1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
21395E/2022 EBAZPENA, irailaren 28koa, Nafar Lansare-Nafarroako Enplegu Zerbitzuko zuzendari kudeatzaileak emana, zeinaren bidez baimena kentzen baita ebazpen hauen bidez onetsitako dirulaguntzei dagokien partidaren gastua egiteko: batetik, 2711/2018 Ebazpena, urriaren 25ekoa, Nafar Lansare-Nafarroako Enplegu Zerbitzuko zuzendari kudeatzaileak emana, nekazaritzaren sektorean kontratazioa sustatzeko dirulaguntzen deialdia onesten duena, eta bestetik, 323/2020 Ebazpena, uztailaren 31koa, Nafar Lansare-Nafarroako Enplegu Zerbitzuko zuzendari kudeatzaileak emana, nekazaritzako lanbide erakundeek informazioko, orientazioko eta enpresen prospekzioko ekintzak egiteko dirulaguntzen deialdia onesten duena.
Nafar Lansare-Nafarroako Enplegu Zerbitzuko zuzendari kudeatzaileak urriaren 25ean emandako 2711/2018 Ebazpenaren bidez, nekazaritzaren sektorean kontratazioa sustatzeko dirulaguntzen deialdia onetsi zen.
Nafar Lansare Nafarroako Enplegu Zerbitzuko zuzendari kudeatzailearen otsailaren 4ko 100E/2022 Ebazpenaren bidez, 100.000 euroko gastua baimendu zen nekazaritzaren sektoreko langileekin kontratazioak egiteko dirulaguntzetarako, eta 20.000 euroko gastua nekazaritzako enpleguarekin lotutako sentsibilizazio, zabalkunde eta dibulgazio ekintzak egiteko dirulaguntzetarako, 2022ko gastu aurrekontuaren 950001 96100 4819 241108 aurrekontu-partidaren kargura (Nekazaritzako enpleguari arreta emateko programetarako laguntzak. Konferentzia Sektoriala).
Nafar Lansare-Nafarroako Enplegu Zerbitzuko zuzendari kudeatzailearen uztailaren 31ko 323/2020 Ebazpenaren bidez, nekazaritzako lanbide erakundeek informazioko, orientazioko eta enpresen prospekzioko ekintzak egiteko dirulaguntzen deialdia onetsi zen.
Nafar Lansare-Nafarroako Enplegu Zerbitzuko zuzendari kudeatzailearen otsailaren 4ko 19/2022 Ebazpenaren bidez, 100.000 euroko gastua baimendu zen nekazaritzako lanbide erakundeek informazioko, orientazioko eta enpresen prospekzioko ekintzak egiteko dirulaguntzetarako, 2022ko gastu aurrekontuaren 950001 96100 4819 241108 aurrekontu-partidaren kargura (Nekazaritzako enpleguari arreta emateko programetarako laguntzak. Konferentzia Sektoriala).
Kontuan hartuta 2022ko aurrekontu-ekitaldian eskaeren bolumena txikiagoa dela aipatutako laguntzak kudeatzeko baimendutako diru-zenbatekoa baino, eta beste gastu-konpromiso batzuei aurre egiteko.
Horrenbestez, Nafar Lansare-Nafarroako Enplegu Zerbitzua erakunde autonomoaren estatutuak onesten dituen azaroaren 6ko 302/2019 Foru Dekretuaren 12. artikuluaren bidez emandako ahalmenak erabiliz,
EBAZTEN DUT:
1. Baimena kentzea partida honen kargura honako gastu hauek egiteko:
–Nekazaritzako sektoreko langileekin kontratazioak egiteko dirulaguntzak, 30.000 euro, 2022ko gastu aurrekontuaren 950001 96100 4819 241108 partidaren kontura (Nekazaritzako enpleguari arreta emateko programetarako laguntzak. Konferentzia Sektoriala).
–Nekazaritzako enpleguarekin lotutako sentsibilizazio, zabalkunde eta dibulgazio ekintzetarako dirulaguntzak, 10.000 euro, 2022ko gastu aurrekontuaren 950001 96100 4819 241108 partidaren kargura (Nekazaritzako enpleguari arreta emateko programetarako laguntzak. Konferentzia Sektoriala).
–Informazioko, orientazioko eta enpresen prospekzio ekintzak egiteko dirulaguntzak, 30.000 euro, 2022ko gastu aurrekontuaren 950001 96100 4819 241108 partidaren kargura (Nekazaritzako enpleguari arreta emateko programetarako laguntzak. Konferentzia Sektoriala).
2. Ebazpen hau Nafarroako Aldizkari Ofizialean argitaratzea.
3. Ebazpen honek ez du administrazio bidea amaitzen, eta haren aurka gora jotzeko errekurtsoa jartzen ahalko da, Eskubide Sozialetako kontseilariari zuzendua, hilabeteko epean, jakinarazi eta biharamunetik hasita, Administrazio Publikoen Administrazio Prozedura Erkideari buruzko urriaren 1eko 39/2015 Legearen 122.1 artikuluari eta Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 126.3 artikuluari jarraikiz.
Iruñean, 2022ko irailaren 28an.–Nafar Lansare-Nafarroako Enplegu Zerbitzuko zuzendari kudeatzailea, Mirian Martón Pérez.
Iragarkiaren kodea: F2213094
