 ≤ potentzia < 200 | 80.000 | |
1.5. 200 ≤ potentzia < 250 | 100.500 | |
1.6. Potentzia ≥ 250 | 133.000 | |
1.7. Gurpil estuak | ||
–Aurreko gurpila (unitatea) | 2.500 | |
–Atzeko gurpila (unitatea) | 3.500 | |
2. Pala-traktorea (mekanismo hidraulikoa, euskarria eta pala edo hasierako beste tresna bat barne) | 6.400 | |
2.1. Palaren tresnak (ontziak, pintzak, ziriak...)/unitatea | 2.500 | |
2.2. Palaren tresnak, pala kargatzailerako, teleskopikorako edo gurpil gainekorako/unitatea | 2.500 | |
3. Motokultoreak | 3.200 | |
4. Uzta biltzeko makina autopropultsatuak (ebaketa-burua barne) | ||
4.1. Zerealak (bihiak-haziak) edo bestelakoak biltzeko makina Potentzia < 250 | 135.000 | |
4.2. Zerealak (bihiak-haziak) edo bestelakoak biltzeko makina Potentzia ≥ 250 | 160.000 | |
4.3. Uzta biltzeko makinaren ebaketa-burua | 40.000 | |
4.4. Uzta bildu eta xehatzeko makina | 10.000 | |
4.5. Bazka biltzeko makina autopropultsatuak | 222.000 | |
4.6. Enborretik eta hostoetatik bibragailu bidez uzta biltzeko makina | 98.400 | |
4.7. Frutagintzako plataforma autopropultsatua | 20.300 | |
4.8. Uzta biltzeko makina zamalkatzailea (mahastiak, olibondoak eta gisakoak) | 156.300 | |
4.9. “Baby leaf” hostoak biltzeko makina | 52.100 | |
4.10. Barazkiak biltzeko makina autopropultsatuak (lekak, ilarrak, ziazerbak) | 358.500 | |
4.11. Barazkiak biltzeko makina autopropultsatuak (tomateak) | 135.000 | |
4.12. Biltzeko eta uzta jasotzeko ekipamenduetarako automatismoak (IV. eranskina) | 10.000 | |
5. Zamalanak egiteko eta garraiatzeko makina autopropultsatuak | ||
5.1. Orga jasotzaile mastadunak (zezen motakoak) | 33.500 | |
5.2. Kargatzaile trinkoa (robota edo bobcata) | 30.500 | |
5.3. Gurpil gaineko pala kargatzailea | 120.200 | |
5.4. Pala kargatzaile teleskopikoa | 80.200 | |
5.5. Unifeed motako nahasgailuak | 110.000 | |
6. Gurditraktorea | 28.000 | |
7. Lurra lantzeko makineria | ||
7.1. 6 gorputz edo gutxiago dituen golde belarriduna | 16.000 | |
7.2. 6 gorputz baino gehiago dituen golde belarriduna | 30.000 | |
7.3. Lurpe goldea-destrinkotzailea | 4.500 | |
7.4. Craker lurpe-goldea | 16.000 | |
7.5. Txisel goldea, 14 beso edo gutxiagokoa | 11.000 | |
7.6. Txisel goldea, 14 besotik gorakoa | 17.000 | |
7.7. Lurra lantzeko makina errotore bidezkoa-errotokultorea | 18.000 | |
7.8. Harriak lurperatzeko fresatzeko makina-konformatzeko makina | 25.000 | |
7.9. Disko-area, 5 metro edo gutxiagokoa | 10.500 | |
7.10. Disko-area, 5 metro baino gehiagokoa | 22.000 | |
7.11. Are azkarra | 19.500 | |
7.12. Are abiarazia, 4 metro edo gutxiagokoa | 26.000 | |
7.13. Are abiarazia, 4 metrotik gorakoa | 45.000 | |
7.14. Lurra lantzeko makina arantzaduna edo besoduna | 7.900 | |
7.15. Mahatsondoen edo landareen arteko kultibadorea | 5.700 | |
