Iragarkia

220. ALDIZKARIA - 2022ko azaroaren 8a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

ERRIBERRI

Ordenantza, tasa arautzen duena herriko jabari publikoaren aprobetxamendu berezia egiteko, honako hauek garraiatzeko instalazioetarako: energia elektrikoa, gasa, ura eta hidrokarburoak. Behin betiko onespena

Honen bidez aditzera ematen da iragan dela jendaurreko informazioaren tramitea, hasi zena hasierako onespena argitaratuta 2021eko 275. Nafarroako Aldizkari Ofizialean, abenduaren 7koan, eta ez dela aurkeztu epe horretan inolako alegazio nahiz erreklamaziorik; beraz, bidezkoa da onespena behin betikoa bilakatzea eta ondoko testua argitaratzea.

Erriberrin, 2022ko urriaren 14an.–Alkatea, Maite Garbayo Valencia.

ORDENANTZA, TASA ARAUTZEN DUENA HERRIKO JABARI PUBLIKOAREN APROBETXAMENDU BEREZIA EGITEKO, HONAKO HAUEK GARRAIATZEKO INSTALAZIOETARAKO: ENERGIA ELEKTRIKOA, GASA, URA ETA HIDROKARBUROAK

Atarikoa

Aintzat harturik araugintzarako zer ahalmen ematen dituzten Espainiako Konstituzioaren 133.2 eta 142. artikuluek eta uztailaren 2ko 6/1990 Foru Legearen 262. artikuluak (foru lege horrek hizpide du Nafarroako Toki Administrazioa), tokiko tributuen arloko araugintzako ahalei dagokienez, eta bat etorriz, orobat, martxoaren 10eko 2/1995 Foru Legearen 12. artikuluarekin eta hurrengoekin eta 100. artikuluarekin eta hurrengoekin (foru lege horrek hizpide ditu Nafarroako toki ogasunak), ordenantza fiskal honen bidez tasak arautzen dira herriko jabari publikoaren aprobetxamendu berezia egiteko, energia elektrikoa, gasa, ura eta hidrokarburoak garraiatzeko instalazioetarako, bat etorriz ordenantza honen araubidearekin eta tarifekin. Nahitaezko txosten tekniko-ekonomiko baten ondorio dira horiek, eta bertan aurreikusitako kalkulu-metodoa eta parametroak zuzenbidearen araberakoak deklaratu ditu Auzitegi Gorenak. Horretarako, honako epai hauek aipatzen ditu, besteak beste: 2708/2016 [1117/2016 kasazio-errekurtsoa]; 2726/2016 [436/2016 kasazio-errekurtsoa]; 49/2017 [1473/2016 kasazio-errekurtsoa], 489/2017 [1238/2016 kasazio-errekurtsoa], 292/2019 [1086/2017 kasazio-errekurtsoa], 308/19 [1193/2017 kasazio-errekurtsoa], 1649/2020 [3508/2019 kasazio-errekurtsoa], 1659/2020 [3099/2019 kasazio-errekurtsoa], 1783/2020 [3939/2019 kasazio-errekurtsoa] eta 275/2021 [1986/2019 kasazio-errekurtsoa]; epai horiek ordenantza honen eredua baliozkotzen dute, eta ordenantza honen edukia eta exijentziak finkatzen dituzte.

1. artikulua. Aplikazio-eremua.

Ordenantza honetan araututako tasa ordaintzera beharturik daude pertsona fisikoak edo juridikoak, sozietate zibilak, ondasun-erkidegoak eta gainerako entitateak, jasotzen direnak Tributuei buruzko abenduaren 14ko 13/2000 Foru Lege Orokorraren 21. artikuluan eta hurrengoetan (13/2000 Foru Lege Orokorra, Tributuei buruzkoa), bat etorriz 2/1995 Foru Legearen 104. artikuluarekin, baldin herriko jabari publikoaren aprobetxamendu berezia egiten badute, azalduko diren espezifikazio eta zehaztapenekin, edo halako onurak gozatzen ari badira jada.

