2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
CAPARROSO
1/2021 aurrekontu-aldaketa. Behin betiko onespena
Udalak, 2021eko martxoaren 5ean egin osoko bilkuran, hasiera batez onetsi zuen 1/2021 aldaketa egitea Udalaren 2021eko ekitaldiko aurrekontu orokorrean. Hasierako onespenaren iragarkia 2021eko 60. Nafarroako Aldizkari Ofizialean argitaratu zen, martxoaren 16an, eta jendaurreko epean ez da alegaziorik batere jaso.
Horrenbestez, aurrekontu-aldaketa hori behin betiko onetsi eta argitara ematen da, behar diren ondorioak izan ditzan, irailaren 21eko 270/1998 Foru Dekretuaren 33. artikuluan xedatuari jarraikiz (foru-dekretu horren bidez garatu zen, aurrekontuen eta gastu publikoaren alorretan, Nafarroako Toki Ogasunei buruzko martxoaren 10eko 2/1995 Foru Legea).
Kreditu-gehigarria:
GASTUAK:
PARTIDA | IZENA | |
1-34201-62900 | Belar artifizialeko futbol zelaia | 360.000,00 |
1-15330-62400 | Udal ibilgailuak. Erratz-makina | 23.000,00 |
1-92001-6200002 | España plazako etxea erostea | 103.000,00 |
BATURA | 486.000,00 |
DIRU-SARRERAK:
Finantzabideak:
PARTIDA | IZENA | |
1-87000 | Diruzaintzako gerakina gastu orokorretarako | 486.000,00 |
BATURA | 486.000,00 |
Argitara ematen da, aipatutako legezko aginduak betetzeko, eta ohartarazten da behin betiko onespen hau aurkaratzen ahal dela honako bide hauetako bat erabiliz:
a) Berraztertzeko errekurtsoa, Caparrosoko Udaleko Osoko Bilkurari zuzendua, hilabeteko epean, iragarki hau Nafarroako Aldizkari Ofizialean argitaratu eta biharamunetik hasita.
b) Administrazioarekiko auzi-errekurtsoa, zuzenean Nafarroako Justizia Auzitegi Nagusiko Administrazioarekiko Auzien Epaitegiari zuzendua, bi hilabeteko epean, iragarki hau Nafarroako Aldizkari Ofizialean argitaratu eta biharamunetik zenbatzen hasita.
c) Gora jotzeko errekurtsoa, Nafarroako Administrazio Auzitegiari zuzendua, hilabeteko epean, iragarki hau Nafarroako Aldizkari Ofizialean argitaratzen denetik hasita.
Caparroson, 2021eko apirilaren 13an.–Alkatea, Carlos Alcuaz Monente.
Iragarkiaren kodea: L2105898