7.16. Mahatsondoen arteko lanabesa kultibadoreari egokitzeko | 1.700 | |
7.17. Lerrokako lur-lantzea edo strip hill kultibadorea | 18.000 | |
7.18. Alperrak | 10.000 | |
7.19. Sasi-garbitzeko makina herrestatua | 12.000 | |
7.20. Harriak kentzeko makina | 9.500 | |
7.21. Marruskagailua | 15.500 | |
8. Erein eta landatzeko makineria | ||
8.1. Lerro ereiteko makinak (zurrustakakoak) mekanikoa | 16.000 | |
8.2. Doitasunezko ereiteko makinak (bihiz bihikoak/kolpekakoak), mekanikoak | 23.000 | |
8.3. Ereiteko makina pneumatikoak | 40.000 | |
8.4. Zuzenean ereiteko makinak | 50.000 | |
8.5. Birlandatzeko makinak | 14.800 | |
8.6. Erein eta landatzeko ekipamenduetarako automatismoak (IV. eranskina) | 10.000 | |
9. Tratamenduetarako ekipamenduak | ||
9.1. Arrasteko ihinztagailuak | 28.000 | |
9.2. Ihinztagailu esekiak | 20.000 | |
9.3. Tratamenduko ekipamenduetarako automatismoak (IV. eranskina) | 10.000 | |
9.4. Aire hesia edo TWIN sistema (IV. eranskina) | 7.000 | |
9.5. Aurrealdeko ihinztatze biltegia | 5.000 | |
9.6. Ihinztagailu autopropultsatua | 89.500 | |
9.7. Atomizagailu-langarreztagailua | 6.000 | |
9.8. Kanoi lainoztagailuak-langarreztagailuak | 6.000 | |
9.9. Hautseztagailuak | 6.000 | |
10. Ongarriak eta ura ekartzeko ekipoak | ||
10.1. Ongarritzeko makina herrestatuak | 25.000 | |
10.2. Ongarritzeko makina esekiak | 15.000 | |
10.2. Bareen kontrako ongarritze makinak | 1.000 | |
10.4. Ongarriak eta ura emateko ekipamenduetarako automatismoak (IV. eranskina) | 10.000 | |
10.5. Simaurra hedatzeko orga, 15 m³ edo gutxiago | 24.000 | |
10.6. Simaurra hedatzeko orga, 15 m³ edo gutxiago, goi mendialdeko ustiategietan | 28.800 | |
10.7. Simaurra hedatzeko orga, 15 m³ baino gehiago | 50.000 | |
10.8. Simaurra hedatzeko orga, 15 m³ baino gehiago, goi mendialdeko ustiategietan | 60.000 | |
10.9. Minda zisterna | 49.300 | |
10.10. Minda zisterna, goi mendialdeko ustiategietan | 56.700 | |
10.11. Minda kokatzeko minda zisternak egokitzea (hodi esekiak, lokalizatzeko burdin hesiak, disko lokalizatzaileak edo beste sistema batzuk, sistema birrintzailea eta banaketa barne) | 20.000 | |
10.9. Zisterna gehigarria (IV. eranskina) | Emari-neurgailua, aurrera egin ahala emaria kontrolatzen duena | 10.000 |
Tarteen kontrola | 10.000 | |
Minden analisi jarraiturako sistema / NIR teknologia | 10.000 | |
11. Bazka biltzea | ||
11.1. Segamakina (egokitzailea), 3 metro edo gutxiago | 21.000 | |
11.2. Segamakina (egokitzailea), 3 metro edo gehiago | 28.000 | |
11.3. Segamakina (ez egokitzailea), 3 metro edo gutxiago | 12.000 | |
11.4. Segamakina (ez egokitzailea), 3 metro edo gehiago | 21.000 | |
11.5. Eskuareak | 12.500 | |
11.6. Xehatzeko makinak | 15.600 | |
11.7. Belardien aireztatzailea | 4.000 | |
11.8. Ohiko paka-makinak | 17.800 | |