Ordenantza honen aplikazioa dagokio araubide orokorrari, zeina bat baitator martxoaren 10eko 2/1995 Foru Legearen 100.2 a) artikuluan (arau beraren 105. artikuluarekin lotuta) ezarritako tasarekin, ordaindu behar baita herriko jabari publikoaren erabilera edo aprobetxamendu berezia egiteagatik, baldin ez badira interes orokorreko zerbitzuak ematen dituzten enpresak, herria oro har ukitzen dutenak, edo zati handi bat, eta Udaleko bide publikoetako lurzorua, lurpea eta lurgaina okupatzen dutenak; inguruabat horiek aurreikusiak daude 105.1 artikuluan, hirugarren paragrafoan.

2. artikulua. Zerga-egitatea.

Tasaren zerga-egitatea da (bat etorriz 2/1995 Foru Legearen 100. artikuluarekin), herriko jabari publikoaren aprobetxamendu berezia egitea, lurzoruan, lurpean eta lurgainean, honako hauekin:

a) Energia garraiatzeko instalazioak, nahitaez behar dituzten elementu guztiekin, hots, besteak beste, lotura kaxak; dorre metalikoak; transformadoreak; energia elektrikoa, gasa, ura edo bestelako energia-hornidura garraiatzeko edo banatzeko instalazioak edo lineak; ponpatzeko instalazioak eta antzeko elementuak, zerikusia dutenak energiarekin eta direnak herriko jabari publikoaren aprobetxamenduak edo erabilerak, apartatu honetan jaso gabeak.

b) Gasa, ura, hidrokarburoak eta antzekoak garraiatzeko instalazioak.

Herriko jabari publikoaren aprobetxamendu berezia gertatuko da, betiere, aipatutako instalazioak erabili behar direnean eta horretarako jabari publiko orokorra okupatzen denean.

Ordenantza honen ondorioetarako, herriko jabari publikotzat hartzen dira udal-mugartean dauden erabilera, jabari edo zerbitzu publikoko ondasun guztiak, baita herri-ondasunak ere, edo herriaren jabetza amankomunekoak direnak, eta, horregatik, salbuesten dira ondare-ondasunak.

3. artikulua. Subjektu pasiboak.

Tasen subjektu pasiboak dira, zergadun diren aldetik, pertsona fisikoak eta juridikoak eta entitateak, jasotzen direnak Tributuei buruzko abenduaren 14ko 13/2000 Foru Lege Orokorraren 21. artikuluan eta hurrengoetan, baldin herriko jabari publikoa gozatzen, erabiltzen edo aprobetxatzen badute.

Tasa honen subjektu pasiboak izanen dira, batez ere, azalduko diren kategoria eta motatan, pertsona fisikoak eta juridikoak eta entitateak, jasotzen direnak Tributuei buruzko abenduaren 14ko 13/2000 Foru Lege Orokorraren 21. artikuluan eta hurrengoetan, baldin badira uraren, gasaren, elektrizitatearen eta hidrokarburoaren sektoreetako enpresak edo ustiatzaileak eta bereziki gozatzen edo aprobetxatzen badute herriko jabari publikoa norberaren onurarako, bat etorriz 2/1995 Foru Legearen 100. artikuluko eta hurrengoetako kasuren batekin, esaterako energia elektrikoa, hidrokarburoak (esaterako, gasbideak, oliobidea eta antzekoak) eta ura garraiatzen, banatzen, zerbitzatzen eta merkaturatzen duten enpresak, baita haien elementu osagarriak ere, beharrezkoak direnak zerbitzu hori emateko udalerri honetan, edo beste edozein tokitan baina horretarako erabiltzen edo aprobetxatzen badute herriko jabari publikoa, beren instalazioekin hura ukituz.

4. artikulua. Oinarriak, tasak, eta tributu kuotak.

Ordenantza honek araututako tasak honako hauek izanen dira:

Tributu-kuota da eranskineko tarifetan jasotakoa, bat etorriz martxoaren 10eko 2/1995 Foru Legearen 105.1 artikuluarekin (foru lege horrek hizpide ditu Nafarroako toki ogasunak).

