2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
EGUESIBAR
Elkano-Ibiriku-Egues zonako 1. sektoreko (AR-2) I.10 intsulako xehetasun-azterketa. Hasierako onespena
Lurralde Antolamenduari eta Hirigintzari buruzko Foru Legearen testu bategina onartzen duen uztailaren 26ko 1/2017 Legegintzako Foru Dekretuaren 74. artikuluan xedatutakoa betez, jakinarazten da, Gobernu Batzarrak, 2022ko ekainaren 28an egindako bilkuran, Elkano-Ibiriku-Egues zonako 1. sektoreko (AR-2) I.10 intsulako xehetasun-azterketa onartu duela hasiera batez, Hormigón Blanper SL enpresak sustatua.
Espedientea jendaurrean egonen da hogei egunez udal bulegoetan, kontsultatu eta alegazioak jarri ahal izateko, iragarki hau Nafarroako Aldizkari Ofizialean argitaratu eta biharamunetik zenbatzen hasita.
Sarrigurenen (Eguesibar), 2022ko ekainaren 29an.–Alkatea, Amaia Larraya Marco.
Iragarkiaren kodea: L2209676
