1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
191E/2022 EBAZPENA, uztailaren 19koa, Landa Garapeneko zuzendari nagusiak emana, zeinaren bidez handitzen baita 2024ko ekitaldirako laguntza hauetarako baimendutako kreditua: Nafarroako Ubidearen jarduketa eremuko nekazaritzako ustiapenetan ureztapenerako ez diren inbertsioak, Nafarroako Landa Garapenerako 2014-2020 Programaren barnean. 2022ko deialdia. DDBN identifikazioa: 603412.
Nafarroako Gobernuak 2021eko ekainaren 16an hartutako erabaki baten bidez Landa Garapeneko zuzendari nagusiari baimena eman zaio 10.000.000 euroko gastu-konpromisoa hartzeko, nekazaritzako ustiapenetan ureztapenerako ez diren inbertsioak egiteko 2022an emanen diren laguntzen deialdia finantzatzeko 2024ko ekitaldiaren kargura. Egun berean baimena eman zaio Landa Garapeneko zuzendari nagusiari 2.000.000 euroko gastu-konpromisoa hartzeko, nekazaritzako ustiapenetan ureztapenerako inbertsioak egiteko 2022an emanen diren laguntzen deialdia finantzatzeko 2024ko ekitaldiaren kargura.
2022ko martxoaren 16an, gobernuak hartutako erabaki baten bidez, hasierako erabakiak aldatu ziren, eta bietan Landa Garapeneko zuzendari nagusiari baimena eman zitzaion bi deialdietako edozeinetan erabili ez ziren aurrekontu kredituak besteari aplikatu ahal izateko, beharrezkoa izanez gero.
Neurri horretarako, bi deialdi onetsi dira 2022an: bata, Nafarroako Ubidearen jarduketa eremuko nekazaritzako ustiategietan ureztatze ekipamenduetarako inbertsioak egiteko (2.000.000 euro), abenduaren 28ko 246E/2021 Ebazpenaren bidez, eta, bestea, nekazaritza ustiategietan inbertsioak egiteko (10.000.000 euro), abenduaren 28ko 247E/2021 Ebazpenaren bidez.
Abenduaren 28ko 247E/2021 Ebazpenaren 4. puntuan ezartzen da 2024rako baimendutako kredituari gehienez ere 2.000.000 euro gehitzen ahalko zaizkiola 720004 72200 7700 412102 “PDR FEADER 2014-2020. Inbertsioak nekazaritzako ustiategietan” partidaren baliokidea den partidaren kargura. Horretarako ezinbestekoa izanen da aurrekontuan dirua egotea erabilgarri.
Landa Garapeneko zuzendari nagusiaren ekainaren 20ko 160E/2022 Ebazpenaren bidez 2022ko “Nafarroako Ubidearen jarduketa eremuko nekazaritzako ustiategiei ureztatze ekipamenduetarako inbertsioak” deialdiko laguntzak eman ziren, Nafarroako Landa Garapenerako 2014-2020 aldirako Programaren barnean. Aipatu ebazpenean emandako zenbatekoa baimendutakoa baino gutxiago da.
Adierazitakoarekin bat, eta erabiliz Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legeak eta Landa Garapeneko eta Ingurumeneko Departamentuaren egitura organikoa onesten duen urriaren 23ko 258/2019 Foru Dekretuak ematen dizkidaten eskudantziak,
EBAZTEN DUT:
1. Landa Garapeneko zuzendari nagusiaren abenduaren 28ko 247E/2021 Ebazpenean baimendutako kreditua handitzea. Ebazpen horren bidez onetsi egin ziren honako inbertsio hauek egiteko 2022ko ekitaldian emanen ziren laguntzen oinarri arautzaileak eta deialdia: “Ureztapenetarako ez diren inbertsioak Nafarroako Ubidearen jarduketa eremutik kanpoko nekazaritzako ustiategietan”, 2014-2020 aldirako Nafarroako Landa Garapeneko Programaren barnean.
Kreditu gehigarria 1.700.000 eurokoa izanen da 2024ko ekitaldian 2022ko aurrekontu orokorretako 720004 72200 7700 412102 “PDR FEADER 2014-2020. Inbertsioak nekazaritzako ustiategietan” partidaren baliokidea den partidaren kargura. Beraz, guztira baimendutako gastua 11.700.000 euro izanen da.
2. Nafarroako Gobernuaren Dirulaguntzen Datu Baseari (NGDDB) jakinaraztea.
Ebazpen hau Nafarroako Gobernuaren Dirulaguntzen Datu Basean erregistratu beharko da.
3. Argitalpena.
Ebazpen hau Nafarroako Aldizkari Ofizialean argitaratuko da.
4. Administrazio errekurtsoak.
Ebazpen honen aurka gora jotzeko errekurtsoa jar daiteke, Landa Garapeneko eta Ingurumeneko kontseilariari zuzendua, ebazpen hau Nafarroako Aldizkari Ofizialean argitaratu eta biharamunetik hilabeteko epean.
Iruñean, 2022ko uztailaren 19an.–Landa Garapeneko zuzendari nagusia, Fernando Santafé Aranda.
Iragarkiaren kodea: F2210278