Herriko jabari publikoaren aprobetxamendu bereziagatik aurreikusten diren tasen zenbatekoa finkatzeko, erreferentziatzat hartzen da zer balio izanen lukeen merkatuan eratorritako erabilgarritasunak, baldin ukitutako ondasunak jabari publikokoak ez balira. Horretarako, oinarri hartu da txosten tekniko-ekonomiko bat, non agertzen baita zein den merkatuko balioa. Txosten hori espedienteari eransten zaio, egoki den erabakia hartzeko, bat etorriz indarrean den 2/1995 Foru Legearen 106. artikuluarekin.

Horretarako, eta kontuan harturik zer motatakoa den aprobetxamendu zehatza, sortuko da tributu-kuota bat erabilera, jabari edo zerbitzu publikoko ondasunak eta herri-ondasunak okupatzen edo zeharkatzen dituzten elementuetarako (dorreak, euskarriak, zutoinak, hodiak, lineak, eroaleak, hedagailuak, etab.), zeren eta subjektu pasiboek ez eduki arren ukitutako lurren jabetza, murrizten baitute herriaren aprobetxamendua edo aprobetxamendu publikoa, eta aprobetxamendu berezia lortzen baitute beren enpresa-jarduerarako.

Tributu-kuota honela kalkulatuko da: hasteko, kalkulatuko da zerga-oinarria, hots, okupazioaren, lurzoruaren eta instalazioaren balio osoa, azterlanak adierazten duen instalazio mota, xede eta klasearen arabera, eta horri aplikatuko zaio zerga-tasa, zeina azterlanak berak adieraziko baitu, kontuan harturik erabilera eta jabari publikoko ondasunak lagatzeari buruzko arauetako manuak, halako moduz non kuota ez den izanen instalazioen eta okupazioen ondoriozko zuzeneko balio bat (zeina baita zerga-oinarria), baizik zerga-oinarriari zerga-tasa aplikatzearen ondorio.

Horretarako, eta jarraikiz Auzitegi Gorenak zenbait epaitan egindako exijentziari, horien adibide 2000ko abenduaren 3koa, ekarri baitute ordenantza hau egitea, bi zerga-tasa desberdin ezartzen dira, aintzat hartuz Azterlanaren justifikazioa, herriko jabari publikoaren erabileraren intentsitatearen arabera:

a) %5 honelako instalazioen aprobetxamendu berezietarako: lotura-kaxak, metalezko dorreak, euskarriak, transformadoreak, biltegiak edo antzeko elementuak.

b) %2,5 gainerako elementuen aprobetxamenduetarako, hala nola aireko lineak edo energia garraiatzeko kableak.

Horrenbestez, tasaren tributu-kuota jaso da azterlan tekniko-ekonomikoaren tarifen eranskinean, eta azterlana bera ordenantza honen zati da. Bertan, erabilitako metodologiarekin, tributu-kuota lortu eta jaso da kasu bakoitzerako.

5. artikulua. Zergaldia eta sortzapena.

1. Zergaldia bat dator urte naturalarekin, salbu herriko jabari publikoaren erabilera edo aprobetxamendu berezia hasten edo bukatzen denean; kasu horietan, hainbanaketa eginen da, hiruhileka, honako arau hauekin bat:

a) Alta ematen denean aprobetxamendu berezia hasteagatik, likidatuko da ekitaldia bukatzeko falta diren hiruhilekoei dagokien kuota, alta ematen deneko hiruhilekoa barne.

b) Baja ematen denean aprobetxamendu berezia uzteagatik, likidatuko da ekitaldiaren hasieratik iragan diren hiruhilekoei dagokien kuota, uztea gertatzen denekoa barne.

2. Ordenantza honetan arautzen den tasa ordaindu beharra honako hauetan sortzen da:

a) Herriko jabari publikoaren aprobetxamendu edo erabilera berrien kontzesio edo baimenetan, behar den lizentzia eskatzen den unean.

b) Lizentziarik edo baimenik behar ez denean ordenantza honen 1. artikuluan aipatutako herriko jabari publikoaren aprobetxamendu berezirako edo erabilerarako, herriko jabari publikoaren aprobetxamendua edo erabilera hasten den unetik.

3. Baldin herriko jabari publikoaren aprobetxamendu bereziak zenbait ekitalditan luzatzen badira, urte bakoitzeko urtarrilaren 1ean gertatuko da tasaren sortzapena, eta zergaldia urte naturala izanen da.

