1. NAFARROAKO FORU KOMUNITATEA
1.7. BESTELAKOAK
65E/2022 EBAZPENA, maiatzaren 13koa, Lurralde Antolamenduko zuzendari nagusiak emana, zeinaren bidez xedatzen baita Nafarroako Aldizkari Ofizialean argitaratzea Lurralde Antolamenduko, Etxebizitzako, Paisaiako eta Proiektu Estrategikoetako kontseilariaren apirilaren 26ko 59E/2022 Foru Agindua (foru agindu horren bidez ebatzi ziren aurkeztutako alegazioak, eta jarraipena eman zitzaion Jurramendi paisaia bereziaren multzoko planari, Lurralde Antolamenduko, Etxebizitzako, Paisaiako eta Proiektu Estrategikoetako Departamentuak sustatua, udal hauekin elkarlanean: Aberin, Arellano, Arroitz, Aiegi, Barbarin, Deikaztelu, Lizarra, Iguzkitza, Lukin, Morentin eta Villamayor de Monjardín).
Lurralde Antolamenduko, Etxebizitzako, Paisaiako eta Proiektu Estrategikoetako kontseilariaren apirilaren 26ko 59E/2022 Foru aginduaren bidez, ebatzi ziren aurkeztutako alegazioak, eta jarraipena eman zitzaion Jurramendi paisaia bereziaren multzoko planari, Lurralde Antolamenduko, Etxebizitzako, Paisaiako eta Proiektu Estrategikoetako Departamentuak sustatua, udal hauen laguntzarekin: Aberin, Arellano, Arroitz, Aiegi, Barbarin, Deikaztelu, Lizarra, Iguzkitza, Lukin, Morentin eta Villamayor de Monjardín. Halaber, eskatu zen adostasunezko dokumentu teknikoa egoki zekion Lurralde eta Paisaia Zerbitzuko txostenari.
Eskatutako dokumentua aurkeztu denez, eta Lurralde eta Paisaia Zerbitzuaren txostena kontuan hartuta, bidezkoa da aipatu foru agindu hori argitaratzea.
Lurralde Antolamenduko, Etxebizitzako, Paisaiako eta Proiektu Estrategikoetako Departamentuaren egitura organikoa ezartzen duen urriaren 30eko 262/2019 Foru Dekretuak ematen dizkidan ahalmenak erabiliz,
EBAZTEN DUT:
1. Nafarroako Aldizkari Ofizialean argitaratzea Lurralde Antolamenduko, Etxebizitzako, Paisaiako eta Proiektu Estrategikoetako kontseilariaren apirilaren 26ko 59E/2022 Foru Agindua (foru agindu horren bidez ebatzi ziren aurkeztutako alegazioak, eta jarraipena eman zitzaion Jurramendi paisaia bereziaren multzoko planari, Lurralde Antolamenduko, Etxebizitzako, Paisaiako eta Proiektu Estrategikoetako Departamentuak sustatua, udal hauekin elkarlanean: Aberin, Arellano, Arroitz, Aiegi, Barbarin, Deikaztelu, Lizarra, Iguzkitza, Lukin, Morentin eta Villamayor de Monjardín. Testua, osorik, ebazpen honi erantsi zaion eranskinean dago.
2. Espedientea jendaurrean jartzea eta ukitutako udalei entzunaldia ematea, hogeita hamar egunez, Lurraldearen Antolamenduari eta Hirigintzari buruzko Foru Legearen testu bateginean ezarritakoaren ondorioetarako (uztailaren 26ko 1/2017 Legegintzako Foru-dekretuaren bidez onetsi zen). Horretarako, dagokion iragarkia paratuko da Nafarroako Aldizkari Ofizialean, bai eta Nafarroako Foru Komunitatean argitaratzen diren egunkarietan ere.
Gainera, espedientea kontsultatzen ahalko da www.ExposicionPublicaOT.navarra.es helbide elektronikoan, ebazpena Nafarroako Aldizkari Ofizialean argitaratu eta hurrengo egunetik. Epe horretan egoki jotzen den nahi adina alegazio aurkezten ahalko da, idatziz, Nafarroako Gobernuaren Erregistroan.
Kasua bada, laguntza administratiboa emanen dute multzoko planaren eremuan sartuta dauden udalek alegazio-idazkiak erregistratzeko; horrek ez du galarazten idazkiak Administrazio Publikoen Administrazio Prozedura Erkideari buruzko urriaren 1eko 39/2015 Legearen 16.4 artikuluan adierazitako erregistro eta bulegoetan aurkeztea.
3. Dokumentu tekniko berria igortzea, beren eskumeneko gaiei buruzko txostena egin dezaten, Ekonomia Gaietako eta Eraldaketa Digitaleko Ministerioko Telekomunikazioen eta Azpiegitura Digitalen Estatuko Idazkaritzara; Defentsa Ministerioko Defentsa Idazkariordetzako Nafarroako Foru Komunitateko Defentsa Delegaziora eta Industria Antolamenduaren, Azpiegitura Energetikoen eta Meatzeen Zerbitzuko Meatzeen Atalera.
4. Ebazpena jakinaraztea Ingurumen Eraginaren Atalari, Ingurumeneko zuzendari nagusiaren urtarrilaren 4ko 5E Ebazpenarekin duen loturarengatik.
5. Ebazpena jakinaraztea Lurralde eta Paisaia Zerbitzuari, Zerbitzu Juridikoaren eta Lurralde Plangintzaren Zerbitzuari, Jurramendiko Mankomunitateari, Ebroko Konfederazio Hidrografikoari eta Nafarroako Foru Komunitateko Defentsa Delegazioari.
