2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ZIZUR NAGUSIA
Gutxieneko zerbitzuen osagarria, haur-eskoletako greban
Alkatetzaren 420/2022 ebazpena, maiatzaren 19koa.
Alkatetzaren apirilaren 27ko 344/2022 Ebazpenaren bidez, oinarrizko gutxieneko zerbitzuak ezarri ziren Paquita haur-eskolan, Haur Eskolen Plataformak grebara deitu baitzuen, 2022ko maiatzaren 2ko 7:00etatik aurrera eta iraupen mugagabearekin.
Kontuan hartuta greba horren iraupena, beharrezkotzat jo da ezarri ziren oinarrizko gutxieneko zerbitzuak osatzea, greba eskubidea bermatzeari utzi gabe, erabiltzaileei zerbitzua ematen segitzeko.
Horrenbestez, kontuan hartuta Espainiako Konstituzioaren 28.2 artikuluan, martxoaren 4ko 17/1977 Errege Lege Dekretuaren 10. artikuluko 2. paragrafoan eta Nafarroako Foru Eraentza Berrezarri eta Hobetzeari buruzko Lege Organikoaren 58.b) artikuluan xedatutakoa, eta Toki Araubidearen Oinarriak arautzen dituen apirilaren 2ko 7/1985 Legearen 21.1.h) artikuluak, eta aplikatzekoak diren gainerakoek, emandako eskudantzien arabera,
EBAZTEN DUT:
1. Alkatetzaren 344/2022 Ebazpenaren bidez ezarri ziren oinarrizko gutxieneko zerbitzuak osatzea; hala, ezarrita dauden zerbitzuez gain, hezitzaile baten %52,53ko lanaldia sartzen da sektoreko, 09:30-13:30 bitarte, 2022ko maiatzaren 23tik aurrera.
2. Agintzea ebazpen hau Zizur Nagusiko Udalaren iragarki-taulan argitara dadila, eta jakinaraz dakiola Fundación Pauma enpresari eta Udaleko Gizarte Zerbitzuen Alorrari.
Zizur Nagusian, 2022ko maiatzaren 20an.–Alkatea, Jon Gondán Cabrera.
Iragarkiaren kodea: L2207532