6. artikulua. Kudeaketa arauak.

1. Tasa eskatuko da autolikidazio bidez. Subjektu pasiboak hala nahi badu, autolikidazioaren ordez deklarazio bat aurkezten ahal du, elementuei eta gainerakoei buruz, tributu-kuotak zehazteko. Baldin subjektu pasiboak ez badu autolikidaziortik aurkezten artikulu honek ezarritako epean, edo, behar denean, deklaraziorik, Administrazioak eskatuko du tasa ordaindu dadila, horretarako kuotak jakinaraziz subjektu pasiboari. Ordaintzera beharturik dauden enpresek aurkeztutako autolikidazioak egiazta eta ikuska ditzake Udal administrazioak, eta, behar izanez gero, egoki diren likidazio osagarriak eginen ditu.

2. Tarifen arabera ordaindu beharreko zenbatekoak likidatuko dira eskatutako aprobetxamendu bakoitzeko, honela:

a) Aprobetxamendu berrien kontzesioetan, aprobetxamendu berezia gozatzeko baimen eskaerarekin batera aurkeztu beharko da, behar bezala betea, tasaren autolikidaziorako inprimakia, edo, bestela, ondotik heldu den paragrafoa aplikatuko da.

Aurrekoaren ordez, subjektu pasiboak hala nahi badu, Idazkaritzan aurkez daitezke deklarazioko elementuak, Udaleko funtzionario eskudunak behar den laguntza eman dezan zorra zehazteko. Kasu horretan, interesdunari abonu-agiri bat emanen zaio, kuota ordain dezan une horretan berean edo egoki den epean, abonu-agirian bertan adierazitako tokietan.

b) Jada egiten ari diren edo baimendurik dauden aprobetxamenduen edo erabileren kasuetan, urteko lehenbiziko hiruhilekoan ordainduko da tasa. Ordainketa errazteko, edo subjektu pasiboak ez badu daturik ematen, behin epea iraganda, Udalak behar den likidazioa eginen du, eta subjektu pasiboaren helbidera igor dezake likidazio-agiri bat, egoki dena ordaintzeko banku-entitate laguntzailean edo Udalaren kutxan.

Nolanahi ere, aipatutako ordainketa-agiria ez jasotzeak ez du salbuesten tasa ordaintzetik, Udalak zehaztutako epean, eta Udalaren eskubidea da Tributuei buruzko Foru Lege Orokorreko bitartekoak aplikatzea.

3. Subjektu pasiboak eska dezake tasaren ordainketa helbideratzea, eta, halakoetan, aginduko da kargua egin dadila borondatez ordaintzeko epearen azken hamabostaldian.

Ordenantza honetan aurreikusi gabeko guztian, kudeaketa eta diru-bilketarako arauei dagokienez, aplikatuko da Tributuei buruzko abenduaren 14ko 13/2000 Foru Lege Orokorra, haren izaera orokorra dela eta. Orobat, foru lege hori bera aplikatuko da baldin ordenantza honek zerbaitetan kontra egiten badio.

7. artikulua. Tasak jakinaraztea.

1. Ordenantza honetan aipatutako aprobetxamenduetan, tributu-zorra interesdunari jakinaraziko zaio, autolikidazioa aurkezten den unean, edo, autolikidaziorik aurkezten ez bada, likidazioa jakinarazten den unean.

Aurreko apartatuan aurreikusitakoa gorabehera, baldin, behin autolikidazioa egiaztaturik, ikusten bada okerra dela, likidazio osagarria eginen da.

2. Ordenantza honen xede diren erabilera edo aprobetxamendu berezi jarraituen tasei dagokienez (aldizkakoak dira), jakinarazitzat joko da autolikidazioaren aurkezpena edo, subjektu pasiboak aurkezten ez badu, likidazioa, eta ulertuko da une horretan ematen zaiola alta zergadunen erregistroan. Administrazio honek aukeratzen badu, bere ahala baita, jakinarazpen kolektibo bat egitea, alta hori jakinaraziko zaio subjektu pasiboari, bat etorriz Tributuei buruzko Foru Lege Orokorrak ezarritako prozedurarekin. Hurrengo ekitaldietako tasa subjektu pasiboari jakinaraz dakioke banan-banan edo kolektiboki, errolda jendaurrean jarriz Udalaren iragarki-taulan, egoki den aldian, zeina iragarriko baita Nafarroako Aldizkari Ofizialean.