6. Aipatu ebazpena, baita alegazioei erantzuteko idazkiak ere, alegatzaile bakoitzari igortzea.
7. Ebazpena udal hauetara igortzea: Aberin, Arellano, Arroitz, Aiegi, Barbarin, Deikaztelu, Lizarra, Iguzkitza, Lukin, Morentin eta Villamayor de Monjardín.
Iruñean, 2022ko maiatzaren 13an.–Lurralde Antolamenduko zuzendari nagusia, Izaskun Abril Olaetxea.
ERANSKINA
“59E/2022 FORU AGINDUA, apirilaren 26koa, Lurralde Antolamenduko, Etxebizitzako, Paisaiako eta Proiektu Estrategikoetako kontseilariak emana, zeinaren bidez ebazten baitira aurkeztutako alegazioak, eta jarraipena ematen baitzaio Jurramendi paisaia bereziaren multzoko planari, Lurralde Antolamenduko, Etxebizitzako, Paisaiako eta Proiektu Estrategikoetako Departamentuak sustatua, udal hauekin elkarlanean: Aberin, Arellano, Arroitz, Aiegi, Barbarin, Deikaztelu, Lizarra, Iguzkitza, Lukin, Morentin eta Villamayor de Monjardín.
Plan horren bidez, Jurramendi paisaia bereziaren eremua mugatu nahi da, bai eta paisaia-balioaren araubidea ezarri ere; aipatu udal-mugarteen zati batean eragiten du bai eta Aranbeltza (Arellano, Arroitz eta Deikaztelu) izeneko 29. fazerian eta Jurramendi (Villamayor de Monjardín, eta Azketa eta Urbiolako kontzejuak) izeneko 67. fazerian ere.
Lurralde Antolamenduko, Etxebizitzako, Paisaiako eta Proiektu Estrategikoetako kontseilariaren uztailaren 19ko 70E/2021 Foru Aginduaren bidez onetsi zen hasiera batez Jurramendi paisaia bereziaren multzoko planaren espedientea, Lurralde Antolamenduko, Etxebizitzako, Paisaiako eta Proiektu Estrategikoetako Departamentuak sustatua, udal hauekin elkarlanean: Aberin, Arellano, Arroitz, Aiegi, Barbarin, Deikaztelu, Lizarra, Iguzkitza, Lukin, Morentin eta Villamayor de Monjardín. Aipatu espedientea jendaurrean jarri zen eta ukitutako udalei entzunaldia eman zitzaien, berrogeita bost egunez, iragarkia Nafarroako Aldizkari Ofizialean argitaratu zenetik kontatuta.
Jendaurreko aldian honako sei alegazio-idazki jaso dira:
Ingurumeneko zuzendari nagusiaren urtarrilaren 4ko 5E/2022 Ebazpenaren bidez, Jurramendi paisaia bereziaren multzoko planaren ingurumen adierazpen estrategikoa formulatu zen. Ebazpen hori 2022ko 25. Nafarroako Aldizkari Ofizialean argitaratu zen, otsailaren 3koan.
Aurkeztu diren alegazioak eta Lurralde eta Paisaia Zerbitzuaren txostena ikusirik, Lurralde Antolamenduko, Etxebizitzako, Paisaiako eta Proiektu Estrategikoetako Departamentuaren egitura organikoa onesten duen urriaren 30eko 262/2019 Foru Dekretuarekin bat etorriz,
AGINTZEN DUT:
1. Aurkeztutako alegazioak ebaztea, Lurralde eta Paisaia Zerbitzuaren 2022ko martxoaren 16ko txostenean adierazitakoaren arabera (txosten hori espedientean dago), eta alegazioei emandako erantzunak igortzea.
2. Idazketa-taldeari dokumentu teknikoa egokitzeko eskatzea, 1. atalean aipatutako txostenaren arabera.
3. Dokumentu teknikoa, Lurralde eta Paisaia Zerbitzuaren txostenak dioenari egokitu eta gero, jendaurrean jartzea berriz hogeita hamar egunez, Nafarroako Aldizkari Ofizialean eta Nafarroako Foru Komunitatean argitaratzen diren egunkarietan argitaratuz.
4. Dokumentu tekniko berria igortzea, beren eskumeneko gaiei buruzko txostena egin dezaten, Ekonomia Gaietako eta Eraldaketa Digitaleko Ministerioko Telekomunikazioen eta Azpiegitura Digitalen Estatuko Idazkaritzara; Defentsa Ministerioko Defentsa Idazkariordetzako Nafarroako Foru Komunitateko Defentsa Delegaziora eta Industria Antolamenduaren, Azpiegitura Energetikoen eta Meatzeen Zerbitzuko Meatzeen Atalera.
5. Foru agindu hau jakinaraztea Ingurumen Eraginaren Atalari, Ingurumeneko zuzendari nagusiaren urtarrilaren 4ko 5E Ebazpenarekin duen loturarengatik.
6. Foru Agindu hau udal hauetara igortzea: Aberin, Arellano, Arroitz, Aiegi, Barbarin, Deikaztelu, Lizarra, Iguzkitza, Lukin, Morentin eta Villamayor de Monjardín.
Iruñean, 2022ko apirilaren 26an.–Lurralde Antolamenduko, Etxebizitzako, Paisaiako eta Proiektu Estrategikoetako kontseilaria, José María Aierdi Fernández de Barrena”.
Iragarkiaren kodea: F2207174