11.9. Paka handiak egiteko makinak | 76.200 | |
11.10. Paka biribilak egiteko makinak | 25.000 | |
11.11. Garraiagailua/Paka-makinarako eskuarea | 25.000 | |
11.12. Biltzeko makinak-xingolaztatzeko makinak | 9.300 | |
11.13. Unifeed herrestatua | 26.300 | |
11.14. Bestelakoak (azpiak egiteko makinak) | 13.900 | |
11.15. Bestelakoak (silokoa ateratzeko makinak) | 4.900 | |
12. Bazka biltzea, goi mendialdeko ustiategietan | ||
12.1. Segamakina (egokitzailea), 3 metro edo gutxiago | 24.150 | |
12.2. Segamakina (egokitzailea), 3 metro edo gehiago | 32.200 | |
12.3. Segamakina (ez egokitzailea), 3 metro edo gutxiago | 13.800 | |
12.4. Segamakina (ez egokitzailea), 3 metro edo gehiago | 15.900 | |
12.5. Eskuareak | 14.400 | |
12.6. Xehatzeko makinak | 18.000 | |
12.7. Belardien aireztatzaileak | 4.600 | |
12.8. Ohiko paka-makinak | 20.500 | |
12.9. Paka handiak egiteko makinak | 87.700 | |
12.10. Paka biribilak egiteko makinak | 24.100 | |
12.11. Garraiagailua/Paka-makinarako eskuarea | 28.750 | |
12.12. Biltzeko makinak-xingolaztatzeko makinak | 10.700 | |
12.13. Unifeed herrestatua | 30.300 | |
12.14. Bestelakoak (azpiak egiteko makinak) | 16.000 | |
12.15. Bestelakoak (silokoa ateratzeko makinak) | 5.700 | |
13. Uzta biltzeko beste makina batzuk | ||
13.1. Arrasteko plataformak | 50.600 | |
13.2. Zuhaitz-astingailuak | 35.000 | |
13.3. Mahatsa biltzeko arrasteko makinak | 50.200 | |
14. Arrasteko beste makina batzuk, edo esekiak | ||
14.1. Hondakinen birringailua | 7.200 | |
14.2. Hostoak kentzekoa | 12.600 | |
14.3. Inausi aurrekoa | 9.900 | |
14.4. Puntak moztekoa | 8.200 | |
14.5. Nibelatzekoa | 26.100 | |
14.6. Kabailoiak egitekoa | 10.000 | |
14.7. Plastikoak hedatzekoa | 5.000 | |
14.8. Lurra estaltzekoa | 3.000 | |
15. Atoiak (orokorra) | ||
15.1. Bainuontzi-atoia, gehieneko masa baimendua 15 T edo gutxiago | 12.400 | |
15.2. Bainuontzi-atoia, gehineko masa baimendua 15 T baino gehiago | 25.000 | |
15.3. Plataforma-atoia | 9.000 | |
15.4. Mozteko tresneria eramateko atoia | 2.500 | |
15.5. Fardoendako atoi autokargatzailea, A motakoa - Fardo txikia elkartzeko makina | 39.500 | |
15.6. Fardoendako atoi autokargatzailea, B motakoa - Fardo handia biltzeko makina | 65.000 | |
15.7. Bazkarendako atoi autokargatzailea | 59.000 | |
15.8. Bestelako atoiak-Autoan azienda eramateko atoia | 3.000 | |
15.9. Bestelako atoiak-Atoi trakzionatua | 3.800 | |
15.10. Bestelako atoiak - Atoi autoegozlea | 37.500 | |
15.11. Bestelako atoiak - Azienda garraiatzeko atoia, traktoreari lotua | 10.100 | |
15.12. Bestelako atoiak - Mahatsa biltzeko atoiak | 17.100 | |
16. Bestelako tresnak | ||
16.1. GPSa, pilotu automatikoaren bidez gidatzeko sistemarik gabea | 3.000 | |