3. Ordenantza honetan araututako aprobetxamenduak edo erabilerak nahi dituzten pertsona fisiko edo juridikoek eta gainerako entitate interesdunek, edo kontzesio administratiboen edo bestelako legezko baimenen titularrek, ez badute nahitaezko (hala bada) udal baimenik, eskatu egin beharko dute, eta aplikatzekoak diren legezko tramiteak bete beharko dituzte, eta halakorik ez egiteak ez ditu salbuetsiko tasa ordaintzetik.

4. Behin ordenantzak aipatutako ondasunak okupatzea baimendurik, edo okupazio hori ezarririk, ez baldin bada zehatz adierazten aprobetxamenduaren edo erabileraren iraupena, ulertuko da luzatu egiten dela, ordenantza honen ondorioetarako, harik eta subjektu pasiboek baja-deklarazioa aurkezten duten arte.

5. Baja aurkezteak berekin dakar erabileraren bukaera, eta ondorioak izanen ditu tarifen epigrafean ezarritako denboraldi naturalen lehenbiziko egunetik hasita. Uzteko aitorpena aurkezten ez bada tasa ordaintzen segitu beharko da.

Ordenantza honetan aurreikusi gabeko guztian, kudeaketa eta diru-bilketarako arauei dagokienez, aplikatuko da Tributuei buruzko Foru Lege Orokorra, haren izaera orokorra dela eta. Orobat, foru lege hori bera aplikatuko da baldin ordenantza honek zerbaitetan kontra egiten badio.

Ordenantza honetan aurreikusi gabeko guztian, jakinarazteko arauei dagokienez, aplikatuko da Tributuei buruzko Foru Lege Orokorra, haren izaera orokorra dela eta. Orobat, foru lege hori bera aplikatuko da baldin ordenantza honek zerbaitetan kontra egiten badio.

8. artikulua. Arau-hausteak eta zehapenak.

Arau-hausteen eta zehapenen araubideari dagokionez, aplikatuko da indarrean den Tributuei buruzko Foru Lege Orokorrean xedatutakoa.

AZKEN XEDAPENA

Ordenantza honek, oraingo edukiarekin, Nafarroako Aldizkari Ofizialean argitaratzen den egunean hartuko du indarra, eta 2023ko urtarrilaren 1ean hasiko da aplikatzen, eta indarrean segituko du hurrengo ekitaldietan, harik eta aldatzen edo berariaz indargabetzen den arte.

ERANSKINAK

Lehenbizikoa. Zerga-oinarriaren kalkulurako taulak

I.I taldea.–Elektrizitatea. Aireko lineak.

U Tentsio nominala.

Tentsio nominala 220 kV baino txikiagoa duten garraio-sareko lineak sartuko dira, tributaziorako, dagokien tentsioaren kategorian.

I.II taldea.–Elektrizitatea. Lurpeko lineak.

U Tentsio nominala.

Tentsio nominala 220 kV baino txikiagoa duten garraio-sareko lineak sartuko dira, tributaziorako, dagokien tentsioaren kategorian.

II. taldea.–Gasa eta hidrokarburoak.

III taldea.–Ura.

D Kanalaren barneko perimetroa (m).

2. Tarifen taulak

I.I taldea.–Elektrizitatea. Aireko lineak.

U Tentsio nominala.

Tentsio nominala 220 kV baino txikiagoa duten garraio-sareko lineak sartuko dira, tributaziorako, dagokien tentsioaren kategorian.

I.II taldea.–Elektrizitatea. Aireko lineak.

U Tentsio nominala.

Tentsio nominala 220 kV baino txikiagoa duten garraio-sareko lineak sartuko dira, tributaziorako, dagokien tentsioaren kategorian.

II. taldea.–Gasa eta hidrokarburoak.

III taldea.–Ura.

D Kanalaren barneko perimetroa (m).

Iragarkiaren kodea: L2213632