1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
1235/2022 EBAZPENA, ekainaren 27koa, Nafarroako Unibertsitate Publikoko jarduneko errektoreak emana, unibertsitateko irakaskidegoetako funtzionarioak izendatzen dituena.
Ikusirik Nafarroako Unibertsitate Publikoko Irakasleen Gaietarako errektoreordeak 2022ko otsailaren 22ko Ebazpenaren bidez (2022ko martxoaren 7ko BOE) antolatutako unibertsitateko irakaskidegoetako lanpostuetarako sarbide lehiaketaren deialdia ebazteko izendatutako batzordeen proposamenak, eta proposatutako interesdunek egiaztaturik deialdiaren 11. oinarriko baldintzak.
Unibertsitateei buruzko 2001eko abenduaren 21eko 6/2001 Lege Organikoaren 65. artikuluak eta Nafarroako Unibertsitate Publikoaren Estatutuen 40. artikuluak ematen dizkidaten eskudantziez baliatuz,
EBAZTEN DUT:
Lehenbizikoa.–Unibertsitateko irakaskidegoetako funtzionario hauek izendatzea:
–Iñigo Mugueta Moreno jauna, Unibertsitateko irakasle titularra, 5147 zenbakidun lanpostukoa, Erdi Aroko Historia jakintza-arlokoa, Nafarroako Unibertsitate Publikoko Giza eta Hezkuntza Zientzien Sailekoa.
–Eduardo Sánchez Iriso jauna, Unibertsitateko irakasle titularra, 4014 zenbakidun lanpostukoa, Ekonomia Aplikatua jakintza-arlokoa, Nafarroako Unibertsitate Publikoko Ekonomia Sailekoa.
–Elvira Sanz Tolosana andrea, Unibertsitateko irakasle titularra, 2347 zenbakidun lanpostukoa, Soziologia jakintza-arlokoa, Nafarroako Unibertsitate Publikoko Soziologiako eta Gizarte Laneko Sailekoa.
–Vicente Sánchez-Alarcos Gómez jauna, Unibertsitateko irakasle titularra, 2076 zenbakidun lanpostukoa, Fisika Aplikatua jakintza-arlokoa, Nafarroako Unibertsitate Publikoko Zientzien Sailekoa.
–Mikel Goñi Garatea jauna, Unibertsitateko irakasle titularra, 4708 zenbakidun lanpostukoa, Euskarazko hizkuntza-gaitasuna duena, Ingeniaritzaren Adierazpen Grafikoa jakintza-arlokoa, Nafarroako Unibertsitate Publikoko Ingeniaritza Sailekoa.
Bigarrena.–Ebazpen hau Espainiako Aldizkari Ofizialean eta Nafarroako Aldizkari Ofizialean argitara dadila agintzea.
Bigarrena.–Izendapenak interesduna lanpostuaz jabetzen denean hartuko du indarra, eta gehienez ere hogei eguneko epea egonen da horretarako, ebazpen hau “Estatuko Aldizkari Ofizialean” argitaratu eta biharamunetik kontatzen hasita.
Laugarrena.–Ebazpen honek administrazio bidea agortzen du, Unibertsitateei buruzko 2001eko abenduaren 21eko 6/2001 Lege Organikoaren 6.4 artikuluan ezarritakoaren arabera, eta haren kontra zilegi da berraztertzeko errekurtsoa jartzea errektoreari zuzendua, edo, bestela, zuzenean administrazioarekiko auzi-errekurtsoa Nafarroako Administrazioarekiko Auzietako epaitegietan, hilabeteko epean lehenbiziko kasuan, eta bi hilabeteko epean bigarrenean, biak ere ebazpena argitaratu eta biharamunetik kontatzen hasita.
Iruñean, 2022ko ekainaren 27an.–Errektorea, Ramón Gonzalo García.
Iragarkiaren kodea: F2209780