16.2. GPSa, pilotu automatikoaren bidez gidatzeko sistemaduna (IV. eranskina) | 9.500 | |
16.3. RTK modulua (IV. eranskina) | 9.500 | |
16.3. Jasogailu hidraulikoak | 5.000 | |
16.4. Amaigabea | 1.650 | |
16.5. Minda irabiagailua, traktoreari lotua | 3.100 | |
16.6. Urez garbitzeko makina | 1.800 | |
16.7. Tripuntala | 8.850 | |
16.8. Eskuzko ekipamendua (sasiak garbitzeko makinak, motozerrak...) | 500 | |
16.9. Inausketarako guraize elektrikoak | 1.300 | |
EKIPAMENDU INFORMATIKOA | ||
1. Ekipamendu informatikoa (ordenagailua, inprimagailua, oinarrizko softwarea...) | 1.000 | |
2. Doitasunezko software-sistemak - Isobus, Telematics, JDLink, mapaketa-sistemak... (IV. eranskina) | 10.000 | |
3. Ustiategiaren ekonomia- eta kontabilitate-kudeaketako, ugalketa-kudeaketako, kudeaketa sanitarioko eta kudeaketa genealogikoko software-sistemak | 1.000 | |
ORDAINSARIAK | ||
1. Laguntzen eskabidearen tramitazioaren eta inbertsio-plana egitearen ordainsari teknikoak | 600 | |
2. Memoria baloratuaren ordainsari teknikoak | 600 | |
3. Proiektuaren ordainsari teknikoak: obra gauzatzeko aurrekontuaren gaineko % | %5 | |
4. Obra zuzendaritzaren ordainsari teknikoak: obra gauzatzeko aurrekontuaren gaineko % | %5 | |
5. Beste azterketa batzuen ordainsari teknikoak | 600 | |
III. ERANSKINA
Nekazaritzako biltegiak (m²/nekazaritzako lan unitateak) | 400 |
1. Gehieneko azalera biltegiko (m²) | 1.000 |
IV. ERANSKINA
Inbertsio berritzaileak
1.–Analisi ekipoak.
Laborantza intentsiboen eta estentsiboen garapen mailaren detektagailua, parametroak eta errendimendu-mapak kontrolatzea ahalbidetzen duten ekipoak, NIR analisi sistemak, lurzoruen eta uren analisia, lortutako produktuaren egoera.
2.–Erregulazio eta kontrol ekipamenduak.
2.1. Sentsoreetan oinarritutako sistema elektronikoa, ereiteko tarteak eta dosiak erregulatzeko, hazkuntzako beste lan batzuk –ongarria, tratamenduak, minden eta/edo ongarri likidoen banaketa lokalizatua, uzta...–, inklinazioa eta altuera erregulatzea eta egonkortzea.
3.–GPSa, gidatzeko sistemekin.
GPSa, autogidatzearekin edo pilotu automatikoarekin.
4.–Mapaketa sistemak.
4.1. Traktoreen eta uzta-makinen mapaketa sistema.
5.–Nekazaritzarako (berotegiak barne) eta abeltzaintzarako doitasunezko softwarea.
6.–Kudeaketa eta kontrol automatikoko plataformak abeltzaintzan (sistema adimentsuak –hala nola abereak eta loteak gobernatzeko irakurgailu interaktiboak, datuen idazketa elektronikoa–, instalatzea lokalizagailuak, neurgailuak eta mugimenduen kontrola, hori guztia ganaduaren GPSan oinarrituta).
7.–Energia berriztagarriak.
Energia elektriko eta termiko berriztagarria produzitzeko ekipamendua, ustiapenean bertan kontsumitzeko.
Iragarkiaren kodea: F2118430
Sarbidea
Nafarroako Aldizkari Ofiziala
Paseo Pablo Sarasate, 38, 2.º izda.
31001 - Iruña
848 42 12 50