1. NAFARROAKO FORU KOMUNITATEA
1.7. BESTELAKOAK
482/2022 EBAZPENA, abuztuaren 17koa, Toki Administrazioaren eta Despopulazioaren zuzendari nagusiak emana, “Lerateko (Nafarroa) araztegiaren eraberritzea” izeneko proiektua eta haren ondoriozko obrek ukitutako ondasun eta eskubideen zerrenda jendaurrean jartzen dituena.
Nafarroako Toki Azpiegiturak SA (NILSA) enpresak, Izarbeibarko Mankomunitatearekin finkatua duen lankidetzaz baliatuz diharduela, zuzendaritza nagusi honi eskatu dio jendaurrean jar ditzala ‘’Lerateko (Nafarroa) araztegiaren eraberritzea’’ izeneko proiektua eta hark ukitutako ondasun eta eskubideen zerrenda. Era berean, desjabetze espedientea presako prozeduraz tramitatzeko eskatu du, Nahitaezko Desjabetzeari buruzko 1954ko abenduaren 16ko Legeak 52. artikuluan ezartzen duen bezala, aipatutako guztia Izarbeibarko Mankomunitatearen alde.
Udalaren zerbitzu publikoa izanik, Nahitaezko Desjabetzeari buruzko Legearen 10. artikuluan eta Nafarroako Toki Administrazioari buruzko uztailaren 2ko 6/1990 Foru Legearen 215.2 artikuluan ezarritakoari jarraituz, tokiko obra eta zerbitzuen proiektuak onesteak berarekin dakar hartzen dituzten ondasunen onura publikoaren deklarazioa eta ondasun horiek okupatu behar izatea, nahitaezko desjabetzea egiteko.
Horrenbestez, Nahitaezko Desjabetzeari buruzko Legearen 18. artikuluan xedatutakoari jarraikiz, eta Lurralde Kohesiorako Departamentuaren egitura organikoa ezartzen duen urriaren 30eko 263/2019 Foru Dekretuak esleitu dizkidan eskudantziak erabiliz,
EBAZTEN DUT:
1. Hamabost egunez jendaurrean jartzea “Lerateko (Nafarroa) araztegiaren eraberritzea” izeneko proiektua eta hark ukitutako ondasun eta eskubideen zerrenda, hemen ondotik ematen dena, proiektuak ukitutakoek egoki jotzen dituzten alegazioak aurkez ditzaten eta, argitaratzen den zerrendan akatsik balego, akats horiek zuzentzeko behar diren datuak eman ditzaten, hori guztia idatziz, Toki Administrazioaren eta Despopulazioaren Zuzendaritza Nagusiari (Arrieta kalea 12, 3. solairua, 31002 Iruña), Gesalazko Udalari edo Izarbeibarko Mankomunitateari zuzenduta. Leku horietan proiektuaren kopia bat eta lurzatien planoak izanen dira eskuragarri.
2. Izarbeibarko Mankomunitatea deklaratzea desjabetzeko espedientearen onuradun.
3. Ebazpen hau, ukitutako ondasun eta eskubideen zerrendarekin batera, Nafarroako Aldizkari Ofizialean eta Gesalazko Udalaren eta Izarbeibarko Mankomunitatearen iragarki oholetan argitaratuko da. Orobat, iragarki bat argitaratuko da Foru Komunitateko egunkari batean.
Iruñean, 2022ko abuztuaren 17an.–Toki Entitateentzako Aholkularitza Juridikorako eta Lankidetzarako Zerbitzuko zuzendaria, Ana Rodríguez Hidalgo (aldi baterako ordezkatzen ari da Toki Administrazioaren eta Despopulazioaren zuzendari nagusia, bat etorriz Lurralde Kohesiorako kontseilariaren abuztuaren 20ko 3/2019 Foru Aginduarekin).
LERATEKO (NAFARROA) ARAZTEGIAREN ERABERRITZEA Ukitutako ondasun eta eskubideen zerrenda |
FINKAREN KODEA | TITULARRA/K | JARD. | BEHIN BETIKO OKUP. | ZORTASUNA | ALDI BATERAKO OKUP. | ERREGISTROA | POL. | LURZ. | LUR MOTA |
m² | ml | m² | m² | un. | m² |
Herria: Lerate |
LE-1 | Lerateko Kontzejuaren herri-lurrak | SA | 1.979,26 | 91,11 | 273,33 | | 1 | 2 | 3 | 167 | Lehorreko alorra |
LAL | | 26,42 | 79,26 | | | |
ZU | | 162,98 | 488,94 | | | |
SH | | 19,07 | 57,21 | | | |
LE-1-BIS | Javier Goñi Ibero jauna | SA | | | | 4.526 | | | 3 | 167 | Lehorreko alorra |
LE-2 | Lerateko Kontzejua | SA | | 7,35 | | | 1 | 2 | - | - | Bidea |
LAL | | 112,76 | | 625 | 2 | 2 |
LE-3 | Gesalazko Udala | SA | | 36,06 | 108,18 | 905 | 1 | 2 | 3 | 166 | Aparkalekua |
Lerateko Kontzejuaren herri-lurrak |
LE-4 | Lerateko Kontzejua | HD | | 115,95 | | 761 | | | - | - | Bidea |
LE-5 | María Pilar Goñi Aramendia andrea | ZU | | 40,5 | 121,5 | 0 | | | 3 | 168 | Lehorreko alorra |
Victoria María Goñi Aramendia andrea |
M.ª Teresa Goñi Aramendía andrea |
M.ª Cruz Goñi Aramendía andrea |
M.ª Begoña Goñi Aramendía andrea |
M.ª Isabel Goñi Aramendía andrea |
LE-5-BIS | Javier Goñi Ibero jauna | ZU | | | | 793 | | | 3 | 168 | Lehorreko alorra |
LE-6 | M.ª Pilar Yaniz Urra andrea | ZU | | 96,11 | 288,33 | 1.820 | | | 3 | 28 | Lehorreko alorra |
LE-7 | Lerateko Kontzejua | ZU | | 5,85 | | 113 | | | - | - | Bidea |
LE-8 | María Carmen Yaniz Urra andrea | ZU | | 78,61 | 235,83 | 1.144 | | | 3 | 169 | Leh. alorra-pinudia |
LE-9 | Nafarroako Gobernuko Herri-lanen eta Azpiegituren Zuzendaritza Nagusia | ZU | | 6,06 | | 209 | | | - | - | Errepidea |
LE-10 | Lerateko Kontzejuaren herri-lurrak | ZU | 1.076,03 | | | | | | 3 | 172 | Lehorreko alorra |
LE-10-BIS | Javier Goñi Ibero jauna | ZU | | | | 1.731 | | | 3 | 172 | Lehorreko alorra |
LE-11 | Javier Goñi Ibero jauna | ZU | 197,1 | | | 173 | | | 3 | 104 | Lehorreko alorra |
Laburdurak: Jard.: jarduketa; SA: saneamendua; HOR: hornidura; LAL: lur azpiko linea elektrikoa; ZU: zanga unitarioa (hornidura+saneamendua+elektrizitatea); SH: saneamendua eta hornidura; Behin betiko okup.: behin betiko okupazioa ekaitz biltegirako eta hondakinen ur-araztegia handitzeko; Pol.: poligonoa; Lurz.: lurzatia. |
Iragarkiaren kodea: F2211245