1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
21469E/2022 EBAZPENA, urriaren 4koa, Nafar Lansare-Nafarroako Enplegu Zerbitzuko zuzendari kudeatzaileak emana, zeinaren bidez baimena ematen baita dirulaguntza deialdi honetarako gasturako: "Espezializazio adimentsuaren estrategian finkatutako lehentasunezko arlo ekonomikoko enpresentzako dirulaguntzak, 30 urtetik beherako langabeak kontratatzeagatik". DDBN identifikazioa: 609490.
Nafar Lansare-Nafarroako Enplegu Zerbitzuko zuzendari kudeatzaileak otsailaren 11n emandako 196E/2022 Ebazpenaren bidez, 500.000 euroko gastua baimendu zen dirulaguntzak emateko espezializazio adimentsuaren estrategian finkatutako lehentasunezko arlo ekonomikoko enpresetan 30 urtetik beherako langabeen kontratazioa sustatzearren; hain zuzen, 2022rako gastu-aurrekontuko partida honen kargura: "Enpresek gazteak kontratatzeko pizgarriak. Konferentzia Sektoriala" izeneko 950001 96100 4709 241205 partida.
Nafar Lansare-Nafarroako Enplegu Zerbitzuko zuzendari kudeatzaileak abuztuaren 16an emandako 12800E/2022 Ebazpenaren bidez, 500.000 euroko gastua baimendu zen dirulaguntzak emateko espezializazio adimentsuaren estrategian finkatutako lehentasunezko arlo ekonomikoko enpresetan 30 urtetik beherako langabeen kontratazioa sustatzearren; hain zuzen, 2022rako gastu-aurrekontuko partida honen kargura: "Enpresek gazteak kontratatzeko pizgarriak. Konferentzia Sektoriala" izeneko 950001 96100 4709 241205 partida.
Ezinezkoa izan denez eskari guztiei erantzutea 196E/2022 eta 12800E/2022 ebazpenen bidez baimendutako aurrekontuko kontsignazioarekin, Nafarroako Gobernuak erabaki du 100.000 euro gehitzea espezializazio adimentsuaren estrategian finkatutako lehentasunezko arlo ekonomikoko enpresetan 30 urtetik beherako langabeen kontratazioa sustatzeko dirulaguntzen deialdirako.
Horrenbestez, azaroaren 6ko 302/2019 Foru Dekretuak, Nafar Lansare-Nafarroako Enplegu Zerbitzua erakunde autonomoaren estatutuak onesten dituenak, bere 12. artikuluan ematen dizkidan ahalmenak erabiliz,
EBAZTEN DUT:
1. Deialdi honetarako baimendutako gastua aldatzea kredituari 100.000 euro gehitzeko: espezializazio adimentsuaren estrategian finkatutako lehentasunezko arlo ekonomikoetako batean aritzen diren enpresek 30 urtetik beherako gazte langabeak kontratatzea sustatzeko dirulaguntzen deialdia.
2. Baimena ematea deialdi horretan baimendutako gastuari 100.000 euro gehitzeko, 2022rako gastu-aurrekontuko partida honen kargura: 950001 96100 4709 241205 partida, "Enpresek gazteak kontratatzeko pizgarriak. Konferentzia Sektoriala" izenekoa.
3. Ebazpen hau Nafarroako Aldizkari Ofizialean argitaratzea.
4. Ebazpen honek ez du administrazio bidea amaitzen, eta haren aurka gora jotzeko errekurtsoa jartzen ahalko da, Eskubide Sozialetako kontseilariari zuzendua, hilabeteko epean, argitaratu eta biharamunetik hasita, Administrazio Publikoen Administrazio Prozedura Erkideari buruzko urriaren 1eko 39/2015 Legearen 122.1 artikuluari eta Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 126.3 artikuluari jarraikiz.
Iruñean, 2022ko urriaren 4an.–Nafar Lansare-Nafarroako Enplegu Zerbitzuko zuzendari kudeatzailea, Mirian Martón Pérez.
Iragarkiaren kodea: F2213400
