2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ETXALAR
Oihan aprobetxamenduen enkantea
Etxalarko Udalak, behar bezala baimenduta, enkante publikoa eginen du, gutun-azal itxien prozedura erabiliz eta sesteorako eskubidearekin, honako oihan aprobetxamendu hauek saltzeko:
1. lotea:
Alderdiak: Arrizabaleta, Artzamena, Ezkututza, Galardi, Nabarrola, Salañeko borda, Unanegi (6b, 85ef, 15f, 13d, 84ifg, 19f, 20e, 67b, 18e, 83f unadak).
–Espeziea: P. nigra (Larizio), L. kaempferi (Alertze).
–Bolumena: 322,06 m³ zur eta 2.317,97 m³ enbor txiki.
–Oin kopurua: 17.529.
–Mozketa-mota: Bakantzea.
–Hasierako prezioa: 24.340,83 euro, BEZa kanpo.
2. lotea:
Alderdiak: Gorospil, Lurrizti, Otsobi, Zimitzu (94a, 3f, 5c, 28bf, 47ac unadak).
–Espeziea: P. radiata (Intsignis pinua), C. Lawsoniana (Lawson altzifrea), P. nigra (Larizio), L. kaempferi (Alertze).
–Bolumena: 895,42 m³ zur eta 383,75 m³ enbor txiki.
–Oin kopurua: 1.843.
–Mozketa-mota: erabatekoa, haizeak botatakoak.
–Hasierako prezioa: 25.455,57 euro, BEZa kanpo.
3. lotea:
Alderdiak: Hirusasi, Altxata, Arrakoitz, Olazarra, Zimeldiko erreka (25bd, 26hg, 42a, 55c, 56b, 94gh, 1d, 4defg, 5cfi unadak).
–Espeziea: Q. rubra (Amerikano), Castanea sp (Gaztainondoa), R. pseudoacacia (Akazia), P. hybrida (Platano), F. sylvatica, (Pagoa), F. excelsior (Lizarra), P. avium (Gerezia), A. pseudoplatanus (Astigarra), C. lawsonniana (Lawson).
–Bolumena: 2.599,00 m³ zur eta 1.145,00 m³ enbor txiki.
–Oin kopurua: 6.489.
–Mozketa-mota: erabatekoa, bakantzea.
–Hasierako prezioa: 88.914,90 euro, BEZa kanpo.
Proposamen ekonomikoak Etxalarko Udalaren Erregistro Orokorrean aurkeztu beharko dira 2021eko otsailaren 26ko 11:00k baino lehen; hasierako prezioaren %2 utzi izanaren gordekina ere aurkeztuko da proposamenarekin batera, eta onartutako ereduari lotuko zaio.
Eskaintza ekonomikoak Udalaren osoko bilkuren aretoan irekiko dira, 2021eko otsailaren 26an, 12:00etan.
Sesteorako epea bukatuko da 2021eko martxoaren 4an, 12:00etan.
Sesteoa izanez gero, bigarren enkantea 2021eko martxoaren 4an eginen da, 13:00etan, Etxalarko Udalaren osoko bilkuren aretoan.
Klausula ekonomiko-administratibo partikularren eta baldintza teknikoen agiriak interesdunen eskura daude Udal Idazkaritzan eta udaleko web-orrian (www.etxalar.eus).
Etxalarren, 2021eko urtarrilaren 20an.–Alkatea, Miguel María Irigoien Sanzberro.
Iragarkiaren kodea: L2101150