2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
TAFALLA
2023ko ekitaldiko tasak. Hasierako onespena
Udalbatzak, 2022ko urriaren 14an egindako osoko bilkura berezian, erabaki hau hartu zuen, erregelamenduzko quoruma zuela:
"Tafallako Udalak 2022ko urriaren 14ko osoko bilkuran hartutako Erabakia, zeinaren bidez onesten baitira 2023rako ordenantzen testuak eta tarifen eranskinak, tasen ordainarazpenak arautzeko.
Kontuan harturik komeni dela ordenantzak egokitzea sortu diren kasuistika berriei, eta, bestetik, hobetu nahi direla testuen idazketei buruz egin daitezkeen interpretazioak, 2023ko ekitaldiko udal gastuei eusteko, eta kontuan harturik gaur egun Tafallako Udalak eta herritarrek duten egoera ekonomikoa, aplikatuz xedaturik dagoena martxoaren 10eko 2/1995 Foru Legean (Nafarroako Toki Ogasunei buruzkoa), uztailaren 2ko 6/1990 Foru Legean (Nafarroako Toki Administrazioari buruzkoa) eta urriaren 9ko 11/2004 Foru Legean (Nafarroako Toki Araubidea eguneratzekoa).
Ikusita, batetik, Kontu Hartzailetzak proposamenaren alde egindako txostena, eta, bestetik, Kontuen Batzordearen 2020ko uztailaren 7ko irizpena.
Kontuan harturik indarrean jarraitzen dutela aldatzen ez diren ordenantzek eta haien eranskinek, aurreko urteetan onetsitako testuekin.
Horiek horrela, Tafallako Udaleko Osoko Bilkurak,
ERABAKITZEN DU:
Lehena.–Onestea ondoko zerrendan agertzen diren 2023rako arau fiskalen testuak eta tarifen eranskinak, prezio publikoen ordainarazpenak arautzekoak. Espedientean jaso dira haien testu bateginak:
- 7. ordenantza: tasak arautzen ditu jarduera sailkatuetarako, kaltegabeetarako eta establezimenduak irekitzeko.
- 7. ordenantzaren eranskina: tasak arautzen ditu jarduera sailkatuetarako, kaltegabeetarako eta establezimenduak irekitzeko.
- 9. ordenantzaren eranskina: tasak arautzen ditu ibilgailuak kentzeko.
- 9. ordenantza fiskalaren eranskina: tasak arautzen ditu kirol instalazioak erabiltzeko.
- 18. ordenantza fiskala: tasak arautzen ditu ibilgailuak espaloietan barna igarotzeko.
Bigarrena.–Erabaki horiek jendaurrean edukitzea 30 egun baliodunean, Nafarroako Aldizkari Ofizialean eta iragarki-taulan iragarri ondoan, aurkez daitezen bidezko jotzen diren erreklamazioak, kexak nahiz oharrak.
Hirugarrena.–Hasierako onespenaren erabakia behin betikoa bilakatuko da baldin eta erreklamazio, kexa edo oharrik aurkezten ez bada. Kasu horretan, ondorio juridikoak sortzeko, inguruabar hori argitaratu beharko da Nafarroako Aldizkari Ofizialean, behin betiko testuarekin batera.
Laugarrena.–Arauzko tramiteak beterik, 2023ko urtarrilaren 1ean hartuko dute indarra hasiera batez onetsitako ordenantza fiskalen testuei eta tarifen eranskinei egindako aldaketek, ondoriozko testu bateginak Nafarroako Aldizkari Ofizialean argitaratu ondoan".
Tafallan, 2022ko urriaren 19an.–Alkatea, Jesús Arrizubieta Astiz.
Iragarkiaren kodea: L2213925
