1. NAFARROAKO FORU KOMUNITATEA
1.7. BESTELAKOAK
JENDAURREAN EGOTEKO BIGARREN TRAMITEA “Orkoien” haize-parkea, Oltza zendeako eta Orkoiengo udal-mugarteetan (1214-CE).
2020ko ekainaren 23an, eta Nafarroan haize-parkeentzako baimenak arautzen dituen maiatzaren 8ko 56/2019 Foru Dekretuaren 7. artikuluan ezarritako ondorioetarako, Industriaren, Energiaren eta S3 Proiektu Estrategikoen Zuzendaritza Nagusiak jendaurrean jarri zuen Nordex Energy Orcoien SLk 2020ko maiatzaren 21ean aurkeztutako eskaera, “Orkoien” haize-parkeari (5,8 MW-ekoa) eta parketik energia ateratzeko azpiegiturei buruzkoa (13,2 kV-eko linea elektrikoa).
Sustatzaileak 2021eko urtarrilaren 13an bidalitako informazio osagarria jaso delarik, proiektuaren informazio publikoaren tramitea hasten da bigarrenez.
–Eskatzailea: Nordex Energy Orcoien, SL.
–Xedea: jendaurrean jartzea aurreproiektua eta ingurumen inpaktuaren azterketa, honako helburu hauekin: ingurumen inpaktuaren ebaluazio arrunta tramitatzeko prozedura abiaraztea eta aurretiazko administrazio baimena lortzea.
–Instalazioen deskribapena: “Orkoien” haize-parkea, 5,8 MW-ekoa, eta bertatik energia ateratzeko azpiegiturak (13,2 kV-eko linea elektrikoa).
–Proiektua baimentzeko eskumena duen organoa: Industriaren, Energiaren eta S3 Proiektu Estrategikoen Zuzendaritza Nagusia.
Informazioa ikusgai egonen da Industriaren, Energiaren eta S3 Proiektu Estrategikoen Zuzendaritza Nagusiko Industria Antolamenduaren, Azpiegitura Energetikoen eta Meatzeen Zerbitzuan, baita helbide honetan ere:
https://gobiernoabierto.navarra.es/eu/partaidetza/prozesuak/orkoien-parke-eolikoa-espediente-1214-ce
Interesdunek azter dezaten eta, nahi izanez gero, bidezkotzat jotzen dituzten iradokizunak eta oharrak egin ditzaten.
Alegazioak, iradokizunak edo oharrak idatziz aurkeztu beharko dira Industria Antolamenduaren, Azpiegitura Energetikoen eta Meatzeen Zerbitzuan (Tomás Caballero parkea 1, 5. solairua; 31005 Iruña), 30 egun balioduneko epean, iragarki hau Nafarroako Aldizkari Ofizialean argitaratu eta biharamunetik hasita.
Iruñean, 2021eko urtarrilaren 27an.–Industria Antolamenduaren, Azpiegitura Energetikoen eta Meatzeen Zerbitzuko zuzendaria, Laura Larraya Irigoyen.
Iragarkiaren kodea: F2101288
