1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
2/2021 FORU AGINDUA, urtarrilaren 18koa, Toki Administrazioaren eta Despopulazioaren zuzendari nagusiak emana, Nafarroako toki erakundeetako B taldeko kontu-hartzaileen lanpostu hutsak gaikuntza duten funtzionarioen arteko merezimendu lehiaketa bidezko lekualdatzeaz betetzeko deialdian onartu diren izangaien behin betiko zerrenda onetsi eta argitaratzen duena.
Toki Administrazioaren eta Despopulazioaren zuzendari nagusiak azaroaren 25ean emandako 642/2020 Ebazpenaren bidez, Nafarroako toki erakundeetako B taldeko kontu-hartzaileen lanpostu hutsak gaikuntza duten funtzionarioen arteko merezimendu lehiaketa bidezko lekualdatzeaz betetzeko deialdia onetsi zen. Deialdi hori 2020ko 288. Nafarroako Aldizkari Ofizialean argitaratu zen, abenduaren 15ekoan.
Eskaerak aurkezteko epea bukaturik, bidezkoa da, deialdiaren 4.1. oinarrian ezarritakoari jarraikiz, onartu eta baztertu diren izangaien behin-behineko zerrenda onestea Toki Administrazioaren eta Despopulazioaren zuzendari nagusiaren ebazpen baten bidez, eta Nafarroako Aldizkari Ofizialean argitara dadila agintzea.
Nolanahi ere, deialdi horren 4.2 oinarrian xedatzen da izangai bazterturik ez bada, zuzenean onetsiko dela behin betiko zerrenda, eta Nafarroako Aldizkari Ofizialean argitaratuko.
Horregatik, eskuordetu dizkidaten ahalmenak erabiliz, zehazki, Lurralde Kohesiorako kontseilariaren uztailaren 1eko 35/2020 Foru Aginduaren bidez (Nafarroako Toki Administrazioari buruzko uztailaren 2ko 6/1990 Foru Legean ezarritako zenbait eskumen Toki Administrazioaren eta Despopulazioaren zuzendari nagusiari eskuordetzen dizkiona) eta urriaren 30eko 263/2019 Foru Dekretuaren bidez (Lurralde Kohesiorako Departamentuko egitura organikoa ezartzen duena) emandakoak,
EBAZTEN DUT:
1. Nafarroako toki erakundeetako B taldeko kontu-hartzaileen lanpostu hutsak gaikuntza duten funtzionarioen arteko merezimendu lehiaketa bidezko lekualdatzeaz betetzeko deialdian onartu eta baztertu diren izangaien behin betiko zerrenda onestea. Zerrenda eranskinean jaso da.
2. Ebazpen hau Nafarroako Aldizkari Ofizialean argitaratzea, behar diren ondorioak izan ditzan.
Iruñean, 2021eko urtarrilaren 18an.–Toki Administrazioaren eta Despopulazioaren zuzendari nagusia, Jesús María Rodríguez Gómez.
I. ERANSKINA
Onartuak:
AICUA ADRIAN, ANA JOSE
ALVAREZ PAEZ, ABEL
ESCRIBANO ITURRALDE, SONIA
GAINZA ORDOQUI, JOSE MARIA
GARCIA LERANOZ, ELISA
IRISARRI MORENO, ANA JULIA
MATEOS CRISOSTOMO, NURIA
ROMANO BLASCO, JOSE LUIS
URDANGARIN ZURUTUZA, IÑIGO
Baztertuak: inor ez.
Iragarkiaren kodea: F2100712
