2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ITUREN
Aldaketa, Eraikingintzako ordenantzen 54. artikuluan. Behin betiko onespena
Honen bidez aditzera ematen da Iturengo Udalak, 2021eko urriaren 28an egindako osoko bilkuran, erabaki zuela hasiera batez onestea Eraikingintzako ordenantzen 54. artikulua aldatzea.
Aipaturiko akordioa 2021eko azaroaren 11ko 258. Nafarroako Aldizkari Ofizialean argitaratu zen, eta jendaurrean egon den bitartean ez denez erreklamaziorik aurkeztu, onespena behin betiko bihurtzen da, Nafarroako Toki Administrazioari buruzko uztailaren 2ko 6/1990 Foru Legearen 325. artikuluarekin bat, eta haren testu osoa argitaratzen da.
Iturenen, 2021eko abenduaren 28an.–Alkatea, Francisco Javier Bereau Miquelarena.
ONETSITAKO ARAUDIA
ERAIKINGINTZAREN ORDENANTZA OROKORRA
54. artikuluaren aldaketa
54. artikulua. Estalpeak.
10. Gaur egun dauden terrazak: Hauen luzera 6 metrotik goitikoa denean, lehen 4 metroak estalita egon behar dira, hortik aitzin zati bat estalperik gabe uzten ahal da.
Iragarkiaren kodea: L2200060
